Monday, November 14, 2016

ဦးနုအုတ်ရိုး၊ ဝန်ကြီးချုပ် နာရီနှင့် လာရီဒိုင်းမွန်းအမှာစကား

ဦးနုအုတ်ရိုး၊ ဝန်ကြီးချုပ် နာရီနှင့် လာရီဒိုင်းမွန်းအမှာစကား

မန္တလေး နန်းတွင်းရာဟု ထောင့်ရှိ မန္တလေးထောင် (အ ဟောင်း)မှာ သမိုင်းမှတ်တမ်းစာအုပ်ကြီးတစ်အုပ်ဟု ဆိုနိုင်လောက်သည်၊ အင်္ဂလိပ်လက်ထက်ကတည်းကရှိခဲ့သောထောင်အိုထောင်ဟောင်းကြီး ဖြစ်လေရာ ရာဇဝင်မှတ်တမ်းတွေ၊ သမိုင်းပုံပြင်တွေ၊ မှတ်စုမှတ်တမ်းတွေ မနည်းမနောရှိသည်။ အထူးသဖြင့် ရှေ့မီနောက်မီ ဝါဒါကြီးများနှင့် ဆုံရလျှင် စိတ်ဝင်စားဖွယ်ရာ ဇာတ်ကွက်ဇာတ်လမ်းတွေ ကြားရတတ်သည်။ စာရေးသူ
ကျောင်းသားဘဝက အဆိုပါ မန္တလေးထောင်သို့ ပထမဆုံးအကြိမ် ရောက်သွားခဲ့ရာ ဆိုခဲ့ပါ ဝါဒါ အိုကြီးတစ်ယောက်ထံမှ မန္တလေး ထောင်ကြီး၏ မှတ်တမ်းမှတ်ရာ အချို့ကို နေရာဒေသနှင့်တွဲပြီး သိကျွမ်းခွင့် ရခဲ့ဖူးသည်။ ဗိုလ်သိန်းဆောင်၊ ဌေးလှတိုက်၊ ဦးနုအုတ် ရိုး စသဖြင့်.. ။


ဗိုလ်သိန်းဆိုသည်မှာ စာရေးသူရောက်စဉ်က အချုပ်သားများ ထားသည့် ‘အချုပ်ဆောင်’ကို ခေါ်ခြင်းဖြစ်သည်။ လွတ်လပ်ရေး ခေတ်ဦးက ထိုအဆောင်တွင် ဗမာပြည်ကွန်မြူနစ်ပါတီမှ ဗိုလ်သိန်း နေခဲ့ဖူးသောကြောင့် ဖြစ်သည်။ (အဆိုပါ ဗိုလ်သိန်းမှာ ပေါ့သေးသေးမဟုတ်။ ဗိုလ်ချုပ်အောင် ဆန်း၊ သခင်သန်းထွန်းတို့၏ ယောက်ဖဖြစ်သည်။ ဒေါ်ခင် ကြည်၊ ဒေါ်ခင်ကြီးတို့၏ မောင် ဖြစ်သည်) သူ့အကြောင်းကို စာ ရေးဆရာကြီး မောင်သာရက ‘‘ကြောင်ကို ဘယ်သူချူဆွဲပေးမလဲ’’အမည်ဖြင့် ဝတ္ထုတစ်ပုဒ်ရေး ဖူးသည်။ ‘ဌေးလှတိုက်’ဆိုသည် ကား ကျောင်းသားခေါင်းဆောင် ကိုဌေးလှကျဆုံးသွားသော (၂) တိုက်ကို ခေါ်ခြင်းဖြစ်သည်။ ‘ဗိုလ် သိန်းဆောင်’၊ ‘ဌေးလှတိုက်’ဆို သော အသုံးအနှုန်းများမှာ စာရေး သူတို့ခေတ်အထိ စွဲကျန်နေရစ် သည်။ အလားတူစွဲကျန်နေသော အမည်နာမ တစ်ခုလည်း ရှိသေးသည်။

‘‘ဦးနုအုတ်ရိုး’’
 ဝါဒါအိုကြီးတစ်ဦး ပြောပြ သော ‘ဦးနုအုတ်ရိုး’၏ ဗျုပ္ပတ်မှာ ယခုလို.. ။ အင်္ဂလိပ်လက်ထက် က အလုပ်ကြီးဘက်မရောက်မီ ထောင်ကျဆောင်ဘက်တွင် အ ဆောင်တစ်ခု သတ်သတ်ရှိသည်။ (ယခုတော့ ဂိုဒေါင်လုပ်ထား သည်။) ထိုစဉ်ကတော့ စာကြည့် တိုက်ဟု သိရသည်။ အင်္ဂလိပ် ခေတ်က နိုင်ငံရေးအကျဉ်းသား တစ်ဦးဖြစ်ခဲ့သော သခင်နုမှာ အဆိုပါစာကြည့်တိုက်ဘေး အုတ်ရိုးအနီးတွင် စာဖတ်လေ့ရှိသည် ဟု ဆိုသည်။ သည်လိုနှင့် တစ်နေ့ အနည်းငယ်နိမ့်သယောင်ရှိသော အုတ်ရိုးကို ငေးရင်း၊ ယခုလိုစဉ်း စားမိသည် ဆိုသတတ်။ ‘‘အင်း.. ဒီနေရာ အုတ်ရိုးက အတော်လေး နိမ့်တယ်။ ငါဒီနေရာက ကျော် ပြေးရင် လွတ်လောက်တယ်’’ သို့ဖြင့် မြန်မာပြည် လွတ်လပ်ရေး ရပြီး ဝန်ကြီးချုပ်ဖြစ်လာသော ဦးနုမှာ မန္တလေးထောင်သို့ ရောက်လာပြီးအဆိုပါအုတ်ရိုးကို မြင်တော့ အတိတ်ကို သတိရပြီး သကာလ ဆိုခဲ့ပါ အုတ်ရိုးကို နှစ်ဆမြင့်လိုက် သည်ဟု ဝါဒါကြီးက ပြောပြပါ သည်။
  ဝါဒါကြီး၏စကား ဘယ် လောက် မှန်၊ မမှန် မသေချာသော်လည်း ဆိုခဲ့သောနေရာရှိ အုတ် ရိုးကြီး၏ အလယ်တည့်တည့် လောက်တွင် ထပ်မြှင့်ထားသော ‘ဆက်ကြောင်း’ရာကြီးကိုမူ ထင် ထင်ရှားရှားမြင်ခဲ့ရပါသည်။
ဝန်ကြီးချုပ်နာရီ
အမေရိကန်ပြည်ထောင်စု တွင် သူတို့၏ သမ္မတကို အကြိတ် အနယ်ယှဉ်ပြိုင်ရွေးချယ်နေကြ စဉ် ချိန်ခါသင့်စွာပင် စာရေးသူတို့ နိုင်ငံတွင်လည်း ရန်ကုန်တိုင်း အစိုးရအဖွဲ့နှင့် နာမည်ကြီး မီဒီ ယာတစ်ခုတို့ကြားတွင် ထိပ်တိုက်
တွေ့လျက်ရှိနေသည်။ ဝန်ကြီး ချုပ်၏ ‘နာရီအရေးတော်ပုံ’နှင့် ပတ်သက်လို့ဖြစ်ပါသည်။ နောက် ဆုံး ရန်ကုန်တိုင်းအစိုးရအဖွဲ့က နာမည်ကြီးမီဒီယာ၏ အမှုဆောင် အရာရှိချုပ်နှင့် အယ်ဒီတာချုပ်တို့ ကို တရားစွဲလိုက်တော့သည်။ ပုဒ်မကား မေးစရာပင်မလို’’ ယနေ့ခေတ်တွင် နာမည်ကြီးနေသော ‘ဆက်သွယ်ရေးဥပဒေ’ ပုဒ်မ ၆၆ (ဃ)ဖြစ်သည်။ ဖဆပလအစိုးရ ခေတ်နှင့် တော်လှန်ရေးကောင်စီ ခေတ်ဦးတုန်းက ‘‘နိုင်ငံတော်လျှို့ဝှက်ချက် ပေါက်ကြားသည့်
ဥပ ဒေ’’မှာ မီဒီယာသမားများနှင့် စာ ပေလောကသားများကို ဒုက္ခပေးခဲ့ဖူးသည်။ မြန်မာဆိုရှယ်လစ်လမ်း စဉ်ပါတီခေတ်နှင့် တပ်မတော် အစိုးရခေတ်တွင်မူ ပုဒ်မ ၅(ည)ဖြစ်လာသည်။ ယခုအရပ်သား တစ်ပိုင်း အစိုးရနှင့် အရပ်သား စစ်စစ် အစိုးရလက်ထက်တွင် ‘ဟော့(ထ)’အဖြစ်ဆုံးဖြစ်လာ သည်ကား ဆိုခဲ့ပါ ပုဒ်မ ၆၆(ဃ)ပင်ဖြစ်တော့သည်။

အမှန်စင်စစ် ဆက်သွယ်ရေး ဥပဒေ ပုဒ်မ ၆၆(ဃ)ကို ယခင် အစိုးရခေတ် ၂၀၁၃ အောက်တို ဘာလတွင် ပြဋ္ဌာန်းခဲ့ခြင်းဖြစ်ရာ အစိုးရဟောင်းကာလ ၂ နှစ်ကျော် ကျော်ကာလအတွင်း ၂၂ မှုရှိခဲ့သည်ဟု သိရသည်။ ယခုအစိုးရ သစ်ကာလ တစ်နှစ်မရှိတတ်သေး မီမှာပင် အနည်းဆုံး ၂၇ မှုရှိနေပြီ ဟု ဆိုသည်။ (၂၀၁၆ နိုဝင်ဘာ ၉ ရက်ထုတ် 7Day News Journal မှ ကောက်နုတ်ချက်) ဤဥပဒေ အရ ‘ဆက်သွယ်ရေးကွန်ရက်တစ် ခုခုကို အသုံးပြုပြီး ပုဂ္ဂိုလ်တစ်ဦး ဦးအား ခြောက်လှန့်တောင်းယူ ခြင်း၊ အနိုင်အထက်ပြုခြင်း၊ မတရားတားဆီးကန့်ကွက်ခြင်း၊ အသရေပျက်ခြင်း၊ နှောင့်ယှက် ခြင်း၊ မလျော်ဩဇာသုံးခြင်း (သို့ မဟုတ်) ခြိမ်းခြောက်ခြင်း’စသော  ပြဋ္ဌာန်းချက်များ ပါဝင်သည်။ ပြောရလျှင် အသရေဖျက်မှုနှင့်ဆိုင် သော ပုဒ်မ ၅၀၀ လို ဥပဒေမျိုးရှိ ပြီးဖြစ်သည်။ သို့တစေ ပုဒ်မ ၅၀၀ ဆိုလျှင် အာမခံရနိုင်သည်။ အမြင့်ဆုံးပြစ်ဒဏ် ၂ နှစ်မျှသာရှိသည်။ ယခု ပုဒ်မ ၆၆(ဃ)နှင့် ဆိုလျှင်ကား အာမခံမရ။ အမြင့်ဆုံးပြစ် ဒဏ် သုံးနှစ်ဖြစ်သည်။ အာမခံ မပေးလို၍ (တစ်နည်း) ချက်ချင်း ဖမ်းဆီးအရေးယူလို၍ ပုဒ်မ ၆၆ (ဃ)ကို အသုံးပြုခြင်းဖြစ်သည်ဟု အလွယ်ယူဆနိုင်သည်။
ထားတော့.. ။ စာရေးသူမှာ ဥပဒေသမားမဟုတ်၍ ဥပဒေဆိုင် ရာ ကိစ္စရပ်များကို အကျယ် မပြောလိုပါ။ ဝန်ခံရလျှင် ဝန်ကြီး ချုပ်၏ နာရီကိစ္စကိုလည်း စိတ် မဝင်စားပါ။ စာရေးသူ စိတ်ဝင်စားသည်က မြန်မာ့ ဒီမိုကရေစီရေး သာဖြစ်သည်။ မြန်မာ့ဒီမိုကရေစီ ၏ လက်ရှိစခန်းဆင့်တွင် အာဏာရပါတီဖြစ်လာသော အမျိုးသား ဒီမိုကရေစီအဖွဲ့ချုပ်ဖြစ်သည်။ အားလုံးသိကြသည့်အတိုင်း အင်န်အယ်လ်ဒီမှာ ရှည်ကြာ၊ ခက်ခဲ ကြမ်းတမ်းလှသော ခရီးရှည်ခရီး ကြမ်းကြီးကို ဖြတ်သန်းပြီးမှ ယခု လက်ရှိအခြေအနေသို့ ရောက်ရှိ လာခြင်းဖြစ်သည်။ စာရေးသူအ နေနှင့်အင်န်အယ်လ်ဒီကို အခြား သော ပါတီများထက် ပို၍စိတ် ရှည်စေချင်သည်။ ပို၍ သည်းခံ စေလိုသည်။ ပို၍ သဘောထား ကြီးစေချင်သည်။ သာမန်အရပ် သားများအမြင်တွင် ‘‘အာဏာမရ ခင်ကတစ်မျိုး၊ အာဏာရတော့ တစ်မျိုး နိုင်ငံရေးဆိုတာ ဒီလိုပါ ပဲ.. ’’ဆိုသည့် အတွေးမျိုး ဘယ် လိုမှ ရမသွားစေချင်.. ။ ယခုအမှု တွင်လည်း ဥပဒေကြောင်းအရ ဝန်ကြီးချုပ်နှင့် ရန်ကုန်တိုင်းအစိုးရ နိုင်ကောင်းနိုင်ပါလိမ့်မည်။ သို့ တိုင် နိုင်ငံရေးအရမူ ရှုံးဖို့များလိမ့် မည်ဟု ထင်သည်။
လာရီဒိုင်းမွန်း အမှာစကား
တစ်နေ့က ကိုအောင်သူငြိမ်း စာရေးသူအိမ်သို့ ရောက်လာ သည်။ သူတို့အဖွဲ့မှ ထုတ်ဝေ သော Myanmar Quarterly မဟာဗျူဟာနှင့် မူဝါဒလေ့လာ ရေးဂျာနယ်ကို လက်ဆောင်လာ ပေးခြင်းဖြစ်သည်။ စာရေးသူမှာ ကိုမင်းဇင်တို့၊ ကိုအောင်သူငြိမ်း တို့ ပါဝင်သော ‘မဟာဗျူဟာနှင့် မူဝါဒဆိုင်ရာ လေ့လာရေးအဖွဲ့’ (Institute for Strategy and Policy)ကို အစောကြီးကတည်း က စိတ်ဝင်စားနေသည်။ ပြောရ လျှင် သူတို့တစ်တွေကိုလည်း
စိတ်ထဲက ကျိတ်အားကျနေမိသည်။ အားလုံးသိကြသည့်အတိုင်း စာ ရေးသူမှာ ဘာပညာကိုမှ ဆုံးခန်း တိုင် သင်ခွင့်မရခဲ့။ ဝါသနာအရ ‘ဟိုဖတ် ဒီဖတ်’လျှောက်ဖတ် ရင်းက ‘တောင်ရေးမြောက်ရေး’ လျှောက်ရေးနေခြင်းသာ ဖြစ် သည်။ ယခင်အစိုးရခေတ်များက တော့ ဖတ်စရာလည်း ရှားသလို ဖြစ်နေ၍ ဟုတ်သယောင်ယောင် ဖြစ်ကောင်းဖြစ်ပါလိမ့်မည်။ ယခု ကိုအောင်သူငြိမ်းတို့လို နိုင်ငံ တကာ ပညာရေးနှင့် နီးစပ်ကျွမ်း ဝင်သူတွေရှိလာပြီဆိုတော့ ‘နေ လာနှင်းပျောက်’ ဖြစ်ရပေလိမ့် မည်။ သူလက်ဆောင်ပေးလာ သော ထိုဂျာနယ်ကို စာရေးသူအ ချိန်မဆိုင်းဘဲ ဖတ်လိုက်ပါသည်။ ပထမဆုံးတွေ့လိုက်ရသော ‘လာရီ ဒိုင်းမွန်း’ အမှာစကား မှစ၍ စွဲသွားသည်။

‘လာရီ’က သောင်ပြိုကမ်း ပြိုအနိုင်ရလိုက်သော ပါတီများ ကြုံရဖွယ်ရှိနိုင်သည့် စိန်ခေါ်ချက် တစ်ရပ်ကို နိုင်ငံတကာ အတွေ့ အကြုံနှင့်ယှဉ်၍ ယခုလိုဖွင့်ဆိုပြသည်.. ။
‘‘နိုင်ငံရေး ပါတီတစ်ခုက ပေါ်ထွန်းစ ဒီမိုကရေစီရွေး ကောက်ပွဲတစ်ခုမှာ သောင်ပြို ကမ်းပြိုနိုင်လိုက်တယ် ဆိုရင် စိန် ခေါ်မှုက ပိုပြီးတော့ အရေးပေါ်အ ခြေအနေ ဖြစ်လာစေပါတယ်။
အခြားသော နိုင်ငံတွေမှာ တွေ့ခဲ့ ရတဲ့ အတွေ့အကြုံအရ ဒီလို သောင်ပြိုကမ်းပြိုနိုင်လိုက်တာ ဟာ အာဏာရှင်စနစ်ပုံစံသစ်တစ် ခုဆီ လျှောကျသွားတတ်ပါ တယ်.. ။’’ ဤစာစုကို ဖတ်နေရင်း မှ စာရေးသူမှာ လွတ်လပ်ရေးရ ပြီး ပထမဆုံး ကျင်းပသော ရွေး ကောက်ပွဲ (၁၉၅၁-၅၂)နှင့် ဒုတိ ယရွေးကောက်ပွဲ ၁၉၅၆ ကြား ကာလ မြန်မာ့ဒီမိုကရေစီရေးနှင့် ပတ်သက်သော ထိုစဉ်က နာမည် ကြီး အမေရိကန်ဂျာနယ်လစ် ရစ်ခ်ျဗတ်ဝဲ၏ သုံးသပ်ချက်ကို
ပြန်သတိရနေမိသည်။ ထိုစဉ်က လည်း ဖဆပလအဖွဲ့ကြီးသာ သောင်ပြိုကမ်းပြိုအနိုင်ရခဲ့ရာ ဗတ်ဝဲက ယခုလိုကောက်ချက်ချ ခဲ့သည်။ ‘‘ဤကာလအတွင်း မြန်မာ့ ဒီမိုကရေစီရေး၏ အဓိကအားနည်းချက်မှာ  အစိုးရကို ထိန်းကျောင်းပေးနိုင်မည့် အတိုက်အခံ အဖွဲ့အစည်း မရှိခြင်းပင်ဖြစ်သည်.. ။’’

လက်ရှိ မြန်မာ့ဒီမိုကရေစီ ရေးကို ‘လာရီ’က ယခုလိုဆက် လက်သုံးသပ်သည်။ ‘‘.. အရင်က အာဏာရှင်စနစ်ကို ကာလရှည် အတိုက်အခံ ပြုသူတွေအနေနဲ့ သူတို့ကိုယ်တိုင် အာဏာရလာ ချိန်မှာ အာဏာရှင်ဝါဒ အပေါ် တိမ်းညွှတ်မှု လက္ခဏာတချို့ ပြသလာတတ်ကြတာ။ မဖြစ်စဖူး ထူး ကဲတဲ့ဖြစ်ရပ်မျိုးတော့ မဟုတ်ပါ ဘူး’’ .. လော့ဒ်အက်တင်ပြောခဲ့ သလိုပဲ ‘‘အာဏာသည် အကျင့် ပျက်စေသည်။ အကြွင်းမဲ့အာဏာ သည် အကြွင်းမဲ့ကို အကျင့်ပျက် စေသည်’’ဆိုသလိုပါ။ ဒါကြောင့် စဉ်ဆက်မပြတ်၊ လွတ်လပ်စွာ အ ကဲဖြတ်မှုတွေနဲ့ မေးခွန်းတွေ ထုတ်နေမှုက ဒီမိုကရေစီတိုင်းအတွက် အင်မတန်အရေးပါတဲ့အချက်ဖြစ် လာပါတယ်.. ။
’’ ‘လာရီ’ပြောသလို ‘စဉ်ဆက်မပြတ်၊ လွတ်လပ် စွာ အကဲဖြတ်မှုတွေနဲ့ မေးခွန်း တွေထုတ်နေရေးကို.. ’’ သဘာဝ ကျစွာ တာဝန်ယူကြရမည်မှာ ‘မီဒီ ယာ’နှင့် ‘အရပ်ဘက်အဖွဲ့အစည်း များ’သာ ဖြစ်ရမည်ဟု Myanmar Quarterly က အဖြေပေးလိုက် သည်ဟု နားလည်လိုက်ပါသည်။ စာရေးသူမှာ မြန်မာနိုင်ငံ၏ ‘မီဒီယာ’နှင့် ‘အရပ်ဘက်အဖွဲ့အစည်းများ’၏ လက်ရှိအခြေအနေကို ‘ဆဝါး’ကြည့်ရင်း ‘မော’နေရတော့သည်။      ။

http://www.7daydaily.com/story/80813

No comments: