Thursday, November 3, 2016

ကမ္ဘာ့ စတော့ရှယ်ယာနှင့် ငွေကြေးဈေးကွက် အပေါ် ရိုက်ခတ်လာသည့် အမေရိကန်သမ္မတ ရွေးကောက်ပွဲ

ကမ္ဘာ့ စတော့ရှယ်ယာနှင့် ငွေကြေးဈေးကွက် အပေါ် ရိုက်ခတ်လာသည့် အမေရိကန်သမ္မတ ရွေးကောက်ပွဲ
Thursday, November 3, 2016
 
အမေရိကန် ပြည်ထောင်စု၌ နိုဝင်ဘာ ၈ ရက်တွင် စတင် ရွေးချယ်တော့မည့်
သမ္မတ ရွေး ကောက်ပွဲ၌ ဝင်ရောက် ယှဉ်ပြိုင်ကြမည့် ကိုယ်စားလှယ်လောင်းများ အကြား ပြိုင်ဆိုင်မှုများ ပြင်းထန် လာသည်နှင့်အမျှ ကမ္ဘာ့စတော့ ရှယ်ယာနှင့် ငွေကြေး ဈေးကွက်အပေါ် ရိုက်ခတ်မှု များ ဖြစ်ပေါ်လာသည်ကို တွေ့ရသည်။
ရွေးကောက်ပွဲနှင့် စပ်လျဉ်း၍ ထွက်ပေါ်လာသော မသေချာ၊ မရေရာမှုများသည် ကမ္ဘာ့ ရင်းနှီးမြှုပ်နှံသူများကို လှုပ်လှုပ်ရှားရှား ဖြစ်စေခဲ့သည်။ ကမ္ဘာ့ ရင်းနှီးမြှုပ်နှံသူများ၏ သို့လော၊ သို့လော အခြေအနေများကြောင့် ဂျပန်နိုင်ငံ၏ စတော့ ရှယ်ယာဈေးကွက်တွင် အပြောင်းအလဲများ ဖြစ်ပေါ်ခဲ့ပြီး Nikkei ၏ အစုရှယ်ယာမှာ ၁ ဒသမ ၅ ရာခိုင်နှုန်း ကျဆင်းလာခဲ့သည်။
အလားတူ MSCI's ၏ အာရှ-ပစိဖိတ် ညွှန်းကိန်းမှာလည်း ၁ ဒသမ၂ ရာခိုင်နှုန်းခန့် ကျဆင်း လာခဲ့သည်ကို တွေ့ရသည်။ ထို့ပြင် အာရှနိုင်ငံများရှိ အမေရိကန် စတော့ရှယ်ယာများ၏ အလားအလာသည် အောက်တိုဘာ ၁ ရက်က သုည ဒသမ ၄ ရာခိုင်နှုန်းအထိ ထိုးကျခဲ့သည်။ စတော့ရှယ်ယာ ဈေးကွက်များအတွင်း ယင်းသို့ ပြောင်းလဲမှုများ ဖြစ်ပေါ်လာခြင်းသည် မကြာမီ ကျင်းပတော့မည့် အမေရိကန်သမ္မတ ရွေး ကောက်ပွဲ မတိုင်မီ ဖြစ်ပေါ်လာ သည့် ပြောင်းလဲမှု များကြောင့် ဖြစ်သည်ဟု Daiwa Securities မှ ကျွမ်းကျင်ပညာရှင် ဟီရိုကာဇူကာဘေယာ က ပြောကြားထား သည်။
ရွေးကောက်ပွဲ မတိုင်မီ ထွက်ပေါ်လာ သည့် ပြောင်းလဲမှုများကြောင့် တချို့ စီးပွားရေး လုပ်ငန်းရှင်များနှင့် ရင်းနှီးမြှုပ်နှံ သူများသည် ၎င်းတို့၏ ရပ်တည်ချက်များနှင့် စပ်လျဉ်း ၍ ပြန်လည်သုံးသပ် နေကြပြီဖြစ်သည်။
ဒီမိုကရက်တစ်ပါတီမှ ကိုယ်စားလှယ်လောင်း ဟီလာရီကလင်တန်က ပြိုင်ဘက် ရီပတ်ဘလစ် ကန်ပါတီမှ ဒေါ်နယ်လ်ထရမ့်ပ်အား လူထုထောက်ခံမှု အသာစီးဖြင့် ရပ်တည်နေခဲ့သော်လည်း ကလင်တန်၏ နိုင်ငံခြားရေး ဝန်ကြီးအဖြစ် တာဝန် ထမ်းဆောင်စဉ်က ထွက်ပေါ်လာခဲ့သည့် အီးမေးလ် အရှုပ်တော်ပုံကြောင့် အက်ဖ်ဘီအိုင်က စုံစမ်းစစ်ဆေးမှုများ ပြန်လည် ပြုလုပ်ခဲ့ပြီး နောက်ပိုင်း ရင်းနှီးမြှုပ်နှံသူများကြား စိုးရိမ်မကင်းမှုများ ပေါ်ထွက်လာခဲ့သည်။
အက်ဖ်ဘီအိုင် အဖွဲ့၏ စုံစမ်းစစ်ဆေးမှုများကြောင့် ထရမ့်ပ်နှင့် ကလင်တန်တို့ကြား ကြီးမားစွာကွာဟနေ သည့် လူထုထောက်ခံမှုမှာ ယခုအခါ များစွာ ကွဲပြားခြားနားခြင်း မရှိတော့သည့် အခြေအနေ ကြောင့် ကမ္ဘာ့ ရင်းနှီးမြှုပ်နှံသူတချို့မှာ ပိုမို အာမခံချက်ရှိမည်ဟု ယူဆထားသည့် ဂျပန် ယန်းငွေနှင့် ရွှေတုံးများကို ဝယ်ယူ ရင်းနှီးမြှုပ်နှံခဲ့ကြသည်ကို တွေ့ရသည်။
ထို့ပြင် ထရမ့်ပ်၏ နိုင်ငံခြားကုန်သွယ်ရေး မူဝါဒအရ ဒေါ်လာဈေး ကျဆင်းမှုကို ပိုမိုအလေးထားဖွယ် ရှိသော ကြောင့် ကုန်သည်တချို့မှာ ၎င်းတို့၏ ဒေါ်လာငွေများကို ထုတ်ရောင်းခဲ့ကြသည်။ ထို့ကြောင့် ယူရို ငွေကြေး၏ လဲလှယ်နှုန်းမှာ အောက်တိုဘာ ၁ ရက်က သုံးပတ်အတွင်း အမြင့်ဆုံးအဆင့် သို့ ရောက်ရှိလာခဲ့ပြီး တစ်ယူရိုလျှင် ၁ ဒသမ ၁ဝ၆၉ ဒေါ်လာအထိ မြင့်တက်လာခဲ့သည်။
ထို့ပြင် ဂျပန်ယန်းငွေ၏ လဲလှယ်နှုန်းမှာ အနည်းငယ် မြင့်တက်လာခဲ့ပြီး ပြီးခဲ့သည့် သီတင်း ပတ် အကုန်ပိုင်းက တစ်ဒေါ်လာလျှင် ၁ဝ၅ ဒသမ ၅၄ ယန်းရှိနေခဲ့ရာမှ နောက်ပိုင်းတွင် ၁ဝ၃ ဒသမ ၆၉ ယန်းအထိ မြင့်တက်လာခဲ့သည်။ အလားတူ ရွေးကောက်ပွဲ၏ မသေချာမှုများသည် ရေနံဈေးနှုန်းများ အပြောင်းအလဲ ဖြစ်ပေါ်စေခဲ့သည်ကို တွေ့ရသည်။
ရွေးကောက်ပွဲဝင် အဓိက ပြိုင်ဘက်များ ဖြစ်ကြသည့် ကလင်တန်နှင့် ထရမ့်ပ်တို့သည် ရွေးကောက်ပွဲ၌ အနိုင် ရရှိခဲ့ပါက အခွန်ကောက်ခံခြင်းကို လျှော့ချ၍ အသုံးစရိတ်ကို တိုးမြှင့်ရန် စီစဉ်ထားသော ကြောင့် ယင်းလုပ်ဆောင်ချက်သည် စတော့ရှယ်ယာ ဈေးနှုန်းများကို အပြောင်းအလဲ ဖြစ်စေ နိုင်ပြီး နိုင်ငံအတွင်းရှိ ပုံသေဝင်ငွေ ရရှိသည့် အမေရိကန် ပြည်သူများအပေါ် အကျိုးသက် ရောက်စေမည်ဟူသော အချက်နှင့် စပ်လျဉ်း၍ စိုးရိမ်မှုများ ထွက်ပေါ်လျက်ရှိသည်။
ထို့ပြင် ရွေးကောက်ပွဲတွင် ထရမ့်ပ် အနိုင်ရရှိခဲ့ပါက အမေရိကန် ပြည်ထောင်စု၏ အစုရှယ်ယာ ဈေးနှုန်းများ မြင့်တက်လာနိုင်ပြီး ယင်းရှယ်ယာများကို ပုဂ္ဂလိက ကုမ္ပဏီများထံ အများ အပြား ရောင်းချရနိုင်မည့် အလားအလာရှိသည်ဟု CMC မှ ဈေးကွက်လေ့လာသူ မာဂရက် ယန် က ခန့်မှန်း ပြောကြားထားသည်။
အလားတူ မူဝါဒများကို ပြောင်းလဲရန် စိတ်အားထက်သန်နေသည့် ထရမ့်ပ်၏ ရပ်တည်မှု ကြောင့် ရွေးကောက်ပွဲတွင် ၎င်းသာ အနိုင်ရရှိပါက အမေရိကန် ပြည်ထောင်စု အတွင်းရှိ စစ်ဘက် ကန်ထရိုက်တာများနှင့် အရပ်ဘက် အခြေခံ အဆောက်အအုံဆိုင်ရာ ကော်ပိုရေးရှင်း များ အနေဖြင့် အကျိုးထူး ခံစားရဖွယ် ရှိသည်ဟူသော သုံးသပ် ပြောဆိုမှုများလည်း ထွက်ပေါ် လျက်ရှိသည်။
သို့ရာတွင် ထရမ့်ပ်၏ တင်းကျပ်သည့် လူဝင်မှုထိန်းချုပ် ကန့်သတ်ရေး အစီ အစဉ်များသည် အမေရိကန် ပြည်ထောင်စုနှင့် နယ်နိမိတ်ချင်း ထိစပ်နေသည့် မက္ကဆီကို နိုင်ငံ ၏ ပီဆို ငွေကြေး လဲလှယ်နှုန်းကိုပါ ပြောင်းလဲစေခဲ့သည်။ သို့ရာတွင် အမေရိကန်သမ္မတ ရွေးကောက်ပွဲ၌ ထရမ့်ပ်သာ အနိုင်ရရှိခဲ့ပါက အမေရိကန် ပြည်ထောင်စုနှင့် လွတ်လပ်စွာ ကုန်သွယ်ရေး သဘောတူညီချက် ချမှတ်ထားသော ကနေဒါ၊ တောင်ကိုရီးယား၊ သြစတြေး လျနှင့် မက္ကဆီကို စသည့်နိုင်ငံများ အနေဖြင့် အပြုသဘော မဆောင်သည့် အကျိုးဆက်များ နှင့် တွေ့ကြုံရဖွယ်ရှိသည်ဟု မစ်ချီဂန် တက္ကသိုလ်မှ စီးပွားရေးပညာရှင် ဂျက်စတင်ဝုဖာက ပြောသည်။
သို့သော် နိုင်ငံခြားရေး ဝန်ကြီးဟောင်း ကလင်တန်ကသာ ရွေးကောက်ပွဲတွင် အနိုင်ရရှိခဲ့ပါက ၎င်း၏ အကောက် ခွန်နှုန်း ပြောင်းလဲ မှုများသည် နိုင်ငံအတွင်းရှိ ဘဏ္ဍာရေး အဖွဲ့အစည်းကြီးများ ဖြစ်သည့် Goldman Sachs ၊JP Morgan ကဲ့သို့သော အဖွဲ့အစည်းများ အတွက် အပြုသဘော မဆောင်သည့် အကျိုးဆက်များ ကို ဖြစ်ပေါ်စေနိုင်မည်ဖြစ်သည်။
ထို့ပြင် ကလင်တန်၏ အဖိုးနှုန်းသက်သာသည့် ကျန်းမာရေး စောင့်ရှောက်မှုဆိုင်ရာ မူဝါဒ သည် ဆေးနှင့်ဆေးရုံသုံးပစ္စည်း ထုတ်လုပ်ရေး ကုမ္ပဏီများအတွက် အကျိုးကျေးဇူးကို ဖန်တီး ပေးနိုင်ဖွယ် ရှိသည်ဟု လေ့လာသူများက ပြောသည်။
သုံးသပ် ပြောကြားချက်များ မည်သို့ပင် ထွက်ပေါ်လာစေကာမူ သမ္မတ ရွေးကောက်ပွဲကြီး ကျင်းပရန် ရက်သတ္တပတ်မျှပင် မလိုတော့ သည့် အချိန်တွင် ကိုယ်စားလှယ်လောင်း တစ်ဦးဖြစ်သူ ကလင်တန်အနေဖြင့် စုံစမ်းစစ်ဆေးမှု များနှင့် တွေ့ကြုံနေရပြီး ၎င်းနှင့် ထရမ့်ပ်တို့ကြား ရှိနေခဲ့သော လူထု ထောက်ခံမှုနှုန်းမှာ ယခု အခါ အနည်းငယ်မျှသာ ကွာဟလျက်ရှိသောကြောင့် ယခုကျင်းပမည့် ရွေးကောက်ပွဲသည် ခန့်မှန်းရ ခက်ခဲသည်ဟု ဆိုနိုင်သည်။
ယခင်က ကောက်ယူခဲ့သည့် လူထုသဘောထား စစ်တမ်းများအရ ကလင်တန်သည် လူထု၏ ထောက်ခံမှုကို ထရမ့်ပ်ထက် ပိုမို ရရှိခဲ့သော် လည်း ယခုအခါ အခြေအနေမှာ ပြောင်းလဲမှုများ ဖြစ်ပွားလာနိုင်ရာ ရွေးကောက်ပွဲဝင် ကိုယ်စားလှယ်လောင်းများ၏ ကွဲပြားသည့် မူဝါဒများကြောင့် အမေရိကန်သမ္မတ ရွေးကောက် ပွဲကြီးသည် အနည်းနှင့် အများဆိုသလို ကမ္ဘာ့ စတော့ရှယ်ယာနှင့် ငွေကြေးလဲလှယ်မှု နှုန်းများ အပေါ် ဆက်လက်၍
ဂယက်ရိုက်ခတ်နိုင်ဖွယ် ရှိကြောင်း ရေးသား တင်ပြလိုက်ရပါသည်။
မြ၀တီ
ဇေယျဘုန်း
 

No comments: