Sunday, November 6, 2016

အသစ်တက်လာမည့် အမေရိကန်သမ္မတ နှင့် မြန်မာ ရှေ့ရေး

အသစ်တက်လာမည့် အမေရိကန်သမ္မတ နှင့် မြန်မာ ရှေ့ရေး
 
နိုဝင်ဘာ ၆၊ ၂၀၁၆
// Opinion //
 
အမေရိကန်ရွေးကောက်ပွဲ နီးကပ်လာချိန်တွင် ရီပတ်ဘလီကန် ကိုယ်စားပြု သမ္မတလောင်း ဒေါ်နယ်ထရမ့်နှင့် ဒီမိုကရက်တစ် သမ္မတလောင်း ဟီလာရီကလင်တန်တို့သည် မူဝါဒဆိုင်ရာ နယ်ပယ် အများအပြားတွင် အထူးသဖြင့် နိုင်ငံခြားရေး မူဝါဒဆိုင်ရာ အတွေ့အကြုံ အလွန်ကွာခြားကြောင်း ထင်ရှားလာသည်။
ဟီလာရီကလင်တန်သည် နိုင်ငံခြားရေးဝန်ကြီးအဖြစ် မြန်မာနိုင်ငံအပေါ် အကူအညီ တိုးမြှင့်ပေးရေး၊ စီးပွားရေး ပိတ်ဆို့မှုများ ဖြေလျှော့ရေးနှင့် ဒီမိုကရေစီ ပြုပြင်ပြောင်းလဲရေးကို ထောက်ခံကူညီရေးတို့အား ယင်းနှင့် ရင်းနှီးသည့် ဆက်ဆံရေးရှိသူ ဒေါ်အောင်ဆန်းစုကြည်နှင့် ဆွေးနွေးရာတွင် အဓိကနေရာမှ ပါဝင်ခဲ့သည်။

ဒေါ်နယ်ထရမ့်သည် မဲဆွယ်ကာလများတွင် ယင်း၏ နိုင်ငံခြားရေးမူဝါဒ၌ အရှေ့တောင်အာရှဒေသကို ဦးစားပေးအဖြစ် ဖော်ပြခြင်းမရှိပေ။ ဒေါ်နယ်ထရမ့်၏ အထီးကျန်ရပ်တည်သည့် မူဝါဒက ဒေသတွင်းအဓိက ကုန်သွယ်ဖက် နိုင်ငံများနှင့် ဆက်ဆံရေးတွင် ရှုပ်ထွေးမှုများ ဖြစ်ပေါ်စေပြီး တရုတ်နိုင်ငံအတွက် စီးပွားရေးနှင့် စစ်ရေး ပါဝါဖြန့်ကျက်ရန် အခွင့်အလမ်း ရစေသည်။
ဒေါ်နယ်ထရမ့်၏ အငြင်းပွားဖွယ် မဲဆွယ်လှုပ်ရှားမှုများက မြန်မာနိုင်ငံမှ မွတ်ဆလင်ဆန့်ကျင်ရေး အစွန်းရောက် အမျိုးသားရေးဝါဒီ အချို့၏ ထောက်ခံမှုကို မရည်ရွယ်ဘဲ ရရှိလျက်ရှိသည်။
မဘသအဖွဲ့မှ အမျိုးသားရေးဝါဒီ ဘုန်းကြီး ဦးပါမောက္ခက “ကိုရမ်ကျမ်း ရှိနေသရွေ့ အကြမ်းဖက်သမားတွေ ရှိနေမှာပဲ။ ငါတို့နိုင်ငံနဲ့ ဘာသာကို အစ္စလာမ်ခြိမ်းခြောက်မှုက ကာကွယ်ဖို့ ထရမ့်လိုပဲ ကြိုးစားနေတာပါ” ဟု ပြောကြားခဲ့သည်။
မွတ်ဆလင်ဆန့်ကျင်ရေး လှုပ်ရှားမှုများ ပြုလုပ်လျက်ရှိသည့် မြန်မာ အမျိုးသားကွန်ရက် ဥက္ကဋ္ဌ ဦးဝင်းကိုကိုလတ်ကလည်း ထရမ့်ကို ထောက်ခံကြောင်း ပြောကြားခဲ့သည်။ မကြာမီက မကွေးမြို့ ဘုန်းကြီးကျောင်းတစ်ခုသို့ လာရောက်ခဲ့သည့် ဦးဝင်းကိုကိုလတ်က အင်တာဗျူးတစ်ခုတွင် “ဒေါ်နယ်ထရမ့်က မွတ်ဆလင် အန္တရာယ်ကို နားလည်တဲ့အတွက် ကျွန်တော် သဘောကျပါတယ်” ဟု ဖြေကြားခဲ့သည်။

သမ္မတ အိုဘားမား၏ မြန်မာနိုင်ငံအပေါ် ဖြေလျှော့မှုများ က နှစ်နိုင်ငံ ဆက်ဆံရေးကို မြှင့်တင်ပေးခဲ့သော်လည်း ဆက်ဆံရေး အနာဂတ်မှာ အမေရိကန်သမ္မတ သစ်၏ ဦးစားပေးမှုပေါ်တွင် မူတည်လျက်ရှိသည်။ ပို၍ အရေးကြီးသည့်အချက်မှာ အကယ်၍ မြန်မာနိုင်ငံ၏ ဒီမိုကရေစီ ပြုပြင်ရေး လုပ်ငန်းစဉ်တွင် တုန့်နှေးမှုများရှိလာပါက အမေရိကန်သမ္မတသစ်သည် ယခင်က အသုံးပြုခဲ့သည့် အင်အားသုံး ဖိအားပေးသည့် မူဝါဒ ကို ပြန်လည်ကျင့်သုံးနိုင်ခြင်း ဖြစ်သည်။
ဟီလာရီကလင်တန်သည် သံတမန်ရေး အတွေ့အကြုံကြွယ်ဝပြီး မြန်မာနိုင်ငံ ၏ အနာဂတ်အပေါ် စိတ်ဝင်စားမှု အပြည့်အ၀ ရှိသော်လည်း မြန်မာ့ဒီမိုကရေစီ ပြုပြင်ပြောင်းလဲမှုနှင့် ပတ်သက်၍ အချိန်မတိုင်မီ အောင်ပွဲတစ်ခုအဖြစ် သတ်မှတ်ခဲ့သည်ဟု အချို့က ယူဆထားသည်။ မြန်မာနိုင်ငံတွင် အာဏာရှင်အစိုးရက လွတ်လပ်မျှတသည့် ရွေးကောက်ပွဲ ပြုလုပ်ပေးချိန်တွင် ဒီမိုကရေစီ အောင်မြင်မှုဟု ဟီလာရီကလင်တန်က ရေးသားခဲ့သည်။
သို့သော် မြန်မာနိုင်ငံတွင် ယခုအချိန်အထိ စစ်တပ်သည် လွတ်လပ်စွာ စီမံဆောင်ရွက်ခွင့် ရှိပြီး နိုင်ငံရေးအာဏာ ရယူထားဆဲဖြစ်ကာ အခြေခံဥပဒေ ပြင်ဆင်မှုကို တားမြစ်ပိတ်ပင်ခွင့် ရှိနေသည်။ ထို့အပြင် စစ်တပ်တွင် ဒေသဆိုင်ရာ တပ်မှူးများက အရေးပါမှု မြင့်မား သဖြင့် ပြုပြင်ပြောင်းလဲရေး တရားဝင်မူဝါဒများမှာ တစ်နိုင်ငံလုံးတွင် တူညီစွာ သက်ရောက်နိုင်ခြင်းမရှိပေ။ စစ်တပ်သည် မကြာခင် အနာဂတ် ကာလ တစ်ခုအထိ နိုင်ငံရေးအာဏာကို ဆက်လက် ရယူထားလိုစိတ် ရှိနေသည်။

အမှန်တကယ်အားဖြင့် ပြသ၁နာတစ်ခုမှာ အစိုးရကိုယ်တိုင်၏ အားနည်းမှုဖြစ်သည်။ အစိုးရ၏ ထိရောက်မှုတွင် မြန်မာနိုင်ငံသည် အိမ်နီးချင်း နိုင်ငံအားလုံးထက် နိမ့်ကျလျက်ရှိသည်။ နိုင်ငံသားများအတွက် မရှိမဖြစ် ၀န်ဆောင်မှုနှင့် အထောက်အပံ့များပေးနိုင်ရန် အစိုးရတွင် ကန့်သတ်ချက်များစွာ ရှိနေသည်။ စစ်အစိုးရခေတ်တွင် တစ်ဦးတည်း အာဏာချုပ်ကိုင်ရန် ရည်ရွယ်၍ နိုင်ငံရေး၊ စီးပွားရေးနှင့် အရပ်ဖက် အဖွဲ့အစည်းများ အင်အားနည်းစေရန် ပြုလုပ်ခဲ့ခြင်း၏ အကျိုးဆက် ကလည်း လက်ရှိအစိုးရ အားနည်းစေသည့် အကြောင်းရင်း တစ်ခု ဖြစ်သည်။
အစိုးရ၏ စွမ်းဆောင်ရည် ကောင်းမွန်ရန် နေ့ချင်းညချင်း ဆောင်ရွက်၍ မရနိုင်သဖြင့် မျိုးဆက်သစ် နိုင်ငံရေး ခေါင်းဆောင်များ သည် ခေတ်မီ ထိရောက်သည့် အုပ်ချုပ်ရေး ယန္တရားဖြစ်ပေါ်လာရန် လွတ်လပ်စွာ ဆောင်ရွက်ခွင့် ရရန် လိုအပ်သည်။ ထိုကိစ္စရပ်များမှာ နိုင်ငံခြား ရင်းနှီးမြှုပ်နှံမှုများအား ဆွဲဆောင်နိုင်မည့် စွမ်းဆောင်ရည် လိုအပ်သည်။ ထိုကိစ္စရပ်များမှာ အဓိကအားဖြင့် ပြည်တွင်းရေး ကိစ္စဖြစ်သော်လည်း အမေရိကန်နိုင်ငံက နည်းပညာ အကူအညီ၊ ရင်းနှီးမြှုပ်နှံမှုနှင့် ထောက်ပံ့မှုများဖြင့် ထိရောက်စွာ ကူညီနိုင်သည်။
မြန်မာနိုင်ငံနှင့် ပတ်သက်သည့် အမေရိကန်အစိုးရ၏ လက်ရှိမူဝါဒမှာ အကယ်၍ အမေရိကန်သမ္မတ ရွေးကောက်ပွဲတွင် ဟီလာရီကလင်တန် အနိုင်ရခဲ့ပါက မြန်မာနိုင်ငံသည် အမေရိကန်၏ နိုင်ငံခြားရေးမူဝါဒတွင် ဆက်လက် အရေးပါနေမည် ဖြစ်သည်။ ထိုသို့ မဟုတ်ပါက နိုင်ငံတကာ နိုင်ငံရေးတွင် ညံ့ဖျင်းသည့် သမ္မတ ဒေါ်နယ်ထရန့်သည် မြန်မာနိုင်ငံအား ဒီမိုကရက်တစ်စံနှုန်း မပြည့်ဝမှုအတွက် ဖိအားပေး အရေးယူမှုများ ရှိလာနိုင်ပြီး ဒီမိုကရေစီ အစိုးရကို ပိုမိုအားနည်းစေကာ နိုင်ငံခြားရင်းနှီးမြှုပ်နှံမှုများ ၀င်ရောက် လာရန် အတားအဆီး ဖြစ်စေနိုင်သည်။
ဟီလာရီကလင်တန်သည် မြန်မာ့အရေးနှင့် ပတ်သက်၍ အပြုသဘောဆောင်သဖြင့် သူ၏ ပြောကြားမှုများမှာ ဒေသတွင်း အခြေအနေနှင့် ရင်းနှီးမှု မရှိသည့် ထရမ့်နှင့် နှိုင်းယှဉ်ပါက အလွန် ကွာခြားလျက်ရှိသည်။ မြန်မာနိုင်ငံသည် အာဏာရှင် အုပ်ချုပ်ရေးမှ ပြုပြင်ပြောင်းလဲနေချိန်တွင် နိုင်ငံ၏ ရုန်းကန်မှုကို နားလည်သူ တစ်ဦး အမေရိကန်သမ္မတ ဖြစ်လာခြင်းက ပိုမို အကျိုးရှိစေမည်ဖြစ်သည်။ အမေရိကန်၏ လက်ရှိမူဝါဒက အနာဂတ် ဒီမိုကရေစီ ခိုင်မာစေမှုအတွက် သေချာစေခြင်း မရှိသော်လည်း ဆက်ဆံရေး လျော့ကျပါက မြန်မာနိုင်ငံ၏ ဒီမိုကရေစီခရီးကြမ်းမှာ ပိုမိုခက်ခဲမည်ဖြစ်သည်။
The Ladies News

No comments: