Sunday, November 6, 2016

မင်းကိုနိုင် ● မြက်ခင်းပေါ်က သူငယ်ချင်းများ - အပိုင်း (၂)


မင်းကိုနိုင် ● မြက်ခင်းပေါ်က သူငယ်ချင်းများ - အပိုင်း (၂)
(မိုးမခ) နိုဝင်ဘာ ၆၊ ၂၀၁၆

ကိုမင်းကိုနိုင် လူမှုကွန်ရက်စာမျက်နှာပေါ်မှ ပြန်လည်ကူးယူပါသည်။

တကယ်တော့ လူတစ်ယောက်ဘ၀မှာ သူ ထိတွေ့ခံစားကြားမြင်ခဲ့တာတွေ အတိုင်းအတာကိုယ်စီ ရှိကြစမြဲ။ ထိုအထဲမှ မှတ်မိ စွဲလန်းသမျှတွေကသာ သူ့ဘ၀အတွက်သက်ရောက်မှုရှိစမြဲဟု မြင်ပါသည်။ ရှည်လျားသောသီချင်းတစ်ပုဒ် ရုပ်ရှင်တစ် ကား စသည်တို့ကို တစ်ကြိမ်နားဆင် ကြည့်ရှု့ဖူးရုံဖြင့် အစအဆုံးမှတ်မိမည်မဟုတ်။ စွဲလမ်းရာကိုသာ မှတ်မိကြစမြဲ။ အရွယ် ရောက်ပြီးသောလူကြီးတစ်ယောက်အနေဖြင့် တစ်သက်လုံး သင်ဖူးသမျှဆရာအားလုံးကို မှတ်မိမည်မဟုတ်။ ထူးခြားသော (သို့မဟုတ်) သူ့အတွက် မမေ့နိုင်စရာ ကျောင်းသင်ခန်းစာ ပြင်ပဗဟုသုတ အတွေးအခေါ် (သို့မဟုတ်) လူမှုဆက်ဆံရေးမမေ့ နိုင်စရာအဖြစ်တစ်ခု စသဖြင့် ပေးချန်ရစ်ခဲ့သည့်ဆရာမျိုးကိုသာ မှတ်မိတတ်ကြသည်။

ကျနော်တို့ ဖတ်ရှု့ရသော စာပေများမှာလည်း ထိုနည်းတူဟု မြင်ပါသည်။ အထူးသဖြင့် အနုနယ်ဆုံးအရွယ် အတုခိုးလွယ် သည့်ကလေးဘ၀က စာအုပ်များထဲမှ ဇာတ်ကောင်များသည် ဘ၀တစ်လျှောက် သက်ရောက်မှု ကိုယ်စီရှိစေခဲ့သည်ဆိုတာ သတိပြုမိပါသည်။

မုဆိုးကျော်ဖိုးထော် အမဲလိုက်ရင်း ဒုက္ခရောက်အခက်ကြုံတိုင်းတိရစ္ဆာန်လေးတွေက အသာစီးရ။ ထိုအခါတိုင်းမှာတိရစ္ဆာန်တွေ ကို မညှဉ်းပမ်းနဲ့ ညှဉ်းပမ်းတတ်သူသာ ဆုံးရှုံးရမယ်ဟု ပြောနေသယောင်။ တိရစ္ဆာန်လေးတွေကိုသတ်ဖြတ်မယ့်သူကိုယ် တိုင် ဒုက္ခပြန်ရောက်ပြီး ဒေါသတရှုးရှုးထွက်နေသူ မုဆိုးကျော်ကိုကြည့်လျက် ကျနော်တို့ကလေးတွေ ဆင်ခြင်နိုင်ခဲ့ပြီ။

ဒီဘက်ခေတ်တွင် ကာတွန်းမင်းဇော် ၏ ဘိုဘို နှင့် အီးတီတို့မှာ သူငယ်ချင်းအများဆုံး ရထားသည့်သူများပင်။ကလေးတွေက ကာတွန်းဆရာထံ ဖုန်းဆက်မေးကြသည်။ ဘိုဘို တကယ်ရှိလား၊ အီးတီကော နေကောင်းလားဘာတွေလုပ်နေလဲ၊ ဘာတွေ တီထွင်ထားပြန်ပြီလဲဟု တသသမေးကြသည်တဲ့။

ကာတွန်းဆရာက ကလေးတွေဆိုပြီး ပေါ့ဆလို့မရ၊ သူတို့လေးနက်တဲ့ကိစ္စမို့ အမြဲဂရုတစိုက် စဉ်းစားတုန့်ပြန်ရကြောင်း ဖွင့် ဟ၀န်ခံဖူးပါသည်။ ငယ်လွန်းသောကလေးများအတွက် စာချည်းသာ တန်းဖတ်ရန်မဖြစ်နိုင်။ အရုပ်များများ စာနည်းနည်းဖြင့် စတင်မိတ်ဆက် ထိုမှသည် အရုပ်နည်းနည်း၊ စာများများဆီသွားရာမှာ ကာတွန်းစာအုပ်များက အကောင်းဆုံး ပေါင်းကူးဟု မြင်ပါသည်။

ကလေးစာပေမှန်သမျှ သဘာဝတရားနှင့် ရင်းနှီးစေ၊ ချစ်ခင်စေသော ရည်ရွယ်ချက်များ ပါစမြဲဟု ခံစားရပါသည်။ တခါတရံ တော့ ကလေးတွေအတွက် ရည်ရွယ်ရေးထုတ်ရင်း လူကြီးတွေကပါ ၀င်ဖတ်လာ၊ ဝေါဟာရအသုံးအနှုန်းမှအစ လူကြီးကြိုက် ဖြစ်လာတော့ ကလေးအင်္ကျီကို မတော်တရော်အတင်းဝတ်ထားသောလူကြီးလို အတော်ခံစားရခက်ပါသည်။ တကယ်တော့ ကလေးနှင့် သင့်တော် ထိုက်တန်ရုံမျှ ရေးဖွဲ့ခြင်းသာကလေးစာပေဖြစ်သင့်ပါသည်။ ဥပမာ- အင်္ဂလိပ်ဘာသာဖြင့်ထုတ်ဝေသော ကလေးစာပေများတွင် ဝေါဟာရအလုံးရေမည်မျှဟူ၍ ကန့်သတ်စဉ်းစားကြသလိုဖြစ်ပါ၏။ စာပေတခု ရှင်သန်မှုမှာ ကလေး စာပေပေါ်တွင် များစွာမူတည်သည်ဟု ရိုးရိုးပဲယုံကြည်ပါသည်။ အစဉ်ပြောင်းလဲနေသောခေတ်သဘော နည်းပညာ သဘော တို့ကို ဆန့်ကျင်ရန်မရှိပါ။

ပုံနှိပ်ဖြစ်စေ၊ အွန်လိုင်းဖြစ်စေ ကလေးစာပေအားကောင်းဖွံ့ဖြိုးလျှင် ကျေနပ်ပါပြီ။ ဆေးမြစ်ကို သွေးလိမ်း၍ဖြစ်စေ၊ ဆေးရွက် ကို ပြုတ်သောက်၍ဖြစ်စေ လိုရင်းရောက်လျှင် ရပါသည်။ ကလေးတွေ စာမဖတ်ကြဖူးဟု အပြစ်တင်မစောပဲ ကလေးတွေ ဖတ်စရာရှိလာ၊ ရွေးစရာများလာအောင် ကျနော်တို့ လုပ်ပေးကြရပါဦးမည်။

ကလေးစာပေတစ်အုပ်သည် အရွယ်ရောက်သူများပင်လက်ခံရန် သင့်မတင့် ငြင်းရဆဲဖြစ်သော၊ လူမှုအရှုတ်အထွေးများဖြင့် တန်ဆာဆင်အပ်သော ကိုရီးယားဇာတ်လမ်းတွဲများကို လူကြီးတွေအကြား ယောင်နနထိုင်ကြည့်နေရသည့် ကလေးတ ယောက်၏ လေလွင့်ဒုက္ခကိုလည်း ကယ်တင်နိုင်ပါလိမ့်မည်။

ကလေးစာပေတအုပ်သည် အလျားအနံ တထွာတမိုက်မျှဖြစ်သည့်တိုင် ကလေးတို့အတွက် မိုးကုပ်စက်ဝိုင်းကိုမျက်စေ့တဆုံး ကျယ်စေပါလိမ့်မည်။ ထိုမိုးကျယ်မြေပြင်မြက်ခင်းများထက် ကလေးများနှင့်အတူထိုင်ရင်း သဘာဝအလှကို ချစ်ခြင်းအ ကြောင်း၊ လောကကို စောင့်ရှောက်သည့်စာနာစိတ်များအကြောင်း ကလေးချင်းနားလည်သည့်ဘာသာစကားများဖြင့် ပြော ပြနိုင်မည့်သူများမှာလည်း စာအုပ်တွေထဲက ကလေးဇာတ်လိုက်ဇာတ်ရံများပင် ဖြစ်မည်ဟုယုံကြည်နေပါကြောင်း။
မင်းကိုနိုင်
(ကလေးစာပေပွဲတော်အထိမ်းအမှတ် ဆောင်းပါး | ကြေးမုံသတင်းစာ)

 http://blog.moemaka.com/2016/11/blog-post_14.html

No comments: