Wednesday, September 7, 2016

ရန်ကုန်စတော့အိတ်ချိန်းတွင် MCB ဘဏ်ရှယ်ယာ ကျပ် ၁၂ သန်းကျော်ဖိုး အရောင်းအဝယ်ဖြစ်

ရန်ကုန်စတော့အိတ်ချိန်းတွင် MCB ဘဏ်ရှယ်ယာ ကျပ် ၁၂ သန်းကျော်ဖိုး အရောင်းအဝယ်ဖြစ်

Wednesday, September 7, 2016
 
ရန်ကုန်စတော့အိတ်ချိန်းတွင် MCB ဘဏ်ရှယ်ယာများသည် စက်တင်ဘာ ၆ ရက်တွင် ကျပ် ၁၀,၀၀၀ ဈေးဖြင့် ရှယ်ယာပေါင်း ၁,၂၀၆ စု၊ ရှယ်ယာတန်ဖိုး ကျပ် ၁၂ သန်းကျော်ဖိုး အရောင်းအဝယ်ဖြစ်ခဲ့ကြောင်း YSX ၏ ထုတ်ပြန်ချက်အရ သိရှိရသည်။
...
“လောလောဆယ်မှာတော့ စိတ်ဝင်စားစရာ သိပ်မရှိသေးဘူး။ ရှယ်ယာတွေကို ၂ နှစ်၊ ၃ နှစ် ရင်းနှီးမြုပ်နှံတဲ့ ပုံစံ သွားမှ မျှော်မှန်းလို့ရမယ်။ နေ့ချင်းညချင်း မြတ်တယ်ဆိုတာကတော့ စတင်တဲ့ရက်ပိုင်းအတွင်းပဲ ရှိမှာပဲ၊ ကျန်တဲ့ အချိန်မှာတော့ ဈေးကငြိမ်သွားမှာပဲ”ဟု CB Securities ကုမ္ပဏီမှ မန်နေဂျင်းဒါရိုက်တာ ဦးသောင်းဟန်က ပြောသည်။
MCB သည် စက်တင်ဘာ ၆ ရက်၊ နံနက် ၁၁ နာရီ ဈေးကွက်ပိတ်ချိန်တွင် ရှယ်ယာဈေးနှုန်း ကျပ် ၁၀,၀၀၀ ဖြင့် ရှယ်ယာပေါင်း ၁,၁၀၃ စုကို ရှယ်ယာတန်ဖိုး ကျပ် ၁၁ သန်းအထိရှိခဲ့ပြီး၊ နေ့လည် ၁ နာရီ ဈေးကွက်ပိတ်ချိန်တွင် ရှယ်ယာဈေးနှုန်းကျပ် ၁၀,၀၀၀ ဖြင့် ရှယ်ယာပေါင်း ၁၀၃ စု၊ ရှယ်ယာတန်ဖိုး ကျပ် ၁ သန်းကျော် အရောင်းအဝယ်ဖြစ်ခဲ့ကာ ရှယ်ယာတန်ဖိုးစုစုပေါင်း ကျပ် ၁၂ သန်းကျော် အရောင်းအဝယ်ဖြစ်ခဲ့သည်။
MCB သည် သြဂုတ် ၂၆ ရက်တွင် တတိယမြောက် ရှယ်ယာရောင်းဝယ်ခွင့်ရရှိခဲ့ကာ ရှယ်ယာဈေးနှုန်း ကြမ်းခင်း ဈေး ကျပ် ၆,၈၀၀ ဖြင့် စတင်ရောင်းဝယ်ခဲ့ပြီး၊ ဈေးကွက်ပိတ်ချိန်တွင် ရှယ်ယာဈေးနှုန်း ကျပ် ၂,၀၀၀ တက်ခဲ့ပြီး ကျပ် ၇,၈၀၀ ဖြင့် ရှယ်ယာပေါင်း ၁၂,၉၉၆ စု အရောင်းအဝယ်ဖြစ်ခဲ့သည်။
“MCB ကို မဝယ်ဖြစ်သေးဘူး။ အခုဈေးက တောက်လျှောက်တက်ရိပ်ပြနေတော့ ၁၀,၀၀၀ လောက်ဖြစ်နေ တော့ ကြမ်းခင်းဈေးထက် များနေတယ်။ အခု ၁၀,၀၀၀ ဖြစ်နေတော့ ကျရိပ်ရှိတယ်လေ။ ကြမ်းခင်းဈေးထက် တစ်ဆပိုနေလို့ မဝယ်ဘူး”ဟု ရှယ်ယာပိုင်ရှင်တစ်ဦးဖြစ်သူ ဦးမောင်က ပြောသည်။
MCB သည် စက်တင်ဘာ ၁ ရက်တွင် ရှယ်ယာဈေးအမြင့်ဆုံး ကျပ် ၁၂,၀၀၀ ဖြင့် အစုရှယ်ယာပေါင်း ၉,၂၅၁ စု အရောင်းအဝယ်ဖြစ်ခဲ့ပြီး လက်ရှိတွင် MCB ရှယ်ယာကုမ္ပဏီမှ စတင်ရောင်းချသည့် သြဂုတ် ၂၆ ရက်မှ စက် တင်ဘာ ၆ ရက်အထိ အစုရှယ်ယာပေါင်း ၉၀,၀၀၀ ခန့်၊ ရှယ်ယာတန်ဖိုးစုစုပေါင်း ကျပ် ၈၇၆ သန်းကျော် အရောင်းအဝယ်ဖြစ်ခဲ့သည်။
ရန်ကုန်စတော့အိတ်ချိန်းတွင် တတိယမြောက် အစုရှယ်ယာရောင်းချခွင့်ရရှိခဲ့သည့် MCB ၏ မတည်ရင်းနှီး ငွေသည် ကျပ် ၅၂ ဘီလီယံရှိနေပြီး၊ ရင်းနှီးမြုပ်နှံငွေ၏ ၁၀ ရာခိုင်နှုန်းဖြစ်သော ကျပ် ၅ ဘီလီယံကျော်ကို စီး ပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ထည့်ဝင်ထားကြောင်း သိရသည်။
မြန်မာနိုင်ငံ ငွေချေးသက်သေခံလုပ်ငန်း ကြီးကြပ်ရေးကော်မရှင်၏ ကြီးကြပ်မှုဖြင့် ရန်ကုန်စတော့အိတ်ချိန်းကို ၂၀၁၅ ခုနှစ် ဒီဇင်ဘာ ၉ ရက်တွင် တရားဝင်ဖွင့်လှစ်ပေးခဲ့ပြီး လက်ရှိတွင် FMI၊ Myanmar Thilawa SEZ Holding၊ Myanmar Citizen Bank တို့မှ အရောင်းအဝယ်ပြုလုပ်နေကြကာ Great HorKham၊ Myanmar First Private Bank၊ MAPCO တို့မှာ ရောင်းဝယ်ခွင့်ရရန် စောင့်ဆိုင်းနေဆဲဖြစ်ကြောင်း သိရသည်။
MMK
The Ladies News

No comments: