Tuesday, November 1, 2016

မြန်မာ့စီးပွားရေးဘာကြောင့်နှေးကွေးသွာခဲ့သလဲ

မြန်မာ့စီးပွားရေးဘာကြောင့်နှေးကွေးသွာခဲ့သလဲ - ကျော်စွာမြင့် (ဗ.ကသ ၁၉၈၈-၉၂) 

1 November 2016

 ============================================================
မြန်မာနိုင်ငံရဲ့ သမိုင်းစာမျက်နှာသစ် တစ်ခုအဖြစ် လူထုခေါင်းဆောင် ဒေါ်အောင်ဆန်းစုကြည် ဦးဆောင်တဲ့ ပြည်သူ့ဆန္ဒဖြင့် ရွေးချယ် တင်မြှောက်လိုက်သော ဒီမိုကရေစီ အစိုးရသစ် သက်တမ်းမှာ ခြောက်လကျော်လွန်လာခဲ့ပြီ ဖြစ်ပါတယ်။
ဒါပေမဲ့ နိုင်ငံသားပြည်သူများ မျှော်လင့်ထားခဲ့ကြသလို တိုင်းပြည်၏ စီးပွားရေးတိုးတက်မှုမှာ အရှိန်အဟုန်ဖြင့် ဖွံ့ဖြိုးလာရမည့် အစား နှေးကွေးတုံ့ဆိုင်းသွားခြင်းကို သိသာမြင်သာစွာ တွေ့မြင်နေကြရပါတယ်။ ထို့သို့သော အခြေအနေများပေါ်တွင် ၂၀၁၆ခုနှစ်၊ အောက်တိုဘာ ၂၂ရက်နေ့က ပြည်တွင်းက အခွန်ထမ်းဆောင်မှု အများဆုံး စီးပွားရေးလုပ်ငန်းရှင်ကြီး ၁၅၈ ဦးနှင့်အတူ နိုင်ငံတကာ သံတမန်များ၊ နိုင်ငံတကာ ကူညီထောက်ပံ့ရေး အဖွဲ့အစည်းများကို နိုင်ငံတော်၏ အတိုင်ပင်ခံပုဂိ်္ဂုလ် ဒေါ်အောင်ဆန်းစုကြည်က နေပြည်တော်သို့ ဖိတ်ခေါ်ကာ မြန်မာ့စီးပွားရေး ဖွံ့ဖြိုးတိုးတက်လာစေရေးအတွက် တွေ့ဆုံဆွေးနွေးပွဲ တစ်ရပ်ကို ပြုလုပ်ခဲ့ပါတယ်။ အဲဒီတွေ့ဆုံပွဲမှာ နိုင်ငံတော် အတိုင်ပင်ခံပုဂိ်္ဂုလ်ရဲ့ ဆွေးနွေးလမ်းညွှန် မှာကြားချက်များကို ကောက်နုတ်ကြည့်မည် ဆိုပါက “ပထမခြောက်လဟာ စီးပွားရေးဘက်မှာ မြန်မြန်ဆန်ဆန် တိုးတက်မှု မရှိခဲ့ဘူးဆိုတာ ပွင့်ပွင့်လင်းလင်းပဲ ၀န်ခံချင်ပါကြောင်း၊ တိုးတက်မှု နှေးကွေးသွားရတဲ့ အကြောင်းတွေက တော်တော်များများ ရှိပါကြောင်း၊ နိုင်ငံရဲ့ကျော်လွှားရမယ့် အခက်အခဲတွေကို အားလုံး ၀ိုင်းပြီးတော့ ကူညီပြီးတော့ ကျော်လွှားစေချင်တဲ့ စိတ်စေတနာ ထားစေချင်ပါကြောင်း၊ ပထမဦးဆုံး ခြောက်လအတွင်းမှာ စီးပွားရေး ဖွံ့ဖြိုးတိုးတက်မှုဟာ နှေးကွေးတယ်ဆိုပြီးတော့ ဝေဖန်တာတွေ ရှိပါကြောင်း၊ ဝေဖန်ချက်တွေကို နားထောင် လက်ခံခဲ့ပါကြောင်း၊ ပိုပြီးတော့ မြန်မြန် သွက်သွက်လက်လက်နဲ့ ဖွံ့ဖြိုးတိုးတက်ဖို့ ကြိုးစားနေပါကြောင်း။
မိမိတို့အစိုးရလောက် မြန်ချင်တာ ဘယ်သူမှမရှိဘူးလို့ ပြောချင်ပါကြောင်း၊ နိုင်ငံသူ နိုင်ငံသား အားလုံးက စီးပွားရေး ဖွံ့ဖြိုးတိုးတက်မှုမှာ ပါဝင်ပြီး ဆောင်ရွက်စေလိုကာ ရင်းနှီးမြှုပ်နှံဖို့ စိတ်ပါဝင်စားတဲ့ မိတ်ဆွေများ၊ စီးပွားရေး လုပ်ငန်းရှင်များကိုလည်း ဖိတ်ခေါ်ကာ လမ်းသစ်တစ်ခုကို လျှောက်တယ်ဆိုတာဟာ လမ်းဟောင်း လျှောက်တာထက် အများကြီး သတ်္တိရှိဖို့လိုကြောင်း၊ နိုင်ငံရဲ့ ဖွံ့ဖြိုးတိုးတက်ရေးအတွက် အဓိကထားရမယ့် အချက်တစ်ချက်တည်း ပြောပါဆိုရင် အရေးအကြီးဆုံး အချက်က ပြည်သူပြည်သားများရဲ့ အရည်အချင်းတန်ဖိုးကို မြှင့်တင်ပေးရေးပင် ဖြစ်ပါကြောင်း၊ ပြည်သူပြည်သားတွေရဲ့ အစွမ်းအစ အရည်အချင်းကို အဓိကထားအားကိုးတဲ့ စနစ်မျိုးသာလျှင် ရေရှည်တည်တံ့ ခိုင်မြဲမယ်လို့ ယုံကြည်ပါကြောင်း” ပြောကြားသွားခဲ့ပါတယ်။
ထိုသို့သော အခြေအနေများအပေါ် ယေဘုယျ သုံးသပ်ကြည့်နိုင်ရန် ပထမဦးစွာ အာဏာရှင်ခေတ်ဦးမှ ယနေ့ အချိန်တိုင်အောင် ခရိုနီဟု အမည်သတ်မှတ်ခြင်း ခံရသူထဲတွင် မပါဝင်ခဲ့သူ စီးပွားရေး လုပ်ငန်းရှင်ကြီးနှင့် တွေ့ဆုံဆွေးနွေးရာမှာ “အဓိကကတော့ ငွေကြေး အမြောက်အမြား လက်ဝယ်ရှိနေကြတဲ့ အာဏာရှင်ခေတ်က ခရိုနီ လုပ်ငန်းရှင်ကြီးတွေရဲ့ အစိုးရသစ်ကို စောင့်ကြည့်ကြမယ်ဆိုတဲ့ အချက်ပါ။ သူတို့လက်ဝယ်မှာရှိတဲ့ သိန်းပေါင်းများစွာသော ငွေကြေးတွေကို ရပ်တန့်ထားလိုက်တဲ့သဘောပါ။ သူတို့အနေနဲ့ အစိုးရဟောင်းတုန်းက လုပ်ခဲ့ကိုင်ခဲ့ကြတာတွေ အပေါ် အစိုးရသစ်က ဘယ်လို သဘောထားမယ်ဆိုတာကို သိချင်ကြတယ်။ နောက်ကြောင်းပြန် အစတွေဖော်ပြီး အခွန်တွေဆောင်ခိုင်းကာ အရေးယူမှာလား။ သူတို့တွေ နိုင်ငံပိုင် ပစ္စည်းတွေအပေါ် ဈေးပေါပေါရခဲ့တာတွေ၊ နိုင်ငံပိုင် စီမံကိန်းကြီးတွေမှာ ဈေးကြီးလုပ်ခွင့်ရထားတာတွေကို အစိုးရသစ်ဘက်က ဘယ်လိုလုပ်ဆောင်လာမလဲ ဆိုတာကိုပေါ့။ အဲဒီလို သူတို့လုပ်ကိုင်ဆဲ လုပ်ငန်းတွေ၊ ငွေကြေး လည်ပတ်မှုတွေကို “စောင့်ကြည့်ဦးမယ်” ဆိုတဲ့ခေါင်းစဉ်အောက်မှာ ရပ်တန့် ထားလိုက်ခြင်းအတွက် ပထမခြောက်လအတွင်း နိုင်ငံရဲ့ စီးပွားရေး နှေးကွေးတုံ့ဆိုင်းသွားခဲ့တဲ့ အချက်တစ်ချက် ဖြစ်လာခဲ့ပါတယ်။ ဒါကြောင့် နိုင်ငံတော် အတိုင်ပင်ခံ ပုဂ်္ဂိုလ်အနေနဲ့ တွေ့ဆုံပွဲမှာ သူတို့တွေကို ပြန်လည် တံခါးဖွင့်ပေးလိုက်ပြီး စိတ်သစ်လူသစ် စနစ်သစ်နဲ့ ပြန်လည်လုပ်ကိုင် ဆောင်ရွက်ပါ။ အတိတ်ကို ပြန်မတူးဆွဘဲ အနာဂတ်တိုင်းပြည် တိုးတက်ဖွံ့ဖြိုးရေးကိုသာ ချီတက်ကြပါလို့ အာမခံချက်ပေးပြီး လမ်းပြလိုက်တာလို့ သဘောပေါက်မိပါတယ်”ဟု သူ့ရဲ့အမြင်ကို သုံးသပ်ပြောဆိုသွားခဲ့ပါတယ်။
အဆိုပါတွေ့ဆုံပွဲမှာ နိုင်ငံတော် အတိုင်ပင်ခံပုဂ္ဂိုလ်၏ ဆက်လက် ပြောကြားချက်များကို ကောက်နုတ် ဖော်ပြရပါလျှင်လည်း “အစိုးရသစ်ရဲ့ အခြေခံမူဝါဒတွေထဲမှာ တရားဥပဒေ စိုးမိုးရေးဆိုတာကို ထိပ်တန်းမှာထားပါကြောင်း၊ တချို့က တရားဥပဒေစိုးမိုးရေးဆိုတာ တရားဥပဒေနဲ့ ဘောင်ခတ်ထားတယ်လို့ နားလည်မှုလွဲနေပါကြောင်း၊ တရားဥပဒေ စိုးမိုးရေးဆိုတာ ဘောင်ခတ်ထားခြင်း မဟုတ်ဘဲ အထောက်အကူပြုတာသာ ဖြစ်ပါကြောင်း၊ တရားဥပဒေ စိုးမိုးရေးဆိုတာ လုပ်ငန်းရှင်များအတွက်လည်း အထောက်အကူ အများကြီး ဖြစ်နိုင်စေမှာ ဖြစ်ပါကြောင်း၊ ဒါကြောင့် တရားဥပဒေ စိုးမိုးရေးရှိတဲ့ နိုင်ငံမှာဆိုရင် ရင်းနှီးမြှုပ်နှံမှုတွေ ဖိတ်ခေါ်ဖို့ဟာ အခက်အခဲရှိမှာ မဟုတ်ကြောင်း၊ ဘယ်လိုပုံစံနဲ့ ပြည်သူပြည်သားတွေနဲ့ နိုင်ငံကို ဘယ်လို ပံ့ပိုးနိုင်မလဲဆိုတဲ့ စိတ်ဓာတ်နဲ့ စီးပွားရေး လုပ်ငန်းရှင်ကြီးများက ဆက်ပြီးတော့ ဖွံ့ဖြိုးတိုးတက်မှု အခြေအနေကို ပံ့ပိုးပေးစေချင်ပါကြောင်း၊ ခေတ်သစ်တစ်ခု ထွန်းကားပြီးဆိုတဲ့ အချိန်မှာ အားလုံးအတွက် လိုအပ်တဲ့အရာ သုံးမျိုးရှိတယ်လို့ ထင်ပါကြောင်း၊ ပညာ၊ စေတနာ၊ သတ်္တိတို့ ဖြစ်ပါကြောင်း၊ ဘယ်လိုပုံစံ ပြောင်းလဲမလဲဆိုတဲ့ ပညာဟာ အားလုံးမှာရှိဖို့ အင်မတန်မှ အရေးကြီးပါကြောင်း၊ ဘယ်လမ်းကိုသွားမယ်ဆိုတာကို မှန်မှန်ကန်ကန် ရွေးတတ်မှသာ လမ်းမှန်ပေါ်ရောက် သွားမှာဖြစ်ကြောင်း၊ ဒီလမ်းကို သွားချင်တဲ့ စေတနာလည်း ရှိဖို့လိုကြောင်း၊ ကိုယ့်အကျိုးအတွက်၊ ကိုယ့်အဖွဲ့အစည်း အကျိုးအတွက်၊ ကိုယ့်စီးပွားရေး လုပ်ငန်း အကျိုးအတွက် မဟုတ်ဘဲနဲ့ နိုင်ငံ့အကျိုးအတွက် လုပ်ပေးစေချင်တဲ့ စေတနာရှိမှပဲ လမ်းမှန်ပေါ်မှာ လျှောက်နိုင်ကြမှာ ဖြစ်ကြောင်း၊ စေတနာနဲ့ ဆက်သွားမှသာလျှင် အောင်မြင်နိုင်ပြီး တတိယအရာကတော့ သတ္တိရှိကြဖို့ လိုပါကြောင်း၊ လမ်းသစ်တစ်ခုကို လျှောက်တယ်ဆိုတာဟာ လမ်းဟောင်း လျှောက်တာထက် အများကြီး သတ္တိလိုပါကြောင်း၊ ကိုယ်လျှောက်လာတဲ့ လမ်းဟောင်းဟာ နှစ်ပေါင်းများစွာ လျှောက်လာတဲ့ လမ်းဟောင်းဆိုတာ ကိုယ်ကသိနေပြီဆိုတော့ ပိုပြီးတော့ လွယ်ကူသလို၊ ပိုပြီးတော့ အဆင်ချောသလို ထင်နိုင်ပါကြောင်း၊ သို့သော် လမ်းသစ်ကိုလျှောက်ဖို့ အချိန်ရောက်ပြီဆိုရင် လမ်းသစ်ကို လျှောက်နိုင်တဲ့ သတ်္တိတော့ အားလုံးမှာ ရှိကြဖို့လိုအပ်ပါကြောင်း၊ ခေတ်သစ်မှာ နိုင်ငံသူ နိုင်ငံသား၊ ပြည်သူပြည်သား အားလုံးကို အခွင့်အရေးသစ်တွေကို ပေးနေတဲ့အတွက် စေတနာရှိရှိ၊ သတ်္တိရှိရှိနဲ့ မိမိရရ ဆုပ်ကိုင်ပြီးတော့ ဆက်ပြီးတော့ နိုင်ငံရဲ့တိုးတက်မှုအတွက် လုပ်ပေးစေချင်ပါကြောင်း နိုင်ငံရဲ့ တိုးတက်မှုအတွက်ဆိုတာ အားလုံးပါဝင်ဖို့ ဖြစ်ပါကြောင်း” တိုက်တွန်း ပြောကြားသွားခဲ့ပြန်ပါတယ်။
ထိုသို့သော အခြေအနေမျိုးအပေါ် ယေဘုယျသုံးသပ်ကြည့်နိုင်ရန် တစ်ချိန်က အမျိုးသားစီမံကိန်းနှင့် စီးပွားရေးလုပ်ငန်း ဖွံ့ဖြိုးတိုးတက်မှုဦးစီးဌာနမှ အငြိမ်းစား အရာရှိကြီးတစ်ဦးနှင့် ဆက်လက် တွေ့ဆုံဆွေးနွေးရာမှာ “ခေတ်ဟောင်းနဲ့ ခေတ်သစ်ပြောင်းတဲ့ အချိန်မှာ အရေးကြီးဆုံးက နိုင်ငံရဲ့ အဓိကမောင်းနှင်မှု ယန္တရားဖြစ်ကြတဲ့ ၀န်ကြီးဌာနအသီးသီးက အတွင်းဝန်တွေ၊ ညွှန်ချုပ်၊ ညွှန်မှူးတွေနဲ့ အရာရှိအကြီးအကဲတွေရဲ့ လိုက်လျောညီထွေဖြစ်မှုနဲ့ အပြောင်းအလဲကို လက်ခံနိုင်ကြဖို့ပဲ ဖြစ်ပါတယ်။
လက်ရှိ ကျန်ခဲ့တဲ့ဌာနဆိုင်ရာ အကြီးအကဲတွေက အရင်လူကြီးတွေရဲ့ တပည့်သားမြေး သြဇာခံတွေ ဖြစ်နေတယ်။ သူတို့အနေနဲ့ ၀န်ထမ်းအကြီးအကဲ ဆိုတဲ့တာဝန် သိမှု၊ တာဝန်ယူမှု၊ တာဝန်ရှိမှုတွေကို နားလည် ကျင့်သုံးလာနိုင်ကြဖို့ လိုတယ်။ တစ်ချိန်က ဘယ်လိုကိစ္စမျိုးဖြစ်ဖြစ် အထက်အဆင့်ဆင့် ဟိုးထိပ်ဆုံးက ၀န်ကြီးအထိ တင်ပြပြီး သူကခွင့်ပြုမှ လုပ်မယ်ဆိုရင် ဒေါ်အောင်ဆန်းစုကြည် ဦးဆောင်တဲ့ အစိုးရသစ်အတွက် အချိန်ကြန့်ကြာမှုနဲ့ ပညာပြမှုတွေအကြား အခက်အခဲအများကြီး တွေ့မှာဖြစ်ပါတယ်။ စီးပွားရေး ဖွံ့ဖြိုးတိုးတက်မှု မြန်ဆန်ဖို့ဆိုတာ သက်ဆိုင်ရာ ဌာနဆိုင်ရာ လုပ်ငန်းတွေကလည်း အချိန်နဲ့တစ်ပြေးညီ ၀န်ထမ်းအကြီးအကဲ အဆင့်အလိုက် တာဝန်ခံမှု၊ တာဝန်ယူမှု ရှိပေးမှ ဟန်ချက်ညီမှာ ဖြစ်ပါတယ်။ အရင်ခေတ်ကလို လူကိုခင်ရင် မူကိုပြင်တယ်။ လူကိုမုန်းတော့ မူကိုသုံးတယ်ဆိုတာမျိုးတွေ မဖြစ်ကြဖို့အရေးကြီးတယ်။ အစိုးရသစ် လက်ထက်မှာ အရင်အစိုးရဟောင်းတုန်းက အဆင့်ဆင့် ထိန်းချုပ်တာတွေကို “ဖြေလျှော့ပေးဖို” လိုပါတယ်။ တာဝန်ခံမှုနဲ့အတူ လုပ်ပိုင်ခွင့်အာဏာတွေကို အောက်ခြေအထိ ဝေမျှထားဖို့ လိုပါတယ်။ တစ်ဖက်မှာလည်း အဂတိလိုက်စားမှု ပေါ်ပေါက်ခဲ့ရင် စံပြအဖြစ် ဥပဒေနဲ့အညီ ထောင်ဒဏ်အထိ အပြစ်ပေးတာမျိုးတွေ လုပ်ရမှာဖြစ်ပါတယ်”လို့ သူဖြတ်သန်းခဲ့ရတဲ့ ၀န်ထမ်းလောက အခြေအနေများနဲ့ နှိုင်းယှဉ်ပြီး ရှင်းပြအကြံပြုသွားခဲ့ပါတယ်။
ဌာနဆိုင်ရာများ၏ ကြန့်ကြာမှုများ၊ အဂတိလိုက်စားမှုများနှင့် စပ်လျဉ်းပြီး နိုင်ငံတော် အတိုင်ပင်ခံ ပုဂိ်္ဂုလ်က ပြောကြားရာတွင် “စီးပွားရေးလောကမှာ ဖြောင့်ဖြောင့်မတ်မတ် လုပ်တယ်ဆိုတာကို ကမ္ဘာက သိဖို့လိုကြောင်း၊ အဂတိလိုက်စားမှု ကင်းရှင်းဖို့ လိုပါတယ်။ အဂတိ လိုက်စားမှု ကင်းရှင်းဖို့ဆိုတာ ပြည်သူပြည်သား တစ်ယောက်ချင်း၊ တစ်ဦးချင်း၊ လုပ်ငန်းရှင်ကြီးများ တစ်ဦးချင်း၊ တစ်ယောက်ချင်း၊ အဖွဲ့အစည်းများ တစ်ခုချင်း အပေါ်မှာ အများကြီး မူတည်ပါကြောင်း၊ စီးပွားရေး လုပ်ငန်းရှင်ကြီးများ၊ နိုင်ငံသားများ၊ ပြည်သူများ အနေနဲ့ ကြောက်ရွံ့မှုရှိဖို့ မလိုဘူး။ အဂတိ လိုက်စားမှုရှိရင် ပြည်သူပြည်သားများဟာ ပွင့်ပွင့်လင်းလင်း သတ်္တိရှိရှိနဲ့ တိုင်လို့ရပါကြောင်း၊ အစိုးရပိုင်း၊ ဌာနပိုင်း ဆိုင်ရာအသိပေးလို့ ဘာမှကိုယ့်အတွက် အန္တရာယ်မရှိဘူး ဆိုတာကို အာမခံချက် ပေးပါကြောင်း၊ ကျွန်တော်ဘယ်သူပါ၊ ကျွန်မဘယ်သူပါ၊ ကျွန်မတို့ အမျိုးသား မှတ်ပုံတင်က ဘယ်လောက်ပါ၊ ဘယ်လို အဂတိလိုက်စားမှုနဲ့ ကြုံတွေ့ရပါတယ်ဆိုတဲ့ သက်ဆိုင်ရာ ဌာနများနဲ့ နိုင်ငံတော် အတိုင်ပင်ခံဝန်ကြီး ဌာနရုံးကို ရေးလို့ရပါကြောင်း၊ ၀န်ကြီးတွေကတော့ သန့်ရှင်းပါတယ်။ အောက်က လူတွေကတော့ အရင်အတိုင်းပဲတဲ့။ အရင်အတိုင်းပဲဆိုရင် ၀န်ကြီးတွေကို သတိပေးရမယ်။ ၀န်ကြီးတွေက ဖြောင့်မတ်သန့်ရှင်းတယ်လို့ ယုံကြည်ရင် ၀န်ကြီးတွေကို အသိပေးမယ်။ ၀န်ကြီး အောက်ကဖြင့် ဘယ်သူ ဘယ်နေရာမှာဖြင့် ဘယ်လို လုပ်နေပါတယ်လို့ သတိ်္တရှိရှိနဲ့ အသိပေးပါ” ဟု ပြောကြားသွားခဲ့ပါတယ်။
နိဂုံးချုပ်အားဖြင့် အစိုးရသစ်လက်ထက် ပထမခြောက်လ သက်တမ်းအတွင်း အသွင်ကူးပြောင်းရေး ဖြစ်စဉ်များအရ မြန်မာနိုင်ငံ၏ စီးပွားရေးဖွံ့ဖြိုးတိုးတက်မှုများ နှေးကွေးတုံ့ဆိုင်းနေမှုများအပေါ် နိုင်ငံတော် အတိုင်ပင်ခံပုဂိ်္ဂုလ် ဒေါ်အောင်ဆန်းစုကြည် ကိုယ်တိုင် လမ်းညွှန်ဖြေရှင်း ကုစားမှုအပေါ် နိုင်ငံသား ပြည်သူတစ်ယောက် အနေနဲ့ ၀မ်းမြောက်ဝမ်းသာ ကြိုဆိုမိပါကြောင်းနှင့် လူထုခေါင်းဆောင် ပြောကြားသွားခဲ့သလို “ဆန္ဒ၊ ဒေါသ၊ ဘယာ၊ မောဟတို့ဟာ အဂတိလိုက်စားမှု ဖြစ်စေခြင်းပါပဲ။ ဒါကို ထိန်းကျောင်းဖို့က တရားဥပဒေစိုးမိုးရေးပါပဲ။ ကိုယ့်ဆန္ဒအရ လုပ်ချင်တိုင်း လုပ်လို့မဖြစ်ဘူး။ ဥပဒေကနေ ခွင့်ပြုသလောက်ပဲ လုပ်ရမယ်၊ မှန်မှန်ကန်ကန် လုပ်ရမယ်၊ မျှမျှတတလုပ်ရမယ်။ ဒေါသကို အခြေခံပြီးတော့ တခြားသူကို ထိခိုက်စေချင်လို့ လုပ်လို့လည်း မဖြစ်ဘူး။ မှန်မှန်ကန်ကန် လုပ်ရမယ်။ နိုင်ငံတစ်နိုင်ငံလုံး အကျိုးအတွက် အောင်မြင်ဖို့အတွက် လုပ်ရပါမယ်။ ဘယာဆိုတဲ့ ကြောက်ရွံ့မှု၊ ကျွန်မတို့ဟာ ဒီမိုကရေစီစနစ်ကို ထူထောင်နေတဲ့ အချိန်ကာလဖြစ်ပါတယ်။ ဒီမိုကရေစီစနစ် အောက်မှာဆိုရင် တရားဥပဒေ ဘောင်အတွင်းမှာ မှန်မှန်ကန်ကန် လုပ်တဲ့ပုဂိ်္ဂုလ်တွေ ဘယ်သူမှ ကြောက်ရွံ့စရာမလိုပါဘူး” ဆိုသည့်စကားရပ်အတိုင်း အတိတ်ကို ပြန်ပြီးကြည့်တာ မဟုတ်ဘဲနဲ့ အနာဂတ်ကိုမျှော်တဲ့ မူဝါဒမျိုးနဲ့ ဆက်ပြီး မိမိတို့နိုင်ငံ စီးပွားရေးဖွံ့ ဖြိုးတိုးတက်ဖို့ အတွက် အားလုံးဝိုင်းပြီး ရုန်းကြပါဟု တိုက်တွန်း ရေးသားတင်ပြလိုက်ရပါတယ်။

ကျော်စွာမြင့် (ဗ.က.သ ၁၉၉၈-၉၂)
Submitted by Zay Thu on Mon, 10/31/2016 - 12:24 မြန်မာနိုင်ငံရဲ့ သမိုင်းစာမျက်နှာသစ် တစ်ခုအဖြစ် လူထုခေါင်းဆောင် ဒေါ်အောင်ဆန်းစုကြည် ဦးဆောင်တဲ့ ပြည်သူ့ဆန္ဒဖြင့် ရွေးချယ်…
tomorrow.com.mm

No comments: