Wednesday, July 27, 2016

မြန်မာ-တရုတ် ဓာတ်ငွေ့ပိုက်လိုင်းနှင့် ပတ်သက်၍ ထိခိုက်နစ်နာမှုများ အမှန် ကန်ဆုံး ဖြစ်အောင် ကူညီပေးမည်ဟု ပြည်နယ်ဝန်ကြီးချုပ်ပြော

မြန်မာ-တရုတ် ဓာတ်ငွေ့ပိုက်လိုင်းနှင့် ပတ်သက်၍ ထိခိုက်နစ်နာမှုများ အမှန် ကန်ဆုံး ဖြစ်အောင် ကူညီပေးမည်ဟု ပြည်နယ်ဝန်ကြီးချုပ်ပြော

Wednesday, July 27, 2016
 
မြန်မာ-တရုတ် ရွှေသဘာဝဓာတ်ငွေ့ ပိုက်လိုင်း နှင့် ပတ်သက်၍ ထိခိုက်နစ်နာမှု များကို အမှန်ကန်ဆုံးဖြစ်အောင် ကူညီပေးမည်ဟု ရခိုင်ပြည်နယ် ဝန်ကြီးချုပ်က ပြောကြားခဲ့ကြောင်း သတင်းရရှိသည်။
...
ဇူလိုင် ၂၅ ရက်က ရခိုင် ပြည်နယ်အစိုးရအဖွဲ့ရုံး အစည်း အဝေးခန်းမတွင် မြန်မာ-တရုတ် ပိုက်လိုင်းစောင့်ကြည့်ရေး ကော် မတီမှ တာဝန်ရှိသူများနှင့် တွေ့ ဆုံစဉ် ဝန်ကြီးချုပ်က အထက်ပါ အတိုင်း ပြောကြားခဲ့ကြောင်း ပိုက်လိုင်းစောင့်ကြည့် ရေးကော်မတီ ဝင် ဦးမျိုးလွင်က ပြောသည်။
‘‘ပိုက်လိုင်းကြောင့် ထိခိုက် နစ်နာမှုတွေကို စောင့်ကြည့်ရေး ကော်မတီဝင်တွေက တင်ပြပါ တယ်။ ဝန်ကြီးချုပ်ကတော့ ပိုက် လိုင်းကြောင့် ပြည်သူတွေ မနစ် နာရအောင် ပြည်နယ်အစိုးရအဖွဲ့ က ကူညီပေးမယ်။ အဲဒီလိုကူညီ တဲ့နေရာမှာလည်း အမှန်တကယ် ထိခိုက်နစ်နာသူတွေ မကျန်ရ အောင်နဲ့ မမှန်မကန်မှုတွေ ရှိလာ မှာကိုလည်း စိုးရိမ်ကြောင်း ပြော ကြားခဲ့ပါတယ်’’ဟု ဦးမျိုးလွင်က ပြောသည်။
ပြည်နယ်ဝန်ကြီးချုပ်က ပိုက်လိုင်းစောင့်ကြည့်ရေး ကော်မတီမှ တင်ပြချက်များကို အားရကျေနပ် ပြီး အားလုံးပူးပေါင်းကာ ဖြစ်ပေါ် လာသည့် ပြဿနာများကို အပြစ် တင်ခြင်းထက် သင်ခန်းစာယူကာ နောင်လာမည့် ရင်းနှီးမြှုပ်နှံမှုများ ကို လုပ်ဆောင်မည်ဟု ပြောကြား ခဲ့ကြောင်း ရခိုင်ပြည်နယ် အစိုးရ အဖွဲ့မှ တာဝန်ရှိသူ တစ်ဦးက ပြောသည်။
ရွှေသဘာဝဓာတ်ငွေ့ ပိုက် လိုင်းကြောင့် အမ်းမြို့နယ်တွင် ထိခိုက်နစ်နာမှုများကို ကွင်းဆင်း စစ်ဆေးရန် ကျောက်ဖြူခရိုင် အုပ်ချုပ်ရေးမှူး ဦးဆောင်ကာ စစ် ဆေးမှုများ ပြုလုပ်ရန် ပြည်နယ် အစိုးရအဖွဲ့က တာဝန်ပေးထား ကြောင်း ဦးမျိုးလွင်က ပြောကြားသည်။
ကျောက်ဖြူမြို့မှ ထွက်ရှိ သည့် သဘာဝဓာတ်ငွေ့များကို ရွှေသဘာဝဓာတ်ငွေ့ပိုက်လိုင်းမှ တစ်ဆင့် တရုတ်နိုင်ငံသို့ ပြီးခဲ့ သည့် ၂၀၁၃ ဇူလိုင် ၃၀ ရက်တွင် စတင်ပို့လွှတ်ခဲ့သည်။
အဆိုပါ သဘာဝဓာတ်ငွေ့ပိုက်လိုင်းမှ တစ်ရက်လျှင် ဓာတ်ငွေ့ကုဗပေ သန်း ၅၀၀ ထုတ်လွှတ်နေပြီး တရုတ်နိုင်ငံသို့ ဓာတ်ငွေ့ ကုဗပေသန်း ၄၀၀ တင်ပို့ကာပြည်တွင်း၌ ကုဗပေသန်း ၁၀၀ သုံးစွဲနေကြောင်း ပိုက်လိုင်းစောင့်ကြည့်ရေးကော်မတီမှ သိရသည်။
ရွှေသဘာဝဓာတ်ငွေ့ပိုက် လိုင်းသည် ရခိုင်ပြည်နယ် ကျောက်ဖြူနှင့် အမ်းမြို့နယ်များကို အဓိကဖြတ်သန်း ဖောက်လုပ်ထားခြင်း ဖြစ်သည်။
ရွှေသဘာဝဓာတ်ငွေ့ ပိုက် လိုင်းကြောင့် ရခိုင်ပြည် ကျောက်ဖြူမြို့နယ် ကျေးရွာအုပ်စုအချို့မှ လယ်ယာမြေများနှင့် အမ်းမြို့နယ် ကျေးရွာအုပ်စုသုံးစု၊ ကျေးရွာပေါင်း ၃၇ ရွာမှ လယ်မြေ၊ ယာမြေ၊ ကိုင်းမြေ၊ ဥယျာဉ်ခြံမြေနှင့် ပုစွန်မွေးကန် ဧကထောင်ချီ၍ ထိခိုက်နစ်နာမှုရှိနေကြောင်း ပိုက်လိုင်း စောင့်ကြည့်ရေးအဖွဲ့ တာဝန်ရှိသူများက ပြောသည်။
7Day Daily
ရေတိုက်စားမှုကြောင့် ပေါ်ထွက်လာသော မြန်မာ−တရုတ် ဓာတ်ငွေ့ ပိုက်လိုင်းကို ၀ိုင်းဝန်းကြည့်ရှုနေသူများ (ဓာတ်ပုံ − မောင်ကံ)

No comments: