Wednesday, August 24, 2016

"ဒေါ်အောင်ဆန်းစုကြည်နဲ့ နေပြည်တော်မှာ ဘာအကြောင်းအရာတွေဆွေးနွေးနေလဲ"

"ဒေါ်အောင်ဆန်းစုကြည်နဲ့ နေပြည်တော်မှာ ဘာအကြောင်းအရာတွေဆွေးနွေးနေလဲ"

24 August 2016

တစ်နိုင်ငံလုံးအပစ်ရပ်သဘောတူညီချက်လက်မှတ်ရေးထိုးထားတဲ့ တိုင်းရင်းသားလက်နက်ကိုင်အဖွဲ့တွေရဲ့ ငြိမ်းချမ်းရေးလုပ်ငန်းစဉ်ဦးဆောင်အဖွဲ့ (PPST)တို့ ဒေါ်အောာင်ဆန်းစုကြည်နဲ့ တွေ့ဆုံဆွေးနွေးနေပါတယ်။ နေပြည်တော် သင်္ဂဟဟိုတယ်မှာ ဒီနေ့ သြဂုတ်လ ၂၄ ရက် နံနက် ၁၀ နာရီမှာ ဆွေးနွေးပွဲစတင်ပြီး ၂၁ ရာစုပင်လုံညီလာခံနဲ့
ပတ်သက်ပြီး ဆွေးနွေးမှာ ဖြစ်ပါတယ်။

...
ရုပ်သံသတင်းထောက် - မြတ်သီဟမောင်
(7Day News ဂျာနယ်နဲ့ 7Day Daily သတင်းစာရဲ့ ရုပ်သံတင်ဆက်မှုတွေကို 7Day TV ဖေ့စ်ဘွတ်စာမျက်မှာ ၀င်ရောက် ကြည့်ရှုနိုင်မှာဖြစ်ပါတယ်။)
အောက်ပါလင်ခ့်တွေမှာလည်း ဝင်ရောက်ကြည့်ရှုနိုင်ပါတယ်။
https://youtu.be/5-u9Px_mlAU
http://www.7daydaily.com/video/73664

`` ၂၁ ရာစု ပင်လုံ ´´

`` ၂၁ ရာစု ပင်လုံ ´´
~~~~~~~~~~~~~~~~~~~~~~~~~~~

ယင်မအုံတဲ့ပင်လုံရေ
တောင်တန်းမြေက အောင်ဆန်းရေလို့ခေါ်နေတယ်
တိုင်းမြန်ပြည်ရဲ့ ငြိမ်းချမ်းရေးဟာ
တို့ပြည်သူတွေရဲ့ စိမ်းလန်းရေးပါ

လေးဆယ့်ခွန်ပင်လုံဟာ
နှစ်ခြောက်ဆယ် ယမ်းငွေ့တွေကြား
အသက်ရှူ ကျပ်နေဆဲ

မိုင်းထိပြီးကျဆုံးသွားသူတွေထဲ
အမည်မဖော်ရသေးတဲ့ ကလေးတွေပါသွားတယ်
ဖခင်မဲ့သွားတဲ့ သားသမီးတွေပေါ်လာတယ်
မိခင်မဲ့သွားတဲ့ အနာဂတ်တွေရှိလာတယ်

လက်ညှိုးလေးကွေးလိုက်လို့ထွက်သွားတဲ့ ကျည်ဆံဟာ
တိုင်းပြည်ရဲ့ အနာဂတ်ကိုမှန်တယ်
စာသင်ကျောင်းတွေလက်နက်ကြီးမှန်ခြင်းက
ိနိုင်ငံတော် ကျဆုံးခြင်းပဲ

စစ်အသုံးစရိတ်တွေလျော့ပေးပါ
ကျောင်းစာအုပ်တွေအလကားပေးပါ
ကျည်ဆန်တွေ ထုတ်မယ့်အစား
ပေါင်မုန့်တွေ ဖုတ်ပေးပါ

လူမျိုးစွဲဝါဒတွေ ဖယ်ထုတ်လိုက်ပါ
ဒေသစွဲ အယူအဆတွေ ချန်ခဲ့ပါ
အာဏာဖက်တွယ်လိုစိတ်တွေ ပြုပြင်ထားပါ
ဒါတွေက ၂၁ ရာစု ပင်လုံမှာ အသုံးမဝင်ဖူး

လက်နက်ကိုင်ပြီး တိုင်းပြည်တည်ဆောက်လို့မရတာ
LDC နိုင်ငံစာရင်းက သက်သေပြနေတယ်
အာဆီယံမှာ လစာအနည်းဆုံးစာရင်းက မျက်စောင်းထိုးပြနေတယ်
အလုပ်လက်မဲနှုန်းအများဆုံးစာရင်းကပြောတယ်
အမြန်လမ်းပေါ်က ကားမှောက်သေခြင်းက ပြတယ်
ကားကျပ်တဲ့ပြသနာတွေကိုကြည့်ရင်သိမယ်
ဒါတွေက လက်နက်ကိုင်တော်လှန်ရေးရဲ့ကျဆုံးခြင်းပဲ

စစ်မှန်တဲ့ ဖွံ့ဖြိုးရေး
စစ်မှန်တဲ့ ငြိမ်းချမ်းရေးဟာ
ပြည်သူတွေပါတဲ့ကြိုးပမ်းမှု
အမြင်မတူသူတွေပါတဲ့ လက်မှတ်ရေးထိုးမှု
တပ်မတော်ရဲ့ ငြိမ်းချမ်းရေးလိုလားမှု နဲ့
ပြည်သူကိုမျက်နှာမူပြီး
၂၁ ရာစုပင်လုံကို
အောင်ဆန်းမရှိပေမယ့်
အောင်ဆန်းသမီးနဲ့အတူ
ဝိုင်းဝန်ကြိုးပမ်းကြပါစို့လား......

တိမ်တမန်
၂၃ ၊ ၈ ၊ ၂၀၁၆


ရန်ကုန်မြို့သစ် စီမံကိန်းအား လာမည့်ပွင့်လင်းရာသီ၌ စတင်အကောင်အထည်ဖော်မည်

ရန်ကုန်မြို့သစ် စီမံကိန်းအား လာမည့်ပွင့်လင်းရာသီ၌ စတင်အကောင်အထည်ဖော်မည်
 
24 August 2016
============================================================
ယခင်အစိုးရ လက်ထက်က အကောင်အထည်ဖော်ရန် လုပ်ဆောင်ခဲ့သည့် ကြည့်မြင်တိုင် တစ်ဘက်ကမ်းရှိ ရန်ကုန်မြို့သစ် စီမံကိန်းအား လာမည့်ပွင့်လင်းရာသီမှ စတင်ကာ အကောင်အထည် ဖော်သွားမည်ဖြစ်ကြောင်း ရန်ကုန်တိုင်း ဒေသကြီး အစိုးရ အဖွဲ့ထံမှ သိရှိရသည်။
...
ယခင်အစိုးရ လက်ထက်က ကြည့်မြင်တိုင် တစ်ဘက်ကမ်းရှိ ရွာ ၉ ရွာပါဝင်သော မြေဧကသုံးသောင်း တွင် ရန်ကုန်မြို့သစ် စီမံကိန်းအား အကောင်အထည်ဖော်ရန် အတွက် မြန်မာ့စေတနာ အများပိုင် ကုမ္ပဏီအား လုပ်ကိုင်ခွင့်ပြုခဲ့ပြီး၊ တိုင်းဒေသကြီး လွှတ်တော်တွင် လွှတ်တော်ကိုယ်စားလှယ် အချို့၏ စီမံကိန်းပယ်ဖျက်ရန် အဆိုတင်သွင်းခဲ့သည့် နောက်ပိုင်း ပျက်ပြယ်ခဲ့သော်လည်း ၂၀၁၅ ခုနှစ် ဇူလိုင် ၁၂ ရက်တွင် ရန်ကုန်တိုင်း ဒေသကြီး အစိုးရအဖွဲ့က စီမံကိန်းအား လုပ်ဆောင်ရန် တင်ဒါခေါ်ယူခဲ့ ပြီးနောက် လျှောက်ထားသည့် ကုမ္ပဏီငါးဆယ်ကျော်အနက် ရန်ကုန် အနောက်တောင် ဒေသဖွံ့ဖြိုးရေး အများပိုင် ကုမ္ပဏီ၊ ရွှေပုပ္ပား ကုမ္ပဏီနှင့် Bussiness Capital City ကုမ္ပဏီ သုံးခုတို့အား လုပ်ကိုင်ခွင့် ပြုခဲ့ခြင်း ဖြစ်ကြောင်းလည်း သိရသည်။
လက်ရှိအစိုးရသစ် လက်ထက်တွင် ရန်ကုန်မြို့သစ် စီမံကိန်းအား ဆက်လက် လုပ်ကိုင်သွားမည် ဖြစ်သော်လည်း ယခင်အစိုးရ လက်ထက်က တင်ဒါအောင်မြင်ခဲ့သည့် ကုမ္ပဏီသုံးခုအပြင် လုပ်ကိုင်လို သည့် အခြားသော ကုမ္ပဏီများ အနေဖြင့်လည်း ယင်းမြို့သစ် စီမံကိန်းတွင် ပူးပေါင်းလုပ်ဆောင်လိုပါက ရန်ကုန်တိုင်း ဒေသကြီး အစိုးရ အဖွဲ့၏ ဦးဆောင် အနီးကပ် ကြီးကြပ်မှုနှင့်အတူ ပူးပေါင်း လုပ်ဆောင်နိုင်ရန် စီစဉ်ပေးသွားမည်ဖြစ်ကြောင်း သိရသည်။
ထို့ပြင် ယင်းစီမံကိန်းအား လာမည့်ပွင့်လင်းရာသီ၌ စတင် အကောင်အထည် ဖော်နိုင်ရန် အတွက် လက်ရှိတွင် နိုင်ငံတော် အစိုးရမှ မြေသိမ်းအမိန့်ရရှိပြီး ဖြစ်ကြောင်းနှင့် သိမ်းဆည်း လယ်မြေများအား မြေယာ လျော်ကြေးပေးရန် အတွက် ဆောင်ရွက်ရန် ရန်ကုန်တိုင်း ဒေသကြီး အစိုးရအဖွဲ့ အနေဖြင့် စီစဉ်လျက်ရှိကြောင်း ရန်ကုန်တိုင်း ဒေသကြီး အစိုးရအဖွဲ့မှ သတင်းရရှိသည်။
ကိုလူသစ်

ရခိုင်ပြည်နယ်အရေး ဖြေရှင်းဖို့ အကြံပေး ကော်မရှင်ဖွဲ့

ရခိုင်ပြည်နယ်အရေး ဖြေရှင်းဖို့ အကြံပေး ကော်မရှင်ဖွဲ့

24 August 2016
ကုလ အတွင်းရေးမှူးချုပ်ဟောင်း ကိုဖီအာနန်
မြန်မာနိုင်ငံ မှာ အငြင်းပွားစရာ၊ ရှုတ်ထွေး တဲ့ ပြဿနာ တရပ် ဖြစ်နေတဲ့ ရခိုင်ပြည်နယ် အရေးကိစ္စ ကို အဖြေရှာ ဖို့ အတွက် အကြံပေး ကော်မရှင် အဖွဲ့ ဖွဲ့လိုက်တဲ့ အကြောင်း၊ ဦးဆောင်မယ့် သူက ကုလသမဂ္ဂ အတွင်းရေးမှူးချုပ်ဟောင်း ကိုဖီအာနန် ဖြစ်တာ ကို မြန်မာ အစိုးရ က ထုတ်ပြန် ကြေညာ လိုက်ပါတယ်။ ရခိုင်ပြည်နယ် ရှိ ရိုဟင်ဂျာ မွတ်ဆလင် တွေ ဟာ မြန်မာနိုင်ငံသား အဖြစ်ခံယူခွင့် ငြင်းပယ် ခြင်း ကို ပြီးခဲ့တဲ့ လေးနှစ် လုံးလုံး ရင်ဆိုင်ခဲ့ရတဲ့ အပြင် ဗုဒ္ဓဘာသာဝင် တချို့ ရဲ့ တိုက်ခိုက်မှု ကို လည်း ခံခဲ့ရ တဲ့ အတွက် ဒုက္ခသည် စခန်း မှာ လူပေါင်း တသိန်းကျော် ခိုလှုံ နေကြ ပါတယ်။

ဒေါ်အောင်ဆန်းစုကြည် ဦးဆောင်တဲ့ အမျိုးသားဒီမိုကရေစီ အဖွဲ့ချုပ် အစိုးရ တက်လာတဲ့ အခါ မှာ ရခိုင်က လူမျိုးရေး ဘာသာရေး ပြဿနာ ကို ကိုင်တွယ် ဖြေရှင်းမှု မရှိဘူး ဆိုတဲ့ နိုင်ငံတချို့ ရဲ့ ဝေဖန်မှု တွေ လည်း ရှိခဲ့ပါတယ်။ ဒါပေမဲ့ အခုလို မမျှော်လင့် ပဲ အကြံပေး ကော်မရှင် ဖွဲ့လိုက်တဲ့ အတွက် အများ အံအားသင့်စရာ တော့ ဖြစ်သွားပါတယ်။

ရန်ကုန် အခြေစိုက် ဘီဘီစီ သတင်းထောက် ဂျိုနာဖစ်ရှာ ကတော့ အခုလို ကော်မရှင် အဖွဲ့ ဖွဲ့ ဖို့ ဆုံးဖြတ်လိုက်ခြင်း နဲ့ ကိုဖီ အာနန် ကို ဥက္ကဌ အဖြစ် ခန့်အပ်လိုက်ခြင်း ကို ကြည့်မယ် ဆိုရင် ဒေါ်အောင်ဆန်းစုကြည် ဟာ ရခိုင် ပြည်နယ် အရေး နဲ့ ပတ်သက် လို့ အကြံသစ် ဉာဏ်သစ် တွေ ကို နားထောင် ဖို့ လိုက်လျောမှု တခု အဖြစ် ပြင်ဆင် လိုက် တဲ့ အတွက် အရင် က မကြုံဖူးတဲ့ အခင်းအကျင်း ဖြစ်တဲ့ အကြောင်း၊ ဒေါ်အောင်ဆန်းစုကြည်ရဲ့ ရိုဟင်ဂျာတွေ အပေါ် ထားတဲ့ သဘောထား ဟာ တပ်မတော် ကျောထောက် နောက်ခံပြု တဲ့ အရင် အစိုးရ နဲ့ အနည်းငယ် ကွဲပြားမှု ရှိလာတယ် လို့ ဂျိုနာ ဖစ်ရှာ က သုံးသပ်ပါတယ်။

ရခိုင် ပြည်နယ် အရေး ကို ပီပီပြင်ပြင် ဖြေရှင်း တဲ့ အပိုင်း အထိ ရောက်မလာ သေးပေ မဲ့ အရင် က ဖုံးကွယ်ထားမှု ကို တော့ တစိတ်တပိုင်း လှစ်ဟ ပြသ လိုက်တဲ့ သဘော လို့ ဂျိုနာ ဖစ်ရှာ က ပြောပါတယ်။

အဆိုပါ ကော်မရှင် အဖွဲ့မှာ အဖွဲ့ဝင် ကိုးဦး ပါဝင် မှာ ဖြစ်ပြီး နိုင်ငံတကာ မှ သုံးဦး နဲ့ ပြည်တွင်း မှ ခြောက်ဦး ပါဝင် ပါတယ်။ အကြံပေး အဖွဲ့ အနေနဲ့ လည်း ရခိုင်ပြည်နယ် ဘက်ဆီ ကို ခရီးထွက်ယင်း ဒုက္ခသည် စခန်း က ရိုဟင်ဂျာတွေ နဲ့ တွေ့ဆုံဖွယ် လည်း ရှိပါတယ်။

BBC Burmese
http://www.bbc.com/burmese

လယ်ယာကဏ္ဍ၌ နိုင်ငံခြားရင်းနှီးမြှုပ်နှံမှု မဝင်ရောက်ခြင်းမှာ နိုင်ငံသားများက ဖက်စပ်ရင်းနှီးမြှုပ်နှံနိုင်စွမ်း မရှိခြင်းကြောင့်ဟုဆို

လယ်ယာကဏ္ဍ၌ နိုင်ငံခြားရင်းနှီးမြှုပ်နှံမှု မဝင်ရောက်ခြင်းမှာ နိုင်ငံသားများက ဖက်စပ်ရင်းနှီးမြှုပ်နှံနိုင်စွမ်း မရှိခြင်းကြောင့်ဟုဆို
Wednesday, August 24, 2016
 
လယ်ယာကဏ္ဍတွင် နိုင်ငံခြား ရင်းနှီးမြှုပ်နှံမှု မဝင်ရောက်ရခြင်းမှာ ပြည်တွင်း၌ အခြေခံ အဆောက်အဦ လိုအပ်ချက်များအပြင် နိုင်ငံသားများက ဖက်စပ်ရင်းနှီး မြှုပ်နှံနိုင်မည့် ငွေကြေးပမာဏ မရှိခြင်းကြောင့် ဖြစ်ကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာနထံမှ သိရသည်။
...
နိုင်ငံခြားသား လုပ်ငန်းရှင်တစ်ဦးက လယ်ယာကဏ္ဍတွင် ရင်းနှီးမြှုပ်နှံလိုပါက ရာနှုန်းပြည့်မရဘဲ ၄၉ ရာခိုင်နှုန်းသာ ရင်းနှီးမြှုပ်နှံခွင့်ရှိပြီး ပြည်တွင်းလုပ်ငန်းရှင်က ကျန်ရှိသည့် ၅၁ ရာခိုင်နှုန်းကို ရင်းနှီးမြှုပ်နှံရကြောင်း၊ ယင်းကဲ့သို့ ဖက်စပ် ရင်းနှီးမြှုပ်နှံရာတွင် ရင်းနှီးမြှုပ်နှံမှု ပမာဏနည်းသည့်အခါ ပြဿနာမရှိသော်လည်း အမေရိကန်ဒေါ်လာ သန်းချီ၍ ရင်းနှီးမြှုပ်နှံသည့်အခါ ပြည်တွင်းလုပ်ငန်းရှင်က မလိုက်နိုင်သည့် အခြေအနေများကြောင့် နိုင်ငံခြား ရင်းနှီးမြှုပ်နှံမှု အများအပြား မဝင်ရောက်ခြင်းဖြစ်ကြောင်း ယင်းဌာနမှ ဒုတိယညွှန် ကြားရေးမှူးချုပ် ဦးသန်းအောင်ကျော်က ပြောကြားသည်။
ယခင်အစိုးရ လက်ထက်က ရင်းနှီးမြှုပ်နှံမှု တိုးတက်အောင် လုပ်ရမည့်ကဏ္ဍတွင် စက်မှုနှင့် လယ်ယာပါဝင်ခဲ့ပြီး လယ်ယာကဏ္ဍတွင် နိုင်ငံခြား ရင်းနှီးမြှုပ်နှံမှုမှာ ဝင်ရောက်မှု မရှိသလောက် နည်းပါးခဲ့ပြီး လက်ရှိအချိန်အထိ သုညဒသမ ၅ ရာခိုင်နှုန်းသာ ရင်းနှီးမြှုပ်နှံမှု ရှိသေးကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာနထံမှ သိရသည်။
လက်ရှိအချိန်တွင် ရင်းနှီးမြှုပ်နှံမှု မူဝါဒကို ထုတ်ပြန်နိုင်ရန် ဆောင်ရွက်နေကြောင်း ယင်းမူဝါဒတွင် ရင်းနှီးမြှုပ်နှံမှု ဦးစားပေး တိုးတက်အောင်လုပ်မည့် ကဏ္ဍ၌ လယ်ယာကဏ္ဍ ပါဝင်သည်ဖြစ်စေ၊ မပါဝင်သည်ဖြစ်စေ ယင်းကဏ္ဍသို့ နိုင်ငံခြား ရင်းနှီးမြှုပ်နှံမှု ဝင်ရောက်ရန် အခက်အခဲ ဖြစ်နေသည့် အချက်များကို ဖြေလျှော့သွားမည်ဖြစ်ကြောင်း ဦးသန်းအောင်ကျော်က ဆိုသည်။
လယ်ယာကဏ္ဍတွင် ရင်းနှီးမြှုပ်နှံမှု မဝင်ရောက်ခြင်းမှာ လမ်းပန်းဆက်သွယ်ရေး အခက်အခဲကြောင့်ဖြစ်ပြီး အခြေခံ အဆောက်အဦ လိုအပ်ချက်ကို ဖြည့်ဆည်းပြီးမှသာ ရင်းနှီးမြှုပ်နှံမှု ဝင်ရောက်လာနိုင်ကြောင်း ဆန်ကုန်သည် ဦးကျော်မြင့် ပြောဆိုသည်။
The VOice

ဒေါ်လာဈေးမြင့်၍ ပြည်တွင်းရွှေဈေး အမြင့်ဆုံးရောက်

ဒေါ်လာဈေးမြင့်၍ ပြည်တွင်းရွှေဈေး အမြင့်ဆုံးရောက်
Wednesday, August 24, 2016
 
ဒေါ်လာဈေး မြင့်တက်မှု အရှိန်ကြောင့် ပြည်တွင်း အခေါက်ရွှေဈေးမှာ တစ်ကျပ်သားလျှင် ၈၆၁,၀၀၀ ကျပ်အထိ မြင့်တက်ပြီး ဈေးအမြင့်ဆုံးသို့ ရောက်ရှိလာကြောင်း ရွှေဈေးကွက်အတွင်းမှ သိရသည်။
...
"ကမ္ဘာ့ရွှေဈေး အေးနေပေမယ့် ပြည်တွင်းရွှေဈေးကတော့ အမြင့်ပိုင်းမှာပဲ ရှိနေပါမယ်။ ဒေါ်လာဈေး တက်နေရင်တော့ ရွှေဈေးကလည်း လိုက်တက်နေမှာပါ" ဟု ရန်ကုန်တိုင်းဒေသကြီး ရွှေလုပ်ငန်းရှင်များ အသင်းဥက္ကဋ္ဌ ဦးဝင်းမြင့်က သုံးသပ်ပြောကြားသည်။
သြဂုတ်လ ၂၂ ရက်နေ့က ပြည်တွင်း အခေါက်ရွှေ အဖွင့်ဈေးမှာ တစ်ကျပ်သားလျှင် ၈၅၇,၀၀၀ ကျပ်ဖြစ်ပြီး သြဂုတ်လ ၂၃ ရက်နေ့၌ အခေါက်ရွှေ တစ်ကျပ်သားလျှင် ၈၆၁,၀၀၀ ကျပ်အထိ မြင့်တက်လာကြောင်း အခေါက်ရွှေ လက်ကားဈေးကွက်အတွင်းမှ စုံစမ်းသိရှိရသည်။
ပြင်ပ ဒေါ်လာဈေးနှုန်းများသည် သြဂုတ်လ ဒုတိယပတ်အတွင်းမှ စတင်၍ မြင့်တက်လာခြင်းဖြစ်ပြီး သြဂုတ်လ ၁၉ ရက်နေ့က တစ်ဒေါ်လာလျှင် ၀ယ်ဈေး/ရောင်းဈေး ရှစ်ကျပ်အထိ မြင့်တက်ခဲ့ရာမှ ယခုအခါ တစ်ဒေါ်လာလျှင် ၀ယ်ဈေး/ရောင်းဈေး ၁၅ ကျပ်ခန့်အထိ ထပ်မံမြင့် တက်ကြောင်း၊ ဗဟိုဘဏ်သတ်မှတ် ငွေလဲနှုန်းသည်လည်း သြဂုတ်လ ၁၉ ရက်နေ့ကထက် တစ်ဒေါ်လာလျှင် ခုနစ်ကျပ်ခန့်အထိ ထပ်မံမြင့်တက်ကြောင်း ငွေကြေးဈေးကွက်အတွင်းမှ သိရသည်။
ဈေးနှုန်း မြင့်တက်နေသော်လည်း အမေရိကန်ဒေါ်လာ ၀ယ်လိုအား ကောင်းမွန်လျက်ရှိပြီး တစ်ဒေါ်လာလျှင် ၁၂၀၀ ကျော် အောက်သို့ ကျဆင်းရန်မှာ မလွယ်ကူနိုင်ကြောင်း ဈေးကွက်ကျွမ်းကျင်သူများက ပြောဆိုသည်။
ပြင်ပဒေါ်လာဈေးကွက်အတွင်း သြဂုတ်လ ၁၉ ရက်နေ့က တစ်ဒေါ်လာလျှင် ၀ယ်ဈေး ၁၁၉၇ ကျပ်၊ ရောင်းဈေး ၁၂၀၀ ကျပ်မှ သြဂုတ်လ ၂၃ ရက်နေ့၌ တစ်ဒေါ်လာလျှင် ၀ယ်ဈေး ၁၂၁၂ ကျပ်၊ ရောင်းဈေး ၁၂၁၄ ကျပ်အထိ မြင့်တက်လာပြီး ဗဟိုဘဏ်လဲနှုန်းသည် သြဂုတ်လ ၁၉ ရက်နေ့က တစ်ဒေါ်လာလျှင် ၁၁၉၀ ကျပ်မှ သြဂုတ်လ ၂၃ ရက်နေ့တွင် တစ်ဒေါ်လာလျှင် ၁၁၉၅ ကျပ်အထိ မြင့်တက်ကြောင်း ပြင်ပ ငွေလဲကောင်တာများနှင့် ဗဟိုဘဏ်၏ နေ့စဉ်ဒေါ်လာ လဲလှယ်နှုန်း ထုတ်ပြန်ချက်များအရ သိရသည်။
The Voice

ရခိုင်ပြည်လွတ်မြောက်ရေးပါတီမှ NCA တွင် လက်မှတ်ရေးထိုးရခြင်းနှင့် ၂၁ ရာစု ပင်လုံညီလာခံ တတ်ရောက် ဆွေးနွေးမည့် ကိစ္စရပ်များနှင့် ပတ်သတ်၍ သတင်းစာ ရှင်းလင်းပွဲ ပြုလုပ်

ရခိုင်ပြည်လွတ်မြောက်ရေးပါတီမှ NCA တွင် လက်မှတ်ရေးထိုးရခြင်းနှင့် ၂၁ ရာစု ပင်လုံညီလာခံ တတ်ရောက် ဆွေးနွေးမည့် ကိစ္စရပ်များနှင့် ပတ်သတ်၍ သတင်းစာ ရှင်းလင်းပွဲ ပြုလုပ်
 
24 August 2016
------ ----- -----
ရခိုင်ပြည်နယ်၊ မင်းပြားမြို့ပေါ်တွင် ရခိုင်ပြည် လွတ်မြောက်ရေးပါတီမှ တစ်နိုင်ငံလုံး အပစ်အခတ်ရပ်စဲရေး သဘောတူစာချုပ်(NCA)တွင် လက်မှတ်ရေးထိုးရခြင်းနှင့် ၂၁ ရာစု ပင်လုံညီလာခံတွင် တတ်ရောက် ဆွေးနွေးမည့် ကိစ္စရပ်များနှင့် ပတ်သတ်၍ သတင်းစာ ရှင်းလင်းပွဲ တစ်ရပ်အား သြဂုတ်လ ၂၃ ရက်က ပြုလုပ်ခဲ့ကြေ...ာင်း သိရှိရသည်။
“အဓိက အချက်က ပြည်သူတွေကို ကျွန်တော်တို့ ဘာလုပ်နေတယ် ဆိုတာကို ပြည်သူတွေကို လာရောက် အသိပေးရခြင်း ဖြစ်ပါတယ်။ လာမယ့် ၂၁ ရာစု ပင်လုံညီလာခံမှာ ရခိုင်ပြည်သူတွေအတွက် ဘာတွေ ဆွေးနွေး တင်ပြမယ် ဆိုတာကို အသိပေးတာပါ” ဟု ရခိုင်ပြည်လွတ်မြောက်ရေး ပါတီ၏ ဗဟိုကော်မတီဝင် ဗိုလ်မှူးကြီး ခိုင်မာယုက ပြောသည်။
ရခိုင်ပြည်လွတ်မြောက်ရေးပါတီ အနေဖြင့် ၂၁ ရာစု ပင်လုံညီလာခံတွင် ပြည်ထောင်စုအစိုးရနှင့် ပြည်နယ် အစိုးရကြား အာဏာခွဲဝေမူအား ပြုပြင်ပြောင်းလဲရေး၊ ပြည်နယ်၊ တိုင်းဒေသကြီးအတွင်းရှိ မဲဆန္ဒရှင်များမှ တိုက်ရိုက် သော်လည်းကောင်း၊ သွယ်ဝိုက်၍ လည်ကောင်း ရွှေးချယ်ခွင့်ပေးရန် စသည့် အချက် လေးချက်အား တင်ပြဆွေးနွေးမည် ဖြစ်သည်။
“အစိုးရကို ယုံလို့ လက်မှတ်ထိုးထားတာ မဟုတ်ပါဘူး။ စစ်မှန်တဲ့ ဖယ်ဒရယ်ပြည်ထောင်စု ရရှိရေးအတွက် ဆောင်ရွက်နေပါတယ်”ဟု ရခိုင်ပြည် လွတ်မြောက်ရေးပါတီ၏ ဗဟိုကော်မတီဝင် စောမပုစိန်က ပြောသည်။
ရခိုင်ပြည်လွတ်မြောက်ရေးပါတီ အနေဖြင့် ရန်ကုန်၊ စစ်တွေ၊ မြောက်ဦး၊ ကျောက်တော်၊ ရမ်းဗြဲ၊ ရသေ့တောင်မြို့ တို့တွင်လည်း လူထုတွေ့ဆုံပွဲများ ပြုလုပ်ခဲ့ကြောင်း သိရသည်။
MMK
The Ladies News

ရထားလမ်းနှင့် ကားလမ်းနှစ်မျိုးပါဝင်သည့် ဧရာဝတီတံတား(ဟင်္သာတ) တည်ဆောက်မည်

 
 ရထားလမ်းနှင့် ကားလမ်းနှစ်မျိုးပါဝင်သည့် ဧရာဝတီတံတား(ဟင်္သာတ) တည်ဆောက်မည်
 
 
 
မန်းဂျော်နီ's photo.
 
 
 

 ===================================
ရထားလမ်းနှင့် ကားလမ်းနှစ်မျိုးပါဝင်သည့် ဧရာဝတီတံတား(ဟင်္သာတ) တည်ဆောက်မည်
▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄
နေပြည်တော် သြဂုတ် ၂၂
ဧရာဝတီတံတား(ဟင်္သာတ) စီမံကိန်းတည်ဆောက်ရေးအတွက် စီမံကိန်းအ ကောင်အထည်ဖော်နိုင်စွမ်းလေ့လာမှုကို ပို့ဆောင်ရေးနှင့်ဆက်သွယ်ရေးဝန်ကြီးဌာန အောက်ရှိ မြန်မာ့မီးရထားဌာနနှင့်ညှိနှိုင်းပြီး ရထားလမ်းနှင့်ကားလမ်းနှစ်မျိုး ပါဝင်သည့် တံတားအမျိုးအစားတည်ဆောက်နိုင်ရေး ဆောင်ရွက်လျက်ရှိကြောင်း ဆောက်လုပ်ရေး ၀န်ကြီးဌာန ပြည်ထောင်စုဝန်ကြီး ဦးဝင်းခိုင်က ပြောကြားသည်။
ပြည်ထောင်စုဝန်ကြီးက စီမံကိန်းနှင့်ဘဏ္ဍာရေးဝန်ကြီးဌာနသို့ စီမံကိန်းအဆိုပြု လွှာ တင်ပြလျှောက်ထားပြီး ဂျပန်နိုင်ငံ၏ ချေးငွေရရှိနိုင်ရန် ညှိနှိုင်းဆောင်ရွက်ရမည် ဖြစ်ကြောင်း၊ ရရှိပြီးပါက စီးပွားရေးရာကော်မတီမှ တစ်ဆင့် နိုင်ငံတော်သမ္မတရုံး၏ ခွင့်ပြုချက်နှင့် ပြည်ထောင်စုအစိုးရအဖွဲ့အစည်းအဝေးသို့ တင်ပြအတည်ပြုချက်ရယူပြီး ပြည်ထောင်စုလွှတ်တော်၏ အဆုံးအဖြတ်ရယူ၍ တည်ဆောက်သွားမည်ဖြစ်ကြောင်း ပြောကြားသည်။
ယနေ့ကျင်းပသည့် ဒုတိယအကြိမ် အမျိုးသားလွှတ်တော် ဒုတိယပုံမှန် အစည်း အဝေး ၁၈ ရက်မြောက်နေ့တွင် ဧရာဝတီတိုင်းဒေသကြီး မဲဆန္ဒနယ်အမှတ်(၄)မှ ဦးထိန်ဝင်း၏ “ဧရာဝတီတိုင်းဒေသကြီး ဟင်္သာတမြို့နှင့် ပဲခူးတိုင်းဒေသကြီး လက်ပံတန်း မြို့နယ် သာရဝေါကျေးရွာတို့ကို ဆက်သွယ်ပေးမည့် ဧရာဝတီမြစ်ကူးတံတား တည် ဆောက်ပေးရန် အစီအစဉ်ရှိ/မရှိ” မေးခွန်းနှင့်စပ်လျဉ်း၍ ပြည်ထောင်စုဝန်ကြီးက အထက်ပါအတိုင်း ဖြေကြားခဲ့ခြင်းဖြစ်သည်။
ထို့ပြင် တံတားကြီးတည်ဆောက်ပြီးပါက အချိန်အခါမရွေး အန္တရာယ်ကင်းရှင်းစွာ သွားလာနိုင်မည့်အပြင် ဟင်္သာတခရိုင်၊ ပုသိမ်ခရိုင်အပါအ၀င် ဧရာဝတီတိုင်းဒေသကြီးမှ လယ်ယာထွက်ကုန်များ၊ ရေထွက်ကုန်များ၊ ကြံခင်းမှဘိလပ်မြေများကို ဟင်္သာတမှ တစ်ဆင့် တံတားကြီးကိုဖြတ်သန်း၍ သာရဝေါ-လက်ပံတန်း-ပြည်မှတစ်ဆင့် မြန်မာပြည် အထက် ပိုင်းသို့လည်းကောင်း၊ ရန်ကုန်တိုင်းဒေသကြီးဘက်သို့လည်းကောင်း၊ မင်းလှ-စိန်ကန့် လန့်လမ်းမှ ပဲခူးရိုးမကိုကျော်ဖြတ်ပြီး ရန်ကုန်-မန္တလေးအမြန်လမ်းနှင့် ရန်ကုန်-မန္တလေး လမ်းဟောင်း ကျောက်တံခါးမြို့သို့ ရောက်ရှိနိုင်ပြီး မြန်မာပြည်တစ်ဝန်းသို့ ပို့ဆောင် ဆက်သွယ်သွားလာနိုင်မည်ဖြစ်သဖြင့် နိုင်ငံတော်၏ လူမှုစီးပွားရေးဘ၀ဖွံ့ဖြိုး တိုးတက်လာမည်ဖြစ်ကြောင်း။
ယခုအချိန်တွင် ကုန်တင်ယာဉ်ကြီးများ အသုံးပြုသယ်ယူပို့ဆောင်နေသည့် အခြေအနေမှ မီးရထားလမ်းထည့်သွင်း တည်ဆောက်ခြင်းအားဖြင့် ကုန်ပစ္စည်းများ ကို မီးရထားဖြင့်သယ်ယူပို့ဆောင်မည်ဆိုပါက ကုန်စည်ဈေးနှုန်းများလည်း လျော့နည်း သက်သာနိုင်မည်ဖြစ်ပါကြောင်း၊ ဧရာဝတီ(ဟင်္သာတ)တံတားကြီးကို အတိုးနှုန်းသက် သာသော နိုင်ငံခြားချေးငွေဖြင့်တည်ဆောက်ခြင်းဖြင့် နိုင်ငံတကာအဆင့်မီ တံတားကြီး တစ်စင်း ရရှိမည်ဖြစ်သည့်အပြင် မြန်မာအင်ဂျင်နီယာများလည်း နိုင်ငံတကာအဆင့်မီ နည်းပညာများ ရရှိလာမည်ဖြစ်ပါကြောင်း ပြည်ထောင်စုဝန်ကြီးက ဖြေကြားသည်။
Ref: MOI Webportal Myanmarhttps://www.facebook.com/MOIWebportalMyanmar/posts/950933868367813

မန်းဂျော်နီ's photo.
မန်းဂျော်နီ's photo.
 
 

၂၁ပင်လုံညီလာခံကိုကျေးရွာလုံးကျွတ်ကြိုဆိုထောက်ခံ ၊ ပြည်တွင်းငြိမ်းချမ်းရေးအတွက်ဆန္ဒပြုလက်မှတ်ရေးထိုး

#၂၁ပင်လုံညီလာခံကိုကျေးရွာလုံးကျွတ်ကြိုဆိုထောက်ခံ
#ပြည်တွင်းငြိမ်းချမ်းရေးအတွက်ဆန္ဒပြုလက်မှတ်ရေးထိုး

24 August 2016

မကွေးတိုင်းဒေသကြီး၊တောင်တွင်းကြီးမြို့နယ်၊ ဆူးကောက်ကြီးအုပ်စု၊ချင်းကုန်းကျေးရွာတွင် သြဂုတ်�လ ၂၂ ရက်နေ့က ၂၁ ပင်လုံညီလာခံကို ထောက်ခံကြိုဆိုဂုဏ်ပြု ပြီး ပြည်တွင်းငြိမ်းချမ်းရေးကို အမှန်တကယ်လိုလားသူ ပြည်သူအများစုပေါင်းပြီး ကျေးရွာလုံးကျွတ်စုပေါင်းလက်မှတ်ရေးထိုးပွဲကြီး ကျင်းပပြုလုပ်ခဲ့ပါတယ်။
ချင်းကုန်းကျေးရွာအတွင်း အိမ်ထောင်စုပေါင်း ၂၅၀ ရှိသော်လည်း စုစုပေါင်းဆန္ဒမဲလက်မှတ် (၅၀၀) ကျော်ခန့်ရရှိခဲ့ပါတယ်။

ချင်းကုန်းကျေးရွာမှ ပြည်တွင်းငြိမ်းချမ်းရေးကိုလိုလားသူ ပြည်သူများအား လေးစားဂုဏ်ပြုအပ်ပါတယ်။


Aung KyawKyaw











လက်နက်ကိုင်ထားမှ ငြိမ်းချမ်းရေးရမှာလား နဲ့ မေးခွန်းများ - အပိုင်း ၁

2016 အာဇာနည်နေ့ မြင်ကွင်း


ဗိုလ်ထက်မင်း - လက်နက်ကိုင်ထားမှ ငြိမ်းချမ်းရေးရမှာလား နဲ့ မေးခွန်းများ - အပိုင်း ၁
(မိုးမခ) သြဂုတ် ၂၃၊ ၂၀၁၆

၁။ ယခင်အစိုးရလက်ထက်ကတည်းက အချိန်ယူဆွေးနွေး သဘောတူခဲ့ပြီးမှ NCA စာချုပ်မူကြမ်းကို (AA, MNDAA, TNLA) ၃ဖွဲ့မပါလို့ဆိုကာ ကျန်တဲ့(၈)ဖွဲ့နဲ့ UWSA, NDAA တို့က လက်မှတ်မထိုးခဲ့တာ ဖြစ်ပါတယ်။ မိုင်းလားအဖွဲ့ဥက္ကဌ ဦးစိုင်းလင်းရဲ့ကြားဝင်ညှိနှိုင်းမှု ဖြင့် ၂၀၁၆ သြဂုတ်လ ၉ ရက် နေ့ မိုင်းလားမှာ ငြိမ်းချမ်းရေးကော်မရှင်မှ ဦးသိန်းဇော် ၊ ဦးခင်ဇော်ဦး ၊ ဦးအောင်ကြည်တို့နှင့် PSLF/ TNLA ဥက္ကဌ မိုင်အိုက်ဖုန်း၊ ULA/ AA  ဥက္ကဌ ဦးထွန်းမြတ်နိုင် MNDAA ဥက္ကဌ ဖုန်တရွှင်၊ အတွင်းရေးမှူး ဦးထွန်းမြတ်လင်းတို့ တွေ့ဆုံခဲ့ပါတယ်။

၎င်းဆွေးနွေးပွဲတွင် ငြိမ်းချမ်းရေးကော်မရှင် တာဝန်ရှိသူများဘက်မှ အဆိုပါ ၃ ဖွဲ့ပါ ကြေငြာချက်တခု ထုတ်ပြန်ရန် တောင်းဆိုခဲ့ရာ “လက်နက်ကိုင်လမ်းစဉ်အား ချုပ်ငြိမ်းရေး” ဆိုသည်ကို အဆိုပါ ၃ ဖွဲ့က လက်မခံခဲ့သလို  အဆိုပါ ၃ ဖွဲ့ သုံးစွဲလိုသည့် ” လက်နက်ကိုင်ပဋိပက္ခ ဖြေရှင်းရေး” ဆိုသည်ကိုလည်း ငြိမ်းချမ်းရေးကော်မရှင်ဘက်မှ သွား ရောက်ဆွေးနွေးသူများက လက်မခံနိုင်သဖြင့် ဆွေးနွေးပွဲပျက်ပြယ်ခဲ့ပါတယ်။

ဒါဆိုရင် ဒီလို အဖုအထစ်တွေဟာ ဖြစ်သင့်သလား၊ ဒါ့အပြင် သြဂုတ်လ ၃၁ ရက်နေ့ ၂၁ ရာစု ပင်လုံညီလာခံကျင်းပမှာကို အချိန်တိုတောင်းလွန်းတယ်။ အခုမှ ဆွေးနွေးပွဲစားပွဲဝင်ခါစ ဖြစ်လို့ လက်မှတ်မထိုးတဲ့အဖွဲတွေက စိုးရိမ်နေတယ် ဆိုတာ တကယ်ဘဲ မြန်နေလို့လား၊ တကယ်တော့ ပြည်သူလူထုငြိမ်းချမ်းရေး ငတ်မွတ်မှူကို အားလုံးသိပြီးသားဖြစ်ရာ ကြန့်ကြာနေတယ်ဆိုရင် မှန်သလား၊ အချိန်ပေးသင့်တယ်ဆိုတာ အတိုင်းအတာတခုရှိသင့်ပေမဲ့ ဒီကြန့်ကြာနေရတဲ့ အကြောင်းရင်းမှာ အထက်ပါ (၃) ဖွဲ့မပါလို့ ဆိုတာ မှန်ရဲ့လား။ All Inclusive ဖြစ်ဖို့  လိုအပ်တယ်ဆိုတဲ့ အချက်ကို ထောက်ပြီး အင်အားချဲ့ထွင်ဖို့အချိန်ဆွဲနေတာလား၊ ရိုသားပွင့်လင်းမှု ရှိရဲ့လား၊ မယုံကြည်မှု လွန်လွန်းနေလား ၊ All Inclusive ကို ဘယ်လိုပေတံတွေနဲ့တိုင်းတာနေကြဦးမှာလဲ၊ ဒီ (၃) ဖွဲ့အပါအဝင် NCA လက်မှတ် မထိုးတဲ့ အချို့ Armed Ethnics အဖွဲ့များဟာ ငြိမ်းချမ်းရေးကို ဖေါ်ဆောင်နိုင်စွမ်းကော ရှိရဲ့လား၊ အဲဒီ(၃)ဖွဲ့မပါလို့ မထိုးတဲ့ အချို့ Armed Ethnics တွေဟာ သူတို့လူထုရဲ့ ဆန္ဒသဘောထားထက် သူတို့ဖာသာ တဖက်သတ်လုပ်တာကော မဖြစ်နိုင်ဖူးလား၊ ငြိမ်းချမ်းရေးလိုလားတဲ့ ပြယုဒ်ကော ရှိရဲ့လား၊ လက်နက်ကိုင်ထားမှ ငြိမ်းချမ်းရေးရမှာလား၊ လက်နက်ကိုင်တဲ့ ငြိမ်းချမ်းရေးက ဘာလဲ ဘယ်လဲ၊ စည်းလုံးခြင်းရဲ့ အင်အားကို မတည်ဆောက်ကြတော့ဖူးလား၊ စတဲ့ မေးခွန်းတွေပေါ် ထွက်လာပြီး ထွက်လာတဲ့ အကြောင်းရင်းအတွက်  Political and Military Strategic Thinking Thought တွေးခေါ်မြော်မြင်မှုအရ စဉ်းစားသုံးသပ်ကြည့်ဖို့ လိုပါတယ်။

၂။ နိုင်ငံရေး၊ စစ်ရေး မဟာဗျုဟာမြောက် တွေးခေါ်မြော်မြင်မှုအရ အောက်ပါအတိုင်း ခွဲခြား စိတ်ဖျာရပါမယ်။

(က) အစိုးရနဲ့ တပ်မတော်အကြား ယုံကြည်မှု၊ နားလည်မှု

(ခ) အစိုးရနဲ့ တိုင်းရင်သားလက်နက်ကိုင်အဖွဲ့များအကြား ယုံကြည်မှု၊ နားလည်မှု

(ဂ) တပ်မတော်နဲ့ တိုင်းရင်းသားလက်နက်ကိုင်အဖွဲ့များအကြား ယုံကြည်မှု၊ နားလည်မှု

(ဃ) တပ်မတော်က All inclusive ပါဖို့ မူလသတ်မှတ်ထားချက်မူကို ဖြေလျော့လိုက်ရင် စိန်ခေါ်လာ နိုင်မှုများ

(င) လက်နက်မကိုင်ထားတဲ့ ပြည်သူလူထုအချင်းချင်း ယုံကြည်မှု၊ နားလည်မှု

(စ) နယ်မြေသတ်မှတ်တာက လက်နက်ကိုင်တွေ အချင်းချင်း သတ်မှတ်တာလား၊ ဒါမှမဟုတ် လူနည်းစု၊ လူများစု မဲဆန္ဒအပေါ် အခြေခံပြီး အတူတကွနေထိုင်ရေး ဘုံမူဝါဒနဲ့ အတူတကွ နယ်မြေတွေ သတ်မှတ်ကြတာလား

(ဆ) လက်နက်ကိုင်တွေနဲ့ လက်နက်မဲ့ ပြည်သူလူထု အကြား ဘယ်လို အတူတကွ ဘုံသဘောတူညီချက်တွေနဲ့ နေထိုင်ကြဖို့ စဉ်းစားမှာလဲ၊ သူတို့ရဲ့စားဝတ်နေရေးအတွက် ဘယ်လိုဖြေရှင်းမလဲ၊ တပ်မတော်နဲ့ ဘယ်လို ပူးပေါင်းသွားကြမလဲ၊ မပူးပေါင်းရင် ဘယ်လိုစခန်းဆက်သွားမလဲ၊

(ဇ) တိုင်းရင်းသားလက်နက်ကိုင်တွေ အချင်းချင်း၊ တပ်မတော်နဲ့တိုင်းရင်းသားလက်နက်ကိုင်တွေ တိုက်ပွဲတွေ ဘာကြောင့်ဖြစ်နေရတာလဲ

(ဈ) အချိန်အတိုင်းအတာထက် ကျော်လွန်လာရင် ငြိမ်းချမ်းရေးစားပွဲကို မရောက်လာနိုင်တဲ့ တိုင်းရင်းသားလက်နက်ကိုင်အဖွဲ့တွေရဲ့ အနာဂတ် ဘယ်လိုလဲ


(က) အစိုးရနဲ့ တပ်မတော် အကြား ယုံကြည်မှု၊ နားလည်မှု

နိုင်ငံရေးကျွမ်းကျင်သူ ဦးကျော်ဝင်းက အစိုးရနဲ့ တပ်မတော်အကြား ဆက်ဆံရေးနဲ့စပ်လျဉ်ပြီး The Voice ဂျာနယ်မှာ ဖေါ်ပြထားတာ ကောက်နှူတ်ဖေါ်ပြပေးလိုက်ပါတယ်။
ဒေါ်အောင်ဆန်းစုကြည် ဦးဆောင်သော အစိုးရနှင့် တပ်မတော်တို့၏ ဆက်ဆံရေးမှာ ကသိကအောက်နိုင်သော အတူနေခြင်းလို ဖြစ်နေရသည်။ အဆိုပါ ဆက်ဆံရေး၏ အရည်အသွေးသည်ပင် အောင်မြင်မှု၏ သော့ချက်အကျဆုံး အဆုံးအဖြတ် ပေးမည့်အရာ ဖြစ်နေတော့သည်။ အစိုးရသစ်နှင့် တပ်မတော်တို့၏ ဆက်ဆံရေးမှာ အမှန်ပင် ရှုပ်ရှုပ် ထွေးထွေးဟု ဆိုရပါလိမ့်မည်။ ဒေါ်အောင်ဆန်းစုကြည်နှင့် တပ်မတော် ကာကွယ်ရေး ဦးစီးချုပ်တို့၏ တွေ့ဆုံ ဆွေးနွေးမှု မြင်ကွင်းများမှာ အပြုသဘော ဆောင်သည်မှာ မှန်သည်။ သို့တစေ ဘာတွေ ဆွေးနွေးကြသည် ဆိုသည်ကိုမူ မသိရသလောက်ပင် ဖြစ်သည်။ တပ်မတော်၏ ထောက်ခံမှုသာ မရလျှင် သို့မဟုတ် အနည်းဆုံး သဘောတူညီမှုသာ မရလျှင် ဒေါ်အောင်ဆန်းစုကြည် အနေနှင့် တိုင်းပြည်ကို ထိထိရောက်ရောက် အုပ်ချုပ်နိုင်လိမ့်မည် မဟုတ်ပါ။ အပြန်အလှန်အနေနှင့် တပ်မတော်ဘက်မှလည်း ပိုမို ကောင်းမွန်သော ပြည်တွင်းပြည်ပ ဂုဏ်သိက္ခာ ရရှိစေရန်နှင့် အနောက်နိုင်ငံ တပ်မတော်များနှင့် တပ်မတော်ချင်း ဆက်ဆံရေး တိုးတက်လာစေရန်စသော အရေးကြီးသည့် ရည်မှန်းချက်များ အောင်မြင်စေရန် ဒေါ်အောင်ဆန်းစုကြည်ကို အားကိုးနေရသည့် သဘောရှိသည်။ ပို၍ အခြေခံကျသည့် အချက်မှာ တပ်မတော်၏ အနာဂတ်ကို ကူးပြောင်းရေးကာလ အောင်မြင်မှုထဲတွင် ရင်းနှီး မြှုပ်နှံထားရခြင်း ဖြစ်ပါလိမ့်မည်။ အကယ်၍ အစိုးရသာ အရေးနိမ့်ခဲ့မည်ဆိုလျှင် တိုင်းပြည်အတွက် ဆုံးရှုံးမှု ဖြစ်သလို တပ်မတော်ကိုယ်တိုင်က အစပျိုးပေးခဲ့သော ကူးပြောင်းရေး ဖြစ်စဉ်၏ ကျဆုံးမှုလည်း ဖြစ်ပါလိမ့်မည်။ ဤသို့ ဆက်စပ်နေသော ဘုံအကျိုးစီးပွားက အပြုသဘောဆောင်သော ဆက်ဆံရေးသို့ သူ့အလိုလို ဦးတည် သွားလိမ့်မည်ဟူ၍ကား ခပ်လွယ်လွယ် ကောက်ချက်ဆွဲ၍ ရနိုင်လိမ့်မည် မဟုတ်ပါ။ အစိုးရနှင့်တပ်မတော်ကြားတွင် သဘောကွဲလွဲစရာ အချက်အလက်များ မနည်းမနော ရှိနေသည်။

 အထူးသဖြင့် တပ်မတော်အနေနှင့် အာဏာ လွှဲပြောင်းပြီး ရက်ပိုင်းအတွင်း အတည်ပြုလိုက်သော “နိုင်ငံတော်အတိုင်ပင်ခံပုဂ္ဂိုလ်” ဥပဒေကြမ်းနှင့် ပတ်သက်လျှင် စိတ်မသက်မသာ ဖြစ်ခဲ့ဟန် ရှိပါသည်။ အနှစ်သာရပိုင်းအရ အဆိုပါ ဥပဒေကြမ်းကို မနှစ်သက်ရသည့် အကြောင်းများမှာ အခြေခံဥပဒေ ပြဋ္ဌာန်းချက်များနှင့် ကွဲလွဲစွာ ပြုစုထားခြင်း၊ သမ္မတ၏ လုပ်ပိုင်ခွင့် အာဏာကို ထိပါးရာ ရောက်ခြင်း၊ အုပ်ချုပ်ရေးနှင့် ဥပဒေပြုရေး အာဏာ နှစ်ရပ်လုံးကို တာဝန်ခံစေခြင်း စသော အချက်များပင် ဖြစ်သည်။ အတိုက်အခံ ဥပဒေပြုအမတ်များ ထောက်ပြကြသည်မှာလည်း ဤအချက်များသာ ဖြစ်သည်။ ပြောရလျှင် တပ်မတော်အနေနှင့် အခြေခံ ဥပဒေကိစ္စနှင့် ပတ်သက်လျှင် သတိကြီးကြီး ထားရဟန် တူပါသည်။ အခြေခံဥပဒေက နှင်းအပ်ထားသော အထူး လုပ်ပိုင်ခွင့် အာဏာကြောင့်သာ အရပ်ဘက်သို့ လုပ်ပိုင်ခွင့်အာဏာ တော်တော်များများ လွှဲအပ်ပေးဖို့ ယုံကြည်မှု တည်ဆောက် ပေးခဲ့သည်ဖြစ်ရာ အခြေခံဥပဒေ ကိစ္စဆိုလျှင် ဆတ်ဆတ်ထိ မခံလိုသည့်သဘော ရှိနိုင်သည်။ ဥပဒေပြုပုံ နည်းနာနှင့် ပတ်သက်လျှင်လည်း တပ်မတော်ဘက်မှ သိပ်ကျေလည်ဟန် မရှိပါချေ။ အထူးသဖြင့် ကန့်ကွက်ချက်များကို ထည့်သွင်း စဉ်းစားရန် လုံလောက်သည့် အချိန်ပင် မပေးဘဲ ဥပဒေကြမ်းကို မြန်မြန်ဆန်ဆန် အတည်ပြုလိုက်ခြင်း ဖြစ်ပါသည်။

တပ်မတော်သား လွှတ်တော်ကိုယ်စားလှယ်များ အနေနှင့် ဥပဒေကြမ်းကို မတားဆီးနိုင်တော့သည်နှင့် ဧပြီ ၅ ရက်နေ့က ကျင်းပသော ပြည်သူ့လွှတ်တော် အစည်းအဝေးတွင် သင်္ကေတနည်းဖြင့် ဆန့်ကျင်ကန့်ကွက် ခဲ့ကြသည်။ သူတို့ထဲမှ တစ်ဦးက ယခုလို တရားဝင် ထုတ်ဖော်ပြောဆိုခဲ့သည်။ “လွှတ်တော်က ကျွန်တော်တို့ အဆိုပြုထားတဲ့ ပြင်ဆင်ချက်ကို ထည့်သွင်းစဉ်းစားခြင်း မရှိသည့်အတွက် ကျွန်တော်တို့ အနေနဲ့ ဥပဒေကြမ်းကို မဲပေးဖို့ ငြင်းဆန်ပါတယ်”။ ထိုနေ့က အစည်းအဝေး အပြီးတွင် တပ်မတော်သား လွှတ်တော်ကိုယ်စားလှယ် အားလုံး မတ်တတ်ရပ်ပြီး အသံတိတ် ကန့်ကွက်ခဲ့ကြသည်။ နောက်ပိုင်းတွင်မူ “လူများစုနှင့် ဒီမိုကရေစီ အနိုင်ကျင့်မှု”ဟု လူသိရှင်ကြား စွပ်စွဲ ရှုတ်ချခဲ့ကြသည်။ အခြေခံဥပဒေ ခုံရုံး အဖွဲ့ဝင် အားလုံးကိုလည်း NLD ကပင် ခန့်အပ်ခဲ့ရာ တပ်မတော်သားအစု အဖွဲ့အနေနှင့် တရားဝင် ဥပဒေဘောင်အတွင်းမှ စိန်ခေါ်လျှင် အောင်မြင်မှု မရနိုင်ကြောင်း တွက်ဆမိဟန် တူပါသည်။ သို့အတွက် ဆန္ဒပြ ကန့်ကွက်ခဲ့ကြခြင်း ဖြစ်ပါလိမ့်မည်။

ဥပဒေပြု လွှတ်တော်အတွင်း နောက်ထပ် ထိပ်တိုက် တွေ့စရာများနှင့်လည်း ဆက်တိုက်ဆိုသလို ကြုံခဲ့ရသည်။ ဤသို့ ကြုံရသည့်အခါတိုင်းလည်း တပ်မတော်ဘက်မှ စိုးရိမ်မကင်း ဖြစ်ရသည်များကို ဖော်ပြခဲ့သည်။

တစ်ကြိမ်တွင် “ရခိုင်အမျိုးသားပါတီ”(ANP) မှ ဥပဒေပြု အမတ်တစ်ဦးက အထက်လွှတ်တော်တွင် အရေးတကြီး အဆိုတစ်ရပ် တင်သွင်းခဲ့သည်။ “ရခိုင်ပြည်နယ်တွင် ဖြစ်ပွားနေသော တပ်မတော်နှင့် ရခိုင်တပ်ဖွဲ့ (AA) ကြား တိုက်ပွဲများကို အဆုံးသတ်ရန်နှင့် အဆိုပါ ရခိုင်တပ်ဖွဲ့ကို ငြိမ်းချမ်းရေး ဖြစ်စဉ်တွင် ပါဝင်စေရေး” အဆို ဖြစ်ပါသည်။ မေလ ၃ ရက်နှင့် ၄ ရက်နေ့များတွင် အဆိုပါ အရေးကြီးအဆိုကို ဆွေးနွေးခဲ့ကြရာ ကာကွယ်ရေးဝန်ကြီးနှင့် တပ်မတော်သား လွှတ်တော်ကိုယ်စားလှယ်များက အဆိုတွင် ပါသော အချက် နှစ်ချက်လုံးကို ကန့်ကွက်ခဲ့ကြသည်။ “AA မှာ ကျူးကျော်သူသာ ဖြစ်ကြောင်း၊ AA အနေနှင့် ၎င်း၏ လက်နက်ကိုင် တိုက်ပွဲကို  အဆုံးသတ်ပြီး ပြည်သူလူထုက ရွေးကောက် တင်မြှောက်ထားသောအစိုးရနှင့် ပူးပေါင်း ဆောင်ရွက်သင့်ကြောင်း”  ပြောဆိုခဲ့သည်။

ထို့ပြင် “အဆိုမှာ ငြိမ်းချမ်းရေး ဖြစ်စဉ်တွင် အစိုးရနှင့် တပ်မတော်ကို သဘောကွဲလွဲစေရာ ရောက်၍ ပြင်းပြင်းထန်ထန် ဆန့်ကျင်ကြောင်း၊ အကယ်၍ NLD ကသာ ဟန့်တားခဲ့မည် ဆိုလျှင် ရခိုင်ပြည်နယ်နှင့် အခြားလူမျိုးစု ဒေသများတွင် မတည်မငြိမ် ဖြစ်လာနိုင်ကြောင်း” စသည်ဖြင့်လည်း ထုတ်ဖော် ပြောဆိုခဲ့သည်။

 နောက်ဆုံး အမျိုးသား လွှတ်တော်ဥက္ကဋ္ဌက ကြားအဖြေအဖြစ် အရေးကြီးအဆို မဟုတ်ဘဲ မှတ်တမ်း တင်ထားရုံသာ ဆုံးဖြတ်ဖို့ မေတ္တာ ရပ်ခံခဲ့ရာ ထောက်ခံ ၁၉၅ မဲ၊ ကန့်ကွက် ၆ မဲ ဖြင့် အတည်ပြုနိုင်ခဲ့သည်။ သည်လိုနှင့် အန္တရာယ် ဖြစ်စေလောက်သည့် အခြေအနေ တင်းမာမှုကို ထိန်းသိမ်း နိုင်ခဲ့ပါသည်။

လူမျိုးစု လက်နက်ကိုင်များနှင့် ဖြစ်ပွားနေသော ငြိမ်းချမ်းရေး ဖြစ်စဉ်နှင့် ပတ်သက်လျှင်မူ တပ်မတော်နှင့် အစိုးရမှ ထိထိရောက်ရောက် ပူးပေါင်း ဆောင်ရွက်နိုင်ဟန် ရှိပါသည်။ ဤဖြစ်စဉ်က ထိပ်တန်း အစိုးရ အရာရှိများနှင့် တပ်မတော် အရာရှိများကို ပုံမှန် တွေ့ဆုံဆွေးနွေးခွင့် ရစေရန် ဖန်တီးပေးလိုက်သလိုရှိရာ အခိုင်အမာ ပြဿနာများကို ဆွေးနွေး နိုင်ခဲ့ကြသည်။ သည်လိုနှင့် အဆိုပါ ဆွေးနွေးပွဲများသည်ပင် ယုံကြည်မှု တည်ဆောက်ရာ နေရာ ဖြစ်လာခဲ့သည်။ ဆိုခဲ့ပါ ဆွေးနွေးပွဲများ ဆက်လက် ကျင်းပခဲ့သည့်အတိုင်း သဘောထား ကွဲလွဲဆဲ ပြဿနာများကား မနည်းမနော ရှိနေဆဲ ဖြစ်ပါသည်။

လွန်ခဲ့သော တစ်နှစ်ကျော်ကျော်လောက်ကပင် ကာကွယ်ရေး ဦးစီးချုပ်၏ သက်တမ်းနှင့် ပတ်သက်သော အချက်မှာ သူနှင့် ဒေါ်အောင်ဆန်းစုကြည်ကြား အချေအတင် ငြင်းခုံစရာ တစ်ခု ဖြစ်လာနိုင်သည်ဆိုသော မှန်းဆချက် ရှိပါသည်။

၂ဝ၁၆ ခုနှစ် အတွင်းမှာပင် ဗိုလ်ချုပ်မှူးကြီး မင်းအောင်လှိုင်၏ အသက်မှာ ပုံမှန် ပင်စင်သက် ၆ဝ ပြည့်တော့မည်ဖြစ်သည်။ သို့နှင့်တိုင် မေလ ၁၃ ရက်နေ့ မီဒီယာနှင့် တွေ့ဆုံရာတွင်မူ ဗိုလ်ချုပ်မှူးကြီးက “အခြေခံဥပဒေက သူ့ကို သူ၏ အငြိမ်းစားယူရမည့် သက်တမ်းနှင့် ပတ်သက်၍ ဆုံးဖြတ်ခွင့် ပေးထားကြောင်း” အခိုင်အမာ ထုတ်ဖော် ပြောဆိုခဲ့သည်။ တပ်မတော် နည်းဥပဒေအရ အဆင့်အသီးသီး၏ သက်တမ်းကို သတ်မှတ်ခွင့် ရှိသည်ဟုဆိုသည် (သို့တစေ ဗိုလ်ချုပ်မှူးကြီးဆိုသော သူ့အဆင့်ကိုတော့ သတ်မှတ်ခွင့် မရှိပါ)။ “ကျွန်တော့်အနေနဲ့ကတော့ ကျန်းမာရေးက ခွင့်ပြုထားသရွေ့ ဆက်ပြီး တာဝန်ယူဖို့ ရည်ရွယ်ထားပါတယ်” ဟု ဆိုသည်။ တပ်မတော်နှင့် ဆက်ဆံရေးမှာ “အခရာ”လို ဖြစ်နေသော ငြိမ်းချမ်းရေး ဖြစ်စဉ်အတွက်မူ ဆိုခဲ့ပါအချက်မှာ အရေးကြီးသော သွယ်ဝိုက် ပတ်သက်မှုတစ်ခု ဖြစ်နိုင်ပေသည် ...

စသဖြင့် ဆရာဦးကျော်ဝင်းက တင်ပြပေးခဲ့ပါတယ်။

နောက်ပိုင်းဒေါ်အောင်ဆန်းစုကြည်က အသက်(၆၀) တပ်ချုပ် ဗိုလ်ချုပ်မှူးကြီး မင်းအောင်လှိုင် ပင်စင်ပြည့်တဲ့ ဇူလိုင်လ (၁၉) ရက်နေ့မှာ လွှတ်တော်တွေမှာ အဆိုတင် ထောက်ကွက် မလုပ်ခိုင်းတော့ဘဲ တပ်ချုပ်ရာထူးကို ဆက်လက်လုပ်ခွင့်ပေးလိုက်ဟန် တူလိုက်လို့ ဗိုလ်ချုပ်မှူးကြီး မင်းအောင်လှိူင်အဖို့ သမိုင်းမှာ မရှိခဲ့ဖူးတဲ့ အာဇာနည်နေ့အခမ်းအနားကို တက်ရောက်အလေးပြုခြင်းနဲ့ စစ်သမိုင်းပြတိုက်ကို ဒေါ်အောင်ဆန်းစုကြည်အား ဖိတ်ကြားပြသခြင်း ၊ အာဇာနည်နေ့ဆွမ်းကျွေး ဒေါ်အောင်ဆန်းစုကြည်နေအိမ်ကို တပ်ချုပ် ပျော်ရွှင် တက်ကြွစွာ လာရောက်နေတာဖြစ်တယ်လို့ တပ်မတော်အရာရှိတစ်ဦးက ဆိုပါတယ်။

တပ်ချုပ် အာဇာနည်နေ့အခမ်းအနားတက်ရောက်ခြင်းနဲ့ ဒေါ်အောင်ဆန်းစုကြည်အိမ်ကိုသွားရောက်ခြင်း၊ တရားဝင်နှစ်ဘက် တွေဆုံခြင်း တို့ဟာ ဆက်ဆံရေး တိုးတက်ကောင်းမွန်လာပြီး ငြိမ်းချမ်းရေးလမ်းခရီး အတွက် အပေါင်းလက္ခဏာဆောင်တဲ့ ဖြစ်စဉ်တွေလို့ မြင်ပါတယ်။ ကချင်နှင့် ရှမ်းပြည်နယ် မြောက်ပိုင်းဒေသများ ပစ်ခတ်တိုက်ခိုက်မှု ရပ်စဲရေး၊ အမျိုးသားပြန်လည်သင့်မြတ်ရေးနှင့် ပြည် တွင်းငြိမ်းချမ်းရေး၊ တရားဥပဒေ စိုးမိုးရေးနှင့် တည်ငြိမ်အေးချမ်း ရေး၊ ပြည်ထောင်စုငြိမ်းချမ်းရေး ညီလာခံ ၂၁ရာစု ပင်လုံကျင်းပ ရေးဆိုင်ရာကိစ္စရပ်များကို နိုင်ငံ တော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် တပ်မတော်ကာကွယ်ရေးဦးစီးချုပ်  ဗိုလ်ချုပ်မှူးကြီး မင်းအောင်လှိုင်တို့ဟာ သြဂုတ် ၈ ရက်က နေပြည် တော်ရှိ နိုင်ငံတော်သမ္မတရုံး ဧည့်ခန်းမတွင်  နှစ်နာရီခွဲကြာ တွေ့ဆုံခဲ့ပါတယ်။ ဒေါ်အောင်ဆန်းစုကြည်က တပ်ချုပ်ကို အကြိတ်အနယ် ဆွေးနွေးခဲ့ဟန်တူကာ လက်မှတ်မထိုးတဲ့သူများပါဝင်နိုင်ရေး နည်းလမ်းများ စဉ်စား အကောင်အထည်ဖေါ်လာတာ တွေ့ရပါတယ်။

AA, TNLA, MNDAA (၃) ဖွဲ့ ကို မူလက တပ်ရဲ့တောင်းဆိုချက်အရ နိုင်ငံရေးဂုဏ်သိက္ခာအတွက် ထိခိုက်နေလို့ လျှော့ပေါ့ပေးလိုက်ကာ လက်နက်ကိုင်လမ်းစဉ် ချုပ်ငြိမ်းရေး ကြေညာချက်ထုတ်ပေးပါက တက်ခွင့်ပြုမည်ဖြစ်သလို ကျန် လက်မှတ်မထိုးတဲ့အဖွဲ့တွေကိုတော့ ညီလာခံတက်ခွင့်ပြုမယ်ဆိုတဲ့ သဘောတူညီချက်ရရှိထားဟန်တူပြီး NCA လက်မှတ်ထိုးထားတဲ့ အဖွဲ့များနဲ့ချိန်ဆ ငှဲ့ညှာနေဟန် တူပါတယ်။ ယခုအခါ UNFC နဲ့ NDAA အဖွဲ့များ တက်ရောက်လာပြီဖြစ်လို့ အောင်မြင်မှုလို့ သုံးသပ်ရပါမယ်။

တပ်ချုပ်က အခြေခံဥပဒေပြင်ဆင်ကာ တိုင်းရင်သားတွေရဲ့ တန်းတူရည်တူ အခွင့်အရေး ဖက်ဒရယ် ဖေါ်ဆောင်ပေးလို့ တိုင်းရင်းသားလက်နက်ကိုင်ကဏ္ဏ မရှိတော့ရင် စစ်တပ် တန်းလျားပြန်မည်ဟု အတိအလင်းဆိုထားရာ ငြိမ်းချမ်းရေး (၅)နှစ်အတွင်း အတူတူ လက်တွဲလုပ်ဆောင်မယ် ဆိုတဲ့ ပန်းတိုင်ဟာ ကြိုဆိုရပါမည်။ အစိုးရနဲ့ တပ်မတော်အကြား ယုံကြည်မှု၊ နားလည်မှု အထိုက်အလျောက်ရနေပြီလို့ ယုံကြည်ရပါတယ်။

နက္ခတ်ဗေဒင် ဇာတာကိန်းခန်းအရ တပ်ချုပ်မွေးနေ့ဟာ ဗိုလ်ချုပ်အောင်ဆန်း လုပ်ကြံခံရတဲ့ ဇူလိုင်လ (၁၉) ရက်ဖြစ်နေတာ ထူးခြားသလို မေထုန်ရာသီဖွားခြင်း ဒေါ်အောင်ဆန်းစုကြည်နဲ့ ရာသီဂွင်မှာ တူနေပြီး နေ့နာမ်အရ အင်္ဂါနေ့ဖွားနဲ့ကြာသာပတေးနေ့ဖွားတွေဟာ မ်ိတ်ဖက်ဖြစ်နေတာမို့ အဆင်ပြေချောမွေ့နိုင်ပါတယ်။ ငြိမ်းချမ်းရေး ခရီးလမ်းမှာ အစိုးရနဲ့တပ်မတော် ယုံကြည်မှု၊ နားလည်မှုတွေဟာ အစိုးရဖွဲ့စည်းကာစ တင်းမာမှု ရှိခဲ့ရာမှ လျှော့ကျသွားတယ်လို့ဆိုရပါမယ်။

(ဆက်လက် ဖော်ပြပါမည်)
ကျော်ဝင်းဆောင်းပါး အညွှန်း - http://thevoicemyanmar.com/tags/%E1%80%B1%E1%80%80%E1%80%BA%E1%80%AC%E1%80%B9%E1%80%9D%E1%80%84%E1%80%B9%E1%80%B8/posts 
 

မြန်မာခေါင်းဆောင်တွေရဲ့ တရုတ်နဲ့အိန္ဒိယခရီးစဉ်အပေါ် အမြင်တချို့

မြန်မာခေါင်းဆောင်တွေရဲ့ တရုတ်နဲ့အိန္ဒိယခရီးစဉ်အပေါ် အမြင်တချို့

24.08.2016 07:32
 
ဒေါ်အောင်ဆန်းစုကြည် တရုတ်သမ္မတနဲ့တွေ့ဆုံ။ သြဂုတ် ၁၉၊ ၂၀၁၆။

မြန်မာနိုင်ငံအတွင်းမှာ နိုင်ငံရေးပြုပြင်ပြောင်းလဲမှုတွေနဲ့အညီ တိုင်းပြည်အာဏာကို လွှဲပြောင်းရယူခဲ့တဲ့ အစိုးရသစ်အနေနဲ့ အိမ်နီးချင်း အင်အားကြီးနိုင်ငံတွေဖြစ်တဲ့ တရုတ်၊ အိန္ဒိယတို့နဲ့ ထိတွေ့ ဆက်ဆံရေးဟာလည်း အရေးပါတဲ့ ကိစ္စရပ် ဖြစ်ပါတယ်။
ဒါကြောင့်လည်း ပြီးခဲ့တဲ့သီတင်းပတ်အတွင်း နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တရုတ်နိုင်ငံကို ၅ ရက်ကြာ သွားရောက် လည်ပတ်တာနဲ့ ပတ်သက်လို့ ဘယ်နိုင်ငံက ပိုပြီး အလေးပေးခံရတယ်ဆိုတဲ့ ကိစ္စအပေါ် ဒီအင်အားကြီး ၂ နိုင်ငံအတွင်းက သတင်းမီဒီယာတွေမှာ အခုရက်ပိုင်းအတွင်း ရေးသားဖော်ပြမှုတွေ ပိုများလာနေပါတယ်။ မြန်မာ၊ တရုတ်၊ အိန္ဒိယ ၃ ပွင့်ဆိုင် ဆက်ဆံရေးအပေါ် မြန်မာ့အရေး လေ့လာသုံးသပ်သူတွေရဲ့ အမြင်တွေကို ကိုဇော်ဝင်းလှိုင်က စုစည်း တင်ပြထားပါတယ်။
နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ခရီးစဉ်အတွင်း တရုတ်နိုင်ငံက မြန်မာနိုင်ငံ စီးပွားရေး ဖွံ့ဖြိုးရေးလုပ်ငန်းတွေ အပါအ၀င် ပြည်တွင်း ငြိမ်းချမ်းရေး လုပ်ငန်းစဉ်တွေအတွက် အမေရိကန်ဒေါ်လာ သန်း ၁၅၀ ကျော် အကူအညီပေးမယ့်အကြောင်း ပြောကြားခဲ့တာပါ။ တဘက်မှာလည်း ဒေါ်အောင်ဆန်းစုကြည်ရဲ့ ခရီးစဉ်ဟာ တရုတ်နိုင်ငံအတွက် သံတမန်ရေးအရ အောင်မြင်တဲ့ ခရီးစဉ်အဖြစ် တရုတ်အစိုးရက ယူဆခဲ့တယ်လို့ တရုတ် - မြန်မာဆက်ဆံရေးကို အနီးကပ် လေ့လာသူတွေက သုံးသပ်ကြပါတယ်။
ဒါကြောင့်လည်း NLD အစိုးရတက်လာပြီးနောက်ပိုင်းမှာ အာဆီယံအဖွဲ့ ပြင်ပက တရုတ်နိုင်ငံကို ဒေါ်အောင်ဆန်းစုကြည်အနေနဲ့ ပထမဆုံးအကြိမ် လာရောက်တာဟာ သူမအနေနဲ့ တခြား အိမ်နီးချင်း အင်အားကြီးနိုင်ငံတခုဖြစ်တဲ့ အိန္ဒိယနိုင်ငံထက် တရုတ်နိုင်ငံဟာ ပိုအရေးကြီးတယ်ဆိုတာကို ပြသလိုက်ခြင်းဖြစ်တယ်လို့ ရေးသား ဖော်ပြကြပါတယ်။
ဒါပေမဲ့ အိန္ဒိယက သတင်းမီဒီယာတွေကတော့ အဲဒီလို မယူဆကြပါဘူး။ မြန်မာနိုင်ငံဟာ အိန္ဒိယနဲ့ ယဉ်ကျေးမှုနဲ့ ဘာသာရေးတို့အပြင် နှစ်နိုင်ငံခေါင်းဆောင်တွေဟာ ယခင်ကတည်းက နီးကပ်စွာ ထိတွေ့ ဆက်ဆံခဲ့တဲ့ သာဓကတွေ ရှိခဲ့တာကြောင့် အိန္ဒိယနဲ့ မြန်မာဟာ ပိုမို နီးစပ်တဲ့ နိုင်ငံတွေအဖြစ် ရေးသား ဖော်ပြကြပါတယ်။ ဒါ့အပြင် မြန်မာနိုင်ငံရဲ့ နိုင်ငံခြားရေးမူဝါဒမှာ အိမ်နီးချင်း နိုင်ငံတွေနဲ့ ချစ်ကြည်ရင်းနှီးစွာ ထိတွေ့ ဆက်ဆံပြီး ဘက်မလိုက် မူဝါဒကို ဆက်လက် စွဲကိုင်သွားမယ်လို့ ဒေါ်အောင်ဆန်းစုကြည်က ပြောဆိုထားတဲ့အတွက် ဒီ ဘက်မလိုက် နိုင်ငံခြားရေးမူဝါဒကို အိန္ဒိယနဲ့ မြန်မာခေါင်းဆောင်တွေက စတင် တည်ထောင်ခဲ့ကြတာကြောင့် နှစ်နိုင်ငံအကြား နီးစပ်မှုရှိစေတဲ့ နိုင်ငံခြားရေးမူဝါဒ ဖြစ်နေတာပါ။
မြန်မာနိုင်ငံဟာ ဒီအင်အာကြီး ၂ နိုင်ငံအကြား မဟာဗျူဟာကျကျ ဘက်လိုက်မှုမရှိအောင် ကြားနေမူဝါဒနဲ့ ရပ်တည်လာခဲ့တဲ့ အစဉ်အလာ ရှိတာမှန်ပေမဲ့ လက်ရှိ NLD အစိုးရရဲ့ ချဉ်းကပ်ပုံမှာ အရင်အစိုးရအဆက်ဆက်က လုပ်ဆောင်ခဲ့တာတွေနဲ့ ကွာခြားမှုရှိတာကို တွေ့ရတယ်လို့ အမေရိကန်အခြေစိုက် မြန်မာ့အရေး လေ့လာစောင့်ကြည့်သူ ဒေါက်တာ တင့်ဆွေက ပြောပါတယ်။
“မဟာဗျူဟာကျတယ်ဆိုတဲ့အချက်က မှန်တယ်ဗျ။ ဒါကတော့ အစဉ်အလာပါပဲ။ မဟာဗျူဟာကျမှုကတော့ အခုမှတောင် မဟုတ်ဘူး။ ၀န်ကြီးချုပ် ဦးနု၊ ဗိုလ်ချုပ်ကြီး နေ၀င်း စသဖြင့် နောက် စစ်အစိုးရနဲ့ ဦးသိန်းစိန်အစိုးရလည်းပဲ ဒီလိုပုံစံရှိခဲ့တယ်။ ဒါပေမဲ့လို့ ကွာခြားချက်ကတော့ အရင် စစ်အစိုးရနဲ့ အရင် သမ္မတ အစိုးရလက်ထက်တွေတုန်းကတော့ အုပ်ချုပ်နေတဲ့ စစ်အစိုးရနဲ့ ဦးသိန်းစိန်အစိုးရက ကိုယ့်အစိုးရအကျိုးစီးပွားကို မူတည်ပြီးတော့ အိန္ဒိယကိုရော၊ တရုတ်ကိုရော ဆက်ဆံရေးထားခဲ့ကြတယ်။ အခု ဒေါ်အောင်ဆန်းစုကြည်ဦးဆောင်တဲ့ အစိုးရကျတော့ကာ တကယ့် စစ်မှန်တဲ့ အမျိုးသားအကျိုးစီးပွားဘက်ကို ဦးတည်ပြီးတော့ ဒီမဟာဗျူဟာကျမှုကို အသုံးချမယ်လို့ ယူဆရတယ်။ ဒီအတိုင်းလည်းပဲ လုပ်နေတာကို အခုတော့ လပိုင်းလေးအတွင်းမှာ မြင်လာရပါတယ်ခင်ဗျ။ အဲတော့ ဒေါ်အောင်ဆန်းစုကြည် တရုတ်ခရီးစဉ်နဲ့တောင် မကြာခင် အိန္ဒိယနိုင်ငံခြားရေးဝန်ကြီး Sushma Swaraj ခရီးစဉ်နဲ့ သမ္မတဦးထင်ကျော်ရဲ့ အိန္ဒိယခရီးစဉ်တွေကို ကြည့်လို့ရှိရင် ဒီဟာက ပိုပြီးတော့ ပေါ်လွင်လာတယ်။”
တရုတ် - မြန်မာ ဆက်ဆံရေးနဲ့ အိန္ဒိယ - မြန်မာဆက်ဆံရေးတွေကို လေ့လာကြည့်မယ်ဆိုရင် တရုတ်နိုင်ငံက မြန်မာနိုင်ငံအတွင်း ၀င်ရောက် ထိုးထောက်မှု အိန္ဒိယထက် ပိုများတာကို တွေ့ရတယ်လို့ SNDP ရှမ်းတိုင်းရင်းသားများ ဒီမိုကရက်တစ်ပါတီ အမတ်ဟောင်း ဦးရဲထွန်းက ပြောပါတယ်။
“တရုတ်နိုင်ငံက ကျနော်တို့နဲ့ နယ်နမိတ်ချင်း ဆက်စပ်တာမှာဆိုရင်လည်း အိန္ဒိယနိုင်ငံထက် ပိုတယ်။ နောက် စီးပွားရေး၊ ကူးသန်းရောင်းဝယ်ရေး၊ ဆက်ဆံရေးမှာလည်း အိန္ဒိယထက် ပိုများတယ်။ ရင်းနှီးမြှုပ်နှံမှုတွေကလည်း ပိုများတယ်။ အဲဒါကို တဘက်က အိန္ဒိယကလည်း သိတယ်။ ကျနော်တို့ အိန္ဒိယအစိုးရကဖိတ်တဲ့ ဆွေးနွေးပွဲတခုကို သွားတဲ့အခါမှာ သူတို့ကလည်း အဲဒါကို ပြောတယ်။ သူတို့အစိုးရအနေနဲ့ ဒါကို လုပ်ချင်တယ်ဆိုပေမဲ့ ကျနော်တို့အစိုးရဘက်က လှုပ်ရှားမှုတွေက အားနည်းပါတယ်တဲ့။ တခုခံသာတာကတော့ ဒေါ်အောင်ဆန်းစုကြည်ကိုယ်တိုင်က အိန္ဒိယမှာ ငယ်ငယ်က နေထိုင်ပြီး ကျောင်းတက်ခဲ့တဲ့သူဆိုတော့ အိန္ဒိယအနေနဲ့က ဒေါ်အောင်ဆန်းစုကြည်ဟာ တစိမ်းမဟုတ်ဘူးပေါ့နော်။ သူတို့နိုင်ငံမှာ ပညာသင်ပြီးတော့ ကြီးပြင်းလာတဲ့ မိတ်ဆွေတယောက်ပဲဆိုတဲ့ ခံစားချက်မျိုးတော့ရှိတယ်။ အဲဒီအတွက်တော့ ကျနော်တို့နိုင်ငံရဲ့ အနေအထားကိုလည်း သူတို့နားလည်ပြီးတော့ ခွင့်လွှတ်နိုင်တဲ့သဘော ရှိမှာပါ။”
မြန်မာနိုင်ငံနဲ့ နယ်စပ်ကုန်သွယ်ရေး ကဏ္ဍမှာလည်း တရုတ်နိုင်ငံက အိန္ဒိယထက် အသာစီးရနေတာကြောင့် အိန္ဒိအစိုးရအနေနဲ့ မြန်မာနဲ့ နယ်စပ်ကုန်သွယ်ရေး တိုးမြှင့် လုပ်ဆောင်လိုတယ်ဆိုရင် နှစ်နိုင်ငံ နယ်စပ်မှာရှိနေတဲ့ နယ်စပ်ဒေသက တိုင်းရင်းသား လက်နက်ကိုင် အဖွဲ့အစည်းတွေကိစ္စကို အရင် ကိုင်တွယ် ဖြေရှင်းဖို့ လိုအပ်မယ်လို့ ဒေါက်တာ တင့်ဆွေက ထောက်ပြပါတယ်။ အိန္ဒိယ ပြည်ပရေးရာဝန်ကြီး Sushma Swaraj နဲ့ တနင်္လာနေ့က နေပြည်တော်မှာတော်မှာ တွေ့ဆုံစဉ် အိန္ဒိယအစိုးရကို လက်နက်ကိုင် တော်လှန်နေတဲ့ အဖွဲ့အစည်းတွေ မြန်မာနိုင်ငံအတွင်း အခြေစိုက် လှုပ်ရှားခွင့်ပြုမှာ မဟုတ်ကြောင်း ဒေါ်အောင်ဆန်းစုကြည်က ပြောကြားခဲ့ပါတယ်။
မြန်မာသမ္မတ ဦးထင်ကျော်ဟာ အိန္ဒိယနိုင်ငံကို သြဂုတ်လ ၂၇ ရက်နေ့ကနေ ၃၀ ရက်နေ့အထိ သွားရောက် လည်ပတ်ဖို့ ရှိနေတာကြောင့် အဲဒီ ခရီးစဉ်အတွင်း နှစ်နိုင်ငံ ပူးပေါင်း ဆောင်ရွက်ရေး ကိစ္စတွေ တိုးမြှင့် လုပ်ဆောင်နိုင်ဖို့အတွက် သဘောတူညီချက်တွေ ရရှိနိုင်လိမ့်မယ်လို့ မျှော်လင့်ကြောင်း မြန်မာ့အရေး လေ့လာသူတွေက သုံးသပ် ပြောဆိုကြပါတယ်။
 

ဘန်ကီမွန်းနဲ့ တွေ့ဆုံဖို့ ဘာသာရေးခေါင်းဆောင်တွေ ဖိတ်ကြားခံရ

ဘန်ကီမွန်းနဲ့ တွေ့ဆုံဖို့ ဘာသာရေးခေါင်းဆောင်တွေ ဖိတ်ကြားခံရ

24 August 2016

ကုလသမဂ္ဂ အတွင်းရေးမှူးချုပ် ဘန်ကီမွန်းနဲ့ ဘာသာပေါင်းစုံက ခေါင်းဆောင်တွေ ဒီလကုန် မြန်မာနိုင်ငံမှာ တွေ့ဆုံဖို့ရာ ရန်ကုန်မှာရှိတဲ့ ကုလသမဂ္ဂ ဌာနေကိုယ်စားလှယ်ရုံးက ဖိတ်ကြားထားတယ်လို့ အမေရိကန်ပြည်ထောင်စုမှာ ခေတ္တရောက်ရှိနေတဲ့ ကာဒီနယ် ဘုန်းတော်ကြီး Charles Maung Bo က ဗွီအိုအေကို ပြောဆိုလိုက်ပါတယ်။

ဒီလိုတွေ့ဆုံတဲ့အခါ မြန်မာနိုင်ငံမှာ ဖြစ်ပျက်နေတဲ့ ဘာသာရေး၊ လူမျိုးရေးပဋိပက္ခတွေ အပါအ၀င် လူအချင်းချင်းကြား သင့်မြတ်စွာ နေထိုင်နိုင်ရေး ဘာသာရေးခေါင်းဆောင်တွေ အတူတကွ လုပ်ဆောင် နေတဲ့အကြောင်း မစ္စတာ ဘန်ကီမွန်းကို အဓိက တင်ပြသွားဖို့ရှိတယ်လို့လည်း ကာဒီနယ် ဘုန်းတော်ကြီးက ပြောကြားခဲ့ပါတယ်။ အသေးစိတ်ကိုတော့ မနန္ဒာချမ်း က ဆက်ပြောပြပါမယ်။

မြန်မာနိုင်ငံမှာ သြဂုတ်လ ၃၁ ရက်နေ့ကျင်းပမယ့် ၂၁ ရာစု ပင်လုံညီလာခံကို ကုလသမဂ္ဂ အတွင်းရေးမှူးချုပ် ဘန်ကီမွန်း တက်ရောက် လိမ့်မယ်လို့ သတင်းတွေ ထွက်ပေါ်နေချိန်မှာပဲ - ရန်ကုန်အခြေစိုက် ကုလသမဂ္ဂဌာနေကိုယ်စားလှယ်ရုံးကနေ မြန်မာနိုင်ငံမှာရှိတဲ့ ဘာသာပေါင်းစုံက ခေါင်းဆောင်တွေနဲ့ မစ္စတာ ဘန်ကီမွန်း နေပြည်တော်မှာ တွေ့ဆုံဖို့ရာ ဖိတ်ကြားခဲ့တယ်လို့ - ကာဒီနယ်ဘုန်းတော်ကြီး Charles Maung Bo က ပြောဆိုခဲ့တာပါ။ လောလောဆယ် Texas ပြည်နယ် Houston မြို့မှာ ရောက်ရှိနေတဲ့ ကာဒီနယ်ဘုန်းတော်ကြီးအနေနဲ့ ဖိတ်စာကို မနေ့ အင်္ဂါနေ့မနက်ကပဲ အီးမေးလ်နဲ့ ရရှိခဲ့တာဖြစ်တယ်လို့ ဗွီအိုအေကို အခုလို ပြောပြပါတယ်။

“သြဂုတ်လ ၃၁ ရက်နေ့မှာ ယူအန်အတွင်းရေးမှူးချုပ် ဘန်ကီမွန်း လာစရာရှိတယ်ပြောတယ်။ အဲဒါ ဘာသာရေးခေါင်းဆောင်တွေနဲ့ နေပြည်တော်မှာ တွေ့ဖို့အတွက်ဆိုပြီးတော့ သူ ဖိတ်ခေါ်ထားတာရှိတယ်။ ဂျက်နက်ဆိုတဲ့တယောက်လေ ယူအန်ကပဲ အမျိုးသမီးအခွင့်အရေး အဖွဲ့အစည်းကနဲ့တူတယ်။ ယူအန်ကပဲ သူက မနက်ကပဲ ဖိတ်ထားတယ်။ ဖိတ်ခေါ်ပြီးတဲ့နောက်ပေါ့နော် အားလုံး ဗုဒ္ဓဘာသာ၊ မူဆလင်၊ ခရစ်ယာန်၊ ဟိန္ဒူ ခေါ်ပြီးတော့ပေါ့နော် သူတို့ အခြေအနေလေး ဘာလေး ဆွေးနွေးမေးချင်တယ်၊ နောက်ပြီးတော့ ဘယ်လို ကူညီပေးနိုင်မလဲ၊ သူတို့ပြောမှာကတော့ ဘာသာရေးခေါင်းဆောင် များအနေနဲ့ ကချင်ပြည်နယ်မှာဆိုရင် ဘယ်လိုလုပ်ပြီးတော့ ၀ိုင်းဝန်းအားပေးနိုင်ကြမလဲဆိုတာ ပြောမယ်ထင်တယ်၊ နောက်ပြီးတော့ ရခိုင်ပြည်နယ်မှာရှိ တဲ့ ဘင်္ဂလားဒေ့ရ်ှက ပုဂ္ဂိုလ်တွေနဲ့ နိုင်ငံရေး၊ ဘာသာရေးဘက်မှာ ဘယ်လို အေးအေးဆေးဆေး နေနိုင်မလဲ ဆိုတဲ့ဟာတွေလည်း မေးမယ့် ဆွေးနွေးမယ့် ပုံစံပါပဲ။ ဆရာတော်အနေနဲ့ကတော့ သြဂုတ်လ ၃၁ ရက်နေ့အမီ မသွားနိုင်တော့ဘူးပေါ့။”

မေး - ဆရာတော့်အစားရော ဘယ်သူသွားဖို့ရှိမလဲ။

ဖြေ - “သူတို့အနေနဲ့ ခွင့်ပြုတယ်၊ လက်ခံတယ်ဆိုရင် ကိုယ်စားလှယ်တပါး လွှတ်လိုက်မယ်လို့ စဉ်းစားထားတယ်။”

မေး - ဆရာတော်တို့ဘက်ကရော ဘယ်သူ့ကို လွှတ်ဖို့ ရွေးပြီးပြီလား။

ဖြေ - “ကိုယ်စားလှယ် သူတို့ဘက်က လက်ခံတယ်ဆိုရင် ဘာသာရေးပေါင်းစုံ ဦးဆောင်နေတဲ့ Father ဂျိုးဇက်မောင်ဝေးကို ကိုယ်စားလှယ်အနေနဲ့ လွှတ်မယ်လို့ စဉ်းစားထားတာပေါ့နော်။”

တကယ်လို့ ဆရာတော့် ကိုယ်စားပေါ့လေ Father ဂျိုးဇက် သွားတက်ခွင့်ရခဲ့မယ်ဆိုရင် ဘယ်လိုအကြောင်းအရာမျိုးကို အဓိကထား ပြောမလဲ။

ဖြေ - “အဓိကကတော့ မြန်မာနိုင်ငံမှာ လက်ရှိပေါ့နော် ဘာသာပေါင်းစုံ ခေါင်းဆောင်တွေ၊ အထူးသဖြင့် ဘာသာရေးခေါင်းဆောင်တွေ အတတ်နိုင်ဆုံး လက်တွဲ လုပ်ဆောင်နေကြတယ်ဆိုတာနဲ့ နောက်တခုက Religious for Peace ဆိုပြီးတော့ နိုင်ငံတကာအဖွဲ့အစည်းထဲမှာလည်း ပါဝင်နေတဲ့အတွက် ကြောင့် သူတို့အနေနဲ့ ဘယ်လိုလုပ်ပြီးတော့ ၀ိုင်းဝန်းကူညီပေးနိုင်မလဲဆိုတဲ့ဟာပေါ့နော် ၀ိုင်းဝန်းပြောဆိုပေးဖို့ရာအတွက် အဓိက ဖြစ်ပါတယ်။”

ကာဒီနယ်ဘုန်းတော်ကြီး Charles Maung Bo ဟာ သြဂုတ်လလယ်မှာ ကနေဒါ၊ အမေရိကန်ပြည်ထောင်စုနဲ့ မက်ဆီကို ၃ နိုင်ငံခရီး ထွက်ခွာလာတာ ဖြစ်ပြီး၊ ကနေဒါခရီးစဉ်အတွင်း - အစိုးရတာဝန်ရှိသူတွေ၊ လွှတ်တော်အမတ်တွေနဲ့ တွေ့ဆုံစဉ် မြန်မာနိုင်ငံရဲ့ လက်ရှိ ငြိမ်းချမ်းရေးလုပ်ငန်းစဉ်တွေကို ဆက်လက် အားပေးကူညီသွားဖို့၊ ပြုပြင်ပြောင်းလဲရေးလုပ်ဆောင်နေစဉ် အစိုးရသစ်အပေါ် ဖိအားပေးဝေဖန်တာမျိုးတွေကိုလည်း သိပ်ပြီး မလုပ်ဆောင် ကြဖို့တွေကို ပြောကြားခဲ့တယ်လို့ ကာဒီနယ်ဘုန်းတော်ကြီးက ဆိုပါတယ်။ မကြာသေးခင် နာရီပိုင်းကတော့ Texas ပြည်နယ် Houston မြို့မှာ မြန်မာမိသားစုတွေနဲ့ ကာဒီနယ်ဘုန်းတော်ကြီး တွေ့ဆုံခဲ့ပြီး ဆုတောင်းပွဲ ကျင်းပခဲ့ပါတယ်။ အမေရိကန်ဒေသစံတော်ချိန် ဗုဒ္ဓဟူးနေ့မနက်ကျရင်တော့ မက်ဆီကိုနိုင်ငံကို ခေတ္တ သွားရောက်လည်ပတ်မှာဖြစ်ပြီး၊ စက်တင်ဘာ ၂ ရက်နေ့မှာ အမေရိကန်ပြည်ထောင်စုကနေ မြန်မာနိုင်ငံကို ပြန်လည် ထွက်ခွာမှာလည်း ဖြစ်ပါတယ်။

သက်တော် ၆၈ နှစ်ရှိပြီဖြစ်တဲ့ ကာဒီနယ်ဘုန်းတော်ကြီး Charles Maung Bo ဟာ ရန်ကုန် ရိုမန်ကက်သလစ် ဂိုဏ်းချုပ်ကြီးအဖြစ် ၂၀၀၃ ခုနှစ်ကနေ တာဝန်ထမ်းဆောင်ခဲ့ရာက ၂၀၁၅ ခုနှစ်မှာ ပုပ်ရဟန်းမင်းကြီး Francis က သူ့ကို ရဟန်းမင်းကြီး အမတ် လို့ခေါ်တဲ့ ကာဒီနယ်အဖြစ် ရွေးချယ် တင်မြှောက်ခဲ့တာ ဖြစ်ပါတယ်။ ကာဒီနယ် ဘုန်းတော်ကြီးတွေဟာ ရိုမန်ကက်သလစ် ဘာသာအတွင်း ပုပ်ရဟန်းမင်းကြီးပြီးရင် အာဏာရှိတဲ့သူတွေ ဖြစ်ပြီး၊ ပုပ်ရဟန်းမင်းကြီးကို ရွေးချယ်ရာမှာလည်း မဲပေးနိုင်တဲ့ ပုဂ္ဂိုလ်တွေ ဖြစ်ကြပါတယ်ရှင်။

 မနန္ဒာချမ်း / ဗွီအိုအေ (မြန်မာပိုင်း)
http://burmese.voanews.com

Tuesday, August 23, 2016

ပြည်ထောင်စုငြိမ်းချမ်းရေးညီလာခံ ( ၂၁ရာစု ပင်လုံ ) အားကြိုဆိုထောက်ခံသည့် လူထုချီတက် ပွဲ

ပြည်ထောင်စုငြိမ်းချမ်းရေးညီလာခံ ( ၂၁ရာစု ပင်လုံ ) အားကြိုဆိုထောက်ခံသည့် လူထုချီတက် ပွဲ




ပြည်တွင်းငြိမ်းချမ်းရေးနှင့် တရုတ်-မြန်မာ နိုင်ငံရေး

ပြည်တွင်းငြိမ်းချမ်းရေးနှင့် တရုတ်-မြန်မာ နိုင်ငံရေး
 
23 August 2016
 
မြန်မာနိုင်ငံသည် ပြုပြင်ပြောင်းလဲမှု ကာလအတွင်း အမေရိကန် ပြည်ထောင်စုနှင့် တိုက်ရိုက်ဆက်နွယ်နေသော်လည်း ဒေါ်အောင်ဆန်းစုကြည်သည် နိုင်ငံရေး အရ လက်တွေ့ကျသူဖြစ်ပြီး တရုတ်နှင့် ဆက်ဆံရေး အရေးကြီးပုံကို အမှန်အတိုင်း သိမြင်သူဟု တရုတ်နိုင်ငံပိုင် ချိုင်းနားဒေးလီး သတင်းစာ၏ အယ်ဒီတာ့လအာဘော်တွင် ဖော်ပြခဲ့သည်။
ဒေါ်အောင်ဆန်းစုကြည်၏ တရုတ်ခရီးစဉ်အတွင်း အဓိက ဦးစားပေး ကိစ္စရပ်တစ်ခုမှာ မြန်မာ့ ငြိမ်းချမ်းရေး လုပ်ငန်းစဉ် ဖြစ်သည်။ ဒေါ်အောင်ဆန်းစုကြည်က တရုတ်နိုင်ငံအား မြန်မာ့ ငြိမ်းချမ်းရေး လုပ်ငန်းစဉ်နှင့် ပတ်သက်၍ ထောက်ပံ့ကူညီရန် မည်သည့်အချက်များကို တောင်းဆိုသည်ကို မသိရသေးပေ။
မည်သို့ပင်ဖြစ်စေ ထိုကိစ္စရပ်အတွက် ဆွေးနွေးမှုများ စတင်ပြီးဖြစ်ကာ တရုတ်ဘက်ကလည်း အပြုသဘောတုံ့ပြန်မှုများ ရှိသည်ဟု သတင်းများက ဖော်ပြနေသည်။
NLD ဦးဆောင်အစိုးရ၊ ဒေါ်အောင်ဆန်းစုကြည်တို့နှင့် ကောင်းမွန်သည့် ဆက်ဆံရေး တည်ဆောက်ရန် လိုလားသည့် တရုတ်မူဝါဒအရ မြန်မာ့ ငြိမ်းချမ်းရေး လုပ်ငန်းစဉ်နှင့် ယခုလကုန်၌ စတင်ပြုလုပ်မည့် ၂၁ ရာစု ပင်လုံထောက်ခံကြောင်းနှင့် ကူညီလိုကြောင်း သမ္မတ ဇီကျင်ပင်း ကိုယ်တိုင်က ထုတ်ဖော်ပြောကြားထားသည်။
မြန်မာ့ ငြိမ်းချမ်းရေး လုပ်ငန်းစဉ်အတွက် တရုတ်၏ ငွေကြေးထောက်ပံ့မှုနှင့် နိုင်ငံရေးအရ ထောက်ခံမှုမှာ မတ်လမှစ၍ မြင့်တက်လာခဲ့သည်။ ယခုနှစ်အစောပိုင်းတွင် မြန်မာ့ ငြိမ်းချမ်းရေး လုပ်ငန်းစဉ်အတွက် တရုတ်က ဒေါ်လာ သုံးသန်း လှူဒါန်းခဲ့ပြီး ယခင် သမ္မတ ဦးသိန်းစိန် လက်ထက်တွင် မမျှော်လင့်နိုင်သည့် အခြေအနေဖြစ်သည်။
ထို့အပြင် ဇူလိုင်လကုန်ပိုင်းက ကချင်ပြည်နယ် မိုင်ဂျာယန်၌ ကျင်းပသည့် တိုင်းရင်းသား လက်နက်ကိုင် တပ်ဖွဲ့များ ညီလာခံသို့ တရုတ်နိုင်ငံ၏ အာရှရေးရာ အထူးကိုယ်စားလှယ် မစ္စတာ ဆန်ဂူစင်း တက်ရောက်ခဲ့ပြီး NLD အစိုးရ၏ ငြိမ်းချမ်းရေးလုပ်ငန်းစဉ်ကို တရုတ်နိုင်ငံက ထောက်ခံကြောင်း ပြောကြားခဲ့သည်။
တစ်နိုင်ငံလုံး အပစ်ရပ်သဘောတူစာချုပ် (NCA) တွင် လက်မှတ်ထိုးထားခြင်း မရှိသည့် “၀” နှင့် ကိုးကန့်တပ်များအား ၂၁ ရာစု ပင်လုံညီလာခံတွင်ပါဝင်ရန် မစ္စတာ ဆန်ဂူစင်းနှင့်အဖွဲ့က တိုက်တွန်းခဲ့သည်။ တရုတ်နိုင်ငံသည် ယင်း၏ အကျိုးစီးပွားအတွက် တိုင်းရင်းသား တပ်ဖွဲ့များအား အလျှော့ပေးခိုင်နေသည်ဟု တိုင်းရင်းသား ခေါင်းဆောင်အချို့က ပြောကြားခဲ့သည်။
ဒေါ်အောင်ဆန်းစုကြည်က တရုတ်နိုင်ငံနှင့် ကောင်းမွန်သည့် ဆက်ဆံရေး ထူထောင်မည့် မူဝါဒကို ချမှတ်ထားသည်။ သို့သော် ထိုသို့ ဆုံးဖြတ်ခြင်းက မြန်မာနိုင်ငံ၏ ဘက်မလိုက် နိုင်ငံခြားရေးမူဝါဒမှ သွေဖယ်မှုမဟုတ်ပေ။ မြန်မာနိုင်ငံအနေဖြင့် အင်အားကြီးနိုင်ငံများ၏ ပါဝါကစားပွဲတွင် မည်သို့ ရပ်တည်မည်၊ တရုတ်အပါအ၀င် နိုင်ငံတကာနှင့် ဘက်မျှစွာ ဆက်ဆံနိုင်ရန် မည်သို့ ဆောင်ရွက်မည်ကို အများက စောင့်ကြည့်လျက်ရှိသည်။
ထိုသို့ မျှတစွာ ဆောင်ရွက်နိုင်ရန်မှာ ခက်ခဲသည့် စိန်ခေါ်မှု ဖြစ်သည်။ ဒေါ်အောင်ဆန်းစုကြည်၏ ပြည်တွင်းလုပ်ငန်းစဉ်များ၊ အထူးသဖြင့် ငြိမ်းချမ်းရေး လုပ်ငန်းစဉ်နှင့် စီးပွားရေးဖွံ့ဖြိုးတိုးတက်ရေးအတွက် တရုတ်နိုင်ငံက အထောက်အပံ့များစွာ ပေးနိုင်ပြီး NLD အစိုးရအနေဖြင့် တရုတ်နိုင်ငံထံမှ အကူအညီ ရယူခြင်းမှာ လက်တွေ့ကျသည့် ဆောင်ရွက်မှုဖြစ်သည်။
သို့သော် တရုတ်၏အကူအညီမှာ နှောင်ကြိုးမဲ့ မဟုတ်ကြောင်း နားလည်ထားရန် လိုအပ်သည်။ မြန်မာနှင့် ဆွေးနွေးမှုများ ပြုလုပ်မည့် တရုတ်တာဝန်ရှိသူများမှာ မြစ်ဆုံဆည်ကဲ့သို့သော ကိစ္စရပ်များနှင့် တရုတ်၏ မဟာဗျူဟာအစီအစဉ်များကို မြန်မာက လက်ခံနိုင်မှု စသည်တို့အား ထည့်သွင်းတွက်ချက် ဆွေးနွေးခဲ့ဖွယ်ရှိသည်။
ဒေါ်အောင်ဆန်းစုကြည်အနေဖြင့် တရုတ်နှင့် ဆက်ဆံရေးအတွက် တရုတ်၏ လိုလားတောင်းဆိုချက်များက ပြည်တွင်း မဲဆန္ဒရှင်များနှင့် နိုင်ငံတကာ မိတ်ဖက်များအပေါ် သက်ရောက်လာနိုင်သည့် အကျိုးဆက်များကို အထူးဂရုပြုကာ မြန်မာနိုင်ငံ၏ ရေရှည် အမျိုးသားအကျိုးစီးပွားကို ကာကွယ်ရန်နှင့် မြှင့်တင်ရန် ဆောင်ရွက်ရမည်ဖြစ်သည်။
The Ladies News

ဧရာဝတီမြစ်ဝှမ်းဖွံ့ဖြိုးတိုးတက်ရေး စီမံကိန်းကို နယ်သာလန်နှင့် သြစတေးလျနိုင်ငံတို့မှ ကူညီမည်

ဧရာဝတီမြစ်ဝှမ်းဖွံ့ဖြိုးတိုးတက်ရေး စီမံကိန်းကို နယ်သာလန်နှင့် သြစတေးလျနိုင်ငံတို့မှ ကူညီမည်

ဧရာဝတီမြစ်ဝှမ်း ဖွံ့ဖြိုးတိုးတက်ရေးစီမံကိန်းကို နယ်သာလန်နှင့် သြစတေးလျနိုင်ငံတို့မှ ထောက်ပံ့ကူညီမှုများ ပြုလုပ်သွားမည်ဖြစ်ကြောင်း မြန်မာနိုင်ငံ အမျိုးသားအဆင့် ရေအရင်းအမြစ်ကော်မတီမှ သိရှိရသည်။

''စီမံကိန်းကိုလုပ်တာကြာပြီ။ ဘက်စုံတိုးတက်ရေးအတွက် လုပ်တာပါ။ ရေကြောင်းအခြေအနေ၊ သွားလာရေး တွေပါမယ်။ လုပ်ငန်းစဉ်သုံးခု ရှိတယ်။ ရေဆိုင်ရာ သတင်းအချက်အလက်တွေရရှိမယ့် အချက်တွေလည်း ပါ တယ်။ အခု နယ်သာလန်နဲ့ သြစတေးလျက နည်းပညာပိုင်းတွေ၊ ပညာရှင်တွေ ထောက်ပံ့ပေးသွားမှာပါ'' ဟု မြန်မာနိုင်ငံအမျိုးသားအဆင့် ရေအရင်းအမြစ် ကော်မတီအတွင်းရေးမှူး ဦးထွန်းလွင်ဦးကပြောသည်။

အဆိုပါစီမံကိန်းလုပ်ဆောင်ရန် အချိန်ရှစ်လကျော်ကြာ ပြင်ဆင်ခဲ့ခြင်းဖြစ်ပြီး နယ်သာလန်နိုင်ငံနှင့် ၂၀၁၃ ခုနှစ်တွင် သဘောတူညီမှုရယူခဲ့ကာ ၂၀၁၅ ခုနှစ်တွင် သြစတေးလျနိုင်ငံနှင့် သဘောတူညီမှုရရှိခဲ့ခြင်း ဖြစ်သည်။

''အခုလို ပူးပေါင်းဆောင်ရွက်နေတာတွေ လုပ်သွားမယ်။ မြစ်ကြောင်းထိန်းသိမ်းမယ့် နည်းလမ်းတွေလည်း ပါမယ်။ ကျွန်တော်တို့ဆီက မြစ်နဲ့လည်း အလားတူဖြစ်ရပ်တွေ မကြုံစေချင်လို့ပါ''ဟု သြစတေးလျသံအမတ် Mr.Nicholas Coppel ကပြောသည်။

အဆိုပါစီမံကိန်းတွင် မြစ်ကြောင်းအခြေအနေ၊ ရေဆိုင်ရာ အချက်အလက်၊ မြစ်ကြောင်းတွင် နေထိုင်သူများကိုပါ ထည့်သွင်းလေ့လာခြင်းများ ပြုလုပ်သွားမည်ဖြစ်ပြီး မြေပေါ်ရေ အခြေအနေအား ကာကွယ်ရမည့်အပိုင်းများကို လေ့လာသွားမည်ဖြစ်သည်။

စီမံကိန်းအချက်အလက်များကို ၂၀၁၆ ခုနှစ် ဒီဇင်ဘာလတွင် ပထမအကြိမ်နှင့် ၂၀၁၇ ခုနှစ် မတ်လတွင် ဒုတိယအကြိမ် ထုတ်ပြန်မည်ဖြစ်ပြီး နောက်ဆုံးအပြီးသတ် အချက်လက်များကို ၂၀၁၇ ခုနှစ် ဇွန်လတွင် ထုတ်ပြန်သွားမည် ဖြစ်ကြောင်း သိရသည်။

စီမံကိန်းနှင့်ပတ်သက်၍ summit park view ဟိုတယ်၌ သြဂုတ် ၂၃ ရက်တွင် အလုပ်ရုံဆွေးနွေးပွဲဖြင့် စတင် လုပ်ဆောင်မည်ဖြစ်ပြီး ထိုင်း၊ ဗီယက်နမ်၊ မြန်မာ၊ နယ်သာလန်၊ သြစတေးလျနှင့် နီပေါတို့မှပညာရှင်များ လာရောက် ဆွေးနွေးမည်ဖြစ်ကြောင်း သိရသည်။

MMK
The Ladies News

မြစ်ဆုံစီမံကိန်းအစား သံလွင်ရေကာတာအား လုပ်ပိုင်ခွင့်ပေးလိုက်မည်ကို အလွန်စိုးရိမ်

မြစ်ဆုံစီမံကိန်းအစား သံလွင်ရေကာတာအား လုပ်ပိုင်ခွင့်ပေးလိုက်မည်ကို အလွန်စိုးရိမ်
23 August 2016
-------- ----- --------
ဧရာဝတီမြစ်ပေါ် တည်ဆောက်မည့် မြစ်ဆုံရေကာတာ စီမံကိန်းကို လူအများစုက အာရုံစိုက်နေချိန်တွင် မြန်မာအစိုးရက သံလွင်မြစ်ရေကာတာအား မြစ်ဆုံအစား လုပ်ပိုင်ခွင့် ပေးလိုက်မည် ကို အလွန်စိုးရိမ်ကြောင်း ရှမ်းလူမှု အဖွဲ့အစည်းများက သြဂုတ် ၂၃ ရက်တွင် ထုတ်ပြန်ကြောညာလိုက်သည်။
...
တရုတ်နိုင်ငံသို့ ဒေါ်အောင်ဆန်းစုကြည် ချစ်ကြည်ရေးခရီးစဉ် မသွားရောက်မီ အစိုးရက လျှပ်စစ်စွမ်းအင် ဖြည့်တင်းရေးအတွက် ရေအားလျှပ်စစ်မှ ရယူသွားမည်ဟု အစိုးရ ရက် ၁၀၀ သတင်းစာ ရှင်းလင်းပွဲများတွင် ပြောကြားထားမှုများလည်း ရှိသည်။ သံလွင်ပင်များ ရေကာတာများကို တရုတ်နိုင်ငံက တည်ဆောက်မည်ဖြစ်ပြီး ထွက်ရှိလာမည့် လျှပ်စစ်ဓာတ်အားကို တရုတ်နှင့် အိမ်နီးချင်းနိုင်ငံများက ယူဆောင်သွားမည်ဖြစ်သည်ဟု ရှမ်းလူထုအဖွဲ့အစည်းက ထုတ်ပြန်သည်။
“သံလွင်မြစ်ရေကာတာကို မြစ်ဆုံအစားထိုးလိုက်မှာ ကျွန်တော်တို့ အလွန်စိုးရိမ်ပါတယ်။ ကြေညာချက် ထုတ်ပြန်တာ အဓိက ရည်ရွယ်ချက်က လတ်တလော တည်ဆောက်နေတဲ့ သံလွင်မြစ်ပေါ် မှာ တည်ဆောက်နေတဲ့ ရေကာတာ အားလုံးကို ရပ်ဖို့ပဲ” ဟု ရှမ်းလူထုအဖွဲ့အစည်းမှ ကိုစိုင်းခေးဆိုင်က The Ladies သို့ပြောသည်။
ပြီးခဲ့သည့် သြဂုတ် ၁၇ ရက်က ရှမ်းလူထုအဖွဲ့အစည်းများ စုစည်းကာ ဒေါ်အောင်ဆန်းစုကြည်ထံ သံလွင်မြစ်ပေါ် တည်ဆောက်မည့် ရေကာတာ စီမံကိန်းများအားလုံး ရပ်တန့်ထားရန် အိတ်ဖွင့်ပေးစာ တစ်စောင်ကို ပေးပို့ခဲ့ပြီးဖြစ်သည်။ ရှမ်းလူထုများက တန်ဖိုးမဖြတ်နိုင်သည့် သံလွင်မြစ်သည် မြန်မာနိုင်ငံ အရှေ့ပိုင်းနေ တိုင်းရင်းသား ပြည်သူ လူထုအမြောက်အမြား မှီခိုအားထားနေသော မြစ်တစ်စင်းဖြစ်သည့်အပြင် ရေကာတာများသည် ငြိမ်းချမ်းရေး လုပ်ငန်းစဉ်များကို အကြီးအကျယ် ထိခိုက်မည်ဖြစ်သည်ဟု ကြေညာချက်တွင် ဖော်ပြထားသည်။
တရုတ်နိုင်ငံအစိုးရပိုင် တရုတ်ရေအားလျှပ်စစ် ကုမ္ပဏီသည် လွန်ခဲ့သော လအနည်းငယ်အတွင်းက မဂ္ဂါဝပ် ၁၂၀၀ ထွက်မည့် ရှမ်းပြည်နယ်အတွင်း ရေကာတာတစ်ခုဖြစ်သည့် သံလွင်မြစ်ပေါ်ရှိ နောင်ဖာရေကာတာ တည်ဆောက်ရန် ဦးတည်နေသည်။ နောင်ဖာရေကာတာသည် လက်နက်ကိုင်အဖွဲ့အစည်းများ အများစုဝန်းရံလျှက်ရှိသော ဒေသတစ်ခုဖြစ်သလို အစိုးရစစ်တပ်နှင့် တိုင်းရင်းသား လက်နက်ကိုင်တပ်ဖွဲ့များ မကြာခဏတိုက်ပွဲ ဖြစ်ရာ ဒေသလည်း ဖြစ်သည်။ လွန်ခဲ့သည့် ၂၀၁၃ ခုနစ်က နောင်ဖာဒေသအတွင်း ရှမ်းပြည်တိုးတက်ရေးပါတီ SSPP/SSA တပ်များနှင့် အစိုးရတပ်တို့ တိုက်ပွဲများ ပြင်းထန်စွာဖြစ်ပွားခဲ့ပြီး ဒေသခံများမှာ နေရပ်စွန့်ခွာ ထွက်ပြေးခဲ့ရသည်။
နောင်ဖာရေကာတာ သတင်း ထွက်ပေါ်စဉ် တန့်ယန်းမြို့နယ် ကျေးရွာ အုပ်စု ၉ စုမှ ဒေသခံလူထုနှင့် လူထုကိုယ်စားလှယ်များ (၂၅၀) ဦးခန့်က သြဂုတ်လ ၅ ရက်နေ့တွင် ဆန့်ကျင်ဆန္ဒပြခဲ့ကြသည်။ အဆိုပါ နောင်ဖာရေကာတာ ဆန့်ကျင်ရေးလှုပ်ရှားမှုတွင် SNLD မှလွတ်တော် ကိုယ်စားလှယ် ဦးဆောင်ပါဝင်ခဲ့သည်။ သြဂုတ်လ ၂၁ ရက်နေ့တွင် ဟိုပန်၊ ကွန်လုံ၊ တန့်ယန်း၊ လားရှိုး၊ သိန္နီမှ ရပ်ရွာ လူထုခေါင်းဆောင် အသီးသီး ၆၀ ဦးခန့်နှင့် SNLD လွှတ်တော်ကိုယ်စားလှယ်သုံးဦးတို့သည် နောင်ဖာရေကာတာ ဆန့်ကျင်ရေး ဆန္ဒပြခဲ့ကြသည်ဟုလည်း ထုတ်ပြန်ချက်တွင် ဖော်ပြထားသည်။
အလားတူ မြန်မာနိုင်ငံအတွက် ၁၀ ရာခိုင်နှုန်းသာ ရရှိမည့် အရှေ့တောင်အာရှ အကြီးဆုံးရေကာတာ ဖြစ်လာဖွယ်ရှိသော မိုင်းတုံ ရေအားလျှပ်စစ်နှင့် ရေကာတာ စီမံကိန်းကိုလည်း ဒေသခံများမှ ကန့်ကွက်လျက် ရှိနေသည်။
The Ladies News
http://www.theladiesnewsjournal.com/…/tue-2016-08-23-1…/3069

သမ္မတနှင့် အတိုင်ပင်ခံပုဂ္ဂိုလ် အိန္ဒိယပြည်ပရေးရာဝန်ကြီးကို သီးခြားစီတွေ့ဆုံ

သမ္မတနှင့် အတိုင်ပင်ခံပုဂ္ဂိုလ် အိန္ဒိယပြည်ပရေးရာဝန်ကြီးကို သီးခြားစီတွေ့ဆုံ

သမ္မတဦးထင်ကျော်၊ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့နှင့် အိန္ဒိယပြည်ပရေးရာဝန်ကြီး မစ္စ ဆူရှမာဆွာရာရ် ဦးဆောင်သော ကိုယ်စားလှယ်အဖွဲ့ တွေ့ဆုံ၍ နှစ်နိုိင်ငံ ပူးပေါင်းဆောင်ရွက်ရေး ကိစ္စရပ်များကို ဆွေးနွေးခဲ့ကြောင်း သတင်းရရှိသည်။
ဒေါ်အောင်ဆန်းစုကြည်က သမိုင်းဝင်ခရီးစဉ်အဖြစ် အိမ်နီး ချင်း တရုတ်နိုင်ငံသို့ သွားရောက် ခဲ့ပြီး မြန်မာနိုင်ငံသို့ ပြန်လည် ရောက်ရှိ၍ နောက်တစ်ရက်အ ကြာတွင် အိန္ဒိယအစိုးရအဆင့်မြင့် ကိုယ်စားလှယ်အဖွဲ့က လာရောက်တွေ့ဆုံခဲ့ခြင်းဖြစ်သည်။
 သမ္မတ ဦးထင်ကျော်နှင့် အိန္ဒိယပြည်ပရေးရာဝန်ကြီးတို့ သြဂုတ် ၂၂ ရက်က တွေ့ဆုံ၍ ကုန်သွယ်မှုတိုးမြှင့်ရေး၊ ပို့ဆောင် ရေး၊ ကျန်းမာရေး၊ စွမ်းအင်ကဏ္ဍ ပူးပေါင်းဆောင်ရွက်ရေးနှင့် ပဲစိုက်တောင်သူများအတွက် အိန္ဒိယမှလည်း နည်းပညာအကူအညီပေးရေးကိစ္စများကို ဆွေးနွေးခဲ့ကြောင်း သမ္မတရုံးက သတင်းထုတ်ပြန်သည်။

ထို့အပြင် နိုင်ငံတော်၏ အ တိုင်ပင်ခံပုဂ္ဂိုလ် ဒေါ်အောင်ဆန်း စုကြည်နှင့် အိန္ဒိယ၀န်ကြီးတို့ တွေ့ဆုံပြီး ပညာရေး၊ ကျန်းမာ ရေးနှင့် ကုန်သွယ်ရေးဆိုင်ရာ ပူး ပေါင်းဆောင်ရွက်ရေးကိစ္စရပ် များကို ဆွေးနွေးခဲ့ကြောင်း နိုင်ငံ တော်အတိုင်ပင်ခံပုဂ္ဂိုလ်ရုံးက သ တင်းထုတ်ပြန်ခဲ့သည်။


http://www.7daydaily.com/story/73518

လေးလောင်းပြိုင်လူသတ်မှုနှင့် ပတ်သက်၍ ဖေ့စ်ဘွတ်ခ်တွင် သတင်းမှားတင်သူများကို အရေးယူမည်ဟုဆို

လေးလောင်းပြိုင်လူသတ်မှုနှင့် ပတ်သက်၍ ဖေ့စ်ဘွတ်ခ်တွင် သတင်းမှားတင်သူများကို အရေးယူမည်ဟုဆို
Tuesday, August 23, 2016
 
မင်္ဂလာဒုံမြို့နယ်တွင် ဖြစ်ပွားခဲ့သော လေးလောင်းပြိုင် လူသတ်မှုနှင့်ပတ်သက်၍ သတင်း မှားများလူမှုကွန်ရက်ဖေ့စ်ဘွတ်ခ် ပေါ်ရေးသားဖော်ပြနေသူများကို စိစစ်အရေးယူမည်ဖြစ်ကြောင်းရဲ တပ်ဖွဲ့မှ သတင်းရရှိသည်။
...
မင်္ဂလာဒုံမြို့နယ် ပတ္တမြား မြို့သစ် ရွှေနံ့သာကျေးရွာအုပ်စု မြအေးချမ်းသာလမ်းသွယ်တွင် နေထိုင်သူ ရဲအရာရှိဟောင်းနှင့် ၎င်း၏ဇနီး၊ သားနှစ်ဦးမှာ သြဂုတ် ၂၀ရက်က အသတ်ခံခဲ့ရမှုအပေါ် လူထုကစိတ်ဝင်စားနေချိန်၌ လူမှု ကွန်ရက်အသုံးပြုသူအချို့က သ တင်းအမှားများဆက်တိုက်ရေး သားနေသည်ကို တွေ့ရှိရကြောင်း မင်္ဂလာဒုံမြို့နယ်ရဲစခန်းမှ ရဲအရာရှိတစ်ဦးကပြောသည်။
အမှုဖြစ်ပြီး တစ်ရက်အကြာ သြဂုတ် ၂၁ရက်က အဆိုပါအမှု သည် ၂၀၁၄ကဖြစ်ပွားခဲ့ဖူးသည် ဆိုသော မူးယစ်ဆေးဝါးအမှု ကြောင့် ရန်ငြိုးထားသတ်ဖြတ်ခံရ ခြင်းဖြစ်ကြောင်း လူမှုကွန်ရက် တွင် ကျယ်ကျယ်ပြန့်ပြန့်ထွက် ပေါ်လာခဲ့သည်။ ယင်းသတင်းအ ပေါ် မူးယစ်ဆေးဝါးတားဆီးနှိမ် နင်းရေးရဲတပ်ဖွဲ့ကနေ့ချင်းလိုက် လံစိစစ်ခဲ့ပြီး မဟုတ်မှန်ကြောင်း အတည်ပြုခဲ့သည်။
သြဂုတ် ၂၂ရက်တွင်လည်း ဖေ့စ်ဘွတ်ခ်သုံးစွဲသူတစ်ဦးက ယ ခင်းအငြိုးအတေးတစ်ခုကြောင့် သူကိုယ်တိုင်သတ်ဖြတ်ခဲ့သည်ပုံ စံရေးသားထားသည်။ ထို့အပြင် ရဲတပ်ဖွဲ့က တရားဝင်မထုတ်ပြန် သေးသည့် သံသယရှိသူအချို့၏ ဓာတ်ပုံများလူမှုကွန်ရက်ပေါ်တွင် ပေါ်ထွက်လာခဲ့သည်။
လူအများစိတ်ဝင်စားနေ သော ယင်းအမှုကို အမှုမှန်မပေါ် ပေါက်စေရန် အာရုံလွှဲခြင်းဖြစ်နိုင် သောကြောင့် သတင်းအမှားတင် သူများနှင့် လျှို့ဝှက်ဓာတ်ပုံများလူ မှုကွန်ရက်ပေါ်စတင်ဖော်ပြသူများကို စိစစ်အရေးယူမည်ဖြစ် ကြောင်း မင်္ဂလာဒုံမြို့နယ်ရဲစခန်း မှ ရဲအရာရှိတစ်ဦးကပြောသည်။
အဆိုပါအမှုအတွက် ရဲချုပ် ဦးဆောင်ပြီး မှုခင်းဆရာဝန်၊ မှု ခင်းရဲတပ်ဖွဲ့(CID)တပ်ဖွဲ့မှူး၊ ရန်ကုန်တိုင်းဒေသကြီးရဲတပ်ဖွဲ့မှူးပါဝင်သောအစည်းအဝေးကို နေပြည်တော်ရုံးချုပ်၌ သြဂုတ်၂၂ရက်က ပြုလုပ်ခဲ့ကြောင်း ရဲ တပ်ဖွဲ့အသိုင်းအ၀ိုင်းမှ သတင်းရရှိသည်။
မှုခင်းရဲတပ်ဖွဲ့(CID)တပ်ဖွဲ့ မှူးနှင့် မြောက်ပိုင်းခရိုင်ရဲတပ်ဖွဲ့ မှူးတို့ကို ဆက်သွယ်မေးမြန်းရာ အလုပ်များနေ၍မဖြေနိုင်သေး ကြောင်း ပြောသည်။ မြန်မာနိုင်ငံ ရဲတပ်ဖွဲ့ပြောရေးဆိုခွင့်ရှိသူ ရဲမှူး ကြီး၏ ဖုန်းသို့ဆက်သွယ်မေးမြန်း သော်လည်း သင်တန်းပြနေ၍ လောလောဆယ် မအားလပ် ကြောင်း ဖုန်းကိုင်သည့်ရဲအရာရှိ တစ်ဦးကပြောသည်။
အဆိုပါလူသတ်မှုကို မှုခင်း ရဲတပ်ဖွဲ့(CID)၊ ရန်ကုန်တိုင်းဒေ သကြီးမြောက်ပိုင်းခရိုင်ရဲတပ်ဖွဲ့ နှင့် အထူးရဲတပ်ဖွဲ့မှ ရဲအရာရှိအ ချို့ ဦးဆောင်စစ်ဆေးနေပြီးအ တည်မပြုနိုင်သေးသော သတင်း များအရ သံသယရှိသူအချို့ကို ရဲတပ်ဖွဲ့က ခေါ်ယူစစ်ဆေးနေ ကြောင်းသတင်းရရှိသည်။
7Day

ရပ်ဆိုင်းထားသည့်ဟိန္ဒားသတ္တုတွင်းစီမံကိန်းကို ပတ်ဝန်းကျင် စီမံခန့်ခွဲမှုအစီအစဉ်ရေးဆွဲပြီးမှသာ ပြန်လုပ်ခွင့်ပြုမည်

ရပ်ဆိုင်းထားသည့်ဟိန္ဒားသတ္တုတွင်းစီမံကိန်းကို ပတ်ဝန်းကျင် စီမံခန့်ခွဲမှုအစီအစဉ်ရေးဆွဲပြီးမှသာ ပြန်လုပ်ခွင့်ပြုမည်
Tuesday, August 23, 2016
 
တနင်္သာရီ တိုင်းဒေသကြီးအတွင်းရှိ ရပ်ဆိုင်း ထားသော ဟိန္ဒားသတ္တုတွင်းစီမံကိန်း ကို ပတ်ဝန်းကျင်စီမံခန့်ခွဲမှုအစီ အစဉ် ရေးဆွဲပြီး မှသာ ပြန်လည်လုပ်ကိုင် ခွင့်ပြုသွားမည်ဖြစ်ကြောင်း တနင်္သာ ရီတိုင်းဒေ သကြီး အစိုးရအဖွဲ့သယံ ဇာတနှင့်ပတ်ဝန်းကျင်ထိန်းသိမ်းရေး ၀န်ကြီးဌာန ၀န်ကြီးဦးမြင့်မောင်က သြဂုတ် ၂၁ ရက်က ပြောသည်။
...
တနင်္သာရီတိုင်းဒေသကြီး အစိုးရ သစ်လက်ထက်တွင် သဘာဝပတ်ဝန်း ကျင်ထိခိုက်မှုများကြောင့် ဟိန္ဒားသတ္တု တွင်းလုပ်ငန်း အပါအ၀င် သတ္တုတွင်း လုပ်ငန်းလုပ်ကိုင်ဆောင်ရွက်နေ သည့်လုပ်ငန်းသုံးခုကို ရပ်ဆိုင်းခဲ့ခြင်း ဖြစ်သည်။
ဦးမြင့်မောင်က "အခုရပ်ဆိုင်း လိုက်တဲ့ လုပ်ငန်းတွေကတော့ ရေ ဆိုးတွေ တအားထွက်တယ်။ အဓိက ကတော့ စနစ်တကျမ လုပ်ဆောင်တဲ့ အတွက်ကြောင့်ပါ။ ဒါကြောင့် သူ တို့ကို ဒီဇိုင်းပြန်ဆွဲခိုင်းထားပါတယ်။ ဟိန္ဒားဆိုရင် သူတို့ကို ပတ်ဝန်းကျင် စီမံခန့်ခွဲမှုအစီအစဉ် (EMP)ကို ဆွဲ ခိုင်းထားပါတယ်။သူတို့ ပြန်ဆွဲထား တာကိုကျွန်တော်တို့က ပြန်စစ်မယ်။ ပတ်ဝန်းကျင်မ ထိခိုက်ဘူးဆိုရင်တော့ ကျွန်တော်တို့ကပြန်ပြီး ခွင့်ပြုသွား မှာပါ။ ရပ်ဆိုင်းထားတဲ့သတ္တုတူးဖော် ရေးလုပ်ငန်းတွေ အနေနဲ့ EMP ပါမှ ပဲခွင့်ပြုသွားတော့မှာပါ" ဟု သြဂုတ် ၂၂ ရက်က ဒီမိုကရေစီတူဒေးသို့ပြောသည်။
ဟိန္ဒားစီမံကိန်းလုပ်ငန်းကို လုပ် ကိုင်လာသည်မှာ ၁၉၉၉ ခုနှစ်မှ ယနေ့အချိန်ထိ ဧကပေါင်း ၂၁၁၀ ကျော်တွင်လုပ် ကိုင်နေခြင်းဖြစ် ကာ သတ္တုတူးဖော်ရေးလုပ်ငန်းကိုသတ္တု တွင်းဝန်ကြီးဌာနမှ ၃၅ ရာခိုင်နှုန်း နှင့် ကုမ္ပဏီမှ ၆၅ ရာခိုင်နှုန်းဖြင့်အကျိုး တူပူးပေါင်း လုပ်ဆောင်နေခြင်းဖြစ် ကြောင်း သိရသည်။
တနင်္သာရီတိုင်းဒေသကြီးတွင် သတ္တုတွင်းလုပ်ငန်း လုပ်ကိုင်ခွင့် အနေဖြင့် ကုမ္ပဏီ ၃၇ ခုကျော်ကို ခွင့်ပြုထားပြီး အများစုမှာ ခဲမဖြူနှင့် အဖြိုက်နက် တူးဖော်သည့် လုပ်ငန်းများ ဖြစ်ကြောင်းသိရသည်။

"စီးပွားရေးဖွံ့ဖြိုးဖို့ အထည်ချုပ်စက်ရုံတွေ ဆောက်ရမယ်ဆိုတဲ့ အတွေးမျိုး အခုထိ တွေးနေတဲ့လူတွေ အများကြီးရှိပါတယ်" ဟု ဒေါ်အောင်ဆန်းစုကြည် ပြော

"စီးပွားရေးဖွံ့ဖြိုးဖို့ အထည်ချုပ်စက်ရုံတွေ ဆောက်ရမယ်ဆိုတဲ့ အတွေးမျိုး အခုထိ တွေးနေတဲ့လူတွေ အများကြီးရှိပါတယ်" ဟု ဒေါ်အောင်ဆန်းစုကြည် ပြော

Tuesday, August 23, 2016
 
ဒေါ်အောင်ဆန်းစုကြည်၏ တရုတ်ခရီးစဉ်တွင် နိုင်ငံရေးကိစ္စရပ်အပြင် အရေးကြီးသည့် အခြားကိစ္စရပ်တစ်ခုမှာ စီးပွားရေးဖြစ်သည်။ စွမ်းအင်ကဏ္ဍကဲ့သို့ နှစ်နိုင်ငံဘုံအကျိုးစီးပွား ရှိသည့် ကဏ္ဍများစွာရှိနေသည်။ တရုတ်နိုင်ငံ ယူနန်ပြည်နယ်တွင် လျှပ်စစ်ထုတ်လုပ်မှု ပိုလျှံသဖြင့် မြန်မာနိုင်ငံသို့ ရောင်းချခြင်းပြုလုပ်နိုင်ဖွယ်ရှိသည်ဟု တရုတ်သတင်းဌာ...နများက ဖော်ပြထားသည်။
မြန်မာနိုင်ငံတွင် လျှပ်စစ်ဓာတ်အားလိုင်းစနစ် အားနည်းခြင်းကဲ့သို့သော ကိစ္စရပ်များမှာ နှစ်နိုင်ငံ ပူးပေါင်းဆောင်ရွက်ရန် အလားအလာရှိသည့် ကဏ္ဍဖြစ်ပြီး တရုတ်နိုင်ငံရေးနှင့် စီးပွားရေး အပြန်အလှန် ဆက်ဆံမှု မြှင့်တင်ရန် ထိုကဲ့သို့ အခြေခံ အဆောက်အအုံကဏ္ဍများတွင် ရင်းနှီးမြှုပ်နှံမှု ပြုလုပ်လိုလျက်ရှိသည်။ မြန်မာနိုင်ငံနှင့် ဆက်ဆံရေး ကောင်းမွန်လာရှိပါက တရုတ်က လျှပ်စစ်မီးနှင့် အခြေခံ အဆောက်အအုံများအား ကုန်ကျစရိတ် သက်သာရန် ညှိနှိုင်းဆောင်ရွက်ပေးနိုင်မည်ဟု ဆိုသည်။
ထိုလုပ်ငန်းများက မြန်မာနိုင်ငံအား တရုတ်နှင့် ပိုမိုနီးကပ်သွားစေပြီး ဒေသတွင်း စီးပွားရေးကွန်ရက်မှာ တရုတ်အတွက် အနာဂတ်တွင် အကျိုးဖြစ်ထွန်းစေမည့် နိုင်ငံရေး ရင်းနှီးမြှုပ်နှံမှု ဖြစ်စေနိုင်သည်။ သို့သော် ဒေါ်အောင်ဆန်းစုကြည်က မြန်မာနိုင်ငံခြားရေး မူဝါဒတွင် ယခင်အစဉ်အလာအတိုင်း ဘက်မလိုက်ဝါဒကို ကျင့်သုံးမည်ဟု တရုတ်ခရီးစဉ်တွင် ပြောကြားခဲ့သည်။
ဒေါ်အောင်ဆန်းစုကြည်က ပြည်တွင်းတွင် အလုပ်အကိုင်နေရာများ ဖန်တီးရေးနှင့် စိုက်ပျိုးမွေးမြူရေး ကဏ္ဍ ဖွံ့ဖြိုးရေးမှာ ဦးစားပေး ကိစ္စရပ်များဖြစ်သည်ဟု ပြောကြားထားသည်။ မြန်မာနိုင်ငံအား ဖွံ့ဖြိုး တိုးတက်ရန် ဆောင်ရွက်ရာတွင် တရုတ်နှင့် အခြား အရှေ့အာရှ နိုင်ငံများကဲ့သို့ ပို့ကုန်ဦးစားပေး မူဝါဒကို လက်ခံကျင့်သုံးမည့်အစား ကွဲပြားခြားနားသည့် မူဝါဒကို အသုံးပြုသွားမည်ဟု ဒေါ်အောင်ဆန်းစုကြည်က ကတိပြုထားသည်။
“စီးပွားရေးဖွံ့ဖြိုးဖို့ အထည်ချုပ်စက်ရုံတွေ ဆောက်ရမယ်ဆိုတဲ့ အတွေးမျိုး အခုထိ တွေးနေတဲ့လူတွေ အများကြီးရှိပါတယ်။ ကျွန်မတို့ ၂၀ ရာစု မှာ နေနေလားလို့တောင် တစ်ခါတလေ အံ့သြမိပါတယ်။ အခု ၂၁ ရာစု ရောက်နေပါပြီ” ဟု ဒေါ်အောင်ဆန်းစုကြည်က တရုတ်နိုင်ငံမှ သတင်းထောက်များနှင့် တွေ့ဆုံရာတွင် ပြောကြားခဲ့သည်။
KHTun
The Ladies News

၂၁ ရာစု ပင်လုံညီလာခံ ကုလအတွင်းရေးမှူးချုပ် ကိုယ်တိုင်တက်ရောက်မည်

၂၁ ရာစု ပင်လုံညီလာခံ ကုလအတွင်းရေးမှူးချုပ် ကိုယ်တိုင်တက်ရောက်မည်

23 August 2016
ကုလသမဂ္ဂ အတွင်းရေးမှူးချုပ် Ban Ki-Moon ကို တွေ့ရစဉ်။ Photo: RFA
မြန်မာအစိုးရသစ်က ဦးဆောင်ကျင်ပမယ့် ၂၁ ရာစု ပင်လုံငြိမ်းချမ်းရေးညီလာခံမှာ ကုလသမဂ္ဂ အတွင်းရေးမှူးချုပ် မစ္စတာဘန်ကီမွန်းလည်း ကိုယ်တိုင်တက်ရောက်မယ်လို့ နိုင်ငံတော်သမ္မရုံး ဒုတိယ ညွန်ကြားရေးမှူးချုပ် ဦးဇော်ဌေး က AFP သတင်းဌာနကို ဒီကနေ့ အတည်ပြုပြောကြားလိုက်ပါတယ်။

ကျနော်တို့ သူကို ဖိတ်ထားပါတယ် ဒါပေမဲ့ အသေးစိတ်ကိုတော့ ပြောဆိုခြင်းမရှိဘူးလို့ သိရပါတယ်။ မစ္စတာဘန်ကီးမွန်း ညီလာခံတက်မယ့်အကြောင်း ကရင်အမျိုးသားအစည်းအရုံး KNUက ပဒိုစောကွယ်ထူးဝင်း ကလည်း အတည်ပြုပြောပါတယ်။  ကုလသမဂ္ဂအတွင်းရေးမှူးချုပ် ကိုယ်တိုင်တက်ရောက်ပြီး အမှာစကားပြောကြား မှာဖြစ်ပေမယ့် ညီလာခံကျင်းပတဲ့ကာလအတွင်း ဘယ်နေ့လဲဆိုတာတော့ မသိရသေးဘူးလို့ ပဒိုစောကွယ်ထူးဝင်း က ပြောပါတယ်။

အခုလို ကုလသမဂ္ဂ အတွင်းရေးမှူးချုပ်ကိုယ်တိုင် ငြိမ်းချမ်းရေး ညီလာခံကို တက်ရောက်တာဟာ ဒေါ်အောင်ဆန်း စုကြည်ရဲ့ ငြိမ်းချမ်းရေးကြိုးပမ်းမှုကို နိုင်ငံတကာက ထောက်ခံလာအောင် အားပေးရာရောက်တယ်လို့လည်း သတင်းမှာ ဖော်ပြထားတယ်။

ဒီညီလာခံမှာ အရင်အစိုးရလက်ထက်က အပစ်ရပ်လက်မှတ်မထိုးရသေးတဲ့ တိုင်းရင်းသား လက်နက် ကိုင်အဖွဲ့တွေလည်း ပထမဆုံးအကြိမ်အနေနဲ့ တက်ရောက်ခွင့်ရမှာ ဖြစ်ပါတယ်။ ဒါပေမဲ့ အဲဒီအဖွဲ့တွေဟာ ဘယ်လိုအခန်းကဏ္ဍက ပါဝင်ဆွေးနွေးခွင့်ရမယ်ဆိုတာ ရှင်းရှင်းလင်းလင်း မသိရှိရသေးပါဘူး။

၅ ရက်ကြာကျင်းပမယ့် ညီလာခံ ကို အခုလကုန်သြဂုတ်လ ၃၁ ရက်နေ့မှာ စတင်ကျင်းပဖို့ ကြေညာထားပါတယ်။

BBC Burmese
http://www.rfa.org/burmese

ရေစကြို ကျောင်းသားသမဂ္ဂခေါင်းဆောင် ကိုဘဂျမ်း

ဆရာတင်မိုးနဲ့ မောင်စွမ်းရည်၊ ၂၀၀၆၊ မိုးမခစခန်းတနေရာ


မောင်စွမ်းရည် ● ရေစကြို ကျောင်းသားသမဂ္ဂခေါင်းဆောင် ကိုဘဂျမ်း
(မိုးမခ) သြဂုတ် ၂၃၊ ၂၀၁၆



ကိုဘဂျမ်းဟာ လူပုံကအေးပေမယ့် ရင်တွင်းမအေးရှာပါ။ အထက်တန်းကျောင်းကိုဆက်တက်ချင်နေလိုက်ပုံက ထွန့်ထွန့်လူးလို့။ တနေ့တော့ အိမ်ကနေ တောင်သာကို ထွက်ပြေးပြီး ကျောင်းဆက်နေဖို့ နည်းလမ်း ရှာခဲ့ဖူး တယ်။ မန္တလေးကိုထွက်ပြေးပြီးတော့လည်း လမ်းစရှာခဲ့ဖူးတယ်။ မအောင်မြင်ခဲ့ပါဘူး။ သူ့အိမ်ကလိုက်ခေါ်လို့ တကြောင်း၊ ကျောင်းနေဖို့လမ်းစ ရှာမရတာကြောင့်တကြောင်း၊ ကန်မြဲကိုပဲ ပြန်ရောက်လာခဲ့ရပါတယ်။ ဒါပေမဲ့ တနေ့မှ စိတ်ထဲက ရပ်နားမနေဘဲ ခေတ်ပညာဆက်သင်ရေးကိုပဲ အားထုတ်နေရင်း နောက်ဆုံးအကြံတခုကို အကောင်အထည်ဖော်ကြည့်ချင်လို့ အိမ်ကတဖန် ထွက်ပြေးခဲ့ပြန်ပါတယ်။

ပထမတော့မြင်းခြံကိုပြေးပါတယ်။ မြင်းခြံကမှ ဧရာဝတီ သဲသောင်ပြင်ကြီးတို့ သူတို့ရွာကအလာမှာ ဆင်တဲဝ သဲချောင်းပြင်ကြီးကို ဖြတ်သန်းသလို ဆက်လက် ဖြတ်သန်းခဲ့ပါတယ်။ ဧရာဝတီဆိပ်ကမ်းကနေ ပခုက္ကူသွားတဲ့ မော်တော်ကိုစီးပြီး ခရီးဆက်ခဲ့ပါတယ်။

ကိုဘဂျမ်းက ရွာကကျောင်းမှာ အင်္ဂလိပ်စာအခြေခံမရခဲ့ပါ။ ဒါကြောင့် ပခုက္ကူ ဦးခင်မောင်ကြီးကျူရှင် ကျောင်းမှာ တက်လိုက်ရပါသေးတယ်။ ပြီးမှ ရေစကြိုရှိ သူ့မိဘရဲ့ဆွေးမျိုးတွေအိမ်မှာနေပြီး ရေစကြိုအစိုးရအထက်တန်း ကျောင်းကို ၁၉၅၃-၁၉၅၇ ခုနှစ်အထိ တက်ခဲ့ပါတယ်။ ၁၉၅၃ မှာ ကျွန်တော်က မြင်းခြံအစိုးရအထက် တန်းကျောင်း (ဂါးဗားမင်းကျောင်း) က သတ္တမတန်းအောင်ပြီး မန္တလေးမြို့အစိုးရအမှတ် ၁ အထက်တန်း ကျောင်းမှာတွဲဖက်ဖွင့်လှစ်ထားတဲ့ `အကြိုဆေးသင်တန်း’ ကို တက်ဖို့အရွေးခဲ့ရပါတယ်။ သူ ရေစကြိုရောက်တာနဲ့ ကျွန်တော်မန္တလေးရောက်တာ အချိန်တူလောက်ပဲ ဖြစ်ပါတယ်။ သူရေစကြိုမှာကျောင်းတက်နေဆဲကာလမှာ ရေစကြို အမှတ်(၁) အစိုးရအထက်တန်းကျောင်း ကျောင်းသားသမဂ္ဂခေါင်းဆောင် ကိုကျော်နဲ့ ပေါင်းသင်းမိခဲ့ပါ တယ်။ ရေစကြိုဆိုတာ အလံနီကွန်မြူနစ်ပါတီရဲ့ဗဟိုရုံးစိုက်ရာမြို့ဖြစ်ခဲ့လို့ အလံနီပါတီဝင်တွေ များပြား ပါတယ်။ ကိုကျော်က အလံနီကျောင်းသားပါ။ အမတ်ရွေးကောက်ပွဲမှာအရွေးခံရလို့ `ကျောင်းသား အမတ်မောင်ကျော်`ဆိုပြီးတော့ ဟိုး လေးတကျော် ဖြစ်ခဲ့ဖူးပါတယ်။ အမတ်မောင်ကျော်နဲ့ပေါင်းပြီးကျောင်းသားသမဂ္ဂလှုပ်ရှားမှုတွေကို ကိုဘဂျမ်းက အကုန်ပါဝင်လှုပ်ရှားခဲ့ပါတယ်။ ရေစကြိုကျောင်းသားသမဂ္ဂ ဉာဏဗလမှူးတာဝန် ယူရသတဲ့။

နံရံကပ်စာစောင်ဆိုတာ သူမကြားဖူးဘူး။ ဒါပေမဲ့ သူ့ဘာသာစိတ်ကူးပြီး နံရံကပ်သတင်းစာရယ်လို့ ကျောင်းနံရံမှာ ရေးပြီးကပ်တယ်။ နံရံကပ်စာစောင်ဆိုပြီး ကဗျာ၊ ၀တ္ထု၊ ဆောင်းပါးတွေရေးပြီး ကပ်တယ်။ ကျောင်းမဂ္ဂဇင်းလည်း ထုတ်ဝေလို့ မြင်းခြံကျောင်းသားသမဂ္ဂကျောင်းသားတွေဆီ ရောက်လာတာကို ကျွန်တော်မြင် ဖူးလိုက်တယ်။ ကျောင်းသားအမတ်ကိုကျော်ကို အမှီပြုပြီး စာစောင်တွေကို ထုတ်ခဲ့တာလို့ ပြောဖူးပါတယ်။ ကိုကျော်ကတော့စာပေသမားမဟုတ်ဘူး။ သူ့မိဘတွေက ဧရာဝတီမြစ်ထဲပြေးတဲ့ မော်တော်တွေ ဘာတွေ ပိုင်တာဆိုတော့ ငွေကြေးချောင်လည်တယ်။

မြို့ပေါ်ဖြန့်ဝေတဲ့ `ရေစကြိုသတင်းစာ`တောင်ထုတ်ခဲ့ဖူးတယ်လို့ ပြောတာကို ကျွန်တော် ဇဝေဇ၀ါပဲ မှတ်မိပါတယ်။ ရေစကြိုကလောင်ရှင်အသင်းကိုလည်း တည်ထောင်ခဲ့ပါသတဲ့။ မောင်ဘဂျမ်းက အတွင်းရေးမှူး တာဝန်ယူပါသတဲ့။

နံရံကပ်စာစောင်ထုတ်ဝေတဲ့ကိစ္စအတွက် သူ့ကိုကျောင်းအုပ်ဆရာကြီးက ခေါ်တွေ့ဖူးသတဲ့။ ရုံးလုလင် က လာခေါ်တာ။ ဆရာကြီးက မင်းကိုခေါ်ခိုင်းတာ ဆိုတော့ ထူပူသွားသတဲ့။ `ဘာကိစ္စခေါ်တာလဲ`ဆိုတော့`မ ပြောတတ်ဘူး`လို့ဖြေသတဲ့။ ဒါနဲ့ ဆရာကြီးရဲ့ရုံးခန်းကို လိုက်သွားတယ်။ ဖိနပ်တောင် မပါဘူး။ ဆရာကြီးက `မောင်ဘဂျမ်းဆိုတာ မင်းလား`လို့မေးလိုက်တာနဲ့ တုန်သွားသတဲ့။

ဆရာကြီးရှေ့မှာ ဘယ်လိုနေရထိုင်ရမှန်းလည်း မသိဘူး။ ဒါနဲ့လက်ပိုက်ပြီး ဆောင့်ကြောင့်ထိုင်ချလိုက်တော့၊ ဆရာကြီးကလည်း အံ့အားသင့်သွားပုံပဲ။ `ဟေ့ ဟေ့၊ မောင်ဘဂျမ်း၊ ထ ထ`ဆိုတော့ ထလိုက်တယ်။ `ကုလားထိုင်ပေါ်ထိုင်ပါကွဲ့`ဆိုပြီး ခပ်ပြုံးပြုံးနဲ့ ပြောပါတယ်။

ကိုဘဂျမ်းအပြောအရသူဟာ`ကုလားထိုင်`ဆိုတာ ကြားသာ ကြားဖူးတာ၊ သူတို့ရွာမှာလည်း မရှိဘူး။ လူရှေ့သူရှေ့ ကုလားထိုင်ကြီးနဲ့ ထိုင်ရမှာကို မ၀ံ့မရဲဖြစ်နေတယ်။ ဆရာကြီးကလည်း သူတပည့် ယောင်ချာချာဖြစ်နေတာကို ရယ်လည်း ရယ်ချင်ပုံရတယ်။ ကရုဏာသက်ပုံလည်း ရတယ်။

`မောင်ဘဂျမ်း၊ မင့်ကို ဆရာကြီး ဘာမှမလုပ်ပါဘူး၊ မေးချင်တာလေး ရှိလို့ပါ` လို့ချော့ချော့မော့မော့အသံ နဲ့ပြောမှ သူ့စိတ်ထဲမှာ နည်းနည်းသက်သာရာ ရသွားသတဲ့။

`ငါတို့ကျောင်းမှာ ကျောင်းနံရံကပ်စာစောင်လုပ်တာ မင်းလား`လို့မေးသတဲ့။ `ဟုတ်ကဲ့ခင်ဗျလို့ ဖြေ လိုက်တယ်။ `မောင်ဘဂျမ်း ခုလိုနံရံကပ်စာစောင်ထုတ်ဖို့ ဘယ်သူ့ဆီ ခွင့်တောင်းသလဲ၊ အတန်းပိုင်ဆရာဆီ ခွင့် တောင်းသလား။ ဘယ်သူနဲ့ တိုင်ပင်သလဲ။ မင်းကို ဘယ်သူက လုပ်ခိုင်းတာလဲ`လို့ ဆရာကြီးက ဆက်မေးသတဲ့။

`ဘယ်သူ့ကိုမှခွင့်မတောင်းမိဘူး။ ဘယ်သူကမှ ခိုင်းတာလည်း မဟုတ်ပါဘူး။ ကျွန်တေ့ာ်စိတ်ကူးနဲ့ ဒီလိုလုပ် ကောင်းသလားလို့ လုပ်လိုက်မိတာပါ`လို့ဖြေသတဲ့။

`ကျောင်းမှာလုပ်ချင်တာရှိရင် ဘာမဆို ဆရာကြီးဆီ ခွင့်တောင်းရတယ်ကွဲ့၊ သိလား။ ကျောင်းသားသမဂ္ဂ မောင်ကျော်တို့နဲ့ တိုင်ပင်ရတယ်။ မင့်ဘာသာ မလုပ်နဲ့၊ ခု လုပ်တာကောင်းပါတယ်။ ဆက်လုပ်ပါ။ နံရံကပ်စာစောင် ထုတ်တဲ့ကျောင်းသားမောင်ဘဂျမ်းဆိုတာ ဘယ်သူလဲလို့ သိချင်လို့ခေါ်တာပါ။ ကဲ…ကဲ သွားတော့သွားတော့`ဆို ပြီး ဆရာကြီးက ပြန်လွှတ်လိုက်ပါတယ်။

`အဲဒီတော့မှ ကျုပ်လည်း ပြေးထွက်လာခဲ့တယ်။ ရင်ထဲမှာလည်း ပေါ့ ရွှင်မြူးသွားပါတယ်။ အတန်းပိုင်ဆရာနဲ့ ကျောင်းသားတွေကလည်း ဆရာကြီးက ကျုပ်ကို ဘယ်လိုအရေးယူလိုက်သလဲ ဆိုတာ ၀ိုင်းမေးကြတယ်။ ကျုပ်လည်း ရုတ်တရက် ဘာတောင်ပြန်ဖြေရမှန်း မသိတော့ဘူး။ အတော်ကြာမှ`နံရံကပ်စာစောင် ဆက်ထုတ်ဖို့ပြောတာပါလို့` ရှင်းပြရပါတယ်။ ကျုပ်လည်း ဆရာကြီး ခွင့်ပြုပြီဆိုတော့ အားတက်ပြီး ဆက်ကြဲတော့တာပဲ။ ကျောင်းမဂ္ဂဇင်းအထိ ပုံနှိပ် ထုတ်ဝေပစ်လိုက်တော့တာပါပဲ` တဲ့။

ကျောင်းမှာရော၊ ရပ်ထဲရွာထဲမှာရော မောင်ဘဂျမ်းကို ဆရာကြီး ခေါ်တွေ့တယ်ဆိုတာ သတင်း ၁ ပုဒ်ဖြစ်သွားပြီး မောင်ဘဂျမ်းလည်း နာမည်ကြီး သွားတော့တာပေါ့။

ကျုပ်က စာကျက်စရာလည်း သိပ်မလိုတော့ လုပ်ချင်ရာလုပ်ထာ၊ ဘုန်းကြီးကျောင်းကလာတာဆိုတော့ လူကျောင်းမှာ ကျက်စရာစာဆိုတာ ကျုပ်အဖို့ အပျော့ပေါ့။ နံရံကပ်စာစောင်၊ နံရံကပ်သတင်းစာ၊ ပုံနှိပ်ကျောင်းမဂ္ဂဇင်းတွေအပြင် ကျုပ်က ကျောင်းကပွဲတွေ၊ ပြဇာတ်တွေပါလုပ်တာ။ ကျုပ်ကိုယ်တိုင်လည်း စင်ပေါ်တက်ပြီး သရုပ်ဆောင်တာတဲ့။ သူစင်ပေါ်မှာ သရုပ်ဆောင်တဲ့ဓာတ်ပုံတပုံကို ပြဖူးပါတယ်။

သူ အဲဒီလိုရေစကြိုကျောင်းမှာလုပ်ခဲ့ပုံတွေကိုပြောပြနေတဲ့အချိန်တခုမှာ ကျွန်တော်တို့စကားဝိုင်းထဲမှာ အမျိုးသမီးတဦး ပါပါတယ်။ သူက ဘေးကပဲ ထောက်ပေးစရာရှိတာ ၀င်ထောက်ပါတယ်။ အဲဒီအမျိုးသမီးက ရေစကြိုမှာ သူနဲ့ကျောင်းနေဖက်ပါ။ သူနဲ့အိမ်ထောင်ကျတဲ့ ကိုတင်အောင်ဆိုတာကလည်း စာပေ၀ါသနာရှင်ပါ။ ကိုဘဂျမ်း ရဲ့`လွယ်အိတ်`တလုံးပါပဲ။ မန္တလေးတက္ကသိုလ်မှာ ကိုဘဂျမ်းသွားလိုရာစက်ဘီးနင်းပို့တာ၊ ကိုဘဂျမ်း ရေမိုးချိုးဖို့၊ အ၀တ်အစားလဲဖို့လုပ်ပေးတာ၊ အမြဲစိတ်ရှည်လက်ရှည် တာဝန်ယူပါတယ်။

အဲဒီကိုတင်အောင်ဆိုတာ မျက်မှန်အထူကြီးနဲ့ပါ။ ကိုဘဂျမ်းနဲ့အတူ ရေစကြိုက ၁၀ တန်းတက်လာသူ အစု ထဲမှာ ပါတယ်။ မန္တလေးမိရထားဌာနရဲ့ငွေစာရင်းရုံးမှာ ကျွန်တော်ယောက်ဖ ငွေစာရင်းဆရာအရာရှိက ကိုတင် အောင်ကို ကျွန်တော့်သူငယ်ချင်းဆိုပြီး အလုပ်ခန့်ပေးထားတာ။ အငြိမ်းစားယူတဲ့အထိ အလုပ်လုပ်သွားပါတယ်။ မန္တလေးအရှေ့ပြင်မှာမြေတကွက်ဝယ်ပြီး အကြီးအကျယ် ကြက်မွေးပါတယ်။ သူ့ဇနီးကလည်း တက်တက် ကြွကြွကူ ညီတယ်။ ယောက်ျားတယောက်လို ပြောဆို ပြုမူတတ်ပါတယ်။ ကျွန်တော်တို့ကို ကိုဘဂျမ်းက ရေစကြိုကျောင်းသားဘ၀တွေ ပြောပြတော့ `ဒီမှာ ကိုဘဂျမ်း အကုန်ပြောနော်၊ ချန်မထားနဲ့။ ခင်ဗျား တွေ့သမျှမိန်းကလေးတွေကို ရည်းစားစာပေးတာတွေလည်း ထည့်ပြော`တဲ့။ ကိုဘဂျမ်းနဲ့ကိုတင်အောင်တို့ တဟားဟားရယ်ကြပါတယ်။ သူ့အမည်က မမြမြပါ။ ရေစကြိုသတင်းထောင် မမြမြတဲ့။

`ကိုဘဂျမ်းက ခင်ဗျားကိုရော ရည်စားစာမပေးဘူးလား`လို့မေးတော့ ကိုဘဂျမ်းက`အမယ်လေးမလုပ်ပါနဲ့ သူတို့က အော်ကြီးဟစ်ကျယ်နဲ့ ပြောချင်တာပြောတာ။ ယောက်ျားကြီးလိုနေတာ။ သူ့ကို`သတင်းထောက်မ`ဆို ပြီး တမြို့လုံးက ကြောက်ရတာ။ သူ့ရှေ့မဟုတ်တာလုပ်မိရင် သတင်းစာထဲ ပါမှာကြောက်ကြလို့`ဆိုပြီး ၀င်ပြောပါတယ်။ အဲဒါက မန္တလေးမှာကျောင်းတက်နေတဲ့ကာလက ပြောတာပါ။ တခါတော့ ကျွန်တော်တို့ ရန်ကုန်ကနေ စာပေဟောပြောပွဲခရီးထွက်ရင်း မန္တလေးဟော်တယ်တခုမှာတည်းခိုပြီး နန်းရှေ့ရပ်ထဲက ကိုတင်အောင်တို့ ကြက်ခြံကိုတကူးတကနဲ့ သွားလည်ပါတယ်။ ကိုဘဂျမ်းရောက်လျှင်ရောက်ချင်း`ကဲ…ကိုတင်အောင် နဂါးဆေးလိပ်ကလေး တထုပ်လောက် သွားဝယ်ပေးပါဦး` လို့ပြောလိုက်ပါတယ်။ ဒီအခါမှာကိုတင်အောင်က ဘယ်လိုစိတ်ကူး ပေါက်သွားတယ် မသိပါဘူး။

`ဒီမှာဘဂျမ်း။ ငါအရင်တုန်းက မင်းကို ပါရမီရှင်တယောက်အနေနဲ့ ပါရမီဖြည့်တဲ့အနေနဲ့ မင်းရဲ့ဝေယျာဝစ္စ လုပ်ပေးခဲ့တာ။ ခုမင်းလူလားမြောက်ပြီ။ မင်းငါ့ကိုလာပြီး အရင်လိုမခိုင်းနဲ့`လို့ မျက်နှာမာနဲ့ ပြောပါတယ်။

ကိုဘဂျမ်းကလည်း `ကိုတင်အောင်ရယ်၊ သူငယ်ချင်းဆီကို အလည်လာတာပါ။ တမင်သက်သက် တကူးတက မေးမြန်းစုံစမ်းပြီး မရောက်ရောက်အောင် ကားငှား၊ ခက်ခက်ခဲခဲ လာလည်တာပါ။ ကိုဝင်းဖေ(မောင်စွမ်းရည်) ကလည်း တွေ့ချင်တယ်ဆိုလို့ လာတာပါ။ ခင်ဗျားမကျေနပ်ရင် ပြန်ပါမယ်`ဆိုပြီး ထပြန်ခဲ့ပါတယ်။ ကျွန်တော်တို့လည်း အငှားကားနဲ့ပြန်လာခဲ့ပါတယ်။

ဟော်တယ်ကိုပြန်ရောက်လို့ ရှေးဟောင်းနှောင်းဖြစ်တွေပြောနေကြတုန်း ကိုတင်အောင် အမောတကော လိုက်လာပါတယ်။ `ကိုဘဂျမ်း ကျွန်တော်ပြောမိပြောရာ ပြောလိုက်မိတာတွေ စိတ်မကောင်းပါဘူး။ တောင်းပန်ပါတယ်။ အရင်လို ဘဂျမ်းရဲ့ သူငယ်ချင်း တင်အောင်ပါပဲ`လို့ပြောပြီး မျက်ရည်လည်ရွဲနဲ့ ပြန်သွားပါတယ်။ ကိုဘဂျမ်းကလည်း `ကိုတင်အောင်၊ ကျုပ်ဘယ်လိုမှ သဘောမထားဘူး၊ စိတ်လည်း မဆိုးဘူး၊ စိတ်လည်း မပြောင်းပါဘူး`လို့ နှစ်သိမ့်လိုက်ပါတယ်။ ကျွန်တော်လည်း ဘေးကကြည့်ပြီး အံ့သြနေရပါတယ်။

အဲဒီကိုတင်အောင်ဆိုတာ ရေစကြိုကျောင်းသားတွေထဲမှာ ကိုဘဂျမ်းနဲ့ အခင်ဆုံးသူငယ်ချင်းပါ။ ကိုဘဂျမ်းနဲ့ ပတ်သက်ပြီး ကျွန်တော်လည်း ရင်းနှီးတဲ့သူငယ်ချင်း ဖြစ်သွားခဲ့ပါတယ်။ သူကလည်း စာပေ၀ါသနာပါသူဖြစ်လို့ ပါ။ ကျွန်တော် အတွင်းရေးမှူးအဖြစ်ထုတ်ဝေခဲ့တဲ့ မန္တလေးတက္ကသိုလ် နှစ်လည်မဂ္ဂဇင်းမှာ သူ့ကဗျာကို ကျွန်တော် ထည့်ပေးခဲ့ဖူးတယ်။ ငွေတာရီ၊ ရှုမ၀မဂ္ဂဇင်းတွေကိုလည်း သူပို့ခဲ့ဖူးတယ် ထင်ပါတယ်။ သူ့ကလောင်အမည်ကို တော့ မမှတ်မိတော့ဘူး။ `လှတိုး`လို့ ထင်ပါတယ်။ သူက လူရိုးကြီးပါ။ ကိုဘဂျမ်းတယောက် စာပေဗိမာန်ဆု၊ အမျိုးသားစာပေဆုတွေရပြီး ဘ၀င်မြင့်နေတယ်။ မြန်မာစာစီစာကုံးစာအုပ်တွေရေးပြီးတော့လည်း ၀င်ငွေကောင်းနေတယ်။ မြန်မာစာကျူရှင်တွေ ပေးရလို့လည်း စီးပွားဖြစ်နေတယ်။ သူ့ဇနီးကလည်း မူကြိုကျောင်းဖွင့်ထားတာ အောင်မြင်နေလို့ ကျိကျိတက်ချမ်းသာနေတယ် လို့ သတင်းကြီးနေတာကို ကိုဘဂျမ်းကိုယ်တိုင် မသိရှာပါ။ တကယ်တော့ မိသားစုအကြီးကြီးနဲ့ ရန်ကုန်မှာနေရတာ သူငယ်ချင်းဂုဏ်ထူးသိန်းနိုင်လို သန်းကြွယ်သူဌေးမဟုတ်၊ ကုဋေကြွယ်ငြားသူဌေးသားလည်း မဟုတ်ရှာပါ။ ဘ၀င်မြင့်နေတယ်လို့ သတင်းထွက်ဖူးတာကတော့ အမှန်ပါ။

သူရန်ကုန်ရောက်နေတဲ့အချိန်မှာ ရန်ကုန်ကကဗျာဆရာ ထီလာစစ်သူ(ဗိုလ်ကြီးစိုးညွန့်)က နန်းတွင်းမှာ ရောက်နေတယ်။ သူရောက်စက တင်မိုး၊ ကြည်အောင်၊ မောင်စွမ်းရည်တို့ သုံးယောက်ကိုဖိတ်ကြားပြီး မန္တလေး နန်းမြို့တွင်းကမြက်ခင်းပြင်ပေါ် မန်းကျည်ပင်ရိပ်မှာ ဘီယာသေတ္တာလိုက်ချပြီးတော့ ဧည့်ခံဖူးတယ်။ နောက်တော့ ကြည်အောင်ကလည်း အဖမ်းခံရ၊ တင်မိုးကလည်း ရန်ကုန်ကျူရှင်လောကကို ခြေလှမ်းဖို့ (မောင်းသိန်းနိုင်)နဲ့ သွားရတော့ ကျွန်တော်တယောက်တည်း ယောင်လည်လည်ကျန်နေတယ်။

ကျွန်တော်က နန်းရှေ့ရှိ ကောက်ပဲသီးနှံ ရောင်းဝယ်ရေးရုံး အပေါ်ထပ်မှာနေတဲ့ ဦးလေးဦးအောင်သိန်းအိမ်ကို သွားနေရင်း စာမေးပွဲဖြေနေတဲ့ ကာလတခုမှာ ထီလာစစ်သူ အိမ်အလည်လာ တော့`တင်မိုးဘ၀င်မြင့်နေ တယ်`လို့ ကြားရကြောင်း ပြောဖူးပါတယ်။ ဒါနဲ့ကျွန်တော်လည်း ကဗျာတပုဒ်ကောက်ရေးလိုက်တယ်။

`အတက်စောသော မီးပုံးပျံ`ဆိုတဲ့ကဗျာပါ။ ဘ၀မှာငယ်ငယ်ရွယ်ရွယ်နဲ့ အောင်မြင်မှုတွေရပြီး စ်ိတ်ကြီးဝင် မနေသင့်ဘူး။ တနေ့`မှိုင်း`ကုန်ရင် ပြုတ်ကျတတ်တယ်လို့ သတိပေးကဗျာပါ။ ဒီကဗျာသူ့ကို ရည်ရွယ်မှန်းသိပေမယ့် မသိယောင်ဆောင်နေခဲ့ပါတယ်။ ကျွန်တော်လည်း ဒီကဗျာကို အမှတ်မထင်ရေးခဲ့ပေမယ့် တင်မိုးဘ၀င်မြင့်တယ် ဆိုတဲ့ အမူအရာမျိုးကို မတွေ့ခဲ့ဖူးပါဘူး။ အလွန်နိမ့်နိမ့်ချချ နေထိုင်ပြောဆိုလေ့ရှိပါတယ်။

သူ့ကိုအချစ်ဆုံး၊ ဂရုစိုက်ဆုံးနဲ့ ပြုစုပျိုးထောင်ခဲ့တဲ့ ဆရာကထိက ဦးမောင်မောင်တင်ကတောင် တခါက အဲဒီလို စွပ်စွဲဖူးလို့၊ ကိုဘဂျမ်း ကပျာကရာ သွားတောင်းပန်ပြီး ပုဆိုးတထည်နဲ့ ကန်တော့ဖူးပါတယ်။ အဲသလိုအပြောခံရ တာကိုတော့ သူမခံချင်ပါဘူး။ ဒေါပွတတ်ပါတယ်။

ရေစကြိုကျောင်းက ကိုဘဂျမ်းရဲ့သူငယ်ချင်းတွေအကြောင်း စပ်မိစပ်ရာရေးရာက ကျောင်းသားအမတ် ကိုကျော်ရဲ့အကြောင်းကနေ ဘေးထွက်သွားခဲ့ပါတယ်။ ခုဆက်ပါအုံးမယ်။ ရန်ကုန်မှာ ကျွန်တော်တို့၊ ကိုဘဂျမ်း တို့ရောက်နေကြပြီဆိုတော့ ၁၉၈၀ ကျော် ၉၀ လောက်ရှိမယ်ထင်ပါတယ်။ ကိုဘဂျမ်းက ကိုကျော်တို့နဲ့တွေ့ရ အောင်လိုက်ခဲ့ပါလို့ခေါ်လို့ ရန်ကုန်မြန်မာ့ဂုဏ်ရည်လမ်းထဲရှိ နှစ်ထပ်တိုက်ကြီး အကြီးကြီးတခုဆီကို ရောက်သွား ပါတယ်။ ကိုကျော်နဲ့ကျွန်တော်လည်း အဲဒီတခါပဲ ဆုံဖူးပါတယ်။ ကျွန်တော်တို့ရွာကလည်း မြင်းခြံခရိုင်ထဲက အလံနီ ရွာတရွာပါ။ ရေစကြို- ပခုက္ကူဘက်က အလံနီတွေ မြင်းခြံဘက်ကို ကူးလာတော့ ခရိုင်ကော်မတီ ရဲနီ ဖိုးကိုလေးဆိုသူ ဦးဆောင်လာပါတယ်။ အလံနီတပ်မှာ ကျွန်တော့်ဦးလေး စစ်တွေနော်မံကျောင်းဆင်း ကျောင်းဆရာ ဦးစိန်ထွန်းက ကြံကြံဖန်ဖန်ဆေးမှူး ဖြစ်နေလေရဲ့။ ကိုဘဂျမ်းတုိ့ရွာသား ရဲနီကိုတင်ဝင်းခေါ် ကိုဘိုသိုးလည်း ပါလေရဲ့။ ကျွန်တော်တို့အဲဒီအကြောင်းတွေ စပ်မိစပ်ရာပြောမိကြတာကို မှတ်မိပါတယ်။

တိုက်အပေါ်ထပ်မှာ ရေစကြိုသူ အမျိုးသမီးဧည့်သည် တယောက်အနားယူဖို့ လာလည်တယ်။ တော် ကြာရင် ဆင်းလာမယ်လို့ အမတ်ကိုကျော်က ပြောပါတယ်။ ဟုတ်ကဲ့ … ပြောရင်းဆိုရင်း ဆင်းလားတဲ့ ရေစကြိုသူ ဆိုတာက ပြုံးပြုံးကြီး ... သိဟောင်းကျွမ်းဟောင်းလိုပါပဲ ၊ ဆင်းလာလိုက်တာ။

အလို … ကျွန်တော်တို့မန္တလေးက အငြိမ့်မင်းသမီး နာမည်ကျော် `နွဲ့နွဲ့စမ်း`ပါကလား။ ဟုတ်တာပေါ့။ သူက ရေစကြိုသူပါ။ ရေစကြိုနားက လင်းကတော် ရွာသူဆို ထင်ပါရဲ့။ ရုပ်ရှင်မင်းသမီး နာမည်ကျော်ဖြစ်နေပါပြီ။ ကိုဘဂျမ်းက သူ့ဇနီးမမြင့်မြင့်စန်းဆုံးပြီးစအခါ ထင်ပါတယ်။ ကိုကျော်က …

`လာလာ၊ ဟောဒီမှာ ရေစကြိုသား လူပျိုကြီးအသစ်စက်စက် ရောက်နေတယ်။ နင်ကလည်း အပျိုကြီး အသစ်စက်စက်ဆိုတော့ နင်နဲ့ပေးစားရမယ်`လို့ မနွဲ့နွဲ့စမ်းကို လှမ်းပြောလိုက်ပါ။

ကိုဘဂျမ်းက မန္တလေးတက္ကသိုလ်မှာ အသင်းတသင်းကိစ္စတွေ ဆောင်ရွက်တာ များပါတယ်။ အငြိမ့်ငှားရင်း အမာစိန်နဲ့ နွဲ့နွဲ့စမ်းကိုပဲ ငှားလေ့ရှိပါတယ်။ ကလောင်ရှင်အသင်းရဲ့ စာဆိုတော်နေ့ အထိမ်းအမှတ်ပွဲတွေမှာဆို နွဲ့နွဲ့စမ်း တို့ချည်းပေါ့။ နွဲ့နွဲ့စမ်းက ကိုဘဂျမ်းထိုင်နေတဲ့နောက်ကရပ်ပြီး ကိုဘဂျမ်းရဲ့ပခုံးကို တချက် နှစ်ချက်နှိပ် ရင်း နှုတ်ဆက်စကားပြောပါတယ်။

`ကျွန်မက ရေစကြိုသားဆိုလို့ ဘယ်သူများလည်း အောက်မေ့တယ်။ ကိုဘဂျမ်းကြီးကိုး။ ကိုဘဂျမ်းရေ ကျွန်မကကဗျာဆရာ ဘိုင်ကောင်တွေကို မလိုချင်ဘူး။ အနည်းဆုံး ရေစကြိုသား ထန်းလျက်ပွဲစားလို ချမ်းသာ တာမှ လိုချင်တာ`လို့ပြောပြီး စကားဝိုင်းမှာ ၀င်ထိုင်လိုက်ပါတယ်။

နောက်ဆက်ပြီး ရပ်ကြောင်း၊ ရွာကြောင်း စပ်မ်ိ စပ်ရာတွေပြောပြီး ကျွန်တော်တို့ လူစုခွဲခဲ့ကြပါတယ်။ ရေစကြိုသူ၊ ရေစကြိုသားအကြောင်း ပြောကြစတမ်းဆိုရင်ဖြင့် မန္တလေးအငြိ်မ့်သမီးတဖြစ်လဲ ရုပ်ရှင်မင်းသမီးအကျော်အမော် ဒေါ်နွဲ့နွဲ့စမ်းအကြောင်းမပါရင် ဘယ်မှာပြီးနိုင်ပါ့မလဲ။ သမိုင်းဝင် အနုပညာတဦးပေပ။