Wednesday, July 27, 2016

မြန်မာနိုင်ငံမှရွှေ့ပြောင်းအလုပ်သမားများအတွက် ကာကွယ်စောင့်ရှောက်ရေး လုပ်ငန်းများ တိုးမြှင့်လုပ်ဆောင်

မြန်မာနိုင်ငံမှရွှေ့ပြောင်းအလုပ်သမားများအတွက် ကာကွယ်စောင့်ရှောက်ရေး လုပ်ငန်းများ တိုးမြှင့်လုပ်ဆောင်
Wednesday, July 27, 2016
 
မြန်မာနိုင်ငံမှ ရွေ့ပြောင်းအလုပ်သမားများ ရင်ဆိုင်ကြုံတွေ့နေရသည့် အခက်အခဲ ပြသ၁နာများ၊ စိန်ခေါ်မှုများ၊ ပြည်ပရောက် မြန်မာအလုပ်သမားများအား ကာကွယ်စောင့်ရှောက်ရေး လုပ်ငန်းများကို တိုးမြှင့်ဆောင်ရွက်နေကြောင်း အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ ပြည်ထောင်စုဝန်ကြီး ဦးသိန်းဆွေက ပြောဆိုလိုက်သည်။
...
တနသာင်္ရီတိုင်းဒေသကြီး မဲဆန္ဒနယ်အမှတ် ၈ မှ အမျိုးသားလွှတ်တော် ကိုယ်စားလှယ် ဦးဥက္ကာမင်းမှ ဇူလိုင် ၂၆ ရက်တွင် ပြုလုပ်သည့် ဒုတိယအကြိမ် အမျိုးသားလွှတ်တော်၊ ဒုတိယပုံမှန်အစည်းအဝေး(ဒုတိယနေ့)တွင် မေးမြန်းမှုကို ပြည်ထောင်စုဝန်ကြီး ဦးသိန်းဆွေက ပြန်လည်ဖြေကြားခဲ့ခြင်းဖြစ်သည်။
“မြန်မာရွှေ့ပြောင်း အလုပ်သမားတွေ ရင်ဆိုင်ကြုံတွေ့နေရတဲ့ အခက်အခဲပြသ၁နာတွေ၊ စိန်ခေါ်မှုတွေကို ပြည်ထောင်စုအစိုးရဖွဲ့က လည်းကောင်း၊ ဝန်ကြီးဌာနအနေဖြင့် လည်းကောင်း၊ သက်ဆိုင်ရာ ဝန်ကြီးဌာနများ ပေါင်းစပ်ပြီး ပြည်ပရောက် မြန်မာအလုပ်သမားတွေကို ကာကွယ်စောင့်ရှောက်ရေး လုပ်ငန်းတွေကို တိုးမြှင့်ဆောင်ရွက်နေပါတယ်” ဟု ပြည်ထောင်စုဝန်ကြီး ဦးသိန်းဆွေကပြောသည်။
ရွှေ့ပြောင်းအလုပ်သမားဆိုင်ရာ မူဝါဒများကို အကောင်အထည်ဖော် ဆောင်ရွက်လျက်ရှိရာ အာဆီယံနိုင်ငံများ အနက် အလုပ်သမားစေလွှတ်သည့် နိုင်ငံများနှင့် လက်ခံသည့်နိုင်ငံများ ရှိ အစိုးရ၊ အလုပ်ရှင် အဖွဲ့စည်းများ၊ အလုပ်သမား အဖွဲ့အစည်းများနှင့် လူမှုအဖွဲ့အစည်းများအကြား ရွှေ့ပြောင်း အလုပ်သမားများ ရင်ဆိုင်နေရသည့် အခက်အခဲများ ဖြေလျော့နိုင်ရေး၊ ကောင်းမွန် လုံခြုံစိတ်ချရသည့် လုပ်ငန်းခွင်ဖြစ်စေရေး၊ ခွဲခြားဆက်ဆံခံရမှု မရှိစေရေး၊ ခေါင်းပုံဖြတ်မခံရစေရေး တို့အတွက် အာဆီယံအဖွဲ့ဝင် နိုင်ငံများအချင်းချင်း ညှိနှိုင်းဆွေးနွေးမှုများ ပြုလုပ်နေကြောင်း အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ သိရသည်။
“ကျွန်တော်တို့ မြန်မာရွှေ့ပြောင်း အလုပ်သမားတွေဟာ မြန်မာနိုင်ငံထဲမှာ စီးပွားရေးအခက်ခဲတွေကြောင့် ပြည်ပ မှာ ထွက်ပြီးတော့ တရားဝင်ရော၊ တရားမဝင်ရော သွားရောက်ပြီး အလုပ်လုပ်နေကြရပါတယ်။ မိမိရဲ့နိုင်ငံမှာ အလုပ်အကိုင် အခွင့်အလမ်းရှားပါးလို့ အိမ်နီချင်းနိုင်ငံများမှာ သွားရောက်ပြီးတော့ ပင်ပန်းခံ၊ ဆင်းရဲခံပြီးတော့ သွားရောက် အလုပ်လုပ်ကိုင်နေကြရပါတယ်။ ကြုံတွေလာရတဲ့ စိန်ခေါ်မှုတွေကို ပြည်ထောင်စုအစိုးရ အနေဖြင့် လုပ်ငန်းစဉ်များချမှတ်ကာ ဥပဒေနဲ့အညီ ကာကွယ်စောက်ရှောက်ပေးဖို့ အစီအစဉ်ကိုရှိ၊ မရှိကို မေးမြန်းရခြင်းဖြစ်ပါတယ်”ဟု တနသာင်္ရီတိုင်းဒေသကြီး မဲဆန္ဒနယ်အမှတ် ၈ မှ အမျိုးသားလွှတ်တော် ကိုယ်စားလှယ် ဦးဥက္ကာမင်း ကပြောသည်။
ကမ္ဘာ့နိုင်ငံအသီးသီးတွင် အလုပ်လုပ်နေကြသည့် ရွေ့ပြောင်းအလုပ်သမား အရေအတွက်သည် ၂၁၄ သန်း ဝန်းကျင်ရှိနေပြီး ဖွံ့ဖြိုးဆဲနိုင်ငံများနှင့် ဖွံ့ဖြိုးမှုနောက်ကျသည့် နိုင်ငံများတွင် အလုပ်အကိုင်ရှားပါးမှုနှင့် လုပ်ခလစာ နည်းပါးမှုတို့ကြောင့် အဆိုပါနိုင်ငံများမှ အလုပ်သမားများမှာ အလုပ်အကိုင်ပေါများ၍ လုပ်ခလစာပိုမိုရရှိနိုင်သည့် နေရာဒေသနှင့် နိုင်ငံများဆီသို့ သွားရောက် အလုပ်လုပ်ကိုင်နေကြကြောင်း ပြည်ထောင်စုဝန်ကြီး ဦးသိန်းဆွေကပြောသည်။
MMK
The Ladies News

No comments: