Sunday, July 31, 2016

မိုင်ဂျာယန်မှ ငြိမ်းချမ်းရေး မျှော်လင့်ချက် ရောင်ခြည်

 
 
မိုင်ဂျာယန်မှ ငြိမ်းချမ်းရေး မျှော်လင့်ချက် ရောင်ခြည်
     
ချစ်မင်းထွန်း
 
နှစ်ပေါင်း ၆ဝကျော်ကြာ ဖြစ်ပွားလာသည့် မြန်မာနိုင်ငံအတွင်းမှ လက်နက်ကိုင်ပဋိပက္ခများ ချုပ်ငြိမ်းရေးအတွက် အစိုးရနှင့် လက်နက်ကိုင်အဖွဲ့များအကြား စားပွဲဝိုင်းထိုင် တွေ့ဆုံဆွေးနွေး၍ အဖြေရှာလာခဲ့ သည်မှာလည်း ၂ဝ၁၁ ခုနှစ် သြဂုတ် ၁၈ရက်တွင် သမ္မတဟောင်း ဦးသိန်းစိန်အစိုးရက ငြိမ်းချမ်းရေး ဖိတ်ခေါ်ကမ်းလှမ်းသည့် အချိန်မှ ယနေ့အချိန် အထိပင် ဖြစ်ပါသည်။
သို့သော် လက်တွေ့တွင် လက်နက်ကိုင်ပဋိပက္ခများမှာ ချုပ်ငြိမ်းခြင်းမရှိသေးသကဲ့သို့ လက်မှတ်ထိုးအဖွဲ့များနှင့် လက် မှတ်မထိုးအဖွဲ့များဟူ၍ ကွဲပြား လာခဲ့သည်။
ထို့ကြောင့် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) တွင် အားလုံးပါဝင်လက်မှတ်ရေးထိုး လာနိုင်ရေး အပါအဝင် NCA စာချုပ်ပါ သဘောတူညီချက်များကို လည်း အမြန်ဆုံး အကောင်အ ထည်ဖော်ဆောင်ရွက်ရန် လိုအပ် နေပြီး အားလုံး လိုလားတောင့်တနေသည့် ဒီမိုကရေစီဖက်ဒရယ် ပြည်ထောင်စု တည်ဆောက်ရန်လည်း ပူးပေါင်းဆောင်ရွက်ရန် လို အပ်နေသေးသည်။
အဆိုပါ လိုအပ်ချက် များကို ဖြည့်ဆည်းနိုင်ရန်အတွက် ပြည်ထောင်စု ငြိမ်းချမ်းရေးညီလာခံ ၂၁ ရာစု ပင်လုံညီလာခံကို အ စိုးရဘက်မှ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဦးဆောင်၍ ၂ဝ၁၆ ခုနှစ် သြဂုတ်လကုန်ပိုင်းတွင် ကျင်းပ သွားနိုင်ရေး ပြင်ဆင်ဆောင်ရွက်လျက်ရှိသည်။
အလားတူ တိုင်းရင်း သားလက်နက်ကိုင် တော်လှန်ရေး အဖွဲ့အစည်းများကလည်း အချင်းချင်းအကြား အမြင်သဘောထားများ ကွဲလွဲနေခြင်းကို အဆုံးသတ်၍ အားလုံးတူညီသော ဘုံသဘောထား ရပ်တည်ချက်တစ်ရပ် ရရှိရန်အတွက် ကချင်ပြည်နယ် မိုင်ဂျာယန်မြို့၌ ကချင်လွတ်မြောက်ရေးအဖွဲ့(KIO)မှ အိမ်ရှင်အဖြစ် တိုင်းရင်းသားလက်နက်ကိုင် တော်လှန်ရေးအဖွဲ့များ မျက်နှာစုံညီအစည်းအဝေးကို ၂ဝ၁၆ ခုနှစ် ဇူလိုင် ၂၆ ရက်မှ ၂၉ ရက်အထိ ကျင်းပ ခဲ့ကြသည်။ ထိုမျက်နှာစုံညီ အ စည်းအဝေးကို ရည်ရွယ်ချက်နှစ် ရပ်အပေါ် အခြေပြုကာ ကျင်းပခြင်းဖြစ်ကြောင်း ပထမရည်ရွယ်ချက်မှာ ၂၁ ရာစု ပင်လုံညီလာခံ ကျင်းပရေးအတွက် အကြိုညှိနှိုင်းရေးဖြစ်ပြီး ဒုတိယရည်ရွယ်ချက်မှာ အနာဂတ်ဖက်ဒရယ်ဒီမိုက ရေစီပြည်ထောင်စု တည်ဆောက် ခြင်းဆိုင်ရာ နိုင်ငံရေးဘုံသဘောထား ရပ်တည်ချက်ရယူရေးတို့ပဲ ဖြစ်သည်ဟု မိုင်ဂျာယန်မျက်နှာ စုံညီအစည်းအဝေး ပထမနေ့ သ ဘာပတိအဖြစ်ဆောင်ရွက်သူ ကချင်လွတ်မြောက်ရေးအဖွဲ့ (KIO) ဥက္ကဋ္ဌ ဗိုလ်ချုပ်ကြီးအင်ဘန်လက ဆိုသည်။
''နှစ်ပေါင်း ၇ဝ နီးပါး ကြာမြင့်ပြီဖြစ်တဲ့ စစ်ရေးပဋိပက္ခဟာ နိုင်ငံရေးအခြေခံဖြစ်ပြီး ပေါ်ပေါက်လာတာဖြစ်တဲ့အတွက် ဒီ ပြဿနာကို စားပွဲဝိုင်းမှာတွေ့ဆုံညှိနှိုင်းအဖြေရှာမှပဲ အဖြေမှန်ကို ရရှိနိုင်မယ်လို့ ယုံကြည်တာကြောင့် သမိုင်းမှတ်ကျောက်တင်မယ့် မျက် နှာစုံညီ အစည်းအဝေးကနေတစ်ဆင့် တူညီတဲ့ ဘုံသဘောထားရပ်တည်ချက်များနဲ့ ရလဒ်ကောင်းများ ကို ရရှိနိုင်လိမ့်မယ်လို့ ဆုတောင်း မေတ္တာပို့သရင်း နိဂုံးချုပ်အပ်ပါ တယ်ခင်ဗျာ''ဟု ကချင်လွတ်မြောက်ရေးအဖွဲ့ (KIO) မှ ဒုဥက္ကဋ္ဌ ဗိုလ်ချုပ်ကြီး အင်ဘန်လက မျက်နှာစုံညီအစည်းအဝေး ပထမနေ့ အဖွင့်မိန့်ခွန်းတွင် ပြောကြားခဲ့သည်။
အဆိုပါ မျက်နှာစုံညီ အစည်းအဝေးသို့ တရုတ်ပြည်သူ့ သမ္မတနိုင်ငံ၏ အာရှရေးရာ အ ထူးကိုယ်စားလှယ် Mr. Sun Guoxiang လည်း ပထမဆုံးအကြိမ် တက်ရောက်လာခဲ့ပြီး မြန်မာနိုင်ငံ၏ ငြိမ်းချမ်းရေးဖြစ်စဉ်ကို ကူညီပံ့ပိုးသွားမည်ဟု ပြော ကြားခဲ့သည်။ ''တရုတ်အစိုးရအနေဖြင့် မြန်မာနိုင်ငံရေးအပြောင်းအလဲအတွင်း ငြိမ်းချမ်းရေးဖြစ်စဉ်ကို ကူညီပံ့ပိုးပေးသွားမှာဖြစ်ပါတယ်''ဟု ၄င်းက မျက်နှာစုံညီ အစည်းအဝေးတွင် တက်ရောက်လာသော ကိုယ်စားလှယ်များကို ကတိပြုပြောကြားခဲ့သည်။
ထိုသို့ တရုတ်နိုင်ငံမှ အာရှရေးရာ အထူးကိုယ်စားလှယ် Mr. Sun Guoxiang တက်ရောက်လာခြင်းသည် ထူးခြားလှပြီး မြန်မာ့ငြိမ်းချမ်းရေးလုပ်ငန်းစဉ်များ ပိုမိုထိရောက်လာနိုင်သည့် လမ်းစအဖြစ် မှတ်ယူနိုင်ပါသည်။
အလားတူ အထူးဧည့်သည်တော်ဖြစ်သော ကမ္ဘာ့ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် Mr. Vijay Nam- biar ကလည်း ''ယခုအစည်းအဝေးသည် မြန်မာနိုင်ငံ၏ အမျိုးသားပြန် လည်သင့်မြတ်ရေးအတွက် အထူးအရေးကြီးပြီး ကမ္ဘာ့ကုလသမဂ္ဂအနေဖြင့် တိုင်းရင်းသားလက်နက်ကိုင် တော်လှန်ရေး အဖွဲ့အစည်းများနှင့်အတူ လက်ရှိ မြန် မာနိုင်ငံအစိုးရနှင့်ပါ ပူးပေါင်းလုပ်ဆောင် သွားမည်''ဟုဆိုသည်။
ထိုကဲ့သို့ တက်ရောက်လာ သော အရေးကြီးပုဂ္ဂိုလ်များ၏ ပြောကြားချက်များအရဆိုပါက မြန်မာ့ငြိမ်းချမ်းရေး လုပ်ငန်းစဉ်သည် အချိန်တိုအတွင်း အမြန်ဆုံး အကောင်အထည်ဖော်ဆောင် ရွက်လာနိုင်သည့် အခြေအနေတစ်ရပ် အဖြစ် ရောက်ရှိလာမည်မှာ မလွဲဧကန် အမှန်ပင်ဖြစ်ပါသည်။ အဘယ်ကြောင့်ဆိုသော် မိုင်ဂျာယန်တွင်ကျင်းပခဲ့သော တိုင်းရင်းသားလက်နက်ကိုင် တော်လှန် ရေးအဖွဲ့များ မျက်နှာစုံညီအစည်းအဝေးကို အစိုးရနှင့် တပ်မတော်တို့ကလည်း ပူးပေါင်းပါဝင် ဆောင်ရွက်ပေးခဲ့ကြသလို ငြိမ်းချမ်းရေးကော်မရှင်ကလည်း ရလဒ်ကောင်းတစ်ခု ထွက်ပေါ်လာမည်ဟုလည်း ယုံကြည်ကြောင်း ၂ဝ၁၆ ခုနှစ် ဇူလိုင် ၂၃ ရက်က ထုတ်ပြန်ကြေညာထားသည်။
မိုင်ဂျာယန် မျက်နှာစုံညီအစည်းအဝေးတွင် ပြည်ထောင်စုငြိမ်းချမ်းရေးညီလာခံ ၂၁ ရာစု ပင်လုံအကြိုပြင် ဆင်ရေးလုပ်ငန်းများတွင် လက်မှတ်ရေး ထိုးထားခြင်းမရှိသေးသော တိုင်းရင်းသား လက်နက်ကိုင် အဖွဲ့အစည်းများ ထပ်တိုးနိုင်ရေးကို အောင်မြင်စွာ ဆွေးနွေး ညှိနှိုင်းပြီး NCA ကို အခြေခံ၍ ပေါ်ပေါက်လာသည့် ပြည်ထောင်စုငြိမ်း ချမ်းရေးညီလာခံ ၂၁ ရာစုပင်လုံသို့ တိုင်း ရင်းသားလက်နက်ကိုင် အဖွဲ့အစည်းများ အားလုံးစုံညီစွာတက်ရောက်နိုင်စေမည့် ရလဒ်ကောင်းများ ဆောင်ကြဉ်းနိုင်မည် ဟု မျှော်လင့်ပါကြောင်း ငြိမ်းချမ်းရေး ကော်မရှင်ကဆိုသည်။
ထို့ကြောင့် ယခုမိုင်ဂျာယန် မျက်နှာစုံညီအစည်းအဝေးသည် ထူးခြားလှပေသည်။ အစိုးရတပ်မတော်တို့မှ ပူး ပေါင်းပါဝင်လာသကဲ့သို့ တရုတ်နိုင်ငံမှလည်း အာရှရေးရာ ကိုယ်စားလှယ်တက်ရောက်လာခြင်းနှင့် ကမ္ဘာ့ကုလသမဂ္ဂ အထွေထွေ အတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် Mr. Vijay Nam- biar က ဆက်လက် ကူညီပံ့ပိုးပေးမည်ဆိုသော ပြောဆိုချက်တို့ကြောင့် မိုင်ဂျာယန် မျက်နှာစုံညီအ စည်းအဝေးသည် ငြိမ်းချမ်းရေးကို သယ်ဆောင်လာခဲ့ပြီးဖြစ်သည်။
အဘယ့်ကြောင့်ဆိုသော် ယခင်ကျင်းပခဲ့သော ၂ဝ၁၃ ခုနှစ် လိုင် ဇာညီလာခံနှင့် ၂ဝ၁၅ ခုနှစ် လော်ခီးလာညီလာခံတို့ထက် ပိုမိုကောင်းမွန်သည့် တွေ့ဆုံမှုတစ်ရပ်ဖြစ်သည်။ ယခင်ညီလာခံများတွင် တပ်မတော်နှင့် အစိုးရတို့ဘက်မှ ယခုကဲ့သို့ ပူးပေါင်းဆောင်ရွက်နိုင်ခြင်းမရှိခဲ့ပေ။ မိုင်ဂျာယန်မျက် နှာစုံညီအစည်းအဝေးတွင် အလှည့်ကျ သဘာပတိများအဖြစ် တာဝန်ယူဆောင်ရွက်ကြသည့် တိုင်းရင်းသား လက်နက်ကိုင်အဖွဲ့များကလည်း တူညီသော ဘုံသဘောထား ရပ်တည်ချက် တစ်ရပ်ကို ရယူနိုင်မည်ဟုလည်း ယုံကြည်ကြောင်း၊ စိတ်ရှည်သည်းခံမှုနှင့် မေတ္တာစေတနာ ရှေ့ထားပြီး အပြန်အလှန် ညှိညှိနှိုင်းနှိုင်း တိုင်တိုင်ပင်ပင်တင်ပြဆွေးနွေးကြရန် မေတ္တာရပ်ခံပါကြောင်း အဖွင့်မိန့်ခွန်းများ ပြောကြားစဉ် ထည့်သွင်းပြောဆိုခဲ့ကြသည်။
ထို့ကြောင့် အားလုံးမှာ ငြိမ်းချမ်းရေးရယူလိုချင်စိတ်များ ပြင်းပြနေသည်ကို မြင်တွေ့ရသကဲ့သို့ ၂၁ ရာစု ပင်လုံညီလာခံသို့လည်း အားလုံးလက် တွဲညီညီဖြင့် ပူးပေါင်းတက်ရောက်ကြရန်လည်း စိတ်ဆန္ဒများ ရှိနေကြသည် ကို မြင်တွေ့နိုင်ပါသည်။
''ကျွန်မတို့ လက်မှတ်ရေးထိုး ပြီးတဲ့အဖွဲ့နဲ့ မရေးထိုးရသေးတဲ့အဖွဲ့တွေအကြား မတူညီတဲ့လုပ်ငန်းစဉ်နဲ့ မူများရှိနေတဲ့အတွက် ဆုံရပ်တစ်ခုအဖြစ် ပြန် တည်ဆောက်နိုင်ဖို့ ခက်ခဲနေပါတယ်။ သို့သော် အခုလို လက်ရှိအစိုးရရဲ့ ငြိမ်း ချမ်းရေးလုပ်ငန်းစဉ် ၂၁ ရာစု ပင်လုံညီလာခံကို စတင်ဖော်ဆောင်နေတဲ့အတွက် ကြောင့် ကျွန်မတို့ အတူတကွသွားနိုင်ရန် လမ်းစဖွင့်ခဲ့တာဖြစ်တယ်လို့ ယူဆပါ တယ်''ဟု ကရင်အမျိုးသား အစည်းအရုံး KNU ဒုဥက္ကဋ္ဌဖြစ်သလို မိုင်ဂျာယန် မျက်နှာစုံညီအစည်းအဝေး ဇူလိုင် ၂၇ ရက် ဒုတိယနေ့ သဘာပတိ ဥက္ကဋ္ဌဖြစ် သူ ပဒိုနော်စီဖိုးရာစိန်က ပြောသည်။
၂ဝ၁၆ ခုနှစ် ဇူလိုင် ၂၆ ရက် မှ ၂၉ ရက်အထိ ကျင်းပခဲ့သည့် မျက်နှာစုံညီအစည်းအဝေးတွင် ၂၁ ရာစု ပင်လုံညီလာခံ ကျင်းပရေးအတွက် အကြိုညှိနှိုင်းရေးနှင့် အနာဂတ်ဖက်ဒရယ် ဒီမိုကရေစီပြည်ထောင်စု တည်ဆောက် ခြင်းဆိုင်ရာ နိုင်ငံရေး ဘုံသဘောထားအပေါ် အခြေခံ၍ ခေါင်းစဉ်ကြီးလေးခု ဖြစ်သည့် ပင်လုံလက်စွဲစာတမ်းဆွေးနွေး ခြင်း၊ ဖက်ဒရယ်ဒီမို ကရေစီပြည်ထောင်စု တည်ဆောက်ခြင်းဆိုင်ရာ ဖွဲ့စည်းပုံအခြေခံဥပဒေများအတွက် အခြေခံမူများ၊ လုံခြုံရေးနှင့် ကာကွယ်ရေးဆိုင်ရာ အခြေခံမူများ၊ နိုင်ငံရေးဆွေးနွေးမှုဆိုင်ရာ မူဘောင်ပြန်လည်သုံးသပ်ရေးစသည် တို့ကို ဆွေးနွေးသွား မည်ဖြစ်ကြောင်း ဇူလိုင် ၂၆ ရက် အစည်းအဝေး၏ ပထမ နေ့ သတင်းထုတ်ပြန်ချက်တွင် ဖော်ပြ ထားသည်။
မိုင်ဂျာယန်တွင်ကျင်းပခဲ့သည့် မျက်နှာစုံညီအစည်းအဝေးနှင့် ပတ်သက်ပြီး ကျင်းပရေးကော်မတီဥက္ကဋ္ဌ ဖြစ်သလို UNFC အထွေထွေအတွင်းရေးမှူး ဖြစ်သူ ခူဦးရယ်က ''ကျွန်တော်အသိပေးလိုတာ ဒီမျက်နှာစုံညီအစည်းအဝေး ဖြစ် မြောက်ဖို့အတွက် အစိုးရနဲ့ တပ်မတော်က ကျွန်တော်တို့ကို ပူးပေါင်းဆောင်ရွက်တယ်။ တစ်ခါ ကျွန်တော်တို့ကို ခွင့်ပြုတယ်။ အဲဒီ အခြေအနေကြောင့်ပဲ ကောင်းကောင်းမွန်မွန် မျက်နှာစုံညီအ စည်းအဝေးကို ကျင်းပနိုင်တယ်လို့ပြော ရင် မမှားပါဘူး''ဟုဆိုသည်။
ထို့ကြောင့် မိုင်ဂျာယန်တွင် ကျင်းပခဲ့သော တိုင်းရင်းသားလက်နက် ကိုင် တော်လှန်ရေးအဖွဲ့များ မျက်နှာစုံညီအစည်းအဝေးသည် တိုင်းရင်းသား လက်နက်ကိုင် အဖွဲ့များအားလုံးအပါ အဝင် ပြည်သူလူထု တစ်ရပ်လုံးက မျှော်လင့်ထားသည့် မျှော်လင့်ချက်များကို ဖြည့်ဆည်းပေးနိုင်သည့် အခြေအနေတစ်ရပ် ဖြစ်လာခဲ့သည်။ နှစ်ပေါင်း ၆ဝ ကျော် ဖြစ်ပွားလာခဲ့သော လက်နက်ကိုင်ပဋိ ပက္ခများချုပ်ငြိမ်းရေးနှင့် ဒီမိုကရေစီ ဖက်ဒရယ်ပြည်ထောင်စု တည်ဆောက်ရေး၊ ၂၁ ရာစု ပင်လုံညီလာခံ အောင် မြင်စွာကျင်းပနိုင်ရေး၊ အားလုံးတူညီသော ဘုံသဘောတူညီချက်များ ရရှိရေးစသည့် ကိစ္စရပ်များကို အကောင်အထည်ေ ဖာ် ဆောင်ရွက်နိုင်ရန် အထောက်အကူပြု ခဲ့သည်။
မိုင်ဂျာယန်၏ မျှော်လင့်ချက်ကိုလည်း တိုင်းရင်းသားလက်နက်ကိုင်၊ အစိုးရ၊ တပ်မတော်၊ ပြည်သူအားလုံး ပူးပေါင်း ဆောင်ရွက်သွားရန်လည်း လိုအပ်ပါသည်။ ထိုမှသာလျှင် မိုင်ဂျာယန် ၏ မျှော်လင့်ချက် ကိုလည်း ဖြည့်ဆည်း နိုင်မည်ဖြစ်ပါသည်။ ''တိုင်းရင်းသား ပေါင်းစုံ ညီလာခံအစည်းအဝေးဟာဆိုရင် တိုင်းရင်းသားများအားလုံး ရှေ့ကို အတူတကွ လက်တွဲညီညီ ချီတက်ပြီး တော့မှ အနာဂတ်ကောင်း ရာကောင်း ကြောင်းကို ကျွန်မတို့ ဆွေးနွေးတဲ့ပွဲလို့ သုံးသပ်ပါတယ်''ဟု ရခိုင်ပြည်နယ်လွတ် မြောက်ရေးပါတီ ALP မှ ငြိမ်းချမ်းရေး ဖော်ဆောင်ရေး ဒုခေါင်းဆောင် ဒေါ်စောမြရာဇာလင်းက ပြောသည်။
အဆိုပါ တိုင်းရင်းသားလက်နက်ကိုင် ခေါင်းဆောင်များနှင့် ပြည်ပကိုယ်စားလှယ်များ၏ ပြောကြားချက်များအရ ဆိုပါက မိုင်ဂျာယန်တွင်ကျင်းပသော မျက်နှာစုံညီအစည်းဝေးသည် မြန်မာနိုင်ငံ ငြိမ်းချမ်းရေးအတွက် အလွန်အရေးကြီးသည့် အစည်းအဝေးတစ်ရပ်ဖြစ်ပြီး ဆွေးနွေးတင်ပြချက်များကိုလည်း သတိထားလုပ်ဆောင်နေကြရကြောင်း မြင်တွေ့နိုင်သလို မျှော်လင့်ချက်များလည်း လွန်စွာ ကြီးမားလျက်ရှိကြောင်း ကိုလည်း တွေ့မြင်နိုင်ပါသည်။
 
(#FlowerNewsJournal)
 

No comments: