Saturday, November 19, 2016

အမေရိကန်အခြေစိုက် Ball Corporation ၏ စက်ရုံ သီလ၀ါအထူးစီးပွားရေးဇုန်တွင် စတင်လည်ပတ်

အမေရိကန်အခြေစိုက် Ball Corporation ၏ စက်ရုံ သီလ၀ါအထူးစီးပွားရေးဇုန်တွင် စတင်လည်ပတ်
Saturday, November 19, 2016
------ ------ ------ ------ ------
အမေရိကန်အခြေစိုက် အစားအသောက်ထုပ်ပိုးမှုနှင့် သံသတ္တုဘူး၊ ပုလင်းများကို ထုပ်လုပ်သည့် Ball Corporation စက်ရုံကို နိုဝင်ဘာ ၁၆ ရက်တွင် စတင်လည်ပတ်ပြီ ဖြစ်ကြောင်းသိရသည်။ အဆိုပါစက်ရုံကို အထက်ပါရက်စွဲတွင် ဖွင့်လှစ်ခဲ့ပြီး ကုမ္ပဏီအနေဖြင့် ယနေ့ထိဒေါ်လာ ၄၅ သန်းခန့် ရင်းနှီးမြုပ်နှံထားပြီးဖြစ်ကြောင်း လာမည့်နှစ်များအတွင်း ဒေါ်လာသန်း ၆၀ အထိ ထပ်မံရင်းနှီးမြုပ်နှံရန် လျာထားကြောင်း...သိရသည်။
Ball Corporation ၏ စက်ရုံများကို ကမ္ဘာအနှံ့အပြားတွင် ဖွင့်လှစ်ထားပြီး ကမ္ဘာတ၀န်း ၀န်ထမ်းဦးရေ ၁၈၇၀၀ ဦးခန့်ရှိကြောင်း သီလ၀ါအထူးစီးပွားရေးဇုန်တွင် ဖွင့်လှစ် ထားသည့် စက်ရုံတွင် ၀န်ထမ်းဦးရေ ၉၇ ဦးရှိပြီး မြန်မာဝန်ထမ်း ၉၅ ဦးကို အလုပ်ခန့်ထားကြောင်း ၀န်ထမ်းအရေအတွက်ကို တိုးမြှင့်ခန့်ထားရန်ရှိကြောင်း ဆက်လက်သိရသည်။ စက်ရုံ၏ထုတ်လုပ်နိုင်စွမ်းအားမှာ တနှစ်လျှင် ဘူးခွံပေါင်းသန်း ၄၅၀ မှ ၅၀၀ အတွင်းရှိ ကြောင်းသိရသည်။ နယူးယော့ခ်စတော့အိတ်ချိန်းတွင် ဈေးကွက်တင်ထားသော ကုမ္ပဏီဖြစ်ကြောင်း မြန်မာနိုင်ငံတွင် အလုပ်အကိုင်အခွင့်အလမ်းများအပြင် လေ့ကျင့်ရေးသင်တန်းများ၊ ကောင်းမွန်သောအုပ်ချုပ်မှုများ၊ အဆင့်မြင့်နည်းပညာများ၊ စီးပွားရေးဆိုင်ရာလူမှုရေးတာဝန်ယူမှုများကို ဆောင်ကြဉ်းပေးလျက်ရှိသည်။ နိုဝင်ဘာ ၁၆ ရက်တွင်ပြုလုပ်သည့် စက်ရုံဖွင့်ပွဲအခမ်းအနားသို့ မြန်မာနိုင်ငံဆိုင်ရာအမေရိကန်သံရုံး၏ ဒုတိယအကြီးအကဲ ခရစ္စတင်းဘောင်ဝါ တက်ရောက်အမှာစကား ပြောကြားခဲ့သည်။ Ball Corporation ကို အမေရိကန်ပြည်ထောင်စု၌ ၁၈၈၀ ခုနှစ်တွင် စတင်တည်ထောင်ခဲ့သည်။

No comments: