Tuesday, November 8, 2016

တော်လှန်ရေးပြီးတဲ့နောက်

တော်လှန်ရေးပြီးတဲ့နောက

ယခုရက်ပိုင်း လူမှုကွန်ရက်၌ ၂၀၁၅ နိုဝင်ဘာ ရွေးကောက်ပွဲ နှင့် ပတ်သက်သည့် အမှတ်တရ ရုပ်ပုံလွှာများ ပြန်တက်နေသည် ကို တွေ့ရသည်။ ရွေးကောက်ပွဲ အောင်နိုင်ရေး စည်းရုံးလှုပ်ရှားမှု များအဖြစ် ရန်ကုန်တိုင်းဒေသကြီး အတွင်း သွားလာစည်းရုံးခဲ့သည့် အင်န်အယ်လ်ဒီပါတီ၏ ဖျော်ဖြေ ရေးကားကြီးမှအစ ရုပ်ရှင်သရုပ် ဆောင်နှင့် အဆိုတော်များ၏ နယ်လှည့်ဖျော်ဖြေ စည်းရုံးမှုများ၊ ဆိုက်ကားဆရာများ၏ နဖူးစည်းအနီ၊ ခွပ်ဒေါင်းအလံ တလူလူ တက်ကြွမှုများအထိ လူမှုကွန် ရက်စာမျက်နှာတွင် ပြန်တွေ့နေရ သည်။
ဘာမျှမကြာသေးဟု အား လုံးစိတ်၌ ထင်ကြသော်လည်း တစ်နှစ်ပြည့်ခဲ့ပြီဖြစ်၏။ မကြာ သေးသည့် အတိတ်ပုံရိပ်များကို ကြည့်ရှုရင်း အိမ်ရှေ့မှ တံခါး ခေါက်သံတဒေါက်ဒေါက် ကြားရ ၍ သွားဖွင့်ကြည့်လိုက်သောအခါ ရပ်ကွက်ထဲမှ ရာအိမ်မှူးဖြစ်နေ သည်။
  ကထိန်ရက်ဖြစ်၍ ရပ်ကွက်ဓမ္မာရုံအတွက် အလှူလာခံတာပဲ စိတ်ထဲထင်လိုက်မိသည်။ သို့သော်မဟုတ်။ ကြားဖြတ် ရွေး ကောက်ပွဲအတွက် မဲစာရင်းလာ ကောက်ခြင်းဟု ဆိုသည်။
စာရေးသူနေထိုင်ရာ မြို့ နယ်မှ ပြည်သူ့လွှတ်တော်ကိုယ် စားလှယ်သည် အစိုးရအဖွဲ့တွင် ပြည်ထောင်စုဝန်ကြီး ဖြစ်သွား သဖြင့် ၎င်း၏ပြည်သူ့လွှတ်တော် ကိုယ်စားလှယ်နေရာကို ပြန်လည် ရွေးချယ်မည်ဖြစ်ရာ ကြားဖြတ် ရွေးကောက်ပွဲ၌ လစ်လပ်မဲဆန္ဒ နယ်အဖြစ် ပါဝင်လာခြင်းဖြစ်သည်။
အစိုးရသစ်လက်ထက်တွင် ပထမဆုံးအကြိမ် ကျင်းပမည့် ကြားဖြတ်  ရွေးကောက်ပွဲကို ၂၀၁၇ ဧပြီ ၁ ရက်နေ့တွင် ကျင်းပမည်ဖြစ်ကြောင်း ပြည်ထောင်စု ရွေးကောက်ပွဲကော်မရှင်က ကြေ ညာထားသည်။  ကြားဖြတ်ရွေး ကောက်ပွဲအတွက် မဲစာရင်း ကောက်ယူခြင်းလုပ်ငန်းကို နိုဝင် ဘာ ၁ ရက်နေ့မှ ၃၀ ရက်နေ့အထိ ကောက်ယူမည်ဟု သိရသည်။ ရွေးကောက်ပွဲတွင် တိုင်းဒေသကြီး သုံးခုနှင့် ပြည်နယ်ငါးခုတွင် ရှိ သည့် လစ်လပ်မဲဆန္ဒနယ် ၁၉ နေရာရှိကာ ပြည်သူ့လွှတ်တော် အတွက် ကိုးနေရာ၊ အမျိုးသား လွှတ်တော်အတွက် သုံးနေရာ၊ ပြည်နယ်လွှတ်တော်အတွက် ခုနစ်နေရာရှိသည်ဟု သိရှိရသည်။ ထိုလစ်လပ် နေရာများအတွက် တိုင်းဒေသကြီးနှင့် ပြည်နယ်ရှစ်ခု တို့မှ မြို့နယ် ၂၁ မြို့နယ်တို့တွင် ကြားဖြတ်ရွေးကောက်ပွဲများ ကျင်းပမည်ဖြစ်၏။
၂၀၁၅ ပြည်လုံးကျွတ် ရွေး ကောက်ပွဲ ထက်စာလျှင် ယခု အစိုးရသစ်လက်ထက် ကြားဖြတ် ရွေးကောက်ပွဲမှာ ပြည်သူတွေ အတွက် သွေးအေးစရာဖြစ်နေပြီ လားဟု တွေးမိသည်။ ကြားဖြတ် ရွေးကောက်ပွဲ အနိုင်အရှုံးရလဒ် ဆိုသည်မှာ ပြည်လုံးကျွတ် ရွေး ကောက်ပွဲရလဒ်လောက် အခရာ မကျသော်လည်း ရွေးကောက်ပွဲ တွင် မဲအများဆုံးရထားသည့် အာဏာရပါတီအတွက်တော့ လူ ထုထောက်ခံမှုကို ပြန်လည်အစမ်းသပ်ခံရခြင်းဖြစ်သည်။
အနီးစပ်ဆုံး ဥပမာကိုကြည့် ရမည်ဆိုလျှင် ၂၀၁၀ ပြည့်နှစ် ပြည်လုံးကျွတ် ရွေးကောက်ပွဲ၌ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီက အနိုင်ရရှိခဲ့ပြီး အစိုးရ ဖွဲ့စည်းနိုင်ခဲ့သည်။ နောက် ၂ နှစ်အကြာ ၂၀၁၂ တွင် ကြားဖြတ်ရွေးကောက်ပွဲ ကျင်းပရာအင်န်အယ်လ်ဒီ ပါတီ ရွေးကောက်ပွဲဝင်ရောက် ယှဉ်ပြိုင်ခဲ့သဖြင့် ကြားဖြတ်တွင် ကြံ့ခိုင်ရေးပါတီ အပြတ်အသတ် ရှုံးနိမ့်ခဲ့သည်။ ရွေးကောက်ပွဲရလဒ်များ ကိုသာ မူတည်ပြီး သုံးသပ်ရမည် ဆိုလျှင် ၂ နှစ်အတွင်း ကြံ့ခိုင်ရေး ပါတီသည် လူထုထောက်ခံမှု သိသိသာသာ လျော့နည်းခဲ့သည်ဟု တွက်ရမည်ဖြစ်သည်။
သို့ဖြစ်၍ ၂၀၁၇ တွင် ကျင်းပမည့် ကြားဖြတ်ရွေးကောက်ပွဲ သည် ကိုယ်စားလှယ်အရေ အ တွက်အရ အနိုင်အရှုံး အရေး မကြီးသော်လည်း နိုင်ငံရေးဂုဏ် သိက္ခာအရ အရေးကြီးကြောင်း ကို မမေ့သင့်ဟု ဆိုရမည်ဖြစ်၏။ လူထုထောက်ခံမှု အနည်းအများ သည် ပါတီတစ်ခု၏ နိုင်ငံရေး ဂုဏ်သိက္ခာနှင့် တိုက်ရိုက် အချိုး ညီသည်။
၂၀၁၅ ရွေးကောက်ပွဲကျင်းပ စဉ်က ပြည်သူအားလုံး နိုင်ငံရေး ဒီရေက အမြင့်ဆုံး အနေအထားတွင် ရှိခဲ့သည်။ ၂၀၁၀ ရွေးကောက်ပွဲကျင်းပစဉ်ကကဲ့သို့ မဲမပေးလိုက်ရသူများ မရှိရန်၊ ကြိုတင်မဲများ မသမာမှုမရှိရန် ပြည်သူလူထုက ဝိုင်းဝန်းကူညီခဲ့ကြသည်။
မဲစာရင်း မှန်ကန်ရေးအတွက်ရွေးကောက်ပွဲ ကော်မရှင်နှင့် အာဏာပိုင်အဖွဲ့အစည်း များကို ပြည်သူက ဖိအားပေးခဲ့ရုံ မက တစ်အိမ်ဆင်းတစ်အိမ်တက် မဲစာရင်းမှန်၊ မမှန် ကူညီဆောင် ရွက်ပေးခဲ့သည်။ မဲဆွယ်စည်းရုံး ပွဲများတွင်လည်း ပြည်သူလူထု က တက်တက်ကြွကြွ ပါဝင်ခဲ့ကြ သည်။ မဲပေးသည့်နေ့ရောက် သည့်အခါ၌လည်း မိုးမလင်းမီ မဲရုံရှေ့ရောက်နှင့်နေကြသည်။
ယခု ကြားဖြတ်ရွေးကောက် ပွဲတွင်ကော ပြည်သူတွေ ယခင်က လောက် တက်ကြွစွာ ပါဝင်ကြ မည်လားဟု မေးခွန်းထုတ်စရာရှိ လာသည်။ လာမည့် ကြားဖြတ် ရွေးကောက်ပွဲတွင် လစ်လပ်မဲ ဆန္ဒနယ်များ၌ ပြည်နယ်လွှတ် တော်ကိုယ်စားလှယ် နေရာများ ပါဝင်လာသဖြင့် အင်အားကြီး ပါတီများဖြစ်သည့် အင်န်အယ်လ် ဒီပါတီနှင့် ကြံ့ခိုင်ရေးပါတီတို့သာ အကြိတ်အနယ် ယှဉ်ပြိုင်ကြမည့် ပြိုင်ပွဲဟု သုံးသပ်၍ မရနိုင်ဟုထင် သည်။
  ပြိုင်ပွဲတွင် တိုင်းရင်းသား ပါတီများကလည်း အင်နှင့်အား နှင့်  ပါဝင်လာမည်ဖြစ်သည်။
၂၀၁၅ ရွေးကောက်ပွဲတွင် ရှုံးနိမ့်ကာ အာဏာလက်လွှတ်ခဲ့ရ သည့် ကြံ့ခိုင်ရေးပါတီမှာလည်း ပါတီဗဟိုကော်မတီကို အသစ် ပြန်လည်ဖွဲ့စည်းခဲ့ကာ လူထု ထောက်ခံမှုရရန် ဆောင်ရွက်နေ သည်ကို တွေ့ရသည်။ ကြားဖြတ် ရွေးကောက်ပွဲအတွက် ကိုယ်စား လှယ်လောင်းများ ရွေးချယ်ရာ တွင် ယခင်က အထက်ကချပေး သည့် Top Down စနစ်ကို မကျင့် သုံးဘဲ အောက်မှ ရွေးချယ်ပေး သည့် Buttom Up စနစ်ကို ကျင့် သုံးမည်ဟု ဆိုလာသည်။ မကြာမီ က ပြောကြားသော ပါတီဥက္ကဋ္ဌ၏ လူကိုကြည့်ပြီး ရွေးချယ်မည်ဟူ သော စကားကလည်း ပြိုင်ဘက် ပါတီများ လျှော့မတွက်သင့်သော အချက်တစ်ချက်ဖြစ်သည်။
 အာဏာရပါတီ အင်န် အယ်လ်ဒီ၏ လက်ရှိ အနေအထားကို ကြည့်ပါကလည်း လူထု ထောက်ခံမှု ထင်သလောက် လျော့နည်းသွားခြင်းမရှိသည်ကို တွေ့ရသည်။ တစ်နှစ်ဆိုသော ကာလမှာ အာဏာရ အစိုးရအ တွက် သက်တမ်း အလွန်နုနယ်သေးသည်။ ထိုကာလအတွင်း ပြည်တွင်း ငြိမ်းချမ်းရေးမှ အစ တိုင်းပြည် ဖွံ့ဖြိုးရေးအတွက် အင် တိုက်အားတိုက် လုပ်ဆောင်နေ ကြသည်မှာ မျက်မြင်ပင်ဖြစ်၏။ သည်ကြားထဲ ရခိုင်ပြည်နယ် မတည်ငြိမ်မှုများကိုလည်း ကမ္ဘာ့ မျက်နှာစာတွင် သံသယကင်းရှင်း နိုင်အောင် တည်တည်ငြိမ်ငြိမ် ဖြေရှင်းနိုင်ခဲ့သည်။ အင်အားကြီး နိုင်ငံများဖြစ်သည့် တရုတ်၊ အိန္ဒိ ယ၊ ဂျပန်၊ အမေရိကန်တို့နှင့် ချိန် ခွင်လျှာညီမျှသည့် ဆက်ဆံရေး ကိုလည်း ထူထောင်နိုင်ခဲ့သည်။ အဓိက အရေးကြီးသည်မှာ နိုဝင် ဘာလအတွင်း အစီရင်ခံမည့် မြစ် ဆုံအစီရင်ခံစာအပေါ် အစိုးရ၏ ဆုံးဖြတ်ချက်များက ကြားဖြတ် ရွေးကောက်ပွဲအပေါ် တစ်နည်း မဟုတ်တစ်နည်း အကျိုးသက် ရောက်နိုင်ခြင်းဖြစ်သည်။ ကျန် သည့် စီးပွားရေးတုံ့နှေးမှု၊ လွှတ် တော် ကိုယ်စားလှယ်အချို့၏ လူမှုရေး အရှုပ်အရှင်းများက အာဏာရပါတီကို သိသိသာသာ မထိခိုက်နိုင်ဟု ထင်သည်။
 အချုပ်ဆိုရလျှင် ၂၀၁၅ ရွေးကောက်ပွဲသည် ပြည်သူလူထု ၏ ဒီမိုကရေစီစနစ်ကို အသွင်ကူး ပြောင်းစေလိုသော တော်လှန်ရေး တစ်ရပ်ဖြစ်ကြောင်း ပြန်လည် သတိရှိဖို့ လိုပါသည်။ ဒီမိုကရေစီ စနစ်သည် လွတ်လပ်ခွင့်နှင့် ဖွံ့ဖြိုးမှုများကို ဆောင်ကြဉ်းပေးမည်ဟု ပြည်သူက ယုံကြည်သက်ဝင် လျက်ရှိ၏။ လာမည့် ၂၀၁၇ ကြား ဖြတ်ရွေးကောက်ပွဲသည် လွှတ် တော်နှင့်အစိုးရအတွက် အရေး ကြီးသည့် ရလဒ်မဟုတ်သော် လည်း ပါတီများ၏ နိုင်ငံရေး ဂုဏ်သိက္ခာအတွက်သော်လည်း ကောင်း၊ ဒီမိုကရေစီ အမြစ်တွယ် မှု အတွက်သော်လည်းကောင်း လွန်စွာ အရေးကြီးပါသဖြင့် ဝင် ရောက်ယှဉ်ပြိုင်ကြမည့် နိုင်ငံရေး ပါတီများ၊ မဲဆန္ဒရှင်များ ပြည်သူများအနေနှင့်  ကြားဖြတ်ရွေး ကောက်ပွဲအပေါ် သွေးအေး၍ မနေသင့်ပါကြောင်း တိုက်တွန်း လိုက်ရပါသည်။     ။

http://www.7daydaily.com/story/80225

No comments: