Wednesday, September 21, 2016

၂၀၁၆ခုနှစ်တွင် နိုင်ငံခြားရင်းနှီးမြှုပ်နှံမှု ကန်ဒေါ်လာ ခြောက်ဘီလီယံ မျှော်မှန်းထားသော်လည်း ပြည့်မီနိုင်မည် မဟုတ်ဟု ဆို

၂၀၁၆ခုနှစ်တွင် နိုင်ငံခြားရင်းနှီးမြှုပ်နှံမှု ကန်ဒေါ်လာ ခြောက်ဘီလီယံ မျှော်မှန်းထားသော်လည်း ပြည့်မီနိုင်မည် မဟုတ်ဟု ဆို


. . .         21 September 2016          
 
၂၀၁၆တွင် နိုင်ငံခြားရင်းနှီးမြှုပ်နှံမှု အမေရိကန်ဒေါ်လာ ခြောက်ဘီလီယံ မျှော်မှန်းထားသော်လည်း နိုင်ငံခြားရင်းနှီးမြှူပ်နှံမှု ကျဆင်းနေသည့်အတွက် ပြည့်မီနိုင်မည်မဟုတ်ကြောင်း မြန်မာနိုင်ငံရင်းနှီးမြှုပ်နှံမှု ကော်မရှင်မှ သိရသည်။
...
နိုင်ငံခြားရင်းနှီးမြှုပ်နှံမှုသည် ယခုလအထိ အမေရိကန်ဒေါ်လာ သန်း ၁,၀၀၀ ကျော်ခန့် ရှိနေပြီဖြစ်ပြီး ကုန်ထုတ်လုပ်မှု၊ ဆက်သွယ်ရေးနှင့် အိမ်ခြံမြေ ကဏ္ဍတို့သည် ရင်းနှီးမြှုပ်နှံမှုအများဆုံး ကဏ္ဍများဖြစ်ကြသည်ဟု သိရသည်။
“အစိုးရသစ်တက်တဲ့ အကူး အပြောင်းချိန်တွေမှာ ရင်းနှီးမြှုပ်နှံမှု တန်ဖိုး ကျတတ်ပါတယ်။
၂၀၁၁ တုန်းကလည်း ရင်းနှီးမြှုပ်နှံမှုနည်းတယ်” ဟု ရင်းနှီး
မြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာန ညွှန်ကြားရေးမှူးချုပ် ဦးအောင်နိုင်ဦးက ပြောသည်။
ဆက်လက်၍ အသစ်ရေးဆွဲထားသော ရင်းနှီးမြှုပ်နှံမှုဥပဒေသစ်တွင် ပါဝင်သောမြန်မာနိုင်ငံ ရင်းနှီးမြှုပ်နှံမှုကော်မရှင်၏ အခန်းကဏ္ဍနှင့် ရင်းနှီးမြှုပ်နှံသူများအတွက် ပြောင်းလဲလာမည့် အခွန်သက်သာခွင့်နှင့် ကင်းလွတ်ခွင့်များ ပါဝင်ကာ ရင်းနှီးမြှုပ်နှံမှုကော်မရှင်က ရင်းနှီး မြုပ်နှံသူများကို အစိုးရနှင့် ချိတ်ဆက်ဆောင်ရွက်သည့်အခါ ဖြစ်ပေါ်လာမည့် ပြောင်းလဲမှု
များသည် စိတ်ဝင်စားဖွယ်အချက်အလက်များဖြစ်သည်ဟု ဆိုသည်။
လက်ရှိအချိန်သည် နိုင်ငံတကာမှ ရင်းနှီး မြှုပ်နှံလိုသူများမှာ မြန်မာ့နိုင်ငံရေးအခြေ
အနေအပါအ၀င် အစိုးရသစ်က ဖော်ဆောင် နေသည့် ရင်းနှီးမြှုပ်နှံမှု မူဝါဒနှင့်
ဥပဒေများကို စောင့်ကြည့်နေဆဲဖြစ်သည့်အတွက် နိုင်ငံ ခြားရင်းနှီးမြှုပ်နှံမှုများ
တုံ့ဆိုင်းနေခြင်းဖြစ်ကြောင်း သိရသည်။
"မြန်မာနိုင်ငံရဲ့ လက်ရှိရောက်နေတဲ့ အနေအထားကို နားလည်လေ ရင်းနှီးမြှုပ်နှံမှု
တွေလာဖို့ အခွင့်အလမ်းပိုများလေပဲ။ ရင်းနှီး မြှုပ်နှံမှုဥပဒေသစ်မှာလည်း ပြည်တွင်း ပြည်ပ
ရင်းနှီးမြှုပ်နှံသူတွေကို မျှတတဲ့ လုပ်ပိုင်ခွင့်တွေပေးဖို့ ရေးဆွဲထားပါတယ်" ဟု စီမံကိန်းနှင့် ဘဏ္ဍာရေးဝန်ကြီး ဌာန
ပြည်ထောင်စုဝန်ကြီး ဦးကျော်ဝင်းက နေပြည်တော်တွင် ပြုလုပ်ခဲ့သော မြန်မာ့
ရင်းနှီးမြှုပ်နှံမှုဖိုရမ်တွင်ပြောကြားခဲ့သည်။
မြန်မာနိုင်ငံ ကုမ္ပဏီများ အက်ဥပဒေ (၁၉၁၄) ကိုလည်း ခေတ်နှင့်အညီဖြစ်စေရန် အာရှဖွံ့ဖြိုးရေးဘဏ်အကူအညီနှင့် ပြင်ဆင် ရေးဆွဲလျက်ရှိပြီး မြန်မာနိုင်ငံ ရင်းနှီးမြှုပ်နှံမှု
ကော်မရှင်ကလည်း ရင်းနှီးမြှုပ်နှံမှု ဥပဒေသစ် မူကြမ်းကို ရေးဆွဲပြီး စက်တင်ဘာလ ၂၀ရက်နေ့က လွှတ်တော်သို့ တင်သွင်းထားပြီးဖြစ်သည်။
ဝသန်
The Ladies News
(ပြည်ပရင်းနှီးမြှုပ်နှံမှုအများဆုံးကဏ္ဍတွင် တစ်ခုအပါအဝင်ဖြစ်သည့် ဆက်သွယ်ရေး)

No comments: