Saturday, October 22, 2016

မြန်မာနိုင်ငံ၏ နယ်နမိတ်နှင့် အချုပ်အခြာအာဏာကို လေးစားရန် အိန္ဒိယ အစိုးရအား ဒေါ်အောင်ဆန်းစုကြည်က ပြောကြား

မြန်မာနိုင်ငံ၏ နယ်နမိတ်နှင့် အချုပ်အခြာအာဏာကို လေးစားရန် အိန္ဒိယ အစိုးရအား ဒေါ်အောင်ဆန်းစုကြည်က ပြောကြား

Saturday, October 22, 2016
 
နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ပြီးခဲ့သည့် နှစ်အတွင်း မြန်မာနိုင်ငံ၏ ပိုင်နက် နယ်နိမိတ်အား အိန္ဒိယက အကြိမ်ကြိမ် ချိုးဖောက်ခဲ့သည့် လုပ်ရပ်များကို လက်ခံမည်မဟုတ်ဟု ၀န်ကြီးချုပ် နာရန်ဒရာမိုဒီ အစိုးရအား ပြောကြားခဲ့သည်ဟု အိန္ဒိယနိုင်ငံထုတ်သတင်းစာများက ဖော်ပြထားသည်။
အိန္ဒိယ အငယ်တန်း ပြည်ထဲရေးဝန်ကြီး ကီရန်ရီဂျီဂျုက မြန်မာပြည်နယ် နမိတ်အတွင်းသို့ ထိုးဖောက်၍ နာဂသူပုန်တပ်ဖွဲ့ကို လက်တုံ့ပြန် တိုက်ခိုက်မှု များနှင့် ပတ်သက်၍ တွီတာလူမှု ကွန်ယက်ပေါ်တွင် လူသိရှင်ကြား ပြောကြားမှု ပြုလုပ်ပြီး နာရီပိုင်းအကြာတွင် ထိုသို့ ဒေါ်အောင်ဆန်းစုကြည်က သတိပေးခဲ့ခြင်း ဖြစ်သည်။
အိန္ဒိယက ပါကစ္စတန်နိုင်ငံ ပိုင်နက်အတွင်း အလားတူ တိုက်ခိုက်မှု ပြုလုပ် ခဲ့ကြောင်း ကြေညာပြီး ရက်သတ္တပတ် သုံးပတ်အကြာတွင် ဒေါ်အောင်ဆန်းစုကြည်နှင့် ၀န်ကြီးချုပ် မိုဒီ၏ ပူးတွဲကြေညာချက်၌ ထိုသို့ နယ်စပ်ဖြတ်ကျော် တိုက်ခိုက်မှုများကို ကြိုတင်အသိပေးခြင်း သဘောတူခြင်း မရှိပါက လက်မခံနိုင်ကြောင်း ဖော်ပြမှု နှစ်ကြိမ်ပါဝင်ခဲ့သည်။
အိန္ဒိယစစ်တပ်၏ ပါကစ္စတန်နိုင်ငံအတွင်း စက်တင်ဘာ ၂၉ တိုက်ခိုက်မှု ပြီးနောက် မြန်မာနိုင်ငံက ပထမဆုံး ထိုသို့ ပြောကြားခဲ့ခြင်း ဖြစ်သည်။ အိန္ဒိယ သည် ၂၀၁၅ ဇွန် ၁၀ တွင် မြန်မာနိုင်ငံ ပိုင်နက်အတွင်းရှိ နာဂ တပ်ဖွဲ့ တပ်စခန်းကို အလားတူ တိုက်ခိုက်မှု ပြုလုပ်ခဲ့သည်။
ဝန်ကြီးချုပ် မိုဒီနှင့် ဒေါ်အောင်ဆန်းစုကြည်တို့ နှစ်နာရီကြာ ဆွေးနွေးပြီးနောက် ထုတ်ပြန်ခဲ့သည့် ပူးတွဲကြေညာချက်တွင် “နှစ်နိုင်ငံလုံးက တစ်ဦးစီ၏ အချုပ်အခြာ အာဏာနှင့် ပိုင်နက်နယ်မြေကို အပြန်အလှန် လေးစားကြောင်း ဖော်ပြပြီး စစ်သွေးကြွ လှုပ်ရှားမှုများနှင့် အကြမ်းဖက်ဝါဒ၏ ပုံစံမျိုးစုံကို ပူးတွဲတိုက်ဖျက်ရန် စိတ်ပိုင်းဖြတ်ထားမှုအား ဖော်ပြသည်” ဟု ပါဝင်ခဲ့သည်။
၂၀၁၅ ဇွန်တွင် မြန်မာနိုင်ငံအတွင်း အခြေစိုက်သည့် နာဂတပ်ဖွဲ့များက အိန္ဒိယနိုင်ငံ၊ မဏိပူရပြည်နယ်အတွင်း အိန္ဒိယစစ်တပ်အား ခြုံခို တိုက်ခိုက်ခဲ့မှုတွင် အာသံရိုင်ဖယ်တပ်မှ စစ်သား ၁၈ ဦး သေဆုံးခဲ့ပြီးနောက် အိန္ဒိယ စစ်တပ်က နယ်စပ်ဖြတ်ကျော်ကာ နာဂတပ်ဖွဲ့၏ စခန်းများကို တိုက်ခိုက်ခဲ့ခြင်းဖြစ်သည်။ တိုက်ခိုက်မှုများနှင့် ပတ်သက်၍ အိန္ဒိယ စစ်ဆင်ရေး ညွှန်ချုပ်က “အိန္ဒိယ မြန်မာ နယ်နိမိတ် တစ်လျှောက်တွင် တိုက်ပွဲများ ဖြစ်ပွား ခဲ့သည်ဟု အသုံးအနှုန်း ဂရုစိုက် ဖော်ပြခဲ့သော်လည်း အမှန်တကယ် အားဖြင့် မြန်မာနိုင်ငံ နယ်နိမိတ်အတွင်း ဖြစ်ပွားခဲ့ခြင်းဖြစ်သည်။ ထို တိုက်ခိုက်မှုတွင် မြန်မာနိုင်ငံအား ကြိုတင် အသိပေးခဲ့သည်ဟု ဆိုသည်။
မြန်မာနိုင်ငံသည် ပါကစ္စတန်နိုင်ငံနှင့် ကွဲပြားစွာပင် အိန္ဒိယနိုင်ငံ၏ အကြမ်းဖက်မှု တိုက်ဖျက်ရေး လုပ်ငန်းစဉ်များကို ကူညီ ခဲ့သည်။ မြန်မာနယ်နိမိတ်အတွင်းရှိ အိန္ဒိယစစ်သွေးကြွများအား အိန္ဒိယ ဘက်သို့ ပြန်လည်တိုက်ထုတ်ပေးခြင်းဖြင့် အိန္ဒိယတပ်ဖွဲ့များက တိုက်ခိုက်မှုပြုနိုင်ရန် လုပ်ဆောင်ပေးသည်။ တစ်ခါတစ်ရံ အိန္ဒိယ စစ်သွေးကြွများအား နယ်စပ်မျဉ်းတစ်ဖက်သို့ တိုက်ထုတ်ခြင်း မပြုနိုင်ပါက အိန္ဒိယ တပ်ဖွဲ့များ ၀င်ရောက်တိုက်ခိုက်ပြီး ပြန်လည်ထွက်ခွာခွင့် ပြုခဲ့သည်။ ထိုသို့ ခွင့်ပြုရာတွင် နှစ်ဖက်လုံးက လူသိရှင်ကြား ထုတ်ဖော်ပြောကြားခြင်း မပြုရန် သဘောတူထားသည်ဟု ဆိုသည်။
မည်သည့် နိုင်ငံကမျှ မိမိတို့၏ အချုပ်အခြာအာဏာကို ကျေနပ်စွာ ချိုးဖောက်ခံမည် မဟုတ်ပေ။ မြန်မာနိုင်ငံ၏ နိုင်င့ရေး မူဝါဒနှင့် ပတ်သက်၍ အခြေခံဥပဒေတွင် “ပြည်ထောင်စု နယ်မြေအတွင်း မည်သည့် နိုင်ငံခြားတပ်ဖွဲ့ကိုမှ အခြေစိုက်ခွင့်မပြု” ဟု ဖော်ပြထားသည်။ သို့သော် ၂၀၁၅ တိုက်ခိုက်မှုအပြီး နာရီပိုင်းအကြာတွင် အငယ်တန်း သတင်းနှင့်ပြန်ကြားရေး ၀န်ကြီး ရာ့ခ်ျရာဗာဒန်ဆင်း ရာသိုရီက အိန္ဒိယတပ်ဖွဲ့များ မြန်မာပိုင်နက်အတွင်း ၀င်ရောက်တိုက်ခိုက်ခဲ့ကြောင်း လူသိရှင်ကြား ပြောကြားခဲ့ပြီး ပါကစ္စတန်နိုင်ငံပိုင်နက်အတွင်း ပြုလုပ်ခဲ့သည့် အလားတူ တိုက်ခိုက်ခြင်းနှင့် ပတ်သက်၍ အိန္ဒိယ၀န်ကြီးတစ်ဦးက လူသိရှင်ကြား ပြောကြားကာ နားလည်မှု ချိုးဖောက်ခဲ့ခြင်းအတွက် ထိုစဉ်က မြန်မာအစိုးရက ဒေါသတကြီး တုံ့ပြန်ခဲ့သည်။
အိန္ဒိယစစ်တပ်အား မြန်မာစစ်တပ်၏ အကူအညီ အကြံပေးမှုဖြင့် နယ်စပ်ဖြတ်ကျော် ၀င်ရောက် တိုက်ခိုက်ခွင့်ပြုရန် သဘောတူထားမှုကို ၀န်ကြီး ရာသိုရီက ထိုစဉ်က ထုတ်ဖော် ပြောကြားမှုက အနှောင့်အယှက်ဖြစ်စေခဲ့သည်။ အိန္ဒိယ နိုင်ငံခြားရေးဝန်ကြီးဌာနအား မြန်မာနိုင်ငံက သံတမန်ရေးအရ ဝေဖန် တိုက်ခိုက်မှုများ ပြုလုပ်ခဲ့ပြီး မြန်မာအစိုးရအား ပြည်သူများ၏ ရှေ့တွင် အရှက်ရစေခဲ့သည့် အတွက် တိတ်တဆိတ် တောင်းပန်ခဲ့ရသည်။ အိန္ဒိယ သံတမန်များက ပြီးခဲ့သည့် နှစ်တွင် မြန်မာနိုင်ငံကို နှစ်သိမ့်ရန် ကြိုးစားခဲ့ ရသည်ဟု ဆိုသည်။
ဒေါ်အောင်ဆန်းစုကြည်၏ သတိပေး ပြောကြားချက်က ဒေသတွင်း နိုင်ငံ များကြား မဟာမိတ်ရှာဖွေလျက်ရှိသည့် အိန္ဒိယနိုင်ငံအတွက် သေးငယ်သော အိမ်နီးချင်းနိုင်ငံများ၏ အထိအခိုက်မခံမှုကို ဖော်ပြလျက်ရှိသည်ဟု အိန္ဒိယ အရာရှိများက ဆိုသည်။ နယ်စပ်ဖြတ်ကျော် တိုက်ခိုက်မှုများအကြောင်း လူသိ ရှင်ကြား ထုတ်ဖော်ပြောကြားခြင်း၏ အန္တရာယ် ကိုလည်း ဒေါ်အောင်ဆန်းစုကြည် က မီးမောင်းထိုးပြခဲ့သည်ဟု ဆိုသည်။
ထိုသို့ပြုလုပ်ခြင်းက မြန်မာကဲ့သို့ မိတ်ဆွေနိုင်ငံများအတွက်ပင် အနာဂတ်တွင် ပူးပေါင်းဆောင်ရွက်ရန် ခက်ခဲစေမည် ဖြစ်သည်ဟု ဒေါ်အောင်ဆန်းစုကြည်က ၀န်ကြီးချုပ်မိုဒီအား ပြောကြားခဲ့ကြောင်း အိန္ဒိယ သတင်းများက ဖော်ပြထားသည်။
KHTun
The Ladies News

No comments: