Sunday, August 14, 2016

စီးပွားရေး မူဝါဒသစ်ထက် များစွာ နက်နဲသော အခြေခံအခက်အခဲများ ရှိနေဟု ဆို

စီးပွားရေး မူဝါဒသစ်ထက် များစွာ နက်နဲသော  အခြေခံအခက်အခဲများ ရှိနေဟု ဆို
-
Sunday, August 14, 2016
---------------------
NLD အစိုးရ တက်လာချိန်တွင် တစ်စိတ်တစ်ပိုင်း ပြုပြင်ပြီး ဖြစ်သည့် မြန်မာ့ စီးပွားရေးက တိုးတက်မှုအချို့ ရရှိထားပြီးဖြစ်သည်။ နိုင်ငံ၏ ဂျီဒီပီ တိုးနှုန်းမှာ ၂၀၁၁ တွင် ၅.၃ ရာခိုင်နှုန်းသာရှိရာမှ နိုင်ငံခြား ရင်းနှီးမြှုပ်နှံမှုများ ၀င်ရောက် လာခြင်းနှင့် စီးပွားရေးပိတ်ဆို့ထားမှုများ ဖြေလျှော့ခဲ့ခြင်းတို့ကြောင့် ၂၀၁၃ တွင် ၈ ရာခိုင်နှုန်း အထိ မြင့်တက်ခဲ့သည်။
ယခုနှစ်နှင့် လာမည့်နှစ်တွင် နိုင်ငံခြားရင်းနှီးမြှုပ်နှံမှုများ မြင့်တက်လာပြီး ဂျီဒီပီမှာလည်း အနည်းဆုံး ၈ ရာခိုင်နှုန်း တိုးတက်မည်ဟု ခန့်မှန်းထားသော် လည်း နိုင်ငံ၏ စီးပွားရေး ပမာဏ သေးငယ်ခြင်းကြောင့် တိုးတက်နှုန်းမြင့်နေခြင်း ဖြစ်သည်။
ပြီးခဲ့သည့် နှစ်က မြန်မာနိုင်ငံ၏ တစ်ဦးချင်းဝင်ငွေမှာ ၁၂၀၄ ဒေါ်လာဖြစ်ပြီး အိမ်နီးချင်း ထိုင်းနိုင်ငံ၏ ၅ ပုံ ၁ ပုံသာရှိသည့်အပြင် အခွန်ဝင်ငွေနှင့် ဂျီဒီပီ အချို့မှာလည်း ဒေသတွင်း အနိမ့်ဆုံး ဖြစ်လျက်ရှိသည်။ နိုင်ငံ၏ လူဦးရေ အများစုမှာ ကျေးလက်တွင် နေထိုင်ပြီး ၀င်ငွေနည်းပါးသူများ ဖြစ်သည်။
NLD အစိုးရသည် စိုက်ပျိုး မွေးမြူရေးလုပ်ငန်းမြှင့်တင်ရေး ငွေကြေးနှင့် ဘဏ္ဍာရေး တည်ငြိမ်ရေးနှင့် အခြေခံ အဆောက်အအုံ ခေတ်မီရေးတို့ အပါအ၀င် မဏ္ဍိုင် ငါးခုပါ စီးပွားရေး မဟာဗျူဟာကို ထုတ်ပြန်ကြေညာ ခဲ့သည်။ နိုင်ငံခြား ရင်းနှီးမြှုပ်နှံမှုများ ဆက်လက် ဆွဲဆောင်နိုင်ရန် ဦးစားပေး အဖြစ် သတ်မှတ်ခဲ့သည်။
အစိုးရ၏ အဓိကဦးစားပေး အစီအစဉ်တစ်ခုမှာ စိုက်ပျိုးရေးကဏ္ဍ ဖွံ့ဖြိုးရေးဖြစ်သည်။ မြန်မာနိုင်ငံသည် အရှေ့တောင်အာရှတွင် စိုက်ပျိုးရေး လုပ်ငန်း ဆောင်ရွက်ရန် အကောင်းဆုံး အနေအထားအချို့ ပိုင်ဆိုင်ထားပြီး ၁၉၆၂ စစ်အာဏာသိမ်းမှု မဖြစ်မီက ကမ္ဘာ့ထိပ်တန်း ဆန်တင်ပို့သူဖြစ် ခဲ့သည်။ နိုင်ငံ၏ လုပ်သားအင်အား ၇၀ ရာခိုင်နှုန်းခန့်မှာ စိုက်ပျိုးမွေးမြူရေး ကဏ္ဍတွင် လုပ်ကိုင်နေပြီး မြန်မာ့ လယ်သမားများ၏ ပျမ်းမျှဝင်ငွေမှာ အာရှတွင် အနိမ့်ဆုံး ဖြစ်လျက်ရှိသည်။ စိုက်ပျိုးရေးကဏ္ဍတွင် ချေးငွေ၊ စွမ်းအင်၊ မျိုးစေ့နှင့် မြေသြဇာ ရယူအသုံးပြုနိုင်ခြင်း နည်းပါးသဖြင့် ထုတ်လုပ်မှုစွမ်းအား နိမ့်ကျလျက်ရှိသည်။
လယ်သမားများသည် နိုင်ငံပိုင် မြန်မာ့စိုက်ပျိုးမွေးမြူရေး ဖွံ့ဖြိုးရေး ဘဏ်မှ ချေးငွေ အကန့်အသတ်ဖြင့်သာ ရရှိသဖြင့် တရားမ၀င် ငွေတိုးချေး သူများ ထံမှ ချေးယူနေရသည်။ ကျေးလက်ဒေသများတွင် ချေးငွေ အလွယ်တကူ ရရှိရန် ဆောင်ရွက်ပေးခြင်းက ၀င်ငွေမြင့်မားစေသည့်အပြင် လယ်သမား အများစု ကြုံတွေ့နေရသည့် အကြွေးသံသရာမှ လွတ်မြောက်စေနိုင်သည်။
အစိုးရသစ်၏ စီးပွားရေးမူဝါဒ ချမှတ်ရာတွင် စိုက်ပျိုးမွေးမြူရေးကို ဦးစားပေး အာရုံစိုက်စေခဲ့သည်။ သို့သော် ယခင် စစ်အစိုးရနှင့် ယင်း၏ မိတ်ဖက် ကုမ္ပဏီများက လယ်မြေများကို လျော်ကြေးမပေးဘဲ (သို့) အနည်းငယ် သာပေးပြီး သိမ်းယူခဲ့မှုများ ရှိသဖြင့် မြေယာပြုပြင်ပြောင်းလဲရေး ဆောင်ရွက်ရန် မှာ ခက်ခဲသည့် လုပ်ငန်းတစ်ခု ဖြစ်သည်။
မြန်မာနိုင်ငံ၏ အခြေခံ အဆောက်အအုံ အားနည်းမှုကလည်း စီးပွားရေး ပြုပြင်ပြောင်းလဲမှုပြုလုပ်ရာတွင် အတားအဆီး ဖြစ်စေသည်။ လူဦးရေ၏ ၃၀ ရာခိုင်နှုန်းသာ လျှပ်စစ်မီးသုံးစွဲနိုင်ပြီး လက်ရှိ သွယ်တန်း ထားသည့် လျှပ်စစ်ဝါယာကြိုး ထက်ဝက်ကျော်မှာ နှစ် ၇၀ ခန့် သက်တမ်းရှိနေပြီ ဖြစ်သည်။ ပြည်တွင်း လျှပ်စစ်သုံးစွဲမှုမှာ ၂၀၀၇ မှ ၂၀၁၂ အတွင်း နှစ်ဆခန့် မြင့်တက်လာပြီး ဆက်လက် မြင့်တက်လျက်ရှိသဖြင့် လျှပ်စစ်ဓာတ်အား ထုတ်လုပ်မှုမှာ သုံးစွဲမှုကို မမီနိုင်ဘဲ ရှိနေသည်။
လမ်းနှင့် ဆိပ်ကမ်းများ အရည်အသွေးနိမ့်ကျခြင်းနှင့် လျှပ်စစ်အား ပြတ်တောက်မှု များက စက်မှုကဏ္ဍ ဖွံ့ဖြိုးရေးအတွက် အတားအဆီး ဖြစ်လျက်ရှိပြီး လုပ်အားခ သက်သာကာ ငယ်ရွယ်သည့် လုပ်သားအင်အား အားသာချက်မှာ မီးပျက်နေသဖြင့် အလုပ်မလုပ်နိုင်ပါက အလဟသ၁ဖြစ်သွားနိုင်သည်။
ကုန်ပစ္စည်းအား ဈေးကွက်သို့ ပို့ဆောင်ရသည့် စရိတ်မှာလည်း ကြီးမြင့်လျက်ရှိသည်။ နိုင်ငံအတွင်း လမ်းများ၏ ၄၀ ရာခိုင်နှုန်းခန့်သာ အချောခင်းထားသည့် လမ်းများဖြစ်ပြီး ရထားပို့ဆောင်ရေးစနစ်မှာလည်း ရာစုနှစ်ဝက်မျှ အိုဟောင်းနေပြီ ဖြစ်သည်။
KHTun
The Ladies News
Photo - ရှိုန်းသူအောင်

No comments: