Sunday, August 14, 2016

တိုင်းပြည်အတွက် အကျိုးနည်းပြီး အဆိုးများနေသည့် မြန်မာ့ကျောက်စိမ်း ထုတ်လုပ်မှု

တိုင်းပြည်အတွက် အကျိုးနည်းပြီး အဆိုးများနေသည့် မြန်မာ့ကျောက်စိမ်း ထုတ်လုပ်မှု
 
 
Sunday, August 14, 2016
---------------------------
မြန်မာ့ကျောက်စိမ်း ထုတ်လုပ်မှုလုပ်ငန်းသည် တိုင်းရင်းသား ပဋိပက္ခများ၊ ၁၉၆၂ က စတင်ခဲ့သည့် စစ်အစိုးရများ လက်ထက်တွင် အမြစ်တွယ်ခဲ့သည့် ခြစားမှုများ၊ ဆင်းဆင်းရဲရဲ ရုန်းကန်နေရသည့် ထောင်ပေါင်းများစွာသော ကျပန်း ရေမဆေးကျောက်ရှာသူများ ပါဝင်နေသည့် ရှုပ်ထွေးသော စီးပွားရေးဖြစ်သည်။
မြန်မာနိုင်ငံမှ ထွက်ရှိသည့် ကျောက်စိမ်း ၉၀ ရာခိုင်နှုန်းကျော်ကို တရုတ်နိုင်ငံသို့ တင်ပို့ပြီး တရုတ်နိုင်ငံက သတ်မှတ်ထားသည့် အခွန် ၃၃ ရာခိုင်နှုန်းကို ရှောင်ရှားရန် တရားမ၀င် မှောင်ခို တင်ပို့မှုက အများစုဖြစ်သည်။ Global Witness အဖွဲ့၏ အစီရင်ခံစာတွင် ဖော်ပြချက်အရ မြန်မာနိုင်ငံ၏ တရားဝင်နှင့် တရားမ၀င် ကျောက်စိမ်း စီးပွားရေး၏ ပမာဏမှာ ဒေါ်လာ ၃၁ ဘီလီယံရှိပြီး မြန်မာ နိုင်ငံ ဂျီဒီပီ၏ ထက်ဝက်ရှိသည်ဟု ဆိုသည်။
သို့သော် ထိုငွေပမာဏမှ အလွန်နည်းပါးသည့် ပမာဏသာ ပြည်တွင်း စီးပွားရေး စီးဆင်းမှုတွင် ပါဝင်ပြီး အကျိုးအမြတ် အများစုကို တရုတ်ကုန်သည်များက ရရှိကြသည်။ တရုတ် ကျောက်စိမ်း ကုန်သည်များသည် မြန်မာနိုင်ငံမှ ကျောက်စိမ်းရိုင်းတုံးများအား ၀ယ်ယူကာ တရုတ်ဈေးကွက်တွင် ပြန်လည် ရောင်းချခြင်း၊ အရိုင်းတုံးအား ဖြတ်တောက် အချောသွေးကာ လက်ကောက်နှင့် ဆွဲကြိုး၊ လက်စွပ် စသည့် လက်ဝတ်ရတနာများအဖြစ် ဖန်တီး ရောင်းချခြင်းတို့ဖြင့် အဓိက၀င်ငွေ ရရှိသည်။
ကျောက်စိမ်းအရိုင်းတုံးမှာ ဖြတ်တောက်ပြီးချိန်တွင် တန်ဖိုးမရှိသည့် အရည်ဖြစ်နေခြင်း ကြုံရနိုင်သဖြင့် ဒုတိယနည်းလမ်းမှာ စွန့်စားရမှုများသော်လည်း အကျိုးအမြတ် ပိုမိုကြီးမားသည်။ ကျောက်စိမ်းများမှာ အခြားကျောက်မျက်များထက် ပိုမိုကြီးမားလေ့ရှိပြီး အရောင်နှင့်အလင်း ဖောက်နိုင်စွမ်းပေါ် မူတည်၍ တန်ဖိုးကွာခြားသည်။ ကျောက်စိမ်းအရိုင်းတုံး၏ ညိုညစ်ညစ်အပေါ်ယံ မျက်နှာပြင်ကြောင့် အတွင်းသား၏ အရည်အသွေးကို အကဲဖြတ်ရန် အလွန်ခက်ခဲသည်။ ကျောက်စိမ်း ကုန်သည်များအတွက် ကျောက်ကြည့်ဓာတ်မီးမှာ အကောင်းဆုံး မိတ်ဆွေဖြစ်ပြီး ကျောက်စိမ်း အရိုင်းတုံး၏ မျက်နှာပြင်အား ဓာတ်မီးဖြင့် ထိုးကြည့်ကာ အရည်အသွေးနှင့် တန်ဖိုးကို အကဲဖြတ်လေ့ရှိသည်။
ကျောက်စိမ်းလုပ်ငန်းသည် ခေတ်အဆက်ဆက် အကျိုးအမြတ်များစွာ ရရှိခဲ့ပြီး ဖြစ်သော်လည်း လက်ရှိတွင် စီးပွားရေး အခက်အခဲနှင့် ရင်ဆိုင်နေရသည်။ တရုတ်နိုင်ငံတွင် မကြာမီက စတော့ဈေးကွက် ပြိုလဲမှု နှစ်ကြိမ်ဖြစ်ပေါ်ခဲ့ပြီးနောက် တရုတ် ကျောက်မျက်ရတနာ ကုန်သည်များကြား ရောင်းဝယ်မှု ကျဆင်းခဲ့ကာ အကျိုးဆက် အနေဖြင့် မြန်မာကျောက်စိမ်းလုပ်ငန်းများ ရောင်းချရမှု ကျဆင်းကာ တရားမ၀င် ဈေးကွက်တွင် တစ်နိုင်တစ်ပိုင် ရောင်းချရန် ရှာဖွေသူများအတွက် အခက်အခဲများ ပိုမို ကြုံတွေ့လာရသည်။ ဈေးကွက်အတွင်း ကျောက်စိမ်းဈေးမှာ ပျမ်းမျှ နှစ်ဆကျော် ကျဆင်းခဲ့ပြီး ကုမ္ပဏီငယ်များနှင့် တပိုင်တနိုင် ရောင်းဝယ်သော ပြည်တွင်းကုန်သည်များ အထိနာလျက်ရှိသည်။
ချမ်းသာကြွယ်ဝသည့် တရုတ် ကျောက်စိမ်းကုန်သည်များက ဈေးကျချိန်တွင် ကျောက်စိမ်းအများအပြား ၀ယ်ယူသိုလှောင်ကာ အနာဂတ်တွင် အမြတ်အစွန်းရရန် ရည်ရွယ်ထားကြသည်။ အရောင်းအ၀ယ် ကျဆင်းလာသဖြင့် ဖားကန့်ရှိ ကျောက်စိမ်းတွင်း ပိုင်ရှင်အချို့မှာ ကျောက်စိမ်းတစ်တုံးမှ မရောင်းရသည့် လများစွာနှင့် ကြုံလာရသည်။ မြန်မာ့ စီးပွားရေးက ထိရောက်သည့် ပြည်တွင်း ၀ယ်လိုအားကို ဖန်တီးပေးနိုင်ခြင်းမရှိပါက ကျောက်စိမ်းလုပ်ငန်းမှာ ပြည်တွင်းစီးပွားရေးအတွက် အထောက်အကူပြုနိုင်မည် မဟုတ်ပေ။
စစ်အစိုးရခေါင်းဆောင်အဖြစ် ၁၉၉၂ မှ ၂၀၁၁ အထိ နိုင်ငံကို အုပ်ချုပ်ခဲ့သည့် ဗိုလ်ချုပ်မှူးကြီးဟောင်း သန်းရွှေ၏ မိသားစုဝင်များ အပါအ၀င် အစိုးရအဖွဲ့ဝင် ၀န်ကြီးများ ၊ အရာရှိကြီးများသည် ကျောက်စိမ်းတွင်းများ ရယူကာ ဆွေမျိုးများ အမည်ဖြင့် လုပ်ကိုင်ခြင်း၊ ကျောက်စိမ်း ကုမ္ပဏီများနှင့် ဖက်စပ်အဖြစ် လုပ်ကိုင်ကာ ငွေကြေး အကျိုးအမြတ်ရယူခြင်းတို့ ဆောင်ရွက်ခဲ့ကြသည်။ ကျောက်စိမ်းလုပ်ငန်းမှာ မကြာခဏဆိုသလိုပင် အစိုးရ အရာရှိဟောင်းများ၏ ငွေကြေးခ၀ါချမှုနှင့် ဆက်နွယ်နေတတ်သည်။
သို့သော် ဒေါ်အောင်ဆန်းစုကြည်က ယခင် စစ်အစိုးရခေတ် ခြစားမှုများကို နောက်ကြောင်း ပြန် အရေးယူမည်မဟုတ်ဟု ပြောကြားခဲ့ပြီး လက်ရှိအစိုးရ လက်ထက်တွင်သာ ခြစားမှုကင်းစင်ရန် ဦးတည်မည်ဟု ဆိုထားသည်။ NLD အစိုးရသစ်၏ ခြစားမှု တိုက်ဖျက်ရေး အစီအစဉ်အပေါ် မေးခွန်းထုတ်မှုများ ရှိနေသော်လည်း ဒေါ်အောင်ဆန်းစုကြည်အနေဖြင့် နိုင်ငံရေး တင်းမာမှုကို ရှောင်ရှားရန် ရည်ရွယ်ကာ အစိုးရဟောင်း လက်ထက်မှ အရာရှိကြီးများနှင့် ဆက်ဆံရေး ထိန်းသိမ်းရန် ရည်ရွယ်ခြင်း ဖြစ်ဖွယ်ရှိသည်။
NLD အစိုးရအဖွဲ့ဝင်များအတွင်း နိုင်ငံရေး အကျဉ်းသားဟောင်း အများအပြား ပါဝင်ပြီး အုပ်ချုပ်ရေး ဥပဒေပြုရေး စီမံခန့်ခွဲရေး အတွေ့အကြုံများ နည်းပါးသဖြင့် ယခင်အစိုးရဟောင်းမှ ခြစားမှု အလေ့အထရှိခဲ့သည့် ၀န်ထမ်းများအပါအ၀င် အစုအဖွဲ့အားလုံးနှင့် လက်တွဲဆောင်ရွက်ရန် လိုအပ်လျက် ရှိနေသေးသည်။ မြန်မာနိုင်ငံတွင် မူဝါဒ ချမှတ်သူအဆင့်၌ အပြောင်းအလဲများ ဖြစ်ပေါ်နေသော်လည်း အောက်ခြေ အဆင့်တွင် သက်ရောက်ခြင်းမရှိသေးဘဲ အစိုးရ၏ လုပ်ငန်းဆောင်ရွက်နိုင်စွမ်းအပေါ် ထိခိုက်စေသည်။ အစိုးရသစ် ထိပ်ပိုင်းအဖွဲ့ဝင်များအတွင်း ခြစားမှုများ မရှိသော်လည်း အဆင့်အားလုံးတွင် ခြစားမှုကင်းစင်သည့် အစိုးရ တည်ဆောက်နိုင်ရေးမှာ မရေရာမှုများရှိနေဆဲ ဖြစ်သည်။
KHTun
The Ladies News

No comments: