Monday, August 1, 2016

လွှတ်တော်အမတ်များလည်း တည်းခိုစရိတ်အတွက် ကုန်သွယ်လုပ်ငန်းခွန် ဆောင်ရတော့မည်

လွှတ်တော်အမတ်များလည်း တည်းခိုစရိတ်အတွက် ကုန်သွယ်လုပ်ငန်းခွန် ဆောင်ရတော့မည်

Monday, August 1, 2016
 
နေပြည်တော်စည်ပင်ဧည့်ရိပ်သာတွင် တည်းခိုနေထိုင်ကြသော လွှတ်တော် အမတ် များနှင့် ကော်မရှင်အဖွဲ့ဝင်များသည် ဩဂုတ်လ ၁ရက်နေ့ကစပြီး အခန်း ငှားရမ်းခ အတွက် ကုန်သွယ်လုပ်ငန်းခွန် (၅)ရာခိုင်နှုန်း ပေးချေရမည် ဖြစ်ကြောင်း လွှတ်တော်ရုံးက ယနေ့ရက်စွဲဖြင့် ပန်ကြားလွှာ ထုတ်ပြန် လိုက် သည်။
...
စည်ပင်ဧည့်ရိပ်သာတွင် တည်းခိုနေထိုင်ကြသော လွှတ်တော်အမတ်များနှင့် ကော်မရှင်အဖွဲ့ဝင်များသည် လက်ရှိတွင် အခန်းငှားရမ်းခအဖြစ် တစ်ရက်လျှင် ၅,၀၀၀ကျပ်နှုန်း ကျသင့်ခဲ့ရာမှ ယနေ့ ဩဂုတ် ၁ရက်ကစပြီး ကုန်သွယ် လုပ် ငန်း ခွန် ၅ရာခိုင်နှုန်းထပ်ဆောင်းကာ ၅,၂၅၀ ကျပ်နှုန်းဖြင့် ပေးချေတည်းခို ရမည်ဖြစ်သည်။
အဆိုပါနှုန်းထားသည် ဥပဒေအရဖြစ်သည့်အတွက် ကန့်ကွက်စရာမရှိကြောင်း လွှတ်တော်အမတ်များက ပြောသည်။
နေပြည်တော်စည်ပင်ဧည့်ရိပ်သာ၏ ဝန်ဆောင်မှုလုပ်ငန်းသည် တည်ဆဲ ကုန်သွယ် လုပ်ငန်းခွန်ဥပဒေအရ အခွန်ကင်းလွတ်ခွင့်မရှိကြောင်း၊ ကုန်သွယ် လုပ်ငန်းခွန်ဥပဒေပုဒ်မ (၃၂)အရ ကုန်သွယ်လုပ်ငန်းခွန် (၅)ရာခိုင်နှုန်းကို တည်းခိုသူများထံမှ ကောက်ခံပြီး ပြည်တွင်းအခွန်များဦးစီးဌာနသို့ ပေးသွင်း ရမည်ဖြစ်သည်ဟု နေပြည်တော်စည်ပင်သာယာရေးကော်မတီမှ ဇူလိုင် ၂၆ ရက်စွဲဖြင့် လွှတ်တော်ရုံးသို့ တင်ပြထားခြင်းဖြစ်သည်။
နေပြည်တော်စည်ပင်သာယာရေးကော်မတီလက်အောက်ရှိ နေပြည်တော် စည်ပင်ဧည့်ရိပ်သာ(၂)တွင် အမျိုးသားလွှတ်တော်နှင့် ပြည်သူ့လွှတ်တော်တို့မှ လွှတ်တော်အမတ်ပေါင်း ၄၃၀ဦးခန့် တည်းခိုနေထိုင်လျက်ရှိသည်။
အမျိုးသားဒီမိုကရေစီအဖွဲ့ချုပ်(NLD)မှ လွှတ်တော်အမတ်များက အများဆုံး တည်းခို နေထိုင်လျက်ရှိပြီး ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ အမတ်များ ကမူ စည်ပင်ဧည့်ရိပ်သာတွင် တည်းခိုနေထိုင်ခြင်းမရှိဘဲ နေပြည်တော် ရှိ ပါတီဌာနချုပ်တွင်သာ တည်းခိုနေထိုင်ကြသည်။
Mizzima - News in Burmese

No comments: