Saturday, August 13, 2016

အစိုးရသစ်၏ စောင့်ကြည့်ရမည့် ကျောက်စိမ်းလုပ်ငန်း ပြုပြင်ပြောင်းလဲရေး မူများ

အစိုးရသစ်၏ စောင့်ကြည့်ရမည့် ကျောက်စိမ်းလုပ်ငန်း ပြုပြင်ပြောင်းလဲရေး မူများ

မြေစာများစွန့်ပစ်နေသော ယာဉ်တစ်စီးနှင့် ရေမဆေးကျောက်ရှာဖွေသူအချို့ကို တွေ့ရစဉ် (ဓာတ်ပုံ-စိုင်းဇော်)
ကျောက်စိမ်းတူးဖော်မှုလုပ် ငန်းများနှင့် ပတ်သက်၍ အထင်ကရ ပြုပြင်ပြောင်းလဲမှုများ ပြုလုပ် မည်ဟု မြန်မာအစိုးရက ကြေ ညာလိုက်ခြင်းကို  အဆိုပါ လုပ်ငန်းနယ်ပယ်နှင့် ပတ်သက်၍ စောင့်ကြည့်လေ့လာသူများက ကြိုဆိုခဲ့ကြသည်။ ခန့်မှန်းခြေ အားဖြင့် တစ်နှစ်လျှင် ဒေါ်လာ ၃၁ ဘီလီယံဖိုးမျှ အကျိုးအမြတ် ဖြစ်ထွန်းသည်ဟု ယုံကြည်ရသည့် ကျောက်စိမ်းတူးဖော်ရေး လုပ် ငန်းသည် အလွဲသုံးစားမှု၊ အကျင့် ပျက် ခြစားမှု၊ ခရိုနီလုပ်ငန်းရှင် များ၏ လက်ဝါးကြီး အုပ်မှုများ အောက်တွင် အစဉ်အဆက် ကျ ရောက်နေခဲ့သည်။ သို့သော် အ စိုးရသစ်၏ ပြုပြင်ရေး မူဝါဒက ကျောက်စိမ်းတူးဖော်ရေး လုပ် ငန်းတွင် ခေတ်သစ်တစ်ခုကို အစ ပြုရန် အခြေခံမှစ၍ ပြောင်းလဲပစ် နိုင်မည်ဟု အများစုက မျှော်လင့် နေကြသည်။
မြန်မာအစိုးရသည် လက် ရှိ ခွင့်ပြုထားသည့် ကျောက်စိမ်း တူးဖော်ခွင့်ပါမစ်များကို သက် တမ်းတိုးခွင့် ပေးတော့မည်မဟုတ် သလို သတ်မှတ်စည်းမျဉ်း အသစ် များ ပီပြင်စွာ ရေးဆွဲချမှတ်နိုင်ခြင်း မရှိမီ ပါမစ်အသစ်များကိုလည်း ချထားပေးတော့မည် မဟုတ်ဟု ဆိုသည်။
ကျောက်စိမ်းသယံဇာတ အလွန်ပေါကြွယ်ဝသည့် ကချင် ပြည်နယ်တွင် ကျောက်စိမ်းတူး ဖော်ရင်း မြေပြိုကျမှုများ ဆက် တိုက်ဖြစ်ပွားကာ လူ့အသက် ပေါင်းများစွာ ဆုံးရှုံးခဲ့သည့် နောက် အစိုးရက စည်းမျဉ်းစည်း ကမ်းများ ပိုမိုတင်းကျပ်ရန် လုပ် ဆောင်လာခြင်းဖြစ်သည်။ တစ် ဖက်တွင် အင်န်ဂျီအိုအဖွဲ့အစည်း များ၊ မီဒီယာများ၊ လူမှုကွန်ရက် စာမျက်နှာများ၌ မြန်မာ့ကျောက် စိမ်း လုပ်ငန်း၏ ခေါင်းပုံဖြတ်မှု၊ အလွဲသုံးစားမှုများနှင့် ပတ်သက် ပြီး တိကျပြတ်သားစွာ ကိုင်တွယ် နိုင်စွမ်း အားနည်းလွန်းခြင်းအပေါ် ဝေဖန်မှုများလည်း မြင့်တက်လာ သည်။
‘‘ကျောက်စိမ်း တူးဖော်ခွင့် လိုင်စင်ချထားရေးနဲ့ ပတ်သက်ပြီး အစိုးရသစ်က ပုံစံသစ်တစ်ခုနဲ့ ရပ်တည်လာခြင်းဟာ တကယ့်ကို ထင်ရှားမြင်သာတဲ့ အပြောင်းအ လဲပါပဲ’’ ဟု Global Witness အ ဖွဲ့၏ ဦးဆောင် စည်းရုံးရေးမှူး ဂျူမန် ကွတ်ဘာက ဆိုသည်။
Global Witness သည် ခြစားမှု၊ ပဋိပက္ခနှင့် သဘာဝပတ် ဝန်းကျင်ဆိုင်ရာ အမြတ်ထုတ်မှု များကို ဆန့်ကျင်ရပ်တည်နေ သည့် အဖွဲ့အစည်း တစ်ခုဖြစ် သည်။
‘‘တကယ်လို့ မြန်မာအစိုးရ ရဲ့ အဓိက ဦးဆောင်သူ ဒေါ် အောင်ဆန်းစုကြည်ဟာ မြန်မာ နိုင်ငံမှာ သိသာတဲ့ အပြောင်းအ လဲတွေ စတင်နေပြီလို့ တစ်ကမ္ဘာ လုံးကို သိမြင်စေချင်ရင် ကျောက် စိမ်းလုပ်ငန်းဟာ လက်တွေ့ အစ ပြုဖို့ အသင့်ဆုံး နယ်ပယ်ပါပဲ။ စစ်အာဏာရှင် စနစ်အောက်မှာ နှစ်ပေါင်းများစွာ ကြာခဲ့တဲ့နောက် ဆိုးမွေအဖြစ် ကျန်နေတဲ့ ခရိုနီ အုပ်စိုးမှု၊ အကျင့်ပျက်ခြစားမှု၊ အ လွဲသုံးစားမှုတွေမှာ ကျောက်စိမ်း ဟာ အင်မတန်ထင်ရှားတဲ့ သင်္ကေ တတစ်ခု၊ အမွေအနှစ် တစ်ခုလို ဖြစ်နေတယ်’’ ဟု ကွတ်ဘာက ပြောကြားခဲ့သည်။
မြန်မာ့ကျောက်စိမ်း တူးဖော် မှု လုပ်ငန်းသည် နှစ်ပေါင်းများစွာ ကြာမြင့်သည်အထိ သိုသိပ်ဖုံး ကွယ်စွာ လည်ပတ်နေခဲ့သည်။ တပ်မတော်မှ ဩဇာကြီးမားသည့် ဗိုလ်ချုပ်ကြီးများ၊ အစိုးရနှင့် သင့် မြတ်သည့် ခရိုနီလုပ်ငန်းရှင် သူ ဌေးကြီးများ၊ မူးယစ်ရာဇာများ က ၎င်းတို့အတွက် အကျိုးအ မြတ်များစွာ တိုးပွားစေသည့် ကျောက်စိမ်းတူးဖော်မှု လုပ်ငန်း ကို ပြင်ပကမ္ဘာနှင့် အတတ်နိုင်ဆုံး ကင်းကွာနေအောင် ကာကွယ် ပေးထားသည်။
Global Witness က တစ် နှစ်မျှ အချိန်ယူသုတေသနပြုခဲ့ ပြီးနောက် မြန်မာ့ကျောက်စိမ်း လုပ်ငန်းနှင့် ပတ်သက်၍ စုံစမ်း တွေ့ရှိထားသော အချက်များကို ယမန်နှစ်တွင် ဖွင့်ချခဲ့သည်။
ကျောက်စိမ်းတူးဖော်မှုကို တာဝန်ယူ အကောင်အထည်ဖော် နေသော ကုမ္ပဏီအများစုသည် ယခင် စစ်အစိုးရ အကြီးအကဲ ဟောင်း ဗိုလ်ချုပ်မှူးကြီးသန်းရွှေ၊ တပ်မတော်နှင့် ယခင်အစိုးရ လက်ထက်က ဩဇာကြီးမားသော အရာရှိကြီးများ၊ ဝန်ကြီးများအ ပြင် အမေရိကန်က အလိုရှိနေ သည့် မူးယစ်ရာဇာ Wie Hsueh Kang တို့နှင့်ပါ ဆက်စပ်မှု ရှိနေ သည်ဟု Global Witness က ဆို သည်။
Global Witness က ၂၀၁၄ တစ်နှစ်တည်းတွင် မြန်မာနိုင်ငံ၏ ကျောက်စိမ်းတူးဖော်မှု ကဏ္ဍမှ ဒေါ်လာ ၃၁ ဘီလီယံမျှ ဝင်ငွေ ရရှိခဲ့မည်ဟု ခန့်မှန်းထားသည်။ အဆိုပါ ငွေပမာဏသည် မြန်မာ တစ်နိုင်ငံလုံး၏ တစ်နှစ်တာ စုစု ပေါင်း GDP တန်ဖိုး၏ ထက်ဝက်မျှ နှင့် ညီမျှသည်။ တစ်ဖက်တွင် ကမ္ဘာပေါ်၌ ကျောက်စိမ်း အထွက် အကြွယ်ဝဆုံး ဒေသတစ်ခု ဖြစ် သည့် ကချင်ပြည်နယ်မှာ ဆင်းရဲ တွင်း နစ်နေပြီး ပြည်တွင်းစစ် ကြောင့် ဒေသခံ အမြောက်အမြား နေရပ်စွန့်ခွာ ထွက်ပြေးနေရ သည်။ မူးယစ်ဆေး စွဲလမ်းမှုနွံ တွင် နစ်နေသည်။
Global Witness ၏ အဆို အရ မြန်မာနိုင်ငံမှ တူးဖော်ရရှိ သော ကျောက်စိမ်းအများစုသည် ကချင်ပြည်နယ်နှင့် နယ်နိမိတ် ထိ စပ်နေသည့် တရုတ်နိုင်ငံဘက်သို့ တရားဝင် တင်ပို့၍ဖြစ်စေ၊ တရား မဝင် မှောင်ခိုလမ်းကြောင်းများမှ ဖြစ်စေ ရောက်ရှိသွားလေ့ ရှိ ကြောင်း သိရသည်။
နိုဝင်ဘာ ရွေးကောက်ပွဲတွင် ရလဒ် ပြတ်သားစွာ အောင်ပွဲခံ ခဲ့ပြီးနောက် အာဏာရလာသည့် ဒေါ်အောင်ဆန်းစုကြည် ဦးဆောင် သော လက်ရှိမြန်မာအစိုးရသည် ၁၉၆၂ ခုနှစ်နောက်ပိုင်း နိုင်ငံ၏ ပထမဆုံး အရပ်သားအစိုးရ လည်း ဖြစ်လာသည်။
ဖွဲ့စည်းပုံအခြေခံဥပဒေပါ သတ်မှတ်ချက်များကြောင့် ဒေါ် အောင်ဆန်းစုကြည်အနေဖြင့် နိုင်ငံတော်သမ္မတနေရာကို ရယူ ခွင့် မရှိသော်လည်း နိုင်ငံတော် အစိုးရ၏ အတိုင်ပင်ခံပုဂ္ဂိုလ်၊ သမ္မတရုံးဝန်ကြီး၊ နိုင်ငံခြားရေး ဝန်ကြီးနှင့် အာဏာရအမျိုးသား ဒီမိုကရေစီ အဖွဲ့ချုပ်ပါတီ၏ ဥက္ကဋ္ဌ ရာထူးများကို ထိန်းချုပ် ထားသည်။
မြန်မာနိုင်ငံ အနောက်ပိုင်းရှိ ဘင်္ဂါလီမျိုးနွယ်များအရေးနှင့် ပတ်သက်၍ ဒေါ်အောင်ဆန်းစု ကြည်၏ ကိုင်တွယ်ဆောင်ရွက်မှု အပေါ် နိုင်ငံတကာ မီဒီယာအချို့ က ဝေဖန်မှုများ ရှိခဲ့သည့်တိုင် မကြာသေးမီက သူမဦးဆောင် သော အစိုးရအဖွဲ့က ကျောက်စိမ်းတူးဖော်ခွင့်ပါမစ်ကို ကန့်သတ်ခြင်း၊ တစ်နိုင်ငံလုံး အတိုင်းအတာဖြင့် သစ်ခုတ်ခြင်းကိုတားမြစ်ခြင်း၊ တပ် ပိုင်မြေအဖြစ် သိမ်းပိုက်ထား ရာ မြေနေရာများကို မူလပိုင်ရှင် ပြည်သူများထံ ပြန်လည်လွှဲ ပြောင်းပေးလာခြင်း အစရှိသည့် လုပ်ငန်းစဉ်များကို ကြေညာလာ ခဲ့သည်။
‘‘ကျောက်စိမ်းတူးဖော်ခွင့် လိုင်စင်တွေကို ဆိုင်းငံ့လိုက်တာ ဟာ လူနည်းစု ရေပေါ်ဆီ အသိုက် အဝန်းက သဘာဝပတ်ဝန်းကျင်နဲ့ လူမှုဝန်းကျင် ထိခိုက်မှုတွေကို လုံးဝဂရုမစိုက်ဘဲ နိုင်ငံရဲ့ ကျောက် စိမ်းသယံဇာတ ကြွယ်ဝမှုကို နှစ် ပေါင်းများစွာ ခေါင်းပုံဖြတ်နေ ခြင်းကို ထိထိရောက်ရောက် ထိန်း ချုပ်ဖို့ အရေးကြီးဆုံး ပထမအ ဆင့် ခြေလှမ်းပါပဲ’’ ဟု ကချင်ပြည် နယ်အခြေစိုက် လူမှုဖွံ့ဖြိုးရေး အဖွဲ့အစည်း တစ်ခုဖြစ်သည့် Kachin Development Net- working Groupမှ Tsa Jiက မှတ် ချက်ပြုခဲ့သည်။
မြန်မာနိုင်ငံသား အများစု က ဗုဒ္ဓဘာသာဝင်များ ဖြစ်ကြသော် လည်း ကချင်ပြည်နယ်တွင်မူ ခရစ် ယာန်ကိုးကွယ်သည့် ဒေသခံ တိုင်းရင်းသားမျိုးနွယ် အများစု နေထိုင်ကြသည်။ ထို့အပြင် ကိုယ် ပိုင်အုပ်ချုပ်ခွင့် အတွက်လည်း ကချင်ပြည်နယ်မှ လက်နက်ကိုင် အဖွဲ့အစည်းများက မြန်မာအစိုးရ တပ်များနှင့် ကာလရှည်ကြာ တိုက် ပွဲဖြစ်နေခဲ့သည်။ တပ်မတော်နှင့် ကချင်လက်နက်ကိုင်များကြား နှစ်ပေါင်း ၂၀ မျှ အပစ်အခတ် ရပ်စဲ ထားပြီး ဒေသငြိမ်းချမ်းမှု ရှိနေခဲ့ သော်လည်း ၂၀၁၁ တွင် ပြည် တွင်းစစ် တစ်ကျော့ပြန် အစပြု လာသည်။
အဆိုပါ ပြည်တွင်းစစ် ဖြစ် ပွားရခြင်းတွင် ကျောက်စိမ်းတူး ဖော်မှုမှ ရရှိသည့် အမြတ်အစွန်း ကို မမျှမတ ခွဲဝေခြင်းသည်လည်း အဓိကကျသည့် အကြောင်းတ ရားတစ်ခု ဖြစ်ခဲ့သည်။ နှစ်ဖက် အပြန်အလှန် တိုက်ခိုက်မှုများအ တွင်း ဒေသခံတစ်သိန်းခန့် နေရပ် စွန့်ခွာ ထွက်ပြေးခဲ့ကြရသည်။
ကျောက်စိမ်းတူးဖော်မှုလုပ် ငန်းတွင် အမြစ်တွယ်နေသည့် အ ညစ်အကြေးများကို နှိုက်နှိုက်ချွတ် ချွတ် သုတ်သင်ရှင်းလင်းရန် ဆို သည်မှာ အလွန်ခက်ခဲမည် ဖြစ် သည်။ သို့သော် မဖြစ်နိုင်သည့် ကိစ္စတော့ မဟုတ်ချေ။
ကျောက်စိမ်းတူးဖော်မှုကို စစ်ရေး လှုပ်ရှားမှုများအတွက် ဘဏ္ဍာရေး ရင်းမြစ်များသဖွယ် အသုံးချမှုများရှိနေသောကြောင့် ဖြစ်သည်။
‘‘တချို့သော လက်နက်ကိုင် တိုင်းရင်းသား အဖွဲ့အစည်းတွေ အတွက် ကျောက်စိမ်းက အရေး ပါတဲ့ ငွေကြေးအရင်းအမြစ် ဖြစ် နေတယ်။ သူတို့က အစိုးရရဲ့ ထိန်း ချုပ်မှု ကင်းလွတ်တဲ့ ဒေသတွေ မှာ တပ်မတော်ကြောင့် နေရပ် ရွှေ့ ပြောင်းလာရတဲ့သူတွေကို ကျန်း မာရေး စောင့်ရှောက်မှု၊ ပညာရေး အစရှိတဲ့ ဝန်ဆောင်မှုတွေ ပေး အပ်နိုင်ဖို့ ဒီငွေကြေးကို အသုံးချရ ပါတယ်’’ ဟု Burma Campaign UK မှ မတ်ခ်ဖာမာနာက ဆို သည်။
‘‘ကျောက်စိမ်းတူးဖော်ခွင့် လိုင်စင်အားလုံးကို ဆိုင်းငံ့လိုက် ခြင်းဟာ ဒေါ်အောင်ဆန်းစုကြည် အနေနဲ့ တစ်နိုင်ငံလုံး အပစ်အ ခတ်ရပ်စဲပြီး ငြိမ်းချမ်းရေးကို ကြိုး စား တည်ဆောက်နေမှုအပေါ် တချို့သော လက်နက်ကိုင်တိုင်း ရင်းသား အဖွဲ့အစည်းတွေဆီက ပိုပြီး ယုံကြည်မှုကို ရလာနိုင်တယ်။ အကျိုးဆက်အနေနဲ့ နောက်ဆုံး မှာ အပြောင်းအလဲတချို့ ရှိလာ နိုင်ပါတယ်။ အစိုးရကလည်း ဘယ်လို နိုင်ငံရေး သဘောထားမှ မပါဘဲ ကျောက်စိမ်းတူးဖော်မှု လုပ်ငန်းမှာ သန့်စင်ရှင်းလင်းမှု တွေ လုပ်ဆောင်ဖို့ အားထည့် ဆောင်ရွက်နေကြောင်း ပြသနိုင် ဖို့ လိုတယ်။ ဒါမှသာ တိုင်းရင်း သား လက်နက်ကိုင် အဖွဲ့အ စည်းတွေဘက်က သဘောတူညီ ဖို့ တွန့်ဆုတ်နေတဲ့ ကိစ္စတွေမှာ သဘောတူညီလာဖို့ တွန်းအား ပေးနိုင်မှာ ဖြစ်ပါတယ်’’ ဟု ၎င်း က သုံးသပ်ခဲ့သည်။
ယခုလကုန်ပိုင်းတွင် ဒေါ် အောင်ဆန်းစုကြည် အနေဖြင့်KIA အပါအဝင်တစ်နိုင်ငံလုံးမှ လက်နက်ကိုင်အဖွဲ့အစည်း ၂၀ ခန့်ကို ခေါ်ယူဆွေးနွေးကာ ၂၁ ရာစု ပင်လုံညီ လာခံကို ကျင်းပပြီး ငြိမ်းချမ်းရေးစာချုပ်ချုပ်ဆိုနိုင်ရန်စီစဉ်နေသည်။
၁၉၄၇ ခုနှစ်က ကချင်၊ ရှမ်း နှင့် ချင်းတိုင်းရင်းသားများကို ကိုယ်ပိုင် အုပ်ချုပ်ခွင့်ပေးသော ပြည်ထောင်စုတည်ထောင်ရန် ရည်ရွယ်ခဲ့ပြီး သူမ၏ ဖခင်ဖြစ်သူ ဗိုလ်ချုပ်အောင်ဆန်းကိုယ် တိုင် ကြီးမှူးခဲ့သည့် ပင်လုံညီလာခံကို အစွဲပြုကာ ယခုအမည် မှည့် ခေါ်ထားခြင်းဖြစ်သည်။
သို့သော် ထိုစဉ်က ပင်လုံစာ ချုပ်ပါ ကိုယ်ပိုင်အုပ်ချုပ်ခွင့်ရ ဒေသ သတ်မှတ်ချက်သည် မည် သည့်အခါကမျှ အကောင်အ ထည် ပေါ်မလာခဲ့ချေ။ ပင်လုံစာ ချုပ် ချုပ်ဆိုပြီး လအနည်းငယ်အ ကြာတွင် ဗိုလ်ချုပ်အောင်ဆန်း လုပ်ကြံခံခဲ့ရသည်။
ထိုခေတ်အခါကတည်းက တိုင်းရင်းသား လက်နက်ကိုင် အဖွဲ့အစည်း အချို့တို့သည် အစိုးရ နှင့် ပြည်တွင်းစစ် စတင်ဖြစ်ပွား နေခဲ့သည်။
‘‘မျိုးဆက်သစ်တွေအတွက် လက်ဆင့်ကမ်းပေးဖို့ အကောင်း ဆုံး အမွေကတော့ ငြိမ်းချမ်းရေး ပါပဲ။ ငြိမ်းချမ်းရေးကို ဆောင်ယူ နိုင်မှသာ ကျွန်မတို့ နိုင်ငံဟာ အ မှန်တကယ် ဖွံ့ဖြိုးတိုးတက်လာ နိုင်မှာ ဖြစ်ပါတယ်’’ ဟု ဒေါ် အောင်ဆန်းစုကြည်က မကြာ သေးမီက ပြောကြားခဲ့သည်။
(Guardian သတင်းဌာန၏ Aung Sun Suu Kyi moves to clean up Myanmar's murky jade trade ဆောင်းပါးကို ဘာသာပြန် ဆိုသည်)

http://www.7daydaily.com/story/72691

No comments: