Wednesday, November 2, 2016

အမေရိကန်ရွေးကောက်ပွဲအလွန် မြန်မာ-အမေရိကန်ဆက်ဆံရေးအလားအလာ

အမေရိကန်ရွေးကောက်ပွဲအလွန် မြန်မာ-အမေရိကန်ဆက်ဆံရေးအလားအလာ

အမေရိကန်သမ္မတလောင်းနှစ်ဦးဖြစ်သော ဒေါ်နယ်ထရန့်နှင့် ဟီလာရီကလင်တန်တို့ စကားစစ်ထိုးပွဲတွင် အကြိတ်အနယ်ဆင်နွှဲနေစဉ် ဓာတ်ပုံ − အေအက်ဖ်ပီ
ကမ္ဘာ့သြဇာအကြီးဆုံးနိုင်ငံ၏ သမ္မတသစ်၊ ကမ္ဘာ့အင်အားအကြီးဆုံးစစ်တပ်၏ တပ်မတော်ကာကွယ်ရေးဦးစီးချုပ်သစ်ဆိုသည့် ကုလားထိုင်နှစ်ခုစလုံးကို ဟီလာရီကလင်တန်ထိုင်ခွင့်ရတော့မည်လား(သို့မဟုတ်)ဒေါ်နယ်ထရန့် ထိုင်ခွင့်ရတော့မည်လားဆိုသည်ကို ယခုတစ်ပတ်အတွင်း အမေရိကန်နိုင်ငံသားများက ဆုံးဖြတ်မဲပေးကြပါမည်။ နိုဝင်ဘာ ၈ ရက်သည် မြန်မာအပါအဝင် ကမ္ဘာ့တစ်ဝန်းက လူတိုင်းစောင့်ကြည့်နေကြသည့်အမေရိကန်ပြည်ထောင်စုသမ္မတရွေးကောက်ပွဲနေ့ ဖြစ်ပါသည်။
အမေရိကန်၏ ၄၅ ယောက် မြောက် သမ္မတနှင့် ၄၈ ယောက် မြောက် ဒုသမ္မတတို့ကို ယခု ၂၀၁၆ရွေးကောက်ပွဲက အဆုံးအဖြတ် ပေးမည်ဖြစ်သည်။ အမျိုးမျိုးသော တတိယပါတီနှင့် တစ်သီးပုဂ္ဂလ သမ္မတလောင်းများလည်း ယှဉ် ပြိုင်နေကြသည့်အနက် ဒီမိုကရက် တစ်ပါတီမှ သမ္မတလောင်း ဟီလာရီကလင်တန်နှင့် ရီပက်ဘလေ ကန်ပါတီမှ  သမ္မတလောင်း  ဒေါ် နယ်ထရန့်တို့က ထိပ်ဆုံးက  ပြေး နေကြသည်။ ၎င်းတို့နှစ်ဦး အကြိတ်အနယ်ယှဉ်ပြိုင်နေခဲ့ကြရင်း ရွေး ကောက်ပွဲနီးလာသည်နှင့်အမျှ ဟီ လာရီက နှာတစ်ဖျားသာနေသည် ဟု အမေရိကန်သတင်းဌာနများက အစီရင်ခံသည်။ အနိုင်ရသူကို ၂၀၁၇ ဇန်နဝါရီ ၆ ရက်တွင် တ ရားဝင်ကြေညာမည်ဖြစ်သည်။ အ နိုင်ရသူသည် ၂၀၁၇ ဇန်နဝါရီ ၂၀ ရက်တွင် သမ္မတသစ်နှင့် တပ်မ တော်ကာကွယ်ရေးဦးစီးချုပ်သစ် ဆိုသည့် ရာထူးနှစ်ခုကို ရရှိပြီး အိမ်ဖြူတော်သို့ လှမ်းဝင်ရမည်ဖြစ် သည်။ ထိုနေ့တွင်ပင် အမေရိကန် ပြည်ထောင်စု၏ ခေါင်းဆောင် သစ်သည် ကျမ်းသစ္စာကျိန်ဆိုရ မည်ဖြစ်သည်။ အသက်(၆၉)နှစ် အရွယ်  နိုင်ငံခြားရေးဝန်ကြီး ဟောင်း ဟီလာရီသာ ရွေးကောက် တင်မြှောက်ခံရလျှင် ၎င်းသည် အ မေရိကန်သမိုင်းတစ်လျှောက် ပထမဆုံး အမျိုးသမီးသမ္မတဖြစ်လာ တော့မည်ဖြစ်သည်။ အကယ်၍ အသက်(၇၀)အရွယ် စီးပွားရေးလုပ်ငန်းရှင် ထရန့်သာ ရွေးကောက်တင်မြှောက်ခံရလျှင် ၎င်းသည် အမေရိကန်သမိုင်းတစ်လျှောက် အသက်အကြီးဆုံးသမ္မတဖြစ်လာပေလိမ့်မည်။

ဒေါ်အောင်ဆန်းစုကြည်နှင့် ဟီလာရီကလင်တန်တို့ ၂၀၁၂ တွင် ရင်းနှီးစွာနှုတ်ဆက်စဉ် (ဓာတ်ပုံ − အေအက်ဖ်ပီ)

ဘဲဥပုံရုံးခန်း၏သော့ကို အ နိုင်ရရှိသူအပေါ် မူတည်၍ အကျိုး ဆက် သက်ရောက်မှုရှိမည့်နိုင်ငံ တစ်နိုင်ငံမှာ မြန်မာဖြစ်ပါသည်။ သမ္မတလောင်းနှစ်ဦးသည် အ ကြမ်းဖျင်းအားဖြင့် တံခါးဖွင့်ဝါဒ နှင့် အမေရိကန်ကောင်းစားရေး တံခါးပိတ်ဝါဒဆိုသည့် ဆန့်ကျင် ဘက် နိုင်ငံခြားရေးမူဝါဒနှစ်မျိုးကို ကိုင်ဆွဲထားကြသည်။ ပထဝီဝင် နိုင်ငံရေး၊ စီးပွားရေး မဟာဗျူဟာ များအရ အာရှတွင် ခြေကုပ်ယူရန် ကြိုးစားနေခဲ့သော အမေရိကန် အနေဖြင့် ထိုင်း၊ ဖိလစ်ပိုင်စသည့် အရှေ့တောင်အာရှနိုင်ငံများနှင့် အစဉ်တစိုက် ဆက်ဆံရေးကောင်း ရှိခဲ့သော်လည်း လတ်တလော ဖိ လစ်ပိုင်သမ္မတသစ်နှင့် ဆက်ဆံ ရေး၊ တရုတ်နှင့်နီးကပ်သယောင် ဖြစ်လာသော ထိုင်း၏ခြေလှမ်း စ သည်တို့ကြောင့် အာဆီယံတွင် အ လားအလာအကောင်းဆုံးမဟာ မိတ်မှာ မြန်မာသာရှိသည်ဟု လေ့ လာဆန်းစစ်သူများက သုံးသပ်ကြ သည်။ ဤအနေအထား၌ အမေ ရိကန်သမ္မတလောင်းနှစ်ဦး၏မြန် မာမူဝါဒ၊ မြန်မာနှင့်ဆက်ဆံရေး သမိုင်းတို့မှာ အခရာကျလာသည်။

အမေရိကန်ရွေးကောက်ပွဲကို တစ်ကမ္ဘာလုံးက စောင့်ကြည့်နေကြသည်။ (ဓာတ်ပုံ −  ရိုက်တာ)

ထရန့်သမ္မတဖြစ်လျှင်
  ရီပက်ဘလေကန်သမ္မတ လောင်းသာ ရွေးကောက်ပွဲနိုင် လျှင် မြန်မာအပါအဝင် အရှေ့ တောင်အာရှအပေါ် မည်သည့် သက်ရောက်မှုရှိမည်နည်းဆိုသည် ကို မည်သူမျှ တပ်အပ်သေချာမသိ သေးပေ။ သို့သော် ထရန့်၏မဲဆွယ် ပွဲကြေညာချက်များအရ ၎င်းသာ အနိုင်ရလျှင် ယနေ့ ကမ္ဘာက သိရှိ ထားသော အမေရိကန်နိုင်ငံခြား ရေးမူဝါဒမှာ ဇောက်ထိုးမိုးမျှော် ပြောင်းလဲသွားနိုင်ခြေရှိသည်။ ၎င်း ၏နိုင်ငံခြားရေးမူဝါဒမှာ အမေရိ ကန်သည်သာ ပထမဟူ၍ ဖြစ်၏။
‘‘အမေရိကန်သည်သာ ပထ မဆိုတာဟာ ကျွန်တော့်အစိုးရအ ဖွဲ့ရဲ့ ထိပ်တန်းအရေးကြီးဆုံး ခေါင်းစဉ်ဖြစ်လိမ့်မယ်။ ထရန့်အ စိုးရအဖွဲ့လက်အောက်မှာ ဘယ် အမေရိကန်နိုင်ငံသားမှ သူတို့ရဲ့ လိုအပ်ချက်ဟာ နိုင်ငံခြားတိုင်း ပြည်တွေက နိုင်ငံသားတွေပြီးမှ ဒုတိယဦးစားပေးဖြစ်နေရတယ်ဆို တဲ့ ခံစားချက်မျိုး ဘယ်တော့မှ ထပ်ခံစားရတော့မှာ မဟုတ်ဘူး’’ဟု ထရန့်က ပြောကြားခဲ့သည်။
ထရန့်၏ပြောကြားချက်များ က ကာလရှည်ကြာ လက်တွဲခဲ့ သော မဟာမိတ်များနှင့် ဆက်ဆံ ရေးအာမခံချက်မရှိခြင်း၊ ကုန် သွယ်ရေးသဘောတူညီချက်များ ဖြတ်တောက်ခြင်း၊ နိုင်ငံတကာလူ သားချင်းစာနာထောက်ထားမှုဥပ ဒေမလိုက်နာခြင်း အစရှိသည့် အင်အားကြီးသူ အနိုင်ယူ သဘောတို့ ကို ညွှန်ပြခဲ့သည်။ အရှေ့တောင် အာရှနှင့်ပတ်သက်၍ မှတ်သား လောက်စရာ ဘာတစ်ခုမှ မပြော ကြားထားသော်လည်း ၎င်း၏တံခါးပိတ်အထီးတည်း သဘောထား ကြောင့် အရှေ့တောင်အာရှတွင် အခြေစိုက်စခန်းများချထားသော အမေရိကန်တပ်ဖွဲ့များ ပြန်လည် ရုပ်သိမ်းမှုဆီ ဦးတည်နိုင်ကြောင်း လေ့လာသူအချို့က သုံးသပ်ကြ သည်။ အရှေ့တောင်အာရှနှင့်အ မေရိကန်ကြား သံတမန်ဆက်ဆံ ရေးသည် တစ်ခါတည်း ပျောက် ကွယ်မသွားလျှင်တောင် လျော့ပါး သွားလိမ့်မည်ဟူ၍လည်းကောင်း၊ အရှေ့တောင်အာရှ အကြောင်း တစ်လုံးတစ်ပါဒမျှ မဟဖူးသော ထရန့်အနေဖြင့် အာဆီယံဆိုသည် ကိုပင် ကြားဖူးဟန်မတူ ဟူ၍လည်းကောင်း အချို့က ဆိုကြသည်။
‘‘ဒေါ်နယ်ထရန့်က မြန်မာနိုင် ငံအရေးနဲ့ပတ်သက်လို့ ဘယ်တုန်း ကမှ ပါဝင်ပတ်သက်ခဲ့မှုမရှိသလို  သုံးသပ်ပြောကြားမှုတွေလည်း မ တွေ့ရပါဘူး။ ဒါကြောင့်မို့လို့ ဟီ လာရီကလင်တန် သမ္မတဖြစ်သ လောက်တော့ နီးကပ်တဲ့ဆက်ဆံ ရေးမျိုး ဖြစ်လာဖို့ကတော့ မဖြစ်နိုင်ဘူးလို့ ကျွန်တော်ထင်ပါတယ်’’ဟု အမေရိကန်နိုင်ငံ မေရီလန်းတွင် ဌာနချုပ်အခြေစိုက်ခဲ့သော ပြည် ထောင်စုမြန်မာနိုင်ငံ အဝေး ရောက် အမျိုးသားညွန့်ပေါင်းအစိုး ရအဖွဲ့(NCGUB)၏ကုလသမဂ္ဂ ဆိုင်ရာတာဝန်ခံဟောင်း ဒေါက် တာသောင်းထွန်းက ပြောသည်။
မြန်မာနိုင်ငံကို ဟီလာရီက လင်တန်နှင့်အတူ လာရောက်ခဲ့ဖူး သော အမေရိကန်၏အရှေ့အာရှ နှင့် ပစိဖိတ်ရေးရာလက်ထောက် နိုင်ငံခြားရေး ဝန်ကြီးဟောင်း ကာ့တ်ကမ်းဘဲလ်က ထရန့်နှင့် ပတ်သက်၍ အာရှအနေဖြင့် စိုးရိမ်ပူပန်မှု ကြီးမားနေကြောင်းထောက်ပြသည်။ အိုဘားမားအစိုးရ၏ ‘အာရှဗဟိုပြုဆုံလည်ဝင်ရိုး မဟာဗျူဟာ’ကို ခေါင်းဆောင်စီမံဖန်တီးခဲ့သူလည်းဖြစ်သည့် ကမ်းဘဲလ်က ၎င်း၏လတ်တလောသွား ရောက်ခဲ့သော အာရှတစ်ဝန်းခရီးစဉ်များ၌ တွေ့ရှိချက်အရ စီးပွားရေးတိုးတက်မှုနှေးကွေးနေခြင်း၊ မြောက်ကိုရီးယား၏နျူကလီးယား စမ်းသပ်ရန်စခြင်း၊ တရုတ်၏လူတတ်ကြီးလုပ်မှု ပိုများလာခြင်းစသည်တို့ကို စိတ်ပူသည်ထက်   အမေရိကန်သမ္မတလောင်းအနေအထားနှင့် ပတ်သက်၍ ပူပန်ကြောင့်ကြမှုများနေကြောင်း ကြားသိခဲ့ရသည်ဟု ကမ်းဘဲလ်က နယူးယောက်ရှိ ဉာဏ်ကြီးရှင်အဖွဲ့တစ်ဖွဲ့ဖြစ်သော နိုင်ငံခြားဆက်ဆံရေး ကောင်စီ၌ ပြောကြားသည်။
‘‘ထရန့်ဟာ စီးပွားရေးသမား  ပါ။ တရုတ်ကိုလည်းမကြိုက်ဘူး။ မက္ကဆီကို၊ ဥရောပကိုလည်း မကြိုက် ဘူး။ မြန်မာဆိုရင် သူသိချင်မှသိ မှာ။ သိတာတောင်အလေးထားအ ရေးယူမှုရှိမှာမဟုတ်ဘူး။ သူ့အ တွက် အကျိုးစီးပွားမှ ရှိမှာမဟုတ် ဘူး။ မြန်မာနဲ့ဆက်ဆံရင် အမေရိ ကအတွက် အရှုံးပဲရှိမယ်။ အားလုံး အပေးပဲရှိတယ်လေ။ ဒါကိုထရန့် က စီးပွားရေးအမြင်နဲ့ ကြိုက်မှာမ ဟုတ်ဘူး။ ထရန့်နိုင်ရင် မြန်မာ ပြည်အတွက် သိပ်မကောင်းဘူးလို့ မြင်တယ်’’ဟု ကယ်လီဖိုးနီးယား လော့စ်အန်ဂျလိစ်တွင် နေထိုင်နေ သော ရှမ်းတိုင်းရင်းသားဒေါက်တာ စိုင်းထွေးမောင်ကပြောသည်။
မဟာဗျူဟာနှင့် လေ့လာရေးအင်စတီကျု့ဒ်၏သင်တန်းရေးရာ ဒါရိုက်တာ ဦးအောင်သူငြိမ်းကလည်း ‘‘သမ္မတလောင်းထရန့်ကတော့ Political Novice ( နိုင်ငံရေးမှာတော့ ကိုရင်လေးသဖွယ်) ၀ါသိပ်မရှိလှဘူးလို့ တင်စားပြောနေကြပါတယ်။ သူက သံတမန်ရေးမူဝါဒတွေ တိတိကျကျထုတ်ဖော်ပြောတာလည်း အားနည်းပါတယ်။ အထူးသဖြင့် မြန်မာနိုင်ငံအရေးဆိုရင် အစိမ်းသက်သက်ဖြစ်နေလောက်ပါတယ်။ တချို့ဂျာနယ်တွေအရဆိုရင် ထရန့်ရဲ့ အာရှမူဝါဒဟာ ကပ်ဆိုက်ဖွယ် (Disaster)လို့လည်းပြောနေကြပါတယ်။ အာရှတိုက်က မဟာမိတ် ဂျပန်၊ တောင်ကိုရီးယားတို့က အမေရိကန်ကို  မှီခိုကပ်စားနေသလို အခမဲ့နေ့လယ်စာ (Free Lunch) ယူစားနေကြသလိုတောင်ပြောဆိုခဲ့တာရှိပါသေးတယ်’’ဟု သုံးသပ်သည်။

၂၀၁၁ ဒီဇင်ဘာလက ဒေါ်အောင်ဆန်းစုကြည်နှင့် ဟီလာရီတို့ တွေ့ဆုံခဲ့စဉ် (ဓာတ်ပုံ−အေအက်ဖ်ပီ)

ဟီလာရင်ကလင်တန်သာသမ္မတဖြစ်လာလျှင်
ဟီလာရီကလင်တန်သည် နှစ် ပေါင်းငါးဆယ်ကျော်အတွင်း မြန် မာနိုင်ငံသို့ ပထမဆုံးအလည်လာခဲ့ သည့် အမေရိကန်နိုင်ငံခြားရေးဝန် ကြီးဖြစ်သည်။ ၎င်းသည် မြန်မာနှင့် ပတ်သက်လျှင် ရင်းနှီးသောပုဂ္ဂိုလ် ရေး၊ နိုင်ငံရေးဆက်ဆံမှုရှိသည်ဟု လူအများက သိထားကြသည်။ ၂၀၁၁က ဟီလာရီ၏ မြန်မာခရီးစဉ်အတွင်း အတိုက်အခံခေါင်းဆောင်၊ လက်ရှိနိုင်ငံတော်၏ အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည်နှင့် စိတ်လှုပ်ရှားထိခိုက်စရာ တွေ့ဆုံ မှုရှိခဲ့ပြီး ၎င်းသည် ဒေါ်အောင်ဆန်း စုကြည်ကို မိတ်ဆွေသူငယ်ချင်းလို လူသိရှင်ကြား မကြာခဏ ခေါ်ဝေါ်သူဖြစ်သည်။ ဒီချုပ်အနိုင်ရသော ၂၀၁၅ ရွေးကောက်ပွဲကို ချီးကျုးအားပေးခဲ့သူလည်းဖြစ်သည်။
၎င်းနိုင်ငံခြားရေးဝန်ကြီးအ ဖြစ် တာဝန်ထမ်းဆောင်စဉ် ကမ္ဘာ တစ်ဝန်း အလည်အပတ်သွား ရောက်ခဲ့သော ခရီးများအပေါ် အ ခြေခံရေးသားထားသော စာမျက် နှာ ၆၀၀ ကျော်ပါသည့် ‘ Hard Choices ’အမည်ရှိစာအုပ်တွင် မြန် မာအကြောင်း အခန်းတစ်ခန်းလုံး သီးသန့်ရေးသားခဲ့သည်။ အာရှ-ပ စိဖိတ်နိုင်ငံများအနက် တရုတ်က လွဲလျှင် ထိုကဲ့သို့အလေးထားသိ သာထင်ရှားမှုပြုခံရသောတစ်နိုင်ငံ တည်းသောနိုင်ငံအဖြစ် မြန်မာက မှတ်ကျောက်တင်ခံရသည်။
‘‘အာရပ်နွေဦးက အရှေ့အ လယ်ပိုင်းမှာ တောက်ပြောင်မှုအ ရောင်မှိန်နေချိန်မှာပဲ မြန်မာက တော့ အာဏာရှင်စနစ်ကနေ ဒီမို ကရေစီဆီကို ငြိမ်းငြိမ်းချမ်းချမ်းအ သွင်ကူးပြောင်းမှုဆိုတာတကယ့် ကို ဖြစ်နိုင်ခြေရှိပါတယ်ဆိုတဲ့မျှော် လင့်ချက်အသစ်ကိုကမ္ဘာကို ပေး အပ်နေခဲ့ပါတယ်’’ဟု ကလင်တန် က ရေးသားခဲ့သည်။
၂၀၁၅ မြန်မာရွေးကောက်ပွဲ အမျိုးသားဒီမိုကရေစီအဖွဲ့ချုပ်အ နိုင်ရခြင်းကို ချီးကျူးစဉ်ကလည်း မြန်မာကဲ့သို့ နိုင်ငံတစ်နိုင်ငံတွင် နိုင်ငံရေးအပြောင်းအလဲကို မြှင့် တင်ခြင်းသည် အမေရိကန်နိုင်ငံခြားရေးမူဝါဒအနေဖြင့် ဆက်လက်ကြိုး ပမ်းသင့်သည့် ပန်းတိုင်မျိုးပင်ဖြစ်သည်ဟု ဟီလာရီကဆိုခဲ့သည်။ ယင်းမှာ ၎င်းတစ်ဦးတည်း၏ အောင်မြင်မှုမှတ်တမ်းအတွက်သာ မဟုတ်ဘဲ ပထ၀ီဝင်နိုင်ငံရေးအရ ၎င်း၏ ချဉ်းကပ်မှုကို ထောက်ပြ ခြင်းသာဖြစ်သည်ဟုဆိုသည်။
‘‘ကျွန်မနိုင်ငံခြားရေးဝန်ကြီး တာဝန်ထမ်းဆောင်နေခဲ့တုန်းက ဆိုရင် မြန်မာနိုင်ငံမှာ တကယ့်စစ် မှန်တဲ့တံခါးဖွင့်မှုတစ်ခုဆီ တိုး တက်မှုကို အားပေးပြုစုမြေတောင် မြှောက်ဖို့အတွက် သမ္မတအိုဘား မားနဲ့ ကျွန်မဟာ ဒေါ်အောင်ဆန်းစု ကြည်ရယ်၊ မြန်မာနိုင်ငံက အခြား သူတွေရယ်နဲ့ လက်တွဲလုပ်ဆောင် ခဲ့ကြပါတယ်။ လွတ်လပ်မှုနဲ့ ဂုဏ် သိက္ခာကို ရှာဖွေကြတဲ့ မြန်မာ နိုင်ငံသားတွေနဲ့အတူ၊ ကမ္ဘာတစ် ၀န်းက လူတိုင်းလူတိုင်းနဲ့အတူ အမေရိကန်ပြည်ထောင်စုက ဆက်လက်ရပ်တည်သွားမယ်ဆို တာကို သမ္မတတစ်ယောက်အနေ နဲ့ ကျွန်မ သေချာအောင်လုပ်ပါ မယ်’’ဟု သမ္မတလောင်း ဟီလာရီ ကလင်တန်က ပြောထားသည်။
၎င်းသည် အိုဘားမားအစိုးရ ဖော်ဆောင်နေသော အာရှဗဟိုပြု ဆုံလည်ဝင်ရိုး မဟာဗျူဟာကို ဆက်လက်ဖော်ဆောင်မည့် အ လားအလာရှိသည်။ ထို့အတူ ၎င်း ကူညီမိတ်ဆက်ခဲ့သော ပစိဖိတ် ဖြတ်ကျော်မိတ်ဖက်မှု (TPP) ကုန် သွယ်ရေးသဘောတူညီချက်ကို လည်း ဆက်လက်အကောင်အ ထည်ဖော်မည်ဖြစ်သည်။ ထို့အ တူ အာရှ၏ တံခါးပွင့်လာနေသော စီးပွားရေးအတွက် အဓိက ပြဿ နာတစ်ရပ်ဖြစ်သည့် ရာသီဥတု ပြောင်းလဲမှုအရေးကိုလည်း ၎င်း က အရေးပေါ်ခြိမ်းခြောက်မှုဟု ခေါ်ဝေါ်သုံးနှုန်းထားသည်။
မြန်မာ့အရေး ကျွမ်းကျင်သူ ၀ါရင့်သတင်းစာဆရာကြီး ဘာ တေးလ်လင့်တနာကလည်း ဟီလာ ရီကလင်တန် သမ္မတဖြစ်လျှင် မြန်မာနှင့်ဆက်ဆံရေးအလားအ လာ ကောင်းသလို အမေရိကန် အနေဖြင့် အရှေ့တောင်အာရှတွင် အလားအလာအရှိဆုံး မဟာမိတ် အဖြစ် မြန်မာကိုသာ ရွေးစရာရှိနေ ကြောင်း သုံးသပ်ပြောကြားသည်။
‘‘ဟီလာရီကလင် တန်က မြန်မာနိုင်ငံရဲ့ယနေ့ ဒီမိုကရေစီ အသွင် ကူးပြောင်းရေးနဲ့ မြန်မာနိုင်ငံရဲ့ လူ့အခွင့်အရေး အခြေအနေကို ပိုပြီးတော့ နားလည် သဘောပေါက်မှု ရှိတယ်။ မစိမ်းဘူးပေါ့။ ဒါကြောင့်မို့လို့ ဟီလာရီကလင်တန် သမ္မတဖြစ်လာလို့ရှိရင် အမေရိကန်နဲ့ မြန်မာကြားမှာပိုပြီးတော့ နီးကပ်တဲ့ ဆက်ဆံရေးကတော့ ရှိနိုင်ပါတယ်’’ဟု ငြိမ်းချမ်းရေးနှင့် လူမှုတရားမျှတမှု ဖော်ဆောင်ရေးအဖွဲ့ အမှုဆောင် ဒါရိုက်တာ ဒေါက်တာ သောင်းထွန်းကဆိုသည်။
ဦးအောင်သူငြိမ်းကလည်း‘‘ဟီလာရီ သမ္မတ ဖြစ်လာရင် လည်း အရင်သူနိုင်ငံခြားရေး ၀န် ကြီးအဖြစ် တာဝန်ထမ်းဆောင် တုန်းက မူဝါဒ‘ Rebalancing Asia Policy’ (အာရှချိန်ခွင်လျှာ ပြန်ညှိ ရေးမူဝါဒ) အရ မြန်မာနိုင်ငံကိုအ ရေးတကြီး ထည့်သွင်းစဉ်းစားဖွယ် ရှိပါသေးတယ်။ အထူးသဖြင့် အင် အားကြီးတရုတ်နိုင်ငံနဲ့ ချိန်ခွင်လျှာ ညှိချင်တဲ့သဘောပေါ့။ သူတို့ပြော ထားတာ အာရှတိုက်က မဟာမိတ် တွေက အမေရိကန်ပြည်ထောင်စု အတွက် မရှိမဖြစ်အရေးကြီးတယ်  (Strong alliances and partner ships in the Asia Pacific are vital to the United States)လို့ ဆို  ကြပါတယ်’’ဟု ပြောသည်။
မည်သူ သမ္မတဖြစ်ဖြစ်
အမေရိကန်ပြည်ထောင်စု၏ ဖွဲ့စည်းပုံအခြေခံဥပဒေအရ အစိုး ရနှင့် လွှတ်တော်သည် အပြန်အ လှန်စစ်ဆေးဟန်ချက်ညှိ ထိန်း ကျောင်းမှုဖြင့် အာဏာခွဲဝေကျင့် သုံးမှုရှိသည်။ ထို့ကြောင့် အစိုးရ အဖွဲ့အနေဖြင့် လွှတ်တော်၏ သ ဘောတူညီမှုမပါဘဲ ထင်တိုင်းလုပ် နိုင်ခြင်းမရှိ၍ နိုင်ငံခြားရေးမူဝါဒက ချက်ချင်းသိသိသာသာပြောင်းလဲ ဦးမည်မဟုတ်ဟု ဆိုသည်။
‘‘ဘုရ်ှရဲ့ ရီပက်ဘလေကန် အစိုးရလက်ထက် အာရှနဲ့ဆက် ဆံရေး၊ သူ့နောက်ပိုင်း ဒီမိုကရက် တစ်အစိုးရလက်ထက် အာရှနဲ့ ဆက်ဆံရေးမှာဆိုရင် ဒီမိုကရက် တစ်အစိုးရလက်ထက်မှာ အာရှ အတွက် ပိုကောင်းလာတယ်လို့ အာရှနိုင်ငံတွေဘက်က ထင်ကြ တယ်။ တကယ်တော့ တစ်ဖက်မှာ ပိုကောင်းတာရှိသလို တစ်ဖက်မှာ ဆန့်ကျင်ဘက်လည်း ရှိကောင်းရှိ နိုင်ပါတယ်။ ပါတီကို အခြေခံပြော လို့မရပါဘူး။ အမေရိကန်ပြည် ထောင်စုဟာ မိတ်ဆွေကောင်းအ နေနဲ့ ဆက်လက်ရပ်တည်သွားမှာ ပါပဲ။ မြန်မာ့ဒီမိုကရေစီအသွင် ကူးပြောင်းမှုကို ထောက်ခံပြီးတော့ ပြောင်းလဲမှုအရှိန်ပိုမြင့်လာဖို့နဲ့ စီး ပွားရေးတိုးတက်လာဖို့အတွက် ဆက်လက်ကူညီမယ့် မူဝါဒရှိပါ တယ်’’ဟု မြန်မာနိုင်ငံတွင် တာဝန် ထမ်းဆောင်ခဲ့သော အမေရိကန် သံတမန်တစ်ဦးက ပြောသည်။
အမေရိကန် အစိုးရအဆက် ဆက်အနေဖြင့် မြန်မာ၏ ပြည် တွင်းငြိမ်းချမ်းရေး၊ လူ့အခွင့်အ ရေး၊ ဒီမိုကရေစီရေး၊ မူးယစ်ဆေး ၀ါးနှင့် လူကုန်ကူးမှုတိုက်ဖျက်ရေး စသည့် အရေးကိစ္စများအပေါ် ဆက်လက်ဆန်းစစ်ဝေဖန်မှုများ ပြုလုပ်လေ့ရှိကြောင်းကို ၎င်းက ထောက်ပြသည်။
 ‘‘ပထ၀ီနိုင်ငံရေးအရဆိုလို့ ရှိရင် အမေရိကန်နိုင်ငံဟာ အာဆီ ယံနဲ့ အရှေ့အာရှနဲ့ စီးပွားရေးအရ၊ နိုင်ငံရေးအရ၊ လုံခြုံရေးအရ ပိုပြီး တော့ နီးနီးကပ်ကပ်သွားဖို့၊ ပူး ပေါင်းဆောင်ရွက်ဖို့ ပေါ်လစီဘက် ကို ပြောင်းနေပါတယ်၊ သွားနေပါတယ်။ အဲဒီလိုသွားတဲ့နေရာမှာ လည်း မြန်မာနိုင်ငံဟာ အရှေ့ တောင်အာရှနဲ့ တောင်အာရှလမ်း ဆုံ မဟာဗျူဟာမြောက်နေရာမှာ ရှိတဲ့အတွက်ကြောင့်မို့လို့ ပထ၀ီ နိုင်ငံရေးအရလည်းပဲ အမေရိကန် အစိုးရတွေဟာ မြန်မာနိုင်ငံနဲ့ဆက်ဆံရေးကို ပိုပြီးတော့ အလေးထားလာတယ်။ နှစ်နိုင်ငံ ပူးပေါင်းဆောင်ရွက်မှုတွေ ပိုမြင့်မားလာဖို့ကြိုးစားအားထုတ်လာတဲ့ အနေအထားတွေရှိပါတယ်။ ဒီအခြေခံသဘောတရားတွေကတော့ ဘယ်သူတက်တက် သိပ်ပြီးတော့ ပြောင်းလဲသွားမယ် မထင်ပါဘူး’’ဟု ဒေါက်တာသောင်းထွန်းက သုံးသပ်သည်။
ဒီချုပ်အစိုးရတက်ပြီး ဒေါ် အောင်ဆန်းစုကြည်၏ ပထမဆုံး အမေရိကန်ခရီးစဉ်ကို စက်တင် ဘာက သွားရောက်ခဲ့ရာတွင် ၎င်း အနေဖြင့် မည်သည့်ပါတီဘက်ကို မျှ သိသိသာသာ ဘက်ယိမ်းမှုမပြခဲ့ ဘဲ ထိန်းထိန်းသိမ်းသိမ်းရှိခဲ့သည်။ သို့သော် ၎င်း၏ အိမ်ဖြူတော်ခရီး စဉ်မှာ အိုဘားမားအစိုးရ၏ အာရှ မူဝါဒကို မီးမောင်းထိုးပြခြင်းဖြစ် သည်ဟု အမေရိကန်သတင်းဌာန CNN က ဖော်ပြခဲ့သည်။ သမ္မတ လောင်း ဟီလာရီနှင့် ရင်းနှီးသော ဒေါ်အောင်ဆန်းစုကြည်အနေဖြင့် ယခုကဲ့သို့ အမေရိကန်ရွေးကောက်ပွဲနီးကာလတွင် သွားရောက်ခြင်းကြောင့် ရီပက်ဘလေကန်နှင့် ဒီမိုကရက်တစ်နှစ်ပါတီကြား တစ်ဖက်ကို ပိုလိုလားမှုပြသခြင်းဖြစ်နိုင်၍ မသွားသင့်သေးကြောင်း၊ ကန်အစိုးရသစ်လက်ထက်ကျမှသာ သွားသင့်ကြောင်း ဝေဖန်သူအချို့ပင် ရှိခဲ့သည်။ ဒေါ်အောင်ဆန်းစုကြည်သည် ခရီးစဉ်အတွင်း ၎င်း၏ မိတ်ဆွေ ဟီလာရီနှင့် တွေ့ဆုံမှုမရှိခဲ့ဘဲ နှစ်ပါတီစလုံးက မြန်မာ့အရေးလှုပ်ရှားသူ အမေရိကန်အမတ်များနှင့်တွေ့ ဆုံမှုသာပြုလုပ်ခဲ့သည်။
အစဉ်အလာအားဖြင့် အမေ ရိကန် ကွန်ဂရက်သည် မြန်မာနိုင်ငံ အရေး နိုင်ငံခြားရေးမူဝါဒနှင့်ပတ် သက်၍ မြန်မာ၏ ဒီမိုကရေစီအ သွင်ကူးပြောင်းရေးနှင့် ဖွံ့ဖြိုးတိုး တက်ရေးအတွက် တွန်းအားပေး သော ဥပဒေကြမ်းများကို ပြုစုပြ ဋ္ဌာန်းခဲ့သည်။ သမ္မတအိုဘားမား လက်ထက်တွင် မြန်မာနှင့် အမေရိ ကန်ကြား အပြုသဘောဆက်ဆံ ရေး တိုးတက်မှု ပြောင်းလဲလာခဲ့ သည်။ ယင်းမှာ မြန်မာနိုင်ငံ၏ နိုင်ငံ ရေးအသွင် ကူးပြောင်းမှုနှင့် တံခါး ဖွင့်ဝါဒ ကျင့်သုံးလာမှုကြောင့် ဖြစ် သည်။ မြန်မာအပေါ် ပိတ်ဆို့မှုများ ဖြေလျှော့ရုပ်သိမ်းရန်၊ မြန်မာနှင့် စေ့စပ်ညှိနှိုင်းရန် တွန်းအားပေး ကြိုးပမ်းခဲ့ကြသူများထဲတွင် ဒီမိုက ရက်တစ်နှင့် ရီပက်ဘလေကန် နှစ်ပါတီစလုံးက အမတ်များပါဝင် ကြသည်။ ထို့ကြောင့် မည်သူ သမ္မတဖြစ်လာဖြစ်လာ ကွန်ဂရက် ၏ သဘောထားများနှင့် ပြဋ္ဌာန်း ထားသော ဥပဒေများက ထိုအ တိုင်း ဆက်လက်ရှိနေမည်ဖြစ်ပြီး ယင်းတို့က အမေရိကန်သမ္မတ၏ မြန်မာနိုင်ငံဆိုင်ရာ နိုင်ငံခြားရေး မူဝါဒအပေါ် လွှမ်းမိုးမှုရှိနေဦးမည် ဟု ဆိုသည်။
   သို့သော်အမေရိကန်နိုင်ငံရေးတွင် ကိုယ်ဖြစ်ချင်သည်ကို လော်ဘီလုပ် စည်းရုံးတိုက်တွန်းကြခြင်းက အရေးပါကြောင်းကိုလည်း ဦးအောင်သူငြိမ်းထောက်ပြသည်။ အမေရိကန်စီးပွားရေးအရေးယူပိတ်ဆို့ဒဏ်ခတ်မှုအလွန်ကာလအတွက် မြန်မာရေးရာမူဝါဒသည် လေဟာနယ်ဖြစ်နေသည်ဟုဆိုသည်။
‘‘ ဒါကို မြန်မာအစိုးရဘက်က လက်ဦးမှုရှိရှိ၊ အစီအစဉ်ရှိရှိ၊ဘယ် သူပဲ သမ္မတဖြစ်လာဖြစ်လာ တိုက် တွန်းစည်းရုံးမှုလိုအပ်ပါတယ်လို့ ကျွန်တော်မြင်ပါတယ်’’ဟု ဦးအောင်သူငြိမ်းက အကြံပြုသည်။

http://www.7daydaily.com/story/79691

No comments: